Tamil Computer Tips

ஓபன் ஆபிஸ் சாப்ட்வேர் டவுண்லோட்!

2010-02-24T21:45:00.000-08:00

மைக்ரோசாப்ட் ஆபீஸ் கூட்டுத் தொகுப்பிற்கு இணையாக அதன் அனைத்து அப்ளிகேஷன்களும் அடங்கியதாக இயங்குவது ஓப்பன் ஆபீஸ் ஆகும். ஆபீஸ் டாகுமெண்ட்ஸ், ஸ்ப்ரெட்ஷீட், பிரசன்டேஷன் மற்றும் பல வகையான பைல்களை உருவாக்கவும், பயன்படுத்தவும் இது வழி வகுக்கிறது. இந்த அப்ளிகேஷன் தொகுப்பு உருவாக்கப் பயன்பட்ட புரோகிராம் வரிகளை யாரும் இன்டர்நெட்டிலிருந்து பெறலாம் என்பதால், பல புரோகிராமர்கள் இதனைச் செம்மைப் படுத்தியுள்ளனர். இந்த ஆபீஸ் தொகுப்பிற்கு பல பாராட்டுரைகள் உலகெங்கும் கிடைத்துள்ளன. இது முற்றிலும் இலவசமே. ஆங்கிலத்தில் வரும் கம்ப்யூட்டர் இதழ்களுடன் வழங்கப்படும் சிடிக்களில் இந்த தொகுப்பு தரப்படுகிறது. ஆனால் அவற்றைத் தேடிச் செல்ல வேண்டியதில்லை. இன்டர் நெட்டிலிருந்து யார் வேண்டுமானாலும் இலவசமாக டவுண்லோட் செய்து கொள்ளலாம். டவுண்லோட் செய்திட நீங்கள் அணுக வேண்டிய இணைய தள முகவரி http://download.openoffice.org/other.html

விண்டோஸ் எக்ஸ்புளோரர்

2010-02-24T21:38:00.000-08:00

விண்டோஸ் டாஸ்க் மானேஜர் (Windows Task Manager) குறித்துக் கேள்விப் பட்டிருப்பீர்கள். அதனைச் சார்ந்து கண்ட்ரோல்+ஆல்ட்+ டெலீட் என்ற சொல் தொடரும் உங்களுக்குத் தெரிந்திருக்கும். ஏதேனும் கிராஷ் ஆனாலோ, அல்லது வழக்கத்திற்கு மாறாக இயங்கினாலோ, இதனை இயக்கிப் பார்ப்பதுதான் சிறந்த தீர்வு. இதனைத் திறந்து பார்த்து வேறு ஏதேனும் ஒரு புரோகிராம் உங்கள் கம்ப்யூட்டரின் திறன் அனைத்தையும் எடுத்துக் கொண்டு இயங்குகிறதா என்று கவனிக்கவும்.

பெரிய போல்டர்களைப் பார்க்கும் போது அல்லது கரப்ட் ஆன தம்ப் நெயில் படங்கள் அடங்கிய பைல்கள் இருக்கும் போது, எக்ஸ்புளோரர் சற்று பின் வாங்கும். அப்போது உங்கள் பைல் பிரவுசிங் பணி தடைப்படும். முதலில் விண்டோஸ் எக்ஸ்புளோரர் செயல்பாடு என்ன என்பதைத் தெரிந்து கொள்ளுங்கள். அது உங்களுக்கும் உங்கள் கம்ப்யூட்டருக்கும் இடையே செயல்படும் ஒரு யூசர் இன்டர்பேஸ். டெஸ்க்டாப், போல்டர், விண்டோஸ் என அனைத்தையும் நீங்கள் காண ஒரு பாலமாக இயங்குகிறது. எக்ஸ்புளோரர் மெதுவாக இயங்கும்; ஆனால் கிராஷ் ஆகாது. எனவே தான் விண்டோஸ் தானாக ரீஸ்டார்ட் ஆகாமல், உங்களிடம் அந்த வேலையை எதிர்பார்க்கிறது.

எக்ஸ்புளோரரை நிறுத்த விண்டோஸ் டாஸ்க் மேனேஜர் செல்லவும். இதில் Processes என்ற டேப்பினைக் கிளிக் செய்திடவும். இது பார்ப்பதற்குச் சற்று குழப்பமாக இருந்தாலும், இதில் கிடைக்கும் தகவல்கள் எளிமையானவையே. இங்குதான் உங்கள் கம்ப்யூட்டரின் பின்னணியில் இயங்கும் புரோகிராம்களின் பட்டியல் காட்டப்படும். சில புரோகிராம்களின் பெயர்கள் வித்தியாசமாக இருக்கும். இதனைப் பற்றிக் கவலைப்பட வேண்டாம். நாம் பார்க்க வேண்டியது Explorer.exe தான். இதனைக் கண்டறிந்த பின், இதன் மீது ஒரு முறை லெப்ட் கிளிக் செய்திடவும். இது ஹைலைட் ஆகும். பின் ரைட் கிளிக் செய்தால் ப்ராசஸ் மெனு கிடைக்கும். அடுத்த ஸ்டெப் எடுக்கும் முன், வேறு விண்டோக்கள் திறக்கப்படவில்லை என்பதனை உறுதி செய்து கொள்ளவும். பின் Explorer.exe என்பதில் லெப்ட் கிளிக் செய்திடவும். இது எக்ஸ்புளோரர் இயங்குவதை நிறுத்தும். இப்போது உங்கள் டெக்ஸ்டாப்பில் உள்ள ஐகான்கள் அனைத்தும் மறைந்து போகும். கவலைப்பட வேண்டாம். அதைத்தான் எக்ஸ்புளோரர் செய்கிறது. இனி விண்டோஸ் இயக்கத்தினை ரீஸ்டார்ட் செய்திட வேண்டும். டாஸ்க் மேனேஜரில் ஒரு பைல் மெனு கிடைக்கும். டாஸ்க் மேனேஜரில் மேலாக உள்ள File என்பதில் லெப்ட் கிளிக் செய்திடவும். அடுத்து New Task என்பதில் லெப்ட் கிளிக் செய்திடவும். இப்போது Create New Task என்று ஒரு டயலாக் பாக்ஸ் கிடைக்கும். இங்கு கிடைக்கும் பாக்ஸ், ரன் பாக்ஸ் போல செயல்படும். பாக்ஸில் explorer என்று டைப் செய்து ஓகே கிளிக் செய்திடவும். இனி உங்கள் டெக்ஸ்டாப், அதன் ஐகான்களுடன் காட்டப்படும். ஆஹா! இயங்கி, முடங்கிய ஒரு புரோகிராமினை நிறுத்தி மீண்டும் இயக்கிவிட்டீர்கள். பெரிய அளவில் பைல் பிரவுசிங் செய்து, தளர்ச்சி அடையும் போதெல்லாம், டாஸ்க் மேனேஜர் மூலம் இந்த புத்துணர்ச்சி கிடைக்கும் வேலையை மேற்கொள்ளலாம்.

கம்ப்யூட்டரை முறையாக இயக்கி உலக வெப்பமயம் ஆவதைத் தடுப்போம்

2010-02-24T21:33:00.001-08:00

இன்றைய சுற்றுப் புறச் சூழல் ஆய்வாளர்கள் அனைவரும் உலக வெப்பமயமாவதைத் தடுக்க அனைத்து முயற்சிகளையும் எடுத்து வருகின்றனர். இதில் கம்ப்யூட்டர் பயன்படுத்துபவர்களும் ஆற்ற வேண்டிய கடமை உள்ளது. இது குறித்து ஆய்வு செய்த டப்ட்ஸ் (Tufts) பல்கலைக் கழகம், சில அறிவுரைகளை வழங்கியுள்ளது. இவற்றைப் பின்பற்றுவதால், ஏற்கனவே நாம் புவி வெப்பமயமாதலில் ஏற்படுத்திய அழிவைச் சரி செய்ய முடியாது என்றாலும், சீதோஷ்ண நிலை மாறிவருவதனை ஓரளவிற்குத் தடுக்கலாம்.
15 நிமிடங்கள் அல்லது அதற்கும் மேலாக (உணவு சாப்பிடுதல், வெகுநேரம் தொலைபேசியில் பேசுதல், மேலதிகாரி அறைக்கு வேலை நிமித்தம் செல்லுதல் போன்றவைகளுக்காக) கம்ப்யூட்டரைப் பயன்படுத்தப் போவதில்லை என்றால், மானிட்டரை ஆப் செய்துவிடுங்கள்.
ஒரு மணி நேரத்திற்கு மேல் கம்ப்யூட்டரைப் பயன்படுத்தப் போவதில்லை என்றால், கம்ப்யூட்டரை நிறுத்திவிடுங்கள். இது காப்பி எடுக்கும் சாதனம், பிரிண்டர், ஸ்கேனர் மற்றும் பேக்ஸ் சாதனங்களுக்கும் பொருந்தும். கம்ப்யூட்டர் ஒன்றை 24 மணி நேரம் தொடர்ந்து இயக்குவதால், ஓராண்டில் அது 1,500 பவுண்ட் கார்பன் டை ஆக்ஸைடை வெளியே அனுப்புகிறது. மரம் ஒன்று ஒவ்வொரு ஆண்டும் 3 முதல் 15 பவுண்ட் கார்பன் டை ஆக்ஸைடை உறிஞ்சுகிறது. அப்படியானால், ஒரு கம்ப்யூட்டர் விடும் கெட்ட காற்றை நீக்கிச் சுத்தப்படுத்த 100 முதல் 500 மரங்கள் வரை தேவையாயிருக்கும்.
நீங்கள் புது கம்ப்யூட்டர் வாங்குவதாக இருந்தால், லேப்டாப் கம்ப்யூட்டரை வாங்குங்கள். லேப்டாப், டெஸ்க்டாப் கம்ப்யூட்டரைக் காட்டிலும் கால் பங்கு மின்சக்தியே பயன்படுத்துகிறது. மானிட்டர் வாங்குவதாக இருந்தால், எல்.சி.டி. மானிட்டர்களையே வாங்கவும். அவை சி.ஆர்.டி. மானிட்டரைக் காட்டிலும் மூன்றில் ஒரு பங்கு சக்தியையே பயன்படுத்துகின்றன.
உங்கள் கம்ப்யூட்டரில் உள்ள பவர் மேனேஜ்மெண்ட் வசதியை அவசியம் பயன்படுத்தவும். கம்ப்யூட்டரை ஸ்டேன்ட் பை மோடில் வைத்திட வேண்டாம்.ஏனென்றால் அந்நிலையிலும், மின்சக்தியை கம்ப்யூட்டர் பயன்படுத்திக் கொண்டு தான் இருக்கும். ஸ்விட்ச் ஆப் செய்தால் தான் இது முற்றிலும் நிறுத்தப்படும்.
மானிட்டரை ஆப் செய்து, பின் மீண்டும் அதனை இயக்குவது சிலருக்கு வரக்கூடிய பழக்கமாக இருக்காது. இவர்களுக்கு உதவிட ஒரு சிறிய அப்ளிகேஷன் புரோகிராம் உள்ளது. இதனை இன்ஸ்டால் செய்து, செட் செய்திட வேண்டிய தில்லை. ஜஸ்ட், டவுண்லோட் செய்து இயக்கினால் போதும். இந்த புரோகிராமின் பெயர் MonitorES (Monitor Energy Saver). இதனை http://monitores.googlecode.com/files/ MonitorES_05.exe என்ற முகவரியில் உள்ள தளத்திலிருந்து இலவசமாகப் பெறலாம்.
இது தானாக மானிட்ட ரை ஆப் செய்கிறது; மீடியா புரோகிராம்கள் பயன்படுத்தவில்லை என்றால் தற்காலிகமாக நிறுத்தி வைக்கிறது. இன்ஸ்டண்ட் மெசஞ்சரையும் பயன் படுத்தாவிட்டால், தற்காலிக செய்தி அனுப்பி நிறுத்தி வைக்கிறது; பெரிய அளவில் ஏற்படும் ஒலியை நிறுத்துகிறது. நீங்கள் உங்கள் கம்ப்யூட்டரிலிருந்து எழுந்து நகர்ந்து, ஆனால் கம்ப்யூட்டர் அருகிலேயே இருந்தால், மானிட்டரை கண்ட்ரோல் + எப்2 அழுத்தி ஆப் செய்துவிடலாம். பின் மீண்டும் கம்ப்யூட்டர் முன் அமர்ந்து வேலை பார்க்கத் தொடங்குகையில், ஏதாவது ஒரு கீயை அழுத்தினால் போதும்.
இதே போல Green Monitor என்றும் ஒரு அப்ளிகேஷன் http://greenutils.com/ Site/GreenUtils.html என்ற முகவரியில் உள்ள தளத்திலிருந்து கிடைக்கிறது. இதனையும் டவுண்லோட் செய்து பயன்படுத்தலாம்.
நாம் இந்த கம்ப்யூட்டர் மானிட்டரை நிறுத்தியா, உலகம் வெப்பமயமாவது தடைபடப் போகிறது என்று எண்ண வேண்டாம். சிறுதுளி பெருவெள்ளம். எனவே உங்கள் பங்கையும் அளியுங்கள். மற்றவர்களையும் இந்த வழியைப் பின்பற்றுமாறு தூண்டுங்கள்.

குரோம் எக்ஸ்டென்ஷன் வசதிகள்

2010-02-24T21:21:00.000-08:00

பயர்பாக்ஸ் பிரவுசருக்கென ஆயிரக்கணக்கில் ஆட் ஆன் புரோகிராம்கள் இருப்பது போல, குரோம் பிரவுசருக்கும் பல கூடுதல் வசதிகளைத் தரும் புரோகிராம்கள், இணையத்தில் இலவசமாகக் கிடைக்கின்றன. இவற்றை எக்ஸ்டென்ஷன் புரோகிராம்கள் என அழைக்கின்றனர். குரோம் பதிப்பு 4 அண்மையில் வெளியான போது, இது போன்ற புதிய வசதிகள் 1,500 இணைக்கப்பட்டுள்ளதாக அறிவிக்கப்பட்டது. இந்த புரோகிராம்கள், நாம் குரோம் பிரவுசர் வழியாக இன்டர்நெட்டில் பிரவுஸ் செய்கையில், கூடுதல் வேலைகளுக்கான வசதிகளை எளிதாகவும், எளிமையாகவும் தருகின்றன. அவற்றில் சிலவற்றை இங்கு காணலாம்.

பாப் அப் விண்டோவில் விக்கிபீடியா: ஏதேனும் ஒரு குறிப்பிட்ட பொருள் குறித்து விக்கிபீடியா தளம் சென்று தேடுபவரா நீங்கள்? நீங்கள் கூகுள் குரோம் பிரவுசரில், இன்டர்நெட் பிரவுசிங் செய்திடுகையில், விக்கிபீடியா பார்ப்பவராக இருந்தால், இனி புதிய டேப் அமைத்து, தளம் திறந்து பார்க்க வேண்டியதில்லை. பார்க்கின்ற தள விண்டோவிலேயே, ஒரு பாப் அப் விண்டோவில் விக்கிபீடியா தளத்தினைக் காணும் வசதி கிடைத்துள்ளது. விக்கிபீடியா கம்பேனியன் (Wikipedia Companion) என்னும் இந்த புதிய வசதி இந்த பாப் அப் விண்டோவைத் தருகிறது. விக்கிபீடியா கம்பேனியன் மூலம், குரோம் பிரவுசர் விண்டோவின் இடது பக்கத்தில் ஒரு விக்கிபீடியா பட்டன் ஒன்றை உருவாக்கலாம். மேலும் நீங்கள் ஒன்றுக்கு மேற்பட்ட மொழிகள் சார்ந்த விக்கிபீடியா தளத்தினைப் பார்ப்பவராக இருந்தால், அதற்கான செட்டிங்ஸையும் மேற்கொண்டு, அதே பாப் அப் விண்டோவில் காணலாம். ஒரே கிளிக் மூலம் இதனை மேற்கொள்ளலாம்.

1. முதலில் கூகுள் குரோம் பிரவுசர் மூலம் கீழ்க்காணும் முகவரியில் உள்ள தளத்திற்குச் செல்லுங்கள். https://chrome.google.com /extensions/detail/dhgpkiiipkgmckicafkhcihkcldbde. இந்த தளம் விக்கிபீடியா கம்பேனியன் என்னும் ஆட் ஆன் எக்ஸ்டென்ஷன் புரோகிராமினைக் கொண்டிருக்கும். அதில் உள்ள இன்ஸ்டால் பட்டனில் கிளிக் செய்தால், Confirm Installation என மீண்டும் ஒரு இன்ஸ்டால் பட்டன் தரப்படும். இதில் கிளிக் செய்தால், இந்த புரோகிராம் இன்ஸ்டால் ஆகும். இதன்பின் விக்கிபீடியா ஐகானைக் கிளிக் செய்து பிரவுசரைத் திறக்கவும். இதில் ஆப்ஷன்ஸ் என்னும் லிங்க்கினைக் கிளிக் செய்தால், எந்த மொழி விக்கிபீடியா முதன்மையானதாகவும் (Primary) எந்த மொழியில் உள்ள விக்கிபீடியா இரண்டாவது நிலையிலும் (Secondary) தேவைப்படும் என்பதனை செட் செய்திடலாம். விக்கிபீடியா தளத்தினை தனி டேப் மூலம் திறக்க விரும்பினாலும், அதன்படி செட் செய்திடலாம்.

2. பிரவுசரில் நோட்பேட் : இன்டர்நெட்டில் பிரவுஸ் செய்கையில், சிறிய குறிப்புகளை எழுத எண்ணுகிறீர்கள். இதற்கென நோட்பேட், வேர்ட்பேட் அல்லது வேறு ஒரு வேர்ட் ப்ராசசரைத் திறந்து, குறிப்புகளை அமைப்பது என்றால், அது சுற்றி வளைத்து வேலை பார்ப்பதாக இருக்கும். இருப்பினும் வேறு வழியில்லை. இந்த சிக்கலைத் தீர்ப்பதற்காக, குரோம் பிரவுசருக்குள்ளாகவே நோட்பேட் இயங்கும் வகையில் ஒரு எக்ஸ்டென்ஷன் புரோகிராம் கிடைக்கிற. குரோம்பேட் (Chrome Pad) என்பது இதன் பெயர். https://chrome.google.com/e xtensions/detail/kodgendbhboaendecabighpnngpodeij என்ற முகவரியில் உள்ள தளத்தில் இந்த புரோகிராமினைப் பெறலாம். இங்கு சென்று அங்குள்ள Install பட்டனில் கிளிக் செய்தால், Confirm Installation என மீண்டும் ஒரு Install பட்டன் தரப்படும். இதில் கிளிக் செய்தால், இந்த புரோகிராம் இன்ஸ்டால் ஆகும். இதன்பின் சிறிய பேட் உங்கள் குறிப்புகளுக்கென கிடைக்கும்.

3.யு–டியூப் சர்ச்: கூகுள் குரோம் பிரவுசரில் ஏதேனும் ஒரு தளத்தினைக் காண்கையில், அந்த பொருள் குறித்த வீடியோ ஏதேனும் யு–டியூப் தளத்தில் உள்ளதா என்று அறிய விரும்பலாம். அப்போது புதிய டேப் ஒன்றைத் திறந்து, அதில் யு–டியூப் தளம் சென்று தேட வேண்டிய திருக்கும். அல்லது சர்ச் பாக்ஸில் உங்கள் வீடியோ குறித்த சொல் கொடுத்துத் தேடிப் பின் மீண்டும் அந்த தளம் செல்ல வேண்டியதிருக்கும். இந்த வேலைப் பளுவினைக் குறைக்கும் வகையில் "Fast YouTube Search" என்னும் எக்ஸ்டென்ஷன் புரோகிராம் ஒன்று தரப்பட்டுள்ளது. இதன் மூலம் யு–டியூப் சர்ச் பட்டன் ஒன்றை பிரவுசரில் ஒட்ட வைத்துக் கொள்ளலாம். இந்த எக்ஸ்டென்ஷன் புரோகிராமினைப் பெற https://chrome.google .com/extensions/detail/ggkljdkflooidjlkahdnfgodflkelkai என்ற முகவரியில் உள்ள தளத்திற்குச் செல்லவும். இங்கு சென்று அங்குள்ள Install பட்டனில் கிளிக் செய்தால், Confirm Installation என மீண்டும் ஒரு Install பட்டன் தரப்படும். இதில் கிளிக் செய்தால், இந்த புரோகிராம் இன்ஸ்டால் ஆகும். பின் அட்ரஸ் பார் வலது பக்கத்தில் "YouTube" என்று ஒரு பட்டன் கிடைக்கும். இதில் கிளிக் செய்தால்,சர்ச் பாக்ஸ் ஒன்று தரப்படும். இதில் உங்கள் தேடுதல் சொற்களை அமைத்துத் தேடவும். அதன்பின் மேக்னிபையிங் கிளாஸ் பட்டனில் கிளிக் செய்து சம்பந்தப்பட்ட வீடியோக்களைக் காணலாம். உங்கள் தேடுதல் சொற்களை அமைக்கும்போதே, அதற்கான சில கூடுதல் குறிப்புகளும் காட்டப்படும்.

4. கால்குலேட்டர்: கூகுள் தேடல் இஞ்சினில் கால்குலேட்டர் இணைந்தே வருகிறது. இதில் சில அடிப்படை கணக்குகள், கரன்சி மாற்றும் கணக்குகள், அளவை அலகு மாற்றங்கள் ஆகியவற்றைக் கணக் கிடலாம். இருப்பினும், ஏதேனும் ஒரு இன்டர்நெட் வெப்சைட்டில் இருக்கையில், அதனை விட்டு இன்னொரு டேப்பில் கூகுள் தேடல் தளம் சென்று, கால்குலேட்டரை இயக்குவது சிரமமாகும். இதனைத் தீர்க்க குரோமி கால்குலேட்டர் ("Chromey Calculator") என்னும் எக்ஸ்டென்ஷன் புரோகிராம் ஒன்று தரப்பட்டுள்ளது. இதன் மூலம் கால்குலேட்டர் பட்டன் ஒன்றை, நேரடியாக குரோம் பிரவுசரிலேயே அமைக்கலாம்.இதில் கிளிக் செய்வதன் மூலம் கூகுளின் கால்குலேட்டரைப் பெற்று இயக்கலாம். இந்த கால்குலேட்டரில் சில மதிப்புகளை (Values) குறியீடுகளுக்கு பொருத்தி கணக்கிடலாம்.
இந்த எக்ஸ்டென்ஷனைப் பெற்று இயக்க https://chrome.google.com/ extensions/detail/acgimceffoceigocablmjdpebeodphgc என்னும் முகவரியில் உள்ள தளம் செல்லவும். மேலே கூறப்பட்டுள்ளபடியே இங்கும் இன்ஸ்டால் செய்திடவும். "Chromey Calculator" இன்ஸ்டால் செய்யப்படும். அட்ரஸ் பாரில் இதற்கான பட்டன் கிடைக்கும். இதனை அழுத்தி கால்குலேட்டரைப் பெற்று இயக்கலாம்.

5. டேப்பில் ரைட் கிளிக் மெனு: இது எக்ஸ்டென்ஷன் புரோகிராம் குறித்தது அல்ல. டேப்கள் செயல்பாடு குறித்தது. கூகுள் குரோம் பிரவுசரில் உள்ள டேப்களில் ரைட் கிளிக் செய்து, கூடுதல் டேப் செயல்பாடுகளுக்கான வசதிகளைப் பெறலாம். இதில் உள்ள டேப்பில் ரைட் கிளிக் செய்தால் மெனு ஒன்று கிடைக்கும். அதில் கீழ்க்காணும் வசதிகள் தரப்படும். அவை:
Duplicate: அப்போது பார்த்துக் கொண்டிருக்கும் தளத் தகவல்கள் இன்னும் ஒரு கூகுள் குரோம் விண்டோவில் நகலாகக் கிடைக்கும்.
Close other Tabs: அப்போதைய டேப் தவிர, மீதம் உள்ள டேப்களில் உள்ள தளங்கள் அனைத்தும் மூடப்படும்.
Close Tabs to the Right: அப்போது தேர்ந்தெடுத்து கிளிக் செய்யப்படும் டேப்பிற்கு வலது பக்கம் உள்ள டேப்கள் அனைத்தும் மூடப்படும்.
Reload: அந்த டேப்பில் உள்ள தளத்தினை மீண்டும் லோட் செய்திடும். இதனை Ctrl + R அழுத்தியும் பெறலாம்.
Close Tab: அந்த டேப்பில் உள்ள தளத்தினை மூடும்.

விண்டோஸ்: சிங்கிள் மவுஸ் கிளிக்
விண்டோஸ் எக்ஸ்பி சிஸ்டத்தில் மவுஸை சிங்கிள் கிளிக் மவுஸாக மாற்றுவது எப்படி என்று வெகு காலம் முன் டிப்ஸாக எழுதி இருந்தேன். அண்மையில் வாசகர் ஒருவர் விஸ்டா மற்றும் விண்டோஸ் 7ல் இதனை எப்படி மேற்கொள்வது என்று கேட்டு மின்னஞ்சல் ஒன்றை அனுப்பி இருந்தார். அப்புறம் தான் இதனை எப்படி மேற்கொள்ளலாம் என்று நான் தேடிப் பார்த்தேன். கிடைத்த தகவல்கள் இதோ! விஸ்டாவில் Start>Control Panel செல்லவும். இதில் கிளாசிக் வியூ இருப்பதனை உறுதி செய்து கொள்ளவும். இல்லை என்றால் மாற்றவும். அதன் பின் "Folder Options" என்பதில் கிளிக் செய்திடவும். விண்டோஸ் 7ல் Start கிளிக் செய்து சர்ச் பாக்ஸில் "Folder Options" என டைப் செய்து என்டர் அழுத்தவும். "Singleclick to open an item" என்பது தேர்ந்தெடுக்கப்பட்டுள்ளதா என்பதனை உறுதிப்படுத்தவும். பின் Apply என்பதில் கிளிக் செய்து, ஓகே கிளிக் செய்து வெளியேறவும்.

கூகுளின் புதிய சோசியல்தளம் - Buzz

2010-02-24T21:11:00.000-08:00

ஐந்தாண்டுகளுக்கு முன் ஜிமெயில் ஜஸ்ட் ஒரு இமெயிலாக மட்டுமே இருந்தது. அதன் பின் சேட் என்னும் அரட்டை மனை, வீடியோ சேட் மனை ஆகியன அதற்குள்ளேயே தரப்பட்டன. ஒரே பிரவுசர் விண்டோவில் இவை அனைத்தும் சாத்தியமே என்று கூகுள் காட்ட, மக்கள் இதில் மொய்த்தனர். ஏனென்றால் மக்கள் தங்களுக்குள் தகவல்களைப் பகிர்ந்து கொள்ளத் துடிக்கின்றனர். தாங்கள் படித்த, கேள்விப்பட்ட தகவல்களை, எடுத்த, அமைத்த போட்டோக்களை மற்றவருக்கு அனுப்பி அவர்கள் கருத்தை, பாராட்டை, திட்டு தலைப் பெற விரும்புகின்றனர். இவர்களுக்கு இணையம் இடம் தரும் வகையில் வளைந்து கொடுக்கிறது.அந்த வகையில் கூகுள் சென்ற வாரம் Buzz என்னும் ஒரு புதிய பரிமாணத்தைச் சேர்த்துள்ளது. இதுவும் ஜிமெயிலுக்குள்ளாகவே அமைக்கப்பட்டுள்ளது. Twitter, FaceBook, Friendfeed என உள்ள சோஷியல் தளங்களில் உள்ள வசதிகளைத் தன் மெயில் தளத்திலேயே கொண்டு வந்துள்ளது கூகுள். இதனை உங்கள் ஜிமெயில் அக்கவுண்ட்டிலேயே பயன்படுத்த வேண்டும் என நீங்கள் விரும்பினால், http://www.google.com/buzz முகவரியில் உள்ள தளம் செல்லுங்கள். அங்கு Try Buzz in GMail என்னும் பட்டன் காட்டப்படும். அதில் கிளிக்கிடுங்கள். உங்கள் ஜிமெயில் இன்பாக்ஸ் காட்டப்படும். உங்கள் ஜிமெயில் அக்கவுண்ட் இணைக்க தேர்ந்தெடுக்கப்பட்டுவிடும். சில நாட்களில் இந்த வசதி உங்கள் மெயில் இன்பாக்ஸ் பெட்டியில் கிடைக்கும். இதில் "Buzz" என ஒரு பட்டன் காட்டப்படும். இதில் அழுத்துவதன் மூலம் பயன்பாடு கிடைக்கும். இதன் மூலம் இணைய தளங்களுக்குச் செல்லலாம். உங்களுக்குத் தெரிந்த தகவல்களை உலகிற்குத் தெரிவிக்கலாம்; அல்லது உங்கள் நண்பர்கள் குழுவிற்கு மட்டும் என வரையறை செய்திடலாம். இதன் மூலம் உங்கள் நண்பர்கள் நீங்கள் எந்த தளங்களுக்கெல்லாம் சென்று தகவல்களைத் தருகிறீர்கள் என்று அறிந்து கொள்வார்கள். அதே போல மற்றவர்கள் "Buzz" மூலம் தரும் தகவல்களையும் நீங்கள் அறியலாம். குறிப்பிட்ட சிலரின் தகவல்களை மட்டும் கூடத் தேர்ந்தெடுத்துப் படிக்கலாம்; அதற்கு உங்கள் பதில் கருத்துக்களைப் பதியலாம். இனம், மொழி, சாதி, நாடு என்ற வேறுபாடற்ற சமுதாயம் அமைய இத்தகைய முயற்சிகள் வழி வகுக்கும் என்று எதிர்பார்த்து இதனை வரவேற்போம்.

நாள் குறித்து இமெயில் அனுப்பும் வசதி!

2010-02-24T21:04:00.000-08:00

பல வேளைகளில், நடக்க விருக்கும் நிகழ்ச்சி தொடர்பாக சில நாட்கள் கழித்து இமெயில்களை அனுப்புவோம் என்று திட்டமிடுவோம். குறிப்பாக பிறந்த நாள் வாழ்த்துகள், திருமண நாள் வாழ்த்துக் கடிதங்கள் ஆகியவற்றைக் குறிப்பிட்ட நாட்களில் அனுப்பினால் தான், பெறுபவர் மகிழ்ச்சி அடைவார். குறிப்பிட்ட நாட்களில் நம் வேலைப் பளுவின் காரணமாக அல்லது மறதியாய் அனுப்பத் தவறிவிடுவோம். முன் கூட்டியே இமெயில்களைத் தயார் செய்து ட்ராப்ட்டாக வைத்திடலாம். ஆனால் குறிப்பிட்ட நாளில் அவற்றை நினைவில் வைத்து அனுப்ப வேண்டுமே. அதைத்தான் நம்மில் பலர் மறந்துவிடுகிறோம். இதற்கு என்னதான் வழி? ஒன்றா, பல வழிகள் உள்ளன. இது போல எதிர்காலத்தில் அனுப்ப வேண்டிய மெயில்கள், குறிப்பிட்ட நாளில் வாரந்தோறும் அல்லது மாதந்தோறும் அனுப்ப வேண்டிய மெயில்கள் என முன்கூட்டியே தயாரித்து வைத்து அனுப்ப பல இணைய தளங்கள் நமக்கு வசதியை அளிக்கின்றன. அவற்றை இங்கு பார்க்கலாம்.

1. LetterMeLater: எதிர்கால இமெயில் அனுப்பும் வசதி களைத் தருவதில் இந்த வசதிதான் சிறப்பாகச் செயல் படுவதுடன், கூடுதல் வசதிகளையும் அளிக்கிறது. http://www.lettermelater.com/ என்ற முகவரியுள்ள தளத்தில் இந்த வசதி அளிக்கப்படுகிறது. இங்கு சென்று உங்கள் மின்னஞ்சல் முகவரியினைக் கொடுக்க வேண்டும். உங்களைப் பதிந்து கொள்ள வேண்டும். பின் மின்னஞ்சல் கடிதத்தினைத் தயார் செய்து, அனுப்ப வேண்டிய முகவரி மற்றும் நாளினையும் பதிந்து வைக்க வேண்டும். உடனேயே உங்களின் பதிவு செய்த மின்னஞ்சல் முகவரிக்கு நீங்கள் பதிந்து வைத்த எதிர்காலத்தில் அனுப்ப வேண்டிய இமெயில் குறித்த செய்தி அனுப்பப்படும். பின் குறிப்பிட்ட நாளில், நேரத்தில் நீங்கள் பதிந்த இமெயில் அனுப்பப்படும். பதிந்த நாளுக்குப் பின், தயாரித்த இமெயில் செய்தியில் ஏதேனும் எடிட் செய்திட வேண்டுமானால் இந்த தளம் சென்று, பாஸ்வேர்ட் கொடுத்து, மெயிலைத் திறந்து சேர்க்கலாம். பைல்களை அட்டாச் செய்திடலாம்.

2. Eternity Message: இந்த வசதியும் மேலே குறிப்பிட்ட வசதியைப் போலவே செயல்படுகிறது. இந்த தளத்தின் மூலம் எச்.டி.எம்.எல். மெசேஜ் தயார் செய்திடும் வசதி கிடைக்கிறது. இதில் ட்ராப்ட் வடிவில் மெயில்களைத் தயாரித்து ஜஸ்ட் சேவ் செய்து வைத்திடலாம். அவற்றை அனுப்ப எண்ணினால், பின் அனுப்ப வேண்டிய தேதி குறிப்பிட்டு மார்க் செய்து வைக்கலாம். இந்த வசதியைப் பெற http://eternity message.com என்ற முகவரியில் உள்ள தளத்தை அணுகவும்.

3. l8r: எதிர்கால இமெயில் சேவை இந்த பெயரில் கிடைக்கிறது. இந்த தளத்தைப் பொறுத்த வரை நீங்கள் மார்க் செய்து வைத்த மின் அஞ்சல்கள் குறித்து, அவ்வப்போது உங்கள் மின் அஞ்சலுக்கு நினைவூட்டுக் கடிதங்கள் அனுப்பப்படும். இது போல நீங்கள் சொல்லியபடி மெயில் குறிப்பிட்ட நாளில் அனுப்பப்பட இருக்கிறது என்று தகவல் அனுப்பப்படும். இதன் மூலம் நாம் குறித்துவைத்தவை நமக்கு நினைவூட்டப்படுகின்றன. இந்த வசதி கிடைக்க http://www.l8r.nu/ என்ற முகவரியில் உள்ள தளத்தினை அணுகவும்.

4. FutureMail: எதிர்காலத்திற்கென மார்க் செய்யப்படும் இமெயில்களை இந்த வசதியின் மூலமும் அனுப்பலாம். அவ்வாறு குறிக்கப்பட்ட மெயில்களை ஆர்.எஸ்.எஸ். பீட்ஸ் ஆகவும் காணலாம். இந்த வசதி http://futuremail.bensinclair.com என்ற முகவரியில் உள்ள தளத்தில் கிடைக்கிறது.

5. Email Future: பத்து ஆண்டுகளுக்குப் பின்பு அனுப்ப வேண்டிய இமெயில் கடிதங்களை எங்காவது பதிந்து வைத்து அனுப்புமாறு செய்திடலாமா? அந்த வசதியை Email Future தருகிறது. இந்த வசதியைப் பெற நீங்கள் அணுக வேண்டிய தள முகவரி –http://emailfuture.com

6. Future Me: எதிர்காலத்தில் அனுப்ப வேண்டிய இமெயில்களைக் குறிப்பிட்டு சேவ் செய்திட முடியும் என்றால், நமக்குத் தேவையான நினைவூட்டும் கடிதங்களையும் எழுதிப் பதிந்து வைக்கலாமே. அவற்றை குறிப்பிட்ட காலத்திற்கு முன்பே அனுப்புமாறு செய்திடலாமே. அப்படிப்பட்ட ஒரு மெயில் வசதிதான் Future Me ஆகும். இதனைப் பெற http://www.futureme.org/ என்ற முகவரிக்குச் செல்லவும்.

7. Email Capsule: இதுவும் எதிர்காலத்தில் இமெயில் அனுப்பும் வசதியாகும். இதனைப் பெற நீங்கள் செல்ல வேண்டிய இணைய தளமுகவரி: http://www.bored.com/ emailcapsules/

8. Mail Freezer : வேடிக்கையான எதிர்கால இமெயில் வசதி இது. இதன் பெயர் கூறுவது போல, இந்த தளத்தில் இமெயில்களை வெகு காலத்திற்கு ப்ரீஸ் செய்து வைக்கலாம். ஒன்று, இரண்டல்ல, நூறு ஆண்டுகளுக்குக் கூட இதில் இமெயில்களைச் சேர்த்து வைக்கலாம். ஆனால் குறிப்பிட்ட ஆண்டு, நாள் குறித்து அனுப்பும் வசதி இதில் இல்லை. இதனைப் பெற நீங்கள் செல்ல வேண்டிய தள முகவரி : http://www.mailfreezr.com/

9. WhenSend: மிக எளிமையான வசதி. மெயிலை எழுதி என்று அனுப்ப என்று குறித்துவிட்டு வந்துவிடலாம். மெயில் சரியாக அனுப்பப்பட்டுவிடும். செல்ல வேண்டிய தள முகவரி: http://www .whensend.com

10. YouScribbleYou: குறிப்பிட்ட கால இடைவெளியில் ஒரு இமெயில் செய்தியினைத் தொடர்ந்து அனுப்ப வேண்டுமா? இந்த வசதி உதவுகிறது. ஒரே இமெயிலை இரண்டு முகவரிகளுக்கு அனுப்பும் வசதியையும் தருகிறது. இதனைப் பெறச் செல்ல வேண்டிய இணைய முகவரி :http://www.youscribbleyou.com

நிகழ்ச்சிக்கேற்ற மேற்கோள் வேண்டுமா....

2008-08-28T05:59:00.001-07:00

ஒரு மனிதனை மூன்று விஷயங்கள் காட்டிக் கொடுக்கும். அவனுடைய கண்கள், நண்பர்கள் மற்றும் அவன் மேற்கோள் காட்டும் சங்கதிகள். நம் கருத்துக்கு வலு சேர்க்க, ஸ்டைலாகப் பேச, விஷயங்களைப் புதிய முறையில் சொல்ல முன்னாள் அறிஞர்கள் கூறிய கூற்றுக்களை நாம் கூறுகிறோம். ஆங்கிலத்தில் கொட்டேஷன் என்று கூறும் இவற்றைச் சரியாகப் பயன்படுத்தினால் நம் பேச்சுக்கு மதிப்பிருக்கும்.

நாம் பேசும் பொருள் பற்றி அறிஞர்கள் கூறியது என்ன என்று எப்படி அறிந்து கொள்வது? இதற்கென ஒரு தளம் http://www.quotesdaddy.com/ என்ற முகவரியில் உள்ளது. ஒவ்வொரு பொருள் குறித்தும் இதில் மேற்கோள்களைப் பெறலாம். அல்லது ஒரு அறிஞர் சொன்னது என்ன என்று தேடித் தரச் சொன்னால் இந்த தளம் அவற்றைத் தருகிறது. நட்பு பற்றி, வாழ்க்கை பற்றி என அன்றாடம் சில கொட்டேஷன்கள் கிடைக்கின்றன. நாம் தேடும் சில குறிப்பிட்ட நிகழ்ச்சிக்கான கொட்டேஷன்களும் தரப்படுகின்றன.

பிறந்த நாள், குழந்தை பிறந்ததை வாழ்த்த, மரண ஊர்வலம், பணி ஓய்வு பெறுதல், திருமணம், ஆண்டு விழா என எந்த ஒரு நிகழ்ச்சிக்கும் ஏற்ற மேற்கோள்களை இதில் பெற்று பயன்படுத்தலம். இந்த தளத்தில் பதிந்து கொண்டால் உங்களுக்கு மேற்கோள்கள் இலவசமாக அனுப்பப்படும். உங்களின் பேச்சினையும் மற்றவர்கள் ஆர்வத்துடன் கேட்க சில கொட்டேஷன்களைப் பயன்படுத்துங்கள். அந்த அளவில் இந்த தளம் ஒரு பயனுள்ள தளமாகும்.

அது என்ன ஹெர்ட்ஸ்

2008-08-28T05:57:00.000-07:00

கம்ப்யூட்டர் தொழில் நுட்பம் பற்றிப் பேசுகையில் நாம் அடிக்கடி மெகா ஹெர்ட்ஸ் மற்றும் கிகா ஹெர்ட்ஸ் என்று பேசுகிறோம், படிக்கிறோம். இந்த ஹெர்ட்ஸ் எதனைக் குறிக்கிறது? ஏன் இந்த பெயர் வந்தது என்று பார்ப்போமா!

ஹெர்ட்ஸ் என்பதனை சுருக்கமாக Hz என்று எழுதுகிறோம். இது Hertz என்பதன் சுருக்கம். இது ஜெர்மன் பிசிக்ஸ் விஞ்ஞானி Heinrich Rudolf என்பவரின் குடும்ப பெயர். ரேடியோ மற்றும் எலக்ட்ரிக்கல் அலைவரிசையினை மெட்ரிக் முறையில் அளந்திட இந்த பெயர் வைக்கப்பட்டது. ஒரு ஹெர்ட்ஸ் என்பது ஒரு விநாடியில் ஏற்படும் ஒரு சுற்று அல்லது அசைவு (ரேடியோ அலைவரிசையில்) கம்ப்யூட்டரைப் பொறுத்த வரை இது மானிட்டருடன் அதிகம் சம்பந்தப்படுத்தி பேசப்படுகிறது. சி.ஆர்.டி. மானிட்டர் (டிவி பெட்டி போல இருப்பது) அதன் ஸ்கிரீன் இமேஜை தொடர்ந்து காட்டாமல் விட்டு விட்டுத் தான் காட்டுகிறது. ஆனால் அதனை நாம் நம் கண்களால் பார்த்தால் கண் கெட்டுப் போகும். எனவே தான் விநாடியில் பலமுறை இது விட்டு விட்டுக் காட்டப்படுகையில் இடைவெளி தெரிவதில்லை. எடுத்துக் காட்டாக 85 Hz என்பதில் விநாடி நேரத்தில் 85 முறை இமேஜ் பின் வாங்கப்பட்டு மீண்டும் காட்டப்படுகிறது. அத்தனை முறை காட்டப்படுவதனாலேயே இமேஜ் அப்படியே நிலையாக நிற்பது போல நாம் உணர்கிறோம்.

மெஹா ஹெர்ட்ஸ் Mehahertz (MHz) ஒரு மெஹா ஹெர்ட்ஸ் என்பது பத்து லட்சம் சுற்றுகளாகும். அதாவது ஒரு விநாடியில் பத்து லட்சம் சுற்றுகள் ஏற்படுகின்றன. இது எப்படி ஏற்படுகிறது என்பதனை படமாகவோ அல்லது வேறு வழியாகவோ விளக்குவது கஷ்டம். கம்ப்யூட்டர் பிராசசரைப் பொறுத்தவரை மெஹா ஹெர்ட்ஸ் என்பது மிகவும் சாதாரணம். ஒரு கம்ப்யூட்டர் பிராசசர் உள்ளாக அமைந்த ஒரு கடிகார துடிப்பினை மையமாகக் கொண்டு செயல்படுகிறது. ஒவ்வொரு துடிப்பிற்கும் ஒரு செயல் மேற்கொள்ளப்படுகிறது. எத்தனை முறை இந்த துடிப்பு ஏற்படுகிறது என்பதுதான் பிராசசரின் கிளாக் ஸ்பீட் என அழைக்கப்படுகிறது. இந்த வேகம் மெஹா ஹெர்ட்ஸ் என்பதில் அளக்கப் படுகிறது.

முதலில் வந்த பெர்சனல் கம்ப்யூட்டர்கள் 4.77 மெஹா ஹெர்ட்ஸ் வேகம் கொண்ட பிராசசர்களைக் கொண்டிருந்தன. அதாவது விநாடிக்கு ஏறத்தாழ 48 லட்சம் கிளாக் துடிப்புகள். தற்போதைய பெண்டியம் 4 கம்ப்யூட்டர் பிராசசர் 3.2 கிகாஹெர்ட்ஸ் வேகம் கொண்டுள்ளன. (ஒரு கிகா ஹெர்ட்ஸ் என்பது 1000 மெஹா ஹெர்ட்ஸ்.) எனவே கணக்குப் போட்டு இந்த அதிவேக துடிப்புகளை உணர்ந்து கொள்க. கிஹா ஹெர்ட்ஸ் Gigahertz (GHz) கம்ப்யூட்டர் உலகில் இது கம்ப்யூட்டர் பிராசசரின் வேகத்தைக் குறிப்பிடப் பயன்படுத்தப்படுகிறது. ஒரு கிகா ஹெர்ட்ஸ் என்பது 1000 மெஹா ஹெர்ட்ஸ். தற்போது வரும் கம்ப்யூட்டர் பிராசசர் வேகம் இந்த அளவிலேயே சொல்லப்படுகிறது.

வேர்ட்

2008-08-28T05:55:00.002-07:00

அவசியம் தெரிஞ்சுக்க வேண்டிய விஷயங்கள்

நம் வாசகர்களிடமிருந்து வரும் கேள்விகளில் பெரும்பாலும் வேர்ட் தொகுப்பு குறித்த கேள்விகளே அதிகம். பல கேள்விகள் கட்டுரையில் தர வேண்டிய அளவிற்கு தகவல்களைப் பதிலாகத் தர வேண்டியதிருக்கும். அவ்வப்போது வெளியாகும் கட்டுரைகள் இது போன்ற கேள்விகளின் அடிப்படையிலேயே தரப்படுகின்றன. சில கேள்விகள் தனிப்பட்ட முறையில் ஒரு சில குறிப்புகளில் பதில் தரப்படும் வகையில் இருக்கும். அவற்றின் தொகுப்பு இங்கு பதிலுடன் வெளியிடப்படுகின்றன.

வேர்ட் தொகுப்பு இயங்கும் விதம் சில நேரங்களில் எனக்குப் பிடிக்க வில்லை. தேவையற்ற வகையில் குறுக்கீடுகளாக இவை எனக்குத் தோன்றுகின்றன. பொதுவாக இந்த குறுக்கீடுகளை நிறுத்திட என்ன செய்யலாம்?

பலவகையான செட்டிங்குகள் Tools மெனுவில் தான் உள்ளன. Options கிளிக் செய்தால் கிடைக்கும் விண்டோவில் பல டேப்கள் தரப்பட்டு ஒவ்வொன்றும் ஒருவகையான செயல்பாட்டிற்கென இருக்கும். நீங்கள் மாற்ற விரும்பும் செயல்பாடு எந்த டேபில் இருக்கிறது என்பதனைத் தேடி அறிந்து அதனை மாற்றலாம். பெரும்பாலும் அந்த செயல்பாடுகள் குறித்த சொல் தொடரும் அதன் எதிரே சிறு கட்டமும் இருக்கும். கட்டத்தில் டிக் அடையாளத்தை ஏற்படுத்தினால் அந்த செயல்பாடு மேற்கொள்ளப்படும். எடுத்துவிட்டால் அந்த செயல் நடைபெறாது. Customize என்னும் கட்டளை வேர்டின் மெனுக்களையும் டூல் பார்களையும் மாற்றி அமைக்க உதவும். View மெனு வேர்ட் எப்படி தோற்றமளிக்க வேண்டும் என்பதனை முடிவு செய்திடும்.

தேவையற்ற வகையில் புல்லட் பாய்ண்ட் அல்லது எண்களைத் தரும் வேர்டை எப்படி அது இல்லாதவாறு நிறுத்தலாம்?

வேர்ட் தரும் முக்கிய வசதி நாம் டைப் செய்திடுகையில் அது தரும் உதவிதான். பிழையான சொற்களைத் திருத்த வழி தருகிறது. நாம் டைப் செய்கையில் தானாகவே பார்மட் செய்கிறது. 1,2,3 என அடிக்கத் தொடங்கினால் புல்லட் பாய்ண்ட்டினைக் கொடுத்து பார்மட் செய்கிறது. இது உங்களுக்குப் பிடிக்கவில்லை என்றால் நிறுத்திவிடலாம். Tools மெனு சென்று Auto Correct டேப் கிளிக் செய்து நமக்குத் தேவயற்ற சொல் திருத்தத்தினை நிறுத்தலாம். அல்லது எந்த திருத்தங்கள் நமக்கு தேவையில்லை என எண்ணுகிறோமோ அவற்றை நீக்கலாம். பின் மீண்டும் தேவை என முடிவு செய்கையில் டிக் அடையாளம் ஏற்படுத்தி செயல்படுத்தலாம். நான் அதிகம் தமிழ் டெக்ஸ்ட் டைப் செய்கிறேன். எப்போதும் சொற்களின் கீழே சிகப்பு கோடுகள் போடப்படுகின்றன. தமிழ் என்றால் ஏன் இவ்வாறு கோடுகள் வருகின்றன? இவற்றை நிறுத்துவது எப்படி?

வேர்ட் தமிழ்ச் சொற்களை ஆங்கிலம் என்று உணர்ந்து உங்கள் கீ அழுத்தத்திற்கு நேரான எழுத்துக்களையும் சொற்களையும் எடுத்துக் கொண்டு அவை தவறான ஸ்பெல்லிங் மற்றும் இலக்கணம் உடையவை என்ற அடிப்படையில் சிகப்பு கோட்டினைத் தருகிறது. இந்த செயல்பாட்டினை நீக்க எளிதான வழி எழுத்துப் பிழை மற்றும் இலக்கணப் பிழை காணும் செயல்பாட்டினைத் தற்காலிகமாக நிறுத்தி வைப்பதுதான். Check spelling as you type மற்றும் Check grammar as you type என இரு வசதிகளை Edit டேபின் கீழே பார்க்கலாம். இவற்றின் முன் உள்ள டிக் அடையாளங்களை எடுத்துவிட்டால் சிகப்பு கோடுகள் வராது.

அடிக்கடி ஆபீஸ் அசிஸ் டன்ட் என்ற பெயரில் ஒரு சிறிய உருவம் திரையில் வந்து நம் கவனத்தை ஈர்க்கிறது. சில வேளைகளில் அந்த இடத்தில் டைப் செய்கையில் எழுத் துக்களை மறைக்கிறது. இதனை எப்படி இல்லாமல் செய்வது?

Office Assistant மேலேயே ரைட் கிளிக் செய்திடுங்கள். அதன் பின் Options என்பதில் கிளிக் செய்திடுங்கள். Use Office Assistant என்ற வரியின் முன் உள்ள சிறிய பெட்டியைல் உள்ள டிக் அடையாளத்தை எடுத்துவிடுங்கள்.

ஸ்கிரீனின் வலது பக்கம் ஒரு பகுதி வருகிறது. இதனை டாஸ்க் பேன் என்கின்றனர். எனக்கு இது தேவையில்லை. எப்படி நிறுத்துவது?

நாம் உருவாக்கும் டாகுமெண்ட்களின் வலது பக்கம் இந்த டாஸ்க் பேன்கள் கிடைக்கின்றன. இதற்கான கட்டளைகளின் அடிப்படையில் அதில் ஆப்ஷன்ஸ் மாறும். இந்த டாஸ்க் பேன் தேவையில்லை என்றால் அதில் உள்ள பெருக்கல் அடையாளத்தில் கிளிக் செய்தால் மறைந்துவிடும். வியூ மெனுவில் கிடைக்கும் ஆப்ஷன்கள் மூலமாக இதனை மூடிவிடலாம்.

ஒன்றுக்கு மேற்பட்ட டாகுமெண்ட் பைல்களைத் திறக்கையில் முந்தைய டாகுமெண்ட்களின் விண்டோ எங்கு செல்கிறது? எப்படி அனைத்தையும் திறந்து பார்ப்பது?

ஒவ்வொரு புதிய டாகுமெண்ட்டும் தனியான விண்டோவில் திறக்கப்படும். அப்போது ஏற்கனவே உள்ள பைலின் விண்டோ பின்னால் இருக்கும். விண்டோ மெனு சென்றால் பைல்களின் பெயர்களைப் பார்த்து கிளிக் செய்து பெறலாம். இவை டாஸ்க் பாரிலும் காட்டப்படும். அங்கிருந்தும் கிளிக் செய்து பெறலாம். அனைத்தையும் ஒரே நேரத்தில் பார்க்க வேண் டும் என்றால் Window மெனு சென்று Arrange All என்பதைக் கிளிக் செய்திடுங்கள். மேலும் மாற்றி மாற்றி டாகுமெண்ட்களைக் காண Alt +Tab அழுத்துங்கள்.

டூல்பாரில் பல பட்டன்கள் உள்ளன? எது எதற்கு என்று அறிய அதன் பெயரை எப்படித் தெரிந்து கொள்வது?

மவுஸைக் கொண்டு போய் அந்த டூல்பாரின் அருகே கொண்டு செல்லுங்கள். உடனே அந்த பட்டனின் பெயர் காட்டப்படும்.

ரூலரைப் பெற என்ன செய்திட வேண்டும்?

View மெனு சென்று Ruler என்பதில் டிக் அடையாளத்தினை ஏற்படுத்தவும். இதில் உங்கள் வியூ பிரிண்ட் லே அவுட் வியூவில் இருந்தால் தான் மேலே உள்ள ரூலர் தெரியும்.

டூல் பாரில் பட்டன்களைச் சேர்க்கவும் நீக்கவும் என்ன செய்திட வேண்டும்?

1.View மெனுவில் இருந்து Toolbars தேர்ந்தெடுக்கவும்.

2. Customize என்பதைத் தேர்ந்தெடுக்கவும்.
3. கிடைக்கும் விண்டோவில் Commands என்னும் டேபினைக் கிளிக் செய்திடவும்.
4. Categories என்னும் பிரிவில் ஏதாவதொன்றைத் தேர்ந்தெடுக்கவும்.
5. அங்கு காட்டப்படும் Commands பிரிவில் ஒன்றைத் தேர்ந்தெடுக்கவும்.
6. இந்தக் கட்டளையை Toolbar ஒன்றுக்கு இழுத்து வரவும். “I” பீம் ஒன்று காட்டப்படும். இது புதிய தேர்ந்தெடுத்ததனை இன்ஸ்டால் செய்திட உங்களுக்கு வழி காட்டும். புதிய பட்டனில் டெக்ஸ்ட் லேபில் மட்டுமே இருக்கும்.
7. புதிய Toolbar பட்டனில் ரைட் கிளிக் செய்திடவும்.
8. Default Style என்பதனைத் தேர்ந்தெடுக்கவும். (இப்போது பட்டன் சிறிய சதுரமாக மாறும்)
9. மீண்டும் புதிய Toolbar பட்டனில் ரைட் கிளிக் செய்திடவும்.
10. Change பட்டன் இமேஜைத் தேர்ந்தெடுக்கவும். அதன்பின் ஒரு பட்டன் இமேஜைத் தேர்ந்தெடுக்கவும்.
11. பின் Customize டயலாக் பாக்ஸை மூடவும்.

பட்டனை நீக்க:

View மெனுவில் இருந்து Toolbars தேர்ந்தெடுக்கவும். Customize என்பதை அடுத்து தேர்ந் தெடுக்கவும். எந்த பட்டனை நீக்க வேண்டுமோ அதனை டூல் பாரிலிருந்து இழுத்துவிடவும்.

நார்மல் டெம்ப்ளேட் என்பது என்ன?

வேர்ட் தொகுப்பைத் தொடங்கும் போது புதிய டாகுமெண்ட் ஒன்று திறக்கப்பட்டு நம் பயன்பாட்டிற்கு தயாராக இருக்கிறது அல்லவா? இந்த செட் அப் தான் நார்மல் டெம்ப்ளேட் அன அழைக்கப்படுகிறது. இதுதான் அனைத்து டாகுமெண்ட்களின் அடிப்படை ஸ்லேட்டாக இருக்கும். இதனை மாற்றினால் அடுத்து தயாராகும் புதிய டாகுமெண்ட்கள் அனைத்தும் மாற்றங்களுடன் கூடிய டெம்ப்ளேட்டையே புதிய நார்மல் டெம்ப்ளேட்டாக வைத்துக் கொள்ளும். இந்த நார்மல் டெம்ப்ளேட் பைல் நீங்கள் வேர்ட் தொகுப்பை இன்ஸ்டால் செய்த டைரக்டரியில் இருக்கும். இதனை நீங்கள் தெரியாமல் அழித்துவிட்டால் வேர்ட் தொகுப்பு புதிய நார்மல் டெம்ப்ளேட் பைல் ஒன்றை உருவாக்கிக் கொள்ளும்.

சிஸ்டம் டிப்ஸ்

2008-08-28T05:55:00.001-07:00

திறந்திருக்கும் அனைத்து விண்டோக் களையும் மினிமைஸ் செய்திட மவுஸ் மூலம் ஒவ்வொன்றாக மினிமைஸ் செய்திடலாம். மொத்தமாக மினிமைஸ் செய்திட விண்டோஸ் கீ + எம் (Windows key+M) கீகளை அழுத்தவும். இயங்கிக் கொண்டிருக்கும் அனைத்து புரோகிராம்களும் மினிமைஸ் செய்யப்படும். இவை அனைத்தையும் மீண்டும் பெற விண்டோஸ் கீ + ஷிப்ட் + எம் கீகளை (Windows key+Shift+M) அழுத்தவும். இந்த புரோகிராம் களை ஒவ்வொன்றாக மினிமைஸ் செய்திட Alt+Space+N கீகளை அழுத்தவும். இவை அனைத்தையும் ஒவ்வொன்றாக மீண்டும் மேக்ஸிமைஸ் செய்திட Alt+Space+X கீகளை அழுத்தவும்.

ஸ்டார்ட் மெனுவில் ஷார்ட்கட்

ஏதேனும் புரோகிராம் அல்லது பைலுக்கான ஷார்ட் கட் ஒன்றை ஸ்டார்ட் மெனுவில் இடம் பெறுமாறு செய்திடலாம். இதற்கு டெஸ்க் டாப்பில் உள்ள அந்த ஷார்ட் கட் ஐகானை மவுஸால் இழுத்து வந்து ஸ்டார்ட் பட்டனில் விட்டுவிடவும். இனி ஸ்டார் பட்டனில் கிளிக் செய்து பார்த்து அந்த ஷார்ட் கட் மெனுவில் உள்ளதை உறுதி செய்திடவும்.

பயர்பாக்ஸ் வீல் ட்ரிக்ஸ்

2008-08-28T05:52:00.000-07:00

நெட் பிட்ஸ்

இன்டர்நெட் எக்ஸ்புளோரர் தொகுப்பிற்குப் பதிலாக பயர்பாக்ஸ் பிரவுசர் தொகுப்பைப் பயன்படுத்து கிறீர்களா? அப்படியானால் கட்டாயம் இதனைப் படிக்க வேண்டும். உங்கள் வீல் மவுஸ் இந்த பிரவுசரில் இயங்கும் விதம் குறித்துத் தெரிந்து கொண்டு அவ்வசதிகளை அனுபவியுங்கள். முதலாவதாக டேப் பிரவுசிங் கட்டாயமாக உங்கள் கவனத்தை இழுத்திருக்கும். இதனை நிச்சயம் மகிழ்ச்சியுடன் பயன்படுத்தி இருப் பீர்கள். ஒவ்வொரு தளத்திற்கும் ஒரு விண்டோவைத் திறந்து பிரவுஸ் செய்வதை விட்டுவிட்டு அவற்றை ஒரே திரையில் பல்வேறு டேப்களில் அமைத்து பயன்படுத்தும் விதம் உங்களுக்குப் பிடித்திருக்கும். இப்போது ஏதேனும் ஒரு டேப்பில் உள்ள தளத்தைப் பார்த்துக் கொண்டிருக்கிறீர்கள். அனைத்து பிரவுசிங் முடித்து தேவயானதை டவுண்லோட் அல்லது காப்பி செய்து முடித்துவிட்டீர்கள். இனி அதனை மூட வேண்டும். மேலே போய் கிளிக் செய்திட வேண்டாம். உங்கள் மவுஸ் வீலை ஒரு முறை கிளிக் செய்திடுங்கள். உடனே எந்த டேப் காட்டும் தளத்திலிருந்து கிளிக் செய்தீர்களோ அந்த தளம் மூடப்படும்.

இனி நீங்கள் அடுத்த டேப் காட்டும் தளத் திற்குச் செல்லலாம். பேக் அண்ட் பார்வேர்ட் பட்டன்கள் உள்ளதா? அவற்றை மவுஸ் வீலை இணைத்து கிளிக் செய்வதன் மூலம் எந்த பக்கம் போக விரும்பும் பட்டனுடன் கிளிக் செய்கிறீர்களோ அங்கு எடுத்துச் செல்லப் படுவீர்கள். இன்னும் ஒரு வசதியும் உண்டு. ஹோம் பேஜுக்கான பட்டனுடன் மவுஸ் வீலைக் கிளிக் செய்தால் உடனே உங்கள் ஹோம் பேஜ் திறக்கப்படுவதனைக் காணலாம்.

வேகமாக வெளியேறுங்கள்

சில வேளைகளில் இன்டர்நெட்டில் பிரவுஸ் செய்திடுகையில் முகவரியை அமைத்து என்டர் தட்டியவுடன் பாதி தளம் இறங்கிய நிலையில் அப்படியே திரையில் காட்டப்படும் காட்சி உறைந்து போய் நிற்கும். காரணமும் நமக்குக் காட்டப்பட மாட்டாது. இந்த சிக்கலிலிருந்து விடுதலை பெற ஒரு சிறந்த வழி எஸ்கேப் கீயை அழுத்துவதுதான். அழுத்தியவுடன் தளம் இறங்குவது நிறுத்தப்படும். அதன்பின் நீங்கள் வேறு தளத்திற்கான முகவரியை அமைத்து அந்த தளம் உங்கள் கம்ப்யூட்டரில் இறங்குவதைப் பார்க்கலாம். அல்லது முதலில் இறங்க மறுத்த அதே தளத்தினை மீண்டும் காட்டுமாறு முயற்சிக்கலாம். இந்த எஸ்கேப் கீ இன்டர்நெட் எக்ஸ்புளோரர் மற்றும் பயர்பாக்ஸ் பிரவுசர்களில் இந்த பணியை மேற்கொள்கிறது.

உங்கள் டெக்ஸ்ட் புல்லட் பாய்ண்ட்டாக

2008-08-28T05:51:00.000-07:00

வேர்ட் டெக்ஸ்ட்டில் அடுத்தவர் கவனம் ஈர்க்க அல்லது முக்கிய விஷயங்களைக் காட்டிட புல்லட் அமைப்பது வழக்கம். அல்லது எண்களை அமைப்பது பழக்கம். புல்லட் பட்டன்கள் பலவகைப்படும். அவற்றில் எது உங்களுக்கு பிடித்திருக்கிறதோ அதனைத் தேர்ந்தெடுத்து அமைக்க வேர்ட் உங்களுக்கு வழி தருகிறது. இதற்குப் பதிலாக நீங்கள் விரும்பும் டெக்ஸ்ட்டினை புல்லட் பாய்ண்ட்டிற்குப் பதிலாக அமைக்கலாம். இதற்கு ஏற்கனவே மாறா நிலையில் உள்ள புல்லட் பாய்ண்ட்களை மாற்றி அமைத்திட வேண்டும். இதற்குக் கீழ்க்கண்டபடி செட் செய்திடவும். முதலில் வேர்ட் தொகுப்பினைத் திறந்து ஏதேனும் ஒரு டாகுமென்டைத் திறக்கவும். இனி பார்மட் மெனு செல்லவும். அதில் உள்ள பிரிவுகளில் புல்லட்ஸ் அண்ட் நம்பரிங் என்ற பிரிவைத் தேர்ந்தெடுக்கவும். இங்கு “Bullets and Numbering” என்ற தலைப்பில் சிறிய டயலாக் பாக்ஸ் ஒன்று திறக்கப்படும்.

இங்கு நீங்கள் பயன்படுத்தாத ஏதாவது ஒரு வகை நம்பர் பார்மட்டில் கிளிக் செய்திடவும். அதன் பின் Customize என்ற பட்டனில் கிளிக் செய்திடவும். நீங்கள் கிளிக் செய்து தேர்ந்தெடுத்த நம்பர் பார்மட் பாக்ஸில் உங்களுக்குப் பிடித்த சொல் ஒன்றை டைப் செய்திடவும். Internet, College, Friend என எதனை வேண்டுமென்றாலும் டைப் செய்திடலாம். இதில் உங்களுக்குப் பிடித்த எழுத்து வகையினையும் பயன்படுத்தலாம். இதில் 30 கேரக்டர்களை என்டர் செய்திடலாம். அதன்பின் ஓகே செய்து வெளியேறினால் பின் டெக்ஸ்ட் அமைக்கும்போது அதில் புல்லட்டுக்குப் பதிலாக இந்த சொல்லை புல்லட் போல பயன்படுத்தலாம்.

எக்லெஸல் சில சந்தேகங்கள்

2008-08-28T05:50:00.000-07:00

டேட்டா என்ட்ரி செய்திட

எக்ஸெல் ஒர்க் ஷீட்டில் இட அடுக்கடுக்காய் தகவல்கள் உள்ளன. அனைத்தையும் வரிசையாக படுக்கை வரிசைகளில் ஒர்க்ஷீட்டில் இட வேண்டும். ஒவ்வொரு செல்லாக கீகளை அழுத்தி அதன் பின் டேட்டாக்களை இடுவது சிரமமான காரியம் தான். டேட்டா டைப் செய்வதைக் காட்டிலும் செல்களின் ஊடே சென்று வருவதுதான் பெரிய வேலையாகத் தெரியும். அப்படியானால் இந்த செல்களினிடையே சென்று வராமல் டேட்டாக்களை டைப் செய்திட முடியுமா? ஆம். இதற்கான விடை எக்ஸெல் தொகுப்பின் டேட்டா என்ட்ரி படிவத்தில் உள்ளது. அது என்ன புதியதாக டேட்டா பார்ம் என்ற கேள்வி எழுகிறதா? எக்ஸெல் தொகுப்பின் ஆபீஸ் அசிஸ்டன்ட் அழுத்திக் கேட்டபோது டேட்டா பாரம் என்பது ஒரு டயலாக் பாக்ஸ்; ஒரு முழு வரிசை டேட்டாவை இடுவதும் பார்ப்பதும் இதில் எளிதாகிறது என்ற விளக்கம் கிடைக்கிறது. சுருக்கமாக செல்களின் இடையே கீகளை அழுத்தும் வேலை இல்லாமல் டேட்டாவை நிரப்புவதற்கான எளிய வழியினை இந்த டேட்டா என்ட்ரி பாரம் தருகிறது. இதனை எப்படி செயல்படுத்துவது என்று பார்ப்போம்.

முதலில் நீங்கள் பயன்படுத்தும் ஒர்க்ஷீட்டில் நெட்டுவரிசைகளுக்குத் தலைப்புப் பெயர் கொடுத்திருக்க வேண்டும். இனி அடுத்த படுக்கை வரிசையில் ஏதேனும் ஒரு செல்லைத் தேர்ந்தெடுங்கள். பின்னர் மெனு பாரில் டேட்டா என்பதைத் தேர்ந்தெடுத்து அதில் பார்ம் என்பதைக் கிளிக் செய்திடவும். இப்போது உங்களுக்கு டேட்டா என்ட்ரி பாரம் ஒன்று கிடைக்கும். டேட்டாவை அடுத்தடுத்த கட்டங்களில் இட டேப் கீ அழுத்தவும். அடுத்த படுக்கை வரிசைக்கான டேட்டாவை அமைக்க என்டர் கீயை அழுத்தவும்.

ஒவ்வொரு வரிசைக்கும் டேட்டா என்ட்ரி பாரத்தில் ஒரு பக்கம் கிடைக்கும். நீங்கள் டேட்டா அமைக்கும் அதே நேரத்தில் டேட்டா ஒர்க் ஷீட்டிலும் அமைக்கப்படுவதனைக் காணலாம். ஏற்கனவே டேட்டா அமைத்ததை எடிட் செய்வதற்கான கீகளும் பாரத்தில் உள்ளன. அனைத்து டேட்டாவும் அமைத்த பின் குளோஸ் பட்டனை அழுத்தவும். மீண்டும் இடையே அல்லது கீழாக டேட்டா அமைக்க சம்பந்தப்பட்ட செல்லில் கர்சரை வைத்து மெனு பார் மூலம் பாரத்தை வரவழைத்து தகவல்களை இடலாம். எவ்வளவு நேரம் மற்றும் உழைப்பு மிச்சமாகிறது பார்த்தீர்களா!

எல்லாமே எண்கள் – எப்படி மாற்ற?

வாசகர் ஒருவரின் அலுவலகக் கம்ப்யூட்டரில் எக்ஸெல் ஒர்க் ஷீட்டில் நெட்டு வரிசை மற்றும் படுக்கை வரிசை இரண்டிலும் எண்களே இருக்கின்றன. நெட்டுவரிசைக்கான எழுத்துக்கள் இல்லை. ஒர்க்ஷீட்டின் இடது மூலையில் கர்சர் இருக்கும் கட்டம் எந்த நெட்டு வரிசை மற்றும் படுக்கை வரிசை (R6C7) வைத்தே காட்டப்படுகின்றன. ஆனால் வீட்டிலும் மற்ற இடங்களிலும் உள்ள அதே எம்.எஸ்.எக்ஸெல் 2003 தொகுப்பில் வழக்கம்போல் எழுத்துக்களும் எண்களும் இருந்தன. இது எதனால் ஏற்படுகிறது? இதனை எப்படி நாம் விரும்பும் வகையில் மாற்றலாம்? என்று கேட்டிருக்கிறார். இதுவும் நாம் ஒர்க்ஷீட் செட் அப் வகையிலான பிரச்னை தான். யாரோ ஒருவர் அந்த வகையில் எண்வகைகளாகத் தோன்றும் படி அமைத்துள்ளார். இது தேவையில்லை என்றால் பழையபடி மாற்றிவிடலாம்.

ஒர்க்ஷீட்டைத் திறந்து பின் Tools >Options செல்லவும். இதில் கிடைக்கும் விண்டோவில் உள்ள General என்னும் டேபினைக் கிளிக் செய்திடவும். முதலாவதாக “R1C1 reference style” என்னும் வரி தென்படும். இதன் எதிரே உள்ள சிறிய கட்டத்தில் டிக் அடையாளம் இருந்தால் எடுத்துவிடவும். பின் ஓகே கிளிக் செய்து வெளியேறவும். இனி வழக்கபோல் நெட்டு வரிசைகளுக்கு எழுத்துக்களும் படுக்கை வரிசைகளுக்கு எண்களும் கிடைக்கும்.

பான்ட் பிடிக்கவில்லை... என்ன செய்வது....

2008-08-28T05:49:00.000-07:00

வேர்ட் டாகுமெண்ட் அமைக்க ஒரு பைலைத் திறந்தவுடன் வரும் பாண்ட் எனக்குப் பிடிக்க வில்லை. இதனை மாற்றி எனக்குப் பிடித்த பாண்ட்டை அமைக்க என்ன செய்திட வேண்டும்?
Format மெனு சென்று அதில் Font என்னும் பிரிவினைத் தேர்ந்தெடுக்கவும். இதில் உங்களுக்குப் பிடித்த எழுத்து வகையினைத் தேர்ந்தெடுத்து அதற்கான மற்ற அட்ரிபியூட்டுகளை (பண்புகளை–போல்ட், அளவு, சாய்வெழுத்து போன்றவை) அமைக்கவும். பின்னர் கீழாக உள்ள Default என்பதில் கிளிக் செய்து ஓகே கிளிக் செய்து வெளியேறவும். இனி நீங்கள் அமைத்த எழுத்து அனைத்து புதிய பைல் களுக்கும் தயாராக இருக்கும். இந்த பாண்ட் தமிழ் பாண்ட் ஆகவும் இருக்கலாம். எப்போதும் கிடைக்கும் மார்ஜின் அளவு நான் தயாரிக்கும் டாகுமெண்ட்களுக்கு சரியாக இல்லை. ஒவ்வொருமுறையும் மாற்ற வேண்டியதுள்ளது. இதற்குப் பதிலாக நான் விரும்பும் வகையில் மார்ஜின் அமைக்க என்ன செய்திட வேண்டும்?

File மெனு சென்று அதில் Page Setup தேர்ந்தெடுக்க வேண்டும். கிடைக்கும் விண்டோவில் Margins டேபினைக் கிளிக் செய்திடவும். அதில் நீங்கள் விரும்பும் மார்ஜின் அளவினை அமைக்கவும். அதன் பின் Default என்பதில் கிளிக் செய்து ஓகே கொடுத்து வெளியேறவும். இனி நீங்கள் செட் செய்த அளவிலேயே மார்ஜின் உங்கள் டாகுமெண்ட் களுக்குக் கிடைக்கும்.

ஆட்டோமேடிக் டேட் அன்ட் டைம்

2008-08-28T05:48:00.000-07:00

பவர்பாயிண்ட் பிரசன்டேஷன் தொகுப்புகள் நாம் சொல்ல வேண்டிய கருத்துக்களை தகவல்களை எடுத்துக் காட்ட நமக்கு வாய்த்திருக்கும் ஓர் அருமையான சாதனமாகும். நம்மில் பலர் ஒரு பிரசன்டேஷன் பைலைப் பல இடங்களில் காட்ட வேண்டியதிருக்கும். எடுத்துக்காட்டாக அலுவலகம் ஒன்றின் கிளை அலுவலகங்களுக்குச் சென்று பல அலுவலர் குழுக்களிடையே இதனைப் பயன்படுத்தி விளக்க வேண்டியதிருக்கும்.

இந்த நிலையில் இதில் தேதி மற்றும் நேரத்தை நாம் அமைத்திருந்தால் பின்னாளில் இதனைப பயன்படுத்துகையில் பழைய நாள் தேதி இருந்தால் நம்முடைய செயலாற்றும் பண்பே கேள்விக் குறியாகவும் கேலியாகவும் மாறிவிடும். இதனைத் தடுக்க பவர்பாய்ண்ட் பிரசன்டேஷன் பைல் தானாக அன்றைய நாள் மற்றும் நேரத்தை அமைத்துக் கொள்ளும்படி செட் செய்திடலாம். முதலில் Insert கிளிக் செய்து கிடைக்கும் மெனுவில் Date and Time என்பதைத் தேர்ந்தெடுங்கள். பின் உங்களுக்கு Header and Footer டயலாக் பாக்ஸ் கிடைக்கும். இதில் உள்ள டேப்களில் Slide என்னும் டேபைத் தேர்ந்தெடுக்கவும். பின் அதில் உள்ள Date and time என்பதில் டிக் அடையாளம் இருக்கிறதா என்பதனை உறுதி செய்து கொள்ளுங்கள். இல்லை என்றால் ஏற்படுத்துங்கள். பின்னர் Update automatically என்ற ரேடியோ பட்டனை அழுத்தவும்.

இதனைக் கீழாக விரித்தால் சிறிய மெனு கிடைக்கும். இதில் தேதி உங்களுக்கு எந்த பார்மட்டில் வேண்டும் என்பதைத் தேர்ந்தெடுத்து அமைக்கவும். நீங்கள் விருப்பப்பட்டால் டைட்டில் ஸ்லைடில் இது அமையாமல் பார்த்துக் கொள்ளலாம். அதற்கு Don’t show on title slide என்பதில் டிக் அடையாளம் ஏற்படுத்தவும். அதன்பின் Apply to All என்பதனைக் கிளிக் செய்து வெளியேறவும். இனி எப்போது நீங்கள் அந்த பைலை ரீலோட் செய்தாலும் அன்றைய தேதி மற்றும் நேரம் காட்டப்படும்.

வேர்ட் ரூலரும் பாரா மார்ஜினும்

2008-08-28T05:46:00.000-07:00

வேர்ட் தொகுப்பில் எல்லோரும் ரூலரை அமைத்து பயன்படுத்தி வருவீர்கள். இது ஒரு வரியின் நீளத்தையும் அதில் குறிப்பிட்ட இரு புள்ளிகளின் இடையே இருக்கும் அகலத்தையும் மற்றும் நெட்டு வாக்கில் இதே அளவையும் தெரிந்து கொள்ள தரப்பட்டிருக்கும் வசதி என்று மட்டும் எண்ணிவிடாதீர்கள். இதில் இன்னும் பல கூடுதல் வசதிகளும் உள்ளன. அவற்றை இங்கு பார்க்கலாம்.

இந்த ரூலரில் தலைகீழாக சிறிய முக்கோணங்கள் இடம் பெற்றுள்ளன என்பதை எப்போதாவது பார்த்திருக் கிறீர்களா? இப்போது பாருங்கள். சரி, இவை எதற்காகத் தரப்பட்டுள்ளன? ஏன் சில நேரங்களில் இவை சிறிது தள்ளியும், சில இடங்களில் ஒன்றிலிருந்து ஒன்று பிரிந்தும் அமைந்துள்ளன என்றும் இவற்றை நாமாக இழுத்துப் பிரித்தால் என்ன நடக்கும் என்று சற்று பார்த்திருக்கிறீர்களா? இல்லையா! இதோ இப்போது பார்க்கலாம். இந்த முக்கோணங்கள் எல்லாம் டெக்ஸ்ட்டில் உள்ள பாராக்களின் இன்டென்ட் எனப்படும் பத்தி இடைவெளியைக் குறிப்பனவாகும். இவற்றைப் பயன்படுத்தி பாரா இடை வெளியினை அமைக்கலாம். இதற்கென பார்மட் மற்றும் பாராகிராப் விண்டோ சென்று குறிப்பிட்ட பாரா மார்ஜின் அமைத்திடாமல் இந்த முக்கோணங்களைப் பயன்படுத்தியே அவற்றை ஏற்படுத்தலாம். இதனை எப்படி செயல்படுத்துவது என்று பார்ப்போம். ரூலர் கோட்டின் இடது புறம் ஓரத்தில் ஹவர் கிளாஸ் தோற்றத்தில் இரு முக்கோணங் களைக் காணலாம். சரியாகப் பார்த்தால் இதில் மூன்று வித பாரா அடையாள கருவிகள் உள்ளன. இவற்றை பிரித்துப் பயன்படுத்தலாம். மேலாக உள்ள முக்கோண அடையாளம் முதல் வரி மார்ஜினிலிருந்து எவ்வளவு தள்ளி உள்ளது என்பதைக் காட்டுகிறது.

இந்த முக்கோணத்தை எங்கு இழுத்துவிடுகிறீர்களோ அந்த இடத்திலிருந்து (Firstline Indent) ஒரு பாராவின் முதல் வரி தொடங்கும். கீழாக முக்கோணம் இழுத்துவிடப்படுவதால் ஏற்படும் இடத்தில் அந்த பாராவின் மற்ற வரிகள் தொடங்கும். இதற்கு ஆங்கிலத்தில் ஹேங்கிங் இன்டென்ட் (Hanging Indent) என்று பெயர். இந்த இரு முக்கோணங் களின் கீழாக ஒரு சிறிய செவ்வகம் தெரிகிறதா? பாராவின் இடது மார்ஜினைக் குறிக்கிறது.

இதனை லெப்ட் இன்டென்ட் (Left Indent) என்று அழைப்பார்கள். இதனை இழுத்தால் முதல் இரு முக்கோணங்களும் ஒன்றாக இழுக்கப்படும். இதனால் ஒரே இடத்தில் அனைத்து வரிகளுக்கும் பாரா மார்ஜின் ஏற்படும். நமக்கு இரு வேலைகளை ஒவ்வொன்றாகப் பார்க்கும் நேரம் மிச்சமாகிறது. இந்த ரூலரிலேயே வலது பக்கம் ஒரு முக்கோணத்தைப் பார்க்கலாம். இதனை இழுத்து அமைப்பதன் மூலம் பாரா ஒன்றின் வலது மார்ஜினை அமைக்கலாம்.

இதற்கு என்ன செய்ய வேண்டும் என்று எண்ணுகிறீர்களா? நீங்கள் எந்த பாராவின் மார்ஜினை மாற்றி அமைக்க வேண்டும் என முடிவெடுக்கிறீர்களோ அந்த பாராவில் ஏதாவது ஒரு வரியில் கர்சரைக் கொண்டு செல்லவும். பின் எந்த மார்க்கரை நகர்த்த வேண்டும் என்பதை முடிவெடுக்கவும். அதன் மீது மவுஸ் பாய்ண்ட்டரைக் கொண்டு செல்லவும். பின் மவுஸின் இடது பக்கத்தைக் கிளிக் செய்து அழுத்திப் பிடித்து ரூலர் கோட்டின் மீது இழுக்கவும்.

இழுத்துச் சென்று எங்கு மார்ஜின் இருக்க வேண்டும் என எண்ணுகிறீர்களோ அங்கு விட்டு விடவும். இவ்வாறு இழுக்கையில் புள்ளிகள் நிறைந்த கோடு ஒன்று உருவாகி நகர்ந்து நீங்கள் இழுக்கும் திசையில் உங்கள் கர்சருடன் நகர்ந்து செல்வதனைப் பார்க்கலாம். இந்த கோடு உங்கள் பாராவினை ஒழுங்காக அமைத்திட உதவுகிறது. இப்போது இந்த முக்கோணங்களும் செவ்வகமும் எதற்காகத் தரப்பட்டுள்ளன என்றும் இவற்றை இழுத்து வந்து சில ஒழுங்குகளைப் பாராவில் அமைக்கலாம் என்பதனையும் உணர்ந்திருப்பீர்கள். இனி இவற்றைப் பயன்படுத்துகையில் எங்கு மாற்றங்கள் ஏற்படும் என்பதனைப் பார்க்கலாம். பாரா ஒன்று டைப் செய்யப் படுமுன் இந்த பாரா மார்க்கர்களில் மாற்றங்களை ஏற்படுத்தினால் அந்த மாற்றம் இதன் பின் ஏற்படுத்தப்படும் பாராக்கள் அனைத்திலும் கடைப் பிடிக்கப்படும். இதற்கு முன் ஏற்படுத்திய பாராக்களில் மாற்றங்கள் ஏற்படாது.

ஏற்கனவே டைப் செய்த பாராவில் நீங்கள் மார்ஜின் வெளியில் மாற்றங்களை ஏற்படுத்த விரும்பினால் அந்த பாராவில் கர்சரைக் கொண்டு சென்று பின் மார்க்கர்களை நகர்த்தவும். நகர்த்தும் மார்க்கரின் தன்மைக்கேற்ப பாராவில் மாற்றம் ஏற்படும். இது அந்த பாராவில் மட்டும் மாற்றத்தினை ஏற்படுத்தும். ஏற்கனவே டைப் செய்த பல பாராக்களில் நீங்கள் விரும்பும் மார்ஜின் இடைவெளியை ஏற்படுத்த விரும்பினால் இந்த மார்க்கர்களை நகர்த்தும் முன் மாற்ற விரும்பும் பாராக்களை முதலில் தேர்ந்தெடுத்துக் கொள்ளவும். அதன்பின் பாரா மார்க்கர்களை நகர்த்தினால் தேர்ந்தெடுக்கப்பட்ட பாரா வெங்கும் இந்த மாற்றங்கள் ஏற்படுத்தப்படும்.

என்ன! பாரா இடைவெளி களையும் மார்ஜின்களையும் எப்படி அமைப்பது என்று தெரிந்து கொண்டீர்களா! மார்ஜினுக்கு பொங்கல் காப்பு கட்டியது போலத் தோற்றமளித்த முக்கோணங்கள் எதற்காக உள்ளன என்று தெரிந்து கொண்டீர்களா! இனி உங்கள் விருப்பத்திற்கேற்ப மார்ஜின்களுடன் பாராக் களை அமைத்து பாருங்கள்.

இலவச டவுண்லோட் புரோகிராம்கள்

2008-08-28T05:37:00.000-07:00

இன்டர்நெட் பயன்பாடும் தகவல் பரிமாற்றமும் பெருகி வரும் இந்நாளில் எளிதான வேகமான டவுண்லோட் செய்திடும் புரோகிராம்களின் தேவையும் அதிகரித்து வருகிறது. இன்டர்நெட் இணைப்பு வழங்கும் வேகத்தைப் பயன்படுத்தி நாம் டவுண்லோட் செய்திடும் பைல்களை எந்த சிக்கலுமின்றி வேகமாக இறக்கித் தர நமக்கு டவுண்லோட் மேனேஜர் புரோகிராம்கள் தேவைப்படுகின்றன.

அவ்வகையில் இணையத்தில் பல இலவச புரோகிராம்கள் நமக்கு கிடைக்கின்றன. பயர்பாக்ஸ் தொகுப்புடன் இத்தகைய வசதி இணைந்தே இருந்தாலும் டவுண்லோட் மேனேஜர் புரோகிராம்கள் தரும் பல வசதிகள் அதில் இல்லை. ஒரே பைலுக்கான பல டவுண்லோட் இøணைப்புகள், பிரிவு பிரிவாக டவுண்லோட் செய்திடும் வசதி, பல பைல்களை ஒரே முறை கிளிக் செய்து டவுண்லோட் செய்திடும் வசதி போன்ற பல வசதிகளை இந்த டவுண்லோட் மேனேஜர்கள் தருகின்றன. பொதுவாக இந்த கூடுதல் வசதிகள் எல்லாம் இத்தகைய புரோகிராம்களில் கட்டணம் செலுத்திப் பெறும் பதிப்புகளில் மட்டுமே கிடைக்கும். ஆனால் இலவச புரோகிராம்கள் அதிகமான எண்ணிக்கையில் உருவாக்கப்பட்டு கிடைக் கும் இந்நாளில் மேல் குறிப்பிட்ட வசதிகள் இலவசமாகக் கிடைக்கும் புரோகிராம்களிலேயே தரப்பட் டுள்ளது குறிப்பிடத்தக்கது.

ஒரு சில டவுண்லோட் மேனேஜர்களில் அதிகமான எண்ணிக்கையில் இந்த வசதிகள் தரப்பட்டிருப்பது இன்னும் சிறப்பாகும். அவற்றில் மிகச் சிறந்த மூன்று டவுண்லோட் மேனேஜர் புரோகிராம்கள் குறித்து இங்கு தகவல்கள் தரப்படுகின்றன.

Free Download Manager
1. புரோகிராம் பெயர் : FreeDownload Manager
2. வழங்குபவர் : FreeDownload Manager.org
3. இன்டர்நெட் தள முகவரி: http://www.freeDownloadManager.org/download.htm
4. பைல் அளவு: 5754 கேபி.

இது ஒரு ஓப்பன் சோர்ஸ் சாப்ட் வேர் தொகுப்பு. இதன் பெயருக்கேற்ற வகையில் சிறப்பான பல வசதிகளை இந்த புரோகிராம் தருகிறது. அனைத்து பிரவுசர் தொகுப்புகளுடன் இணைந்து செயல்படுகிறது. மிக அழகாக வடிவமைக்கப்பட்ட இன்டர்பேஸ் இயங்குகிறது. எப்.டி.பி. மற்றும் எச்.டி.டி.பி. வகைகளுக்குத் தனித்தனியே கிளையண்ட் புரோகிராம்கள் இணைக்கப்பட்டுள்ளன.

டவுண்லோட் செய்யப்பட வேண்டிய புரோகிராம்களை பகுதி பகுதிகளாகப் பிரித்து ஒரே நேரத்தில் வேகமாக டவுண்லோட் செய்து தருகிறது. டவுண்லோட் செய்திடும் நேரத்தில் இன்டர்நெட் தொடர்பு விட்டுப் போனாலோ அல்லது கம்ப்யூட்டர் முடங்கிப் போனாலோ அடுத்த முறை விட்டுப்போன இடத்திலிருந்து பைலை டவுண்லோட் செய்து இணைத்து தரும் திறன் கொண்டது. வீடியோ தளங்களிலிருந்து டவுண்லோட் செய்வதுடன் பார்மட்டுகளையும் மாற்றி தருகிறது. இதனுடன் இணைத்துத் தரப்பட்டுள்ள அப்லோட் மேனேஜர் புரோகிராம் பைல்களைப் பிறருடன் பகிர்ந்து கொள்ள அப்லோட் செய்திடும் வசதியைத் தருகிறது. ஒரு பைலை பல்வேறு லிங்க்குகளிலிருந்து ஒரே நேரத்தில் டவுண்லோட் செய்து தரும் திறன் கொண்டது. டவுண்லோட் செய்யப்படும் பைல்களை அதன் வகைகளுக்கிணங்க சேவ் செய்து நிர்வகிக்க உதவிடுகிறது.
ஒரு பைலை டவுண்லோட் செய்திடும் முன் அந்த பைல் குறித்து மற்றவர்கள் என்ன கருத்து தெரிவித்துள்ளார்கள் என்று காட்டப்படுகிறது. அதே போல நீங்களும் உங்கள் கருத்தைப் பதிவு செய்திடலாம். இதனால் கெடுதல் விளைவிக்கும் பைல்களை டவுண்லோட் செய்திடுவதனைத் தவிர்க்கலாம். மற்றவர்களுக்கும் எச்சரிக்கை செய்திடலாம்.

முழு இணையதளத்தையும் அப்படியே டவுண்லோட் செய்திடும் திறன் கொண்டது. இதற்கென எச்.டி.எம்.எல். ஸ்பைடர் என ஒரு புரோகிராம் பிரிவு தரப்படுகிறது. அதனால் தான் இதனை சைட் ரிப்பர் (‘site ripper’) என அழைக்கின்றனர்.

Orbit Downloader
1. புரோகிராம் பெயர் : OrbitDownloader
2. வழங்குபவர் : OrbitDownloader.com
3. இன்டர்நெட் தள முகவரி: http://www.orbitdownloader.com/download.htm
4. பைல் அளவு: 2217 கேபி.

டவுண்லோட் மேனேஜர் புரோகிராம்களின் லீடர் என இது செல்லமாக அழைக்கப்படுகிறது. ஆடியோ மற்றும் வீடியோ பைல்களை டவுண்லோட் செய்திட துணை புரியும் நோக் கத்துடன் இந்த புரோகிராம் உருவாக்கப்பட்டதாக தெரிகிறது. புதிய சில அம்சங்களுடன் வழக்கம்போலான இ.எக்ஸ்.இ. மற்றும் காம் பைல்கள் மட்டுமின்றி ஸ்ட்ரீமிங் மீடியா வகையைச் சேர்ந்த ஆடியோ மற்றும் வீடியோ பைல் களை டவுண்லோட் செய்திடுகிறது. யு–ட்யூப் மற்றும் மை ஸ்பேஸ் போன்ற சில தளங்களிலிருந்து நேரடியாக டவுண் லோட் செய்திடும் வசதியைத் தருகிறது. இன்றைக்குக் கிடைக்கும் சிறந்த டவுண் லோட் மேனேஜர் புரோகிராம்களில் ஒன்று எனப் பலராலும் பாராட்டுப் பெற்றது.

இதனைப் பயன்படுத்த எந்தவிதமான ரெஜிஸ்ட்ரேஷனும் தேவையில்லை. விளம்பரங்களோ அல்லது ஸ்பை வேர் புரோகிராம்களோ இல்லை என சான்று பெற்றது. யு–ட்யூப் வீடியோக்களை டவுண்லோட் செய்திட இது மிக உகந்தது என பாராட்டுப் பெற்றது. தற்போதைய பதிப்பு 2.7.3.

Flash Get
1. புரோகிராம் பெயர் : FlashGet
2. வழங்குபவர் : Trend Media
3. இன்டர்நெட் தள முகவரி: http://www.flashget.com/download.htm
4. பைல் அளவு: 4520கேபி.

இன்டர்நெட்டில் மிக அதிகமான எண்ணிக்கையில் வாடிக்கையாளர்களைக் கொண் டுள்ள புரோகிராமாக இது அறிவிக்கப்பட்டுள்ளது. டவுண் லோட் செய்கையில் நாம் பொதுவாக எதிர்நோக்கும் இரண்டு பிரச்னைகளை இது எளிதாக தீர்த்து வைக்கிறது. முதலாவது வேகம்; இரண்டாவது டவுண்லோட் செய்யப் பட்ட பைல்களைக் கையாளும் முறை; அவற்றை சோதனை செய்துவகைப்படுத்தும் வழிகள்.

இந்த புரோகிராம் முதலில் சீன சொல்லை ஒட்டி ஒஞுtஞிச்ணூ என அழைக்கப் பட்டது. இதன் புதிய பதிப்பு 1.9.6. இதில் மல்ட்டி சர்வர் ஹைபர் த்ரெடிங் டெக்னாலஜி பயன்படுத்தப்படுகிறது. இதனால் பல்வேறு புரோடோகால் முறைகளை இதில் பயன்படுத்தி டவுண் லோட் செய்திடலாம். இறக்கப் படும் பைலின் அளவிற்கேற்ப பைல் இறக்கப் படும் வேகம் 6 முதல் 10 முறை அதிகரிக்கப்படுகிறது.

டவுண்லோட் செய்யப் படும் பைலை பகுதிகளாகப் பிரித்து ஒரே நேரத்தில் இந்த பகுதிகளை டவுண்லோட் செய்து பின் இணைத்துத் தருகிறது. ஒரு பைல் மட்டுமல்ல, ஒரே நேரத்தில் பல பைல்களை இது போல பிரிவுகளாகப் பிரித்து டவுண்லோட் செய்கிறது. அத்துடன் எந்த நேரத்தில் எந்த பைலை டவுண்லோட் செய்திட வேண்டும் என வரையறை செய்திடலாம். இதனால் நம் இன்டர் நெட் இணைப்பு வேகத்தினை ஒட்டியும் நம் தேவையை பொறுத்தும் டவுண் லோட் செய்திட முடிகிறது.

இந்த புரோகிராமைப் பயன்படுத்துகையில் எந்த அட்–வேர் புரோகிராமும் குறுக்கிடாது. எந்தவிதமான ஸ்பைவேர் புரோகிராமும் இல்லை என்று பலராலும் கணிக்கப்பட்டுள்ளது. மிகக் குறைவான ராம் மெமரியைப் பயன்படுத்துவதால் டவுண்லோட் செய்திடுகையில் நம்முடைய வேலையை கம்ப்யூட் டரில் தொடர்ந்து மேற் கொள்ளலாம். டவுண்லோட் முடிந்தவுடன் தானாக கம்ப்யூட்டரில் உள்ள ஆண்டி வைரஸ் தொகுப்பினை இயக்கி டவுண்லோட் செய்யப் பட்ட பைலில் வைரஸ் எதுவும் இருக்கிறதா என்று சோதனை செய்கிறது.

ஒரே பைலுக்கான பல டவுண்லோட் இøணைப்புகள், பிரிவு பிரிவாக டவுண்லோட் செய்திடும் வசதி, பல பைல்களை ஒரே முறை டவுண்லோட் செய்திடும் வசதிபோன்ற பல வசதிகளை இந்த டவுண்லோட் மேனேஜர்கள் தருகின்றன. அவற்றில் மிகச் சிறந்த மூன்று டவுண்லோட் மேனேஜர் புரோகிராம்கள் குறித்து இங்கு தகவல்கள் தரப்படுகின்றன. டவுண்லோட் செய்கையில் நாம் பொதுவாக எதிர்நோக்கும் இரண்டு பிரச்னைகளை இது தீர்த்து வைக்கிறது. முதலாவது வேகம்; இரண்டாவது டவுண்லோட் செய்யப்பட்ட பைல்களைக் கையாளும் முறை; அவற்றை சோதனை செய்து வகைப்படுத்தும் வழிகள்.

எக்ஸெல் குறிப்பிட்ட சார்ட் வடிவைத் தொடர்ந்து பயன்படுத்த

2008-08-22T16:05:00.000-07:00

எக்ஸெல் தொகுப்பில் ஒர்க் ஷீட் ஒன்றில் அருமையான வடிவத்தில் சார்ட் ஒன்றை அமைக்கிறீர்கள். இது உங்களுக்குப் பிடித்துப் போவதால் அந்த வடிவத்தினையே தொடர்ந்து எப்போதும் சார்ட்களுக்குப் பயன்படுத்த திட்டமிடுகிறீர்கள். ஒவ்வொரு முறையும் அதனை அமைத்திடச் செலவிடும் நேரத்தை இதனால் மிச்சம் செய்திடலாம்.
மேலும் ஒவ்வொரு முறையும் இவ்வளவு அழகாக சார்ட் வடிவம் கிடைக்குமா என்பதும் சந்தேகமே. எனவே இதனை உங்களுக்கான டிபால்ட் (மாறாதது) சார்ட்டாக அமைக்க வழியைத் தேடுகிறீர்கள். அதற்குக் கீழ்க்காணும் வழிகளில் செட் செய்திட வேண்டும்.
1. முதலில் உங்களுக்குப் பிடித்த அந்த சார்ட்டைத் திறந்து கொள்ளுங்கள்.

2. பின் மெனுவிலிருந்து Chart –– அதன்பின் Chart Type தேர்ந்தெடுங்கள். இப்போது உங்களுக்கு Chart Type Dialogue பாக்ஸ் கிடைக்கும்.

3. இதில் கிடைக்கும் டேப்களில் Customs type டேப்பினை அழுத்தவும்.

4. பின் இதில் உள்ள User Defined ரேடியோ பட்டனை அழுத்தவும்.

5. அதன்பின் Add பட்டனில் கிளிக் செய்திடவும். இப்போது Add Custom Chart Type dilogue box கிடைக்கும். இதில் Name என்பதில் இதற்கான ஒரு பெயரை டைப் செய்திடவும். இதன் விளக்கத்தினை Description என்ற பெயரின் கீழ் டைப் செய்திடவும்.

5. இப்போது ஓகே பட்டன் கிளிக் செய்து மீண்டும் Chart Type Dialogue பாக்ஸ் வரவும். இந்த சார்ட் அமைப்பையே தொடர்ந்து நீங்கள் அடிப்படை அமைப்பாகப் பயன்படுத்த வேண்டும் என நினைத்தால் Set as Default Chart பட்டன் என்பதில் கிளிக் செய்திடவும்.

6. முடித்திட ஓகே பட்டன் கிளிக் செய்திடவும். இனி சார்ட் தயார் செய்திட நீங்கள் முயற்சிக்கையில் எந்த பெயரில் இதனை சேவ் செய்தீர்களோ அதனைத் திறந்து பயன்படுத்தி சார்ட் உருவாக்கலாம்.

பவர் பாய்ண்ட் அனிமேஷன்

2008-08-22T16:03:00.000-07:00

பவர்பாய்ண்ட் தொகுப்பில் ஸ்லைடுகளின் ஊடே நகரும் ஆப்ஜெக்ட்களை அமைக்கலாம் என்பதனை அதனைப் பயன்படுத்தும் பலர் அறியாமல் இருக்கின்றனர். இந்த தொகுப்பு அலுவலக ஆய்வுக் கூடங்கள் மற்றும் வர்த்தக ரீதியான கூட்டங்களில் பெரிதும் பயன்படுத்தப்படுவதால் இது போன்ற அனிமேஷன் வசதி இருக்காது என்றே கருதுகின்றனர்.
ஆனால் இத்தகைய அனிமேஷன், பவர்பாய்ண்ட் பயன்படுத்தும் காரணங்களுக்கு மிகவும் உதவியாக இருக்கும் என்பது அதனைப் பயன்படுத்துவோருக் குத்தான் தெரியும். அனிமேஷன் களை அமைப்பது பற்றி இங்கு காண்போம்.

ஆப்ஜெக்ட் ஒன்றை, ஏதேனும் ஒரு ஆட்டோஷேப், கிராபிக்ஸ் அல்லது டெக்ஸ்ட் பாக்ஸ், ஸ்லைட் ஷோவின் இடையே திரையின் ஊடே நகர்ந்து செல்லுவதை நோக்கமாக வைத்துக் கொள்வோம். எனவே அதற்கென ஒரு பாதை ஒன்றை நாம் அனுமானித்து வைத்துக் கொள்வோம். இதனை எப்படி அமைக்கலாம் என்பதைப் பார்க்கலாம்.

1.முதலில் நீங்கள் இலக்கு வைத்திடும் ஆப்ஜெக்ட் ஒன்றை தேர்ந்தெடுத்துக் கொள்ளுங்கள். அதன்பின் Slide Show/Custom Animation என்பதனைத் தேர்ந்தெடுங்கள்.

2. பின் (Task pane) டாஸ்க் பேனில் Add Effect என்பதனைத் தேர்ந்தெடுங்கள். பிளை அவுட் மெனுவில் Motion Paths என்பதன் மீது கிளிக் செய்திடவும்.

3. நீங்கள் தேர்ந்தெடுத்துள்ள ஆப்ஜெக்ட் ஒரு நேர் கோட்டில் வலது பக்கமோ இடது பக்கமோ நகரச் செய்வதாக இருந்தால் தரப்பட்டுள்ள பிளை அவுட்டில் அதற்கேற்ற முறையில் ஒன்றைத் தேர்ந்தெடுக்கவும்.

உங்கள் அனிமேஷன் வேடிக்கையான முறையில் அமைய வேண்டும் என எண்ணினால் Draw Custom Path என்பதைத் தேர்ந்தெடுத்து பிளை அவுட்டில் இருந்து Scribble என்பதைத் தேர்ந்தெடுக்கவும். Scribble என்பதைத் தேர்ந்தெடுக்கையில் மவுஸ் பாய்ண்ட்டர் ஒரு பென்சிலாக மாறும். ஒரு கோடு அல்லது வளைகோட்டினை வரையவும். அல்லது ஸ்கிரீனில் ஏதாவது கிறுக்கவும். இதனை முடித்துவிட்டவுடன் நீங்கள் எப்படி கோடு அல்லது கிறுக்கல் போட்டீர்களோ அதன்படி ஆப்ஜெக்ட் நகரும். இதன் பாதை நீங்கள் டிசைன் செய்திடும்போதுதான் உங்கள் கண்களுக்குத் தெரியும். ஸ்லைட் ஷோ பிரசன்டேஷனின் போது அது தெரியாது. ஆப்ஜெக்ட் நகர்வதுதான் தெரியும். இந்த பாதையை எந்த நேரத்திலும் நீங்கள் எடிட் செய்திடலாம். அதே போல அனிமேஷனை எதிர்புறத்திலும் பின்னோக்கி நகரச் செய்திடலாம். இதற்கு ஏற்கனவே அமைத்த பாதையில் ரைட் கிளிக் செய்து கிடைக்கும் மெனுவில் Reverse Path Direction என்பதைத் தேர்ந்தெடுக்கவும். இந்த பாதையை புதிய வடிவில் அமைத்திட மீண்டும் ரைட் கிளிக் செய்து Edit Points களைத் தேர்ந்தெடுக்கவும். இந்த பாதையில் உள்ள சில புள்ளிகளை நீக்க வேண்டும் என்றாலும் மெனு வரவழைத்து Delete Point கிளிக் செய்வதன் மூலம் நீக்கலாம். அதே போல புதிய பாய்ண்ட் அமைக்க வேண்டும் என்றால் Add Point என்பதனைத் தேர்ந்தெடுத்து அமைக்கலாம். எல்லாம் முடிந்த பின் அனிமேஷன் எப்படி இருக்கும் என்பதனை பிரிவியூ பார்த்து முடிவு செய்து கொள்ளலாம். நீங்கள் விரும்பிய பாதையை அமைத்து இயக்கினால் சொல்ல விரும்பும் கருத்து சரியாகப் பார்ப்பவர்களுக்கு விளங்கும்.

எக்ஸெல் பங்சனில் என்ன எழுத வேண்டும்?

2008-08-22T16:00:00.000-07:00

நீங்கள் எப்படியோ, ஆனால் எனக்கு இந்த சந்தேகம் எக்ஸெல் பயன்படுத்தும்போதெல்லாம் வரும். ஒரு எக்ஸெல் பங்சனில் என்ன ஆர்க்யுமெண்ட் எல்லாம் கொடுக்க வேண்டி இருக்கும். அதாவது = PMT( ) என்றால் அடுத்து அடைப்புக்குறிகளுக்குள் என்ன தர வேண்டும், அவற்றை எப்படித் தர வேண்டும் என்பது பல வேளைகளில் நினைவுக்கு வராது. ஆனால் இந்த பங்சன் கொடுக்க வேண்டிய சூழ்நிலைகளில் நாம் இருப்போம்.

எனவே உள்ளே தரப்பட வேண்டிய ஆர்க்யுமென்ட்கள் எப்படி இருக்க வேண்டும் என Function Wizard சென்று பார்க்க முயற்சிப்பேன். அப்படி இருந்தும் கூட பல வேளைகளில் இந்த ஆர்க்யுமென்ட்களை தவறாகவே நான் தந்திருக்கிறேன். ஆனால் இந்த சுற்றுவழியெல்லாம் இல்லாமல் ஒரு சுருக்கு வழி உள்ளது. வழக்கம்போல பங்சன் பெயரெல்லாம் கொடுத்துவிட்டு Ctrl + Shift + A அழுத்தவும். எடுத்துக் காட்டாக கடன் செலுத்தும் தொகையைக் காண =PMT( ) என ஒரு பங்சன் அமைக்கும்போது இவ்வாறு கீ தொகுப்பு கொடுத்தால் உடனே = PMT(rate,nper,pv,fv, type ) எனக் கிடைக்கும். இந்த உதவியைக் கொண்டு நீங்கள் டேட்டா அல்லது எந்த செல்லில் இந்த டேட்டா இருக்கிறதோ அதனை அமைக்கலாம். அதன் பின் விஷயம் எளிதாகிவிடும்.

ஒர்க் ஷீட் டேப் கலர் செட் செய்யலாமா!

எக்ஸெல் ஒர்க் ஷீட் டேப்களில் கலர் கொடுப்பதன் மூலம் ஒரே தன்மையிலான ஒர்க் ஷீட்களை நாம் அடையாளம் காண முடியும். எடுத்துக் காட் டாக ஸ்டேஷனரி, பல சரக்கு, செருப்பு மற்றும் ஷூ வகையறாக்களை விற்பனை செய்திடும் கடையில் உருவாக் கப்படும் வித்துமுதல் விற்பனை ஒர்க் ஷீட்களில் மேற்கண்ட ஒவ்வொரு வகைப் பொருளுக்கும் ஒரே மாதிரியான வண்ணம் கொடுப்பதன் மூலம் நாம் அவற்றை எளிமையாக அடையாளம் கண்டு இயக்க முடியும்.

1.முதலில் எந்த ஒர்க் ஷீட்டிற்கான வண்ணத்தை மாற்ற வேண்டுமோ அந்த டேபினைத் தேர்ந்தெடுத்து அதன் மீது ரைட் கிளிக் செய்திடவும்.

2.கிடைக்கும் பாப் அப் மெனுவில் டேப் கலர் என்பதைத் தேர்ந்தெடுக்கவும். இப்போது Format Tab Color Box என்ற டயலாக் பாக்ஸ் கிடைக் கும்.

3. கிடைக்கும் பல வண்ண பாக்ஸில் உங்களுக்குப் பிடித்த வண்ணத்தைத் தேர்ந்தெடுங்கள்.

4. ஏற்கனவே அந்த ஒர்க் ஷீட் டேபிற்கு ஒரு கலர் கொடுத்திருந்து அது வேண்டாம் என நீங்கள் எண்ணினால் Nணி இணிடூணிணூ என்பதனைத் தேர்ந்தெடுக் கவும். வேறு கலர் என்றால் அதனைத் தேர்ந் தெடுக்கவும்.
5. ஓகே கிளிக் செய்து வெளியேறவும்.

பிளாஷ் டிரைவிற்கு ஆண்டி வைரஸ் பாதுகாப்பு

2008-08-22T15:55:00.000-07:00

கையில் எடுத்துச் செல்லும் சிறிய கம்ப்யூட்டர் போல தற்போதைய பிளாஷ் டிரைவ் உருவாகி வருகிறது. சென்ற இதழ்களில் பிளாஷ் டிரைவில் வைத்து எந்த கம்ப்யூட்டரிலும் இயக்கக் கூடிய சில தொகுப்புகள் குறித்த தகவல்கள் தரப்பட்டன. அப்படியானால் இந்த பிளாஷ் டிரைவ்களிலும் ஆண்டி வைரஸ் தொகுப்புகளைப் பதிந்து வைத்து அதில் வைரஸ்கள் நுழைந்துவிடாமல் பாதுகாக்கலாமே என்று பல வாசகர்கள் கடிதங்கள் எழுதி இருக்கின்றனர். இந்த எண்ணத்துடன் இணையத்தை தேடியபோது சில பயனுள்ள தகவல்கள் கிடைத்தன.

பிளாஷ் டிரைவ்களை நாம் பல்வேறு கம்ப்யூட்டர்களில் இணைத்துப் பயன் படுத்துகிறோம். பெரும்பான்மையான கம்ப்யூட்டர்களில் வைரஸ் பாதுகாப்பு நடவடிக்கைகள் மேற்கொள்ளப்பட்டுள்ளனவா என்று தெரியாது. அவற்றை அவ்வப்போது செக் செய்திடவும் முடியாது. அவை தரும் பாதுகாப்பிற்கு எந்த உத்தரவாதத்தையும் பெற முடியாது. அப்படியே அந்த கம்ப்யூட்டரில் ஆண்டி வைரஸ் புரோகிராம் இருந்தாலும் அது அப்டேட் செய்யப்பட்டதா எனவும் நாம் உறுதி செய்து கொள்ள முடியாது. எனவே பாதுகாப்பற்ற ஒரு கம்ப்யூட்டரில், பிளாஷ் டிரைவை இணைத்துப் பயன்படுத்துகையில் நம் பிளாஷ் டிரைவ் வைரஸால் பாதிக்கப்பட்டு அதில் உள்ள தகவல்களை இழக்கும் நிலைக்கு நாம் தள்ளப்படுகிறோம். இந்நிலையில் தான் நம் பிளாஷ் டிரைவினையும், வைரஸ் மற்றும் பிற தீங்கு விளைவிக்கும் புரோகிராம்களிலிருந்து பாதுகாக்க வேண்டியதுள்ளது. அதற்கான ஒரு புரோகிராம் குறித்து இங்கு காணலாம். AntiVir personal Edition என்னும் புரோகிராம் இவ்வகையில் சிறந்த புரோகிராமாக நமக்குக் கிடைக்கிறது. இதனை http://www. freeav.com என்ற முகவரியில் உள்ள தளத்திலிருந்து இறக்கிக் கொள்ளலாம். இந்த புரோகிராமினை பிளாஷ் டிரைவில் பதிந்து அதிலிருந்தே இயக்கலாம். இதனால் வைரஸால் பாதிக்கப்பட்ட கம்ப்யூட்டரிலிருந்து வைரஸ்கள் பரவுவது தடுக்கப்படுகிறது. இந்த புரோகிராமினையும் தேவைப்படும்போது அப்டேட் செய்து கொண்டே இருக்க வேண்டும். இதை நம் பிளாஷ் டிரைவில் பதிந்து கொள்வதும் எளிதாக உள்ளது.

AdAware SE Personal Edition 1.06 : இந்த புரோகிராம் நம் பிளாஷ் டிரைவிற்குள் எந்த ஸ்பை வேர் புரோகிராமும் நுழையவிடாமல் பாதுகாக்கிறது. இவ்வகையில் இதன் திறன் மிகவும் சிறப்பாக இருக்கிறது.

இந்த புரோகிரமினை இன்ஸ்டால் செய்திடுகையில் நேரடியாக உங்கள் பெர்சனல் கம்ப்யூட்டரில் முதலில் இன்ஸ்டால் செய்திட வேண்டும். அதன் பின் Start, Programs, எனச் சென்று அங்கு கிடைக்கும் AdAware பைலினை உங்கள் பிளாஷ் டிரைவில் காப்பி செய்து விடுங்கள். பிளாஷ் டிரைவ் பாதுகாப்பில் இருக்கும் படி செட் செய்துவிடுங்கள். ஒரு சிலர் இவ்வளவு வேலை இருக்கிறதா? பேசாமல் பிளாஷ் டிரைவினை நம்பிக்கையற்ற பெர்சனல் கம்ப்யூட்டர்களில் இணைக்க வேண்டாம் என்று எண்ணுவார்கள். இந்தக் காலத்தில் நம்பிக்கை உள்ள மற்றும் நம்பிக்கை இல்லாத கம்ப்யூட்டர் என்று எதுவுமே இல்லை. எதில் வேண்டு மானாலும் மோசமான வைரஸ் இருக்கலாம். ஒரு முறை தலைமைச் செயலகத்தில் ஆணையர் ஒருவரின் பெர்சனல் கம்ப்யூட்டரில் இருந்து வீட்டில் பைல் பார்ப்பதற்காக பைல் ஒன்றினைக் காப்பி செய்திட வேண்டி இருந்தது. தலையில் சத்தியம் செய்யாத குறையாக வைரஸ் எதுவுமில்லை என்று சொன்னதால் பைலைக் காப்பி செய்து என் வீட்டிற்குக் கொண்டுவந்தேன். அதிக அதிகாரமிக்க அதிகாரியின் கம்ப்யூட்டரில் வைரஸ் எங்கிருக்கப் போகிறது என்று அசட்டுத் தைரியம். உயர் அதிகாரி சொல்லும் போது கேட்கத்தானே வேண்டும் என்கிற மரியாதை. பைலைக் காப்பி செய்து என் கம்ப்யூட்டருக்குமாற்றினேன். அடுத்த முறை பூட் செய்திடுகையில் பைல்கள் எல்லாம் தடுமாறின; தலைகீழாக மாறின; ஒவ்வொரு பைலும் ஒரு இ.எக்ஸ்.இ. பைலாக மாறின. அவ்வளவு தான் அன்று இரவு சிவராத்திரி. என்ன செய்தும் வைரஸ் நகர மறுத்தது. இறுதியில் வேறு வழியின்றி ஹார்ட் டிஸ்க்கில் சி டிரைவினை ரீ பார்மட் செய்து பைல்களை மீண்டும் காப்பி செய்து உறங்க அதிகாலை மூன்று மணி ஆயிற்று. இத்தனைக்கும் என் கம்ப்யூட்டரில் நல்ல திறன் கொண்ட ஆண்டி வைரஸ் உள்ளது. எனவே பாதுகாப்பு வளையங்களை மட்டும் அதிகப்படுத்தினால் போதாது. எச்சரிக்கையுடனும் கம்ப்யூட்டர்களைக் கையாள வேண்டும்.

உங்களை நேரத்தில் துயில் எழுப்ப

2008-08-22T15:47:00.000-07:00

உங்கள் கம்ப்யூட்டருடன் உள்ள இன்டர்நெட் இணைப்பு நீக்கப்பட்டுவிட்டாலும் உங்களை எழுப்பும் அலாரம் தருவதுதான் KuKu Klok என்ற ஆன்லைன் அலாரம். இது http://kukuklok.com/ என்ற தளத்தில் கிடைக்கிறது.

இந்த தளம் சென்றவுடன் அதில் காட்டப்பட்டுள்ள டிஜிட்டல் கடிகாரத்தில் ப்ளஸ் அல்லது மைனஸ் அடையாளத்தில் கிளிக் செய்து நீங்கள் விரும்பும் நேரத்தை செட் செய்திடவும். அலாரத்திற்கான நேரம் செட் செய்யப்பட்டவுடன் உங்களுக்கு எந்த சத்தம் கொண்டு எழுப்ப என்பதனை செட் செய்திட வேண்டும். சேவல் கூவுவது, எலக்ட்ரானிக் கிடார் என நான்கு வகையான ஒலிகள் தரப்பட்டுள்ளன. இவை எப்படி இருக்கும் என சோதித்தும் பார்க்கலாம். இந்த இரண்டும் தேர்ந்தெடுக்கப்பட்டவுடன் Set Alarm என்னும் பட்டனில் கிளிக் செய்திடவும். இப்போது அலாரம் ரெடி. உங்கள் இன்டர்நெட் இணைப் பினைத் துண்டித்து விட்டாலும் குறிப்பிட்ட நேரத்தில் அலாரம் அடித்து உங்களை எழுப்பிவிடும். அலாரம் செட் செய்த பின் Set Alarm பட்டன் Cancel பட்டனாக மாறிவிடும். எனவே நேரம் அல்லது அலாரம் ஒலியினை நீங்கள் மாற்ற வேண்டும் என எண்ணினால் மாற்றிவிடலாம். அலாரம் அடிக்கையில் இந்த பட்டன் Stop பட்டனாக மாறிவிடும். அலாரம் அடித்துக் கொண்டிருக்கையில் இதனை அழுத்தினால் அலாரம் அடிப்பது நின்றுவிடும். நான் மதியம் தூங்கும்போது, அடுப்பில் சிலவற்றை வைத்துவிட்டு சமையல் செய்கையில், வாஷிங் மெஷின் ஓடுகையில், நல்ல தூக்கம்மேற்கொள்கையில் எனப் பல விஷயங்களுக்கு இந்த அலாரத்தினைப் பயன்படுத்தி உள்ளேன். மிகவும் பயனுள்ள விஷயம் இது.

இலவச ஆண்டி வைரஸ் சாப்ட்வேர் தொகுப்புகள்

2008-08-22T15:45:00.000-07:00

வைரஸ்களைத் தடுத்து நிறுத்தி அழித்திடும் தொகுப்புகள் இன்று கம்ப்யூட்டர் பயன்பாட்டில் கட்டாயத் தேவையாய் ஆகிவிட்டன. ஆப்பரேட்டிங் சிஸ்டமும் பிரவுசர் தொகுப்பும் எத்தனை பாதுகாப்பாய் அமைக்கப்பட்டாலும் வைரஸ்களும் ஸ்பைவேர்களும் நாளுக்கு நாள் பெருகி கம்ப்யூட்டர் பயன்பாட்டிற்கு சவாலாய் உள்ளன.

எனவே தான் ஆண்டி வைரஸ்கள் பயன்படுத்தப்படுவது மட்டுமல்ல அவை அப்டேட் செய்யப்பட வேண்டும் என்று இந்த பக்கங்களில் குறிப்புகள் தொடர்ந்து தரப்பட்டு வருகின்றன. வாசகர்கள் பலர் இதற்கான தொகுப்புகளை விலை கொடுத்து வாங்கி ஆண்டு தோறும் அதனை மேம்படுத்த கட்டணம் செலுத்துவதும் இயலாததாய் உள்ளது என்றும் இலவசமாக கிடைக்கும் ஆண்டி வைரஸ் சாப்ட்வேர் தொகுப்புகளில் சிறந்தவை எவை என்று கேட்டு எழுதி வருகின்றனர். அவர்களுக்கான சில குறிப்புகள் இங்கு தரப்படுகின்றன. சைமாண்டெக், மேக் அபி, இசெட் மற்றும் மைக்ரோசாப்ட் உட்பட பல நிறுவனங்கள் ஆண்டி வைரஸ் தொகுப்புகளை தயாரித்து வழங்குகின்றன. இவற்றில் சில அனைத்து வகை பாதுகாப்பையும் தருவதாக விளம்பரப்படுத்துகின்றன. ஆனால் தொடக்க கட்டணம் ரூ.4,000 லிருந்து ரூ. 7,000 வரை உள்ளன. இதனால் தான் பலரும் இலவச தொகுப்புகளை நாடுகின்றனர். இணையத்தில் பல தொகுப்புகள் இலவசமாகக் கிடைக்கின்றன. இதில் என்ன வேடிக்கை என்றால் இலவசமாக ஆண்டி வைரஸ் தொகுப்பு தருகிறேன் என்று சொல்லி பல தளங்கள் வைரஸ்களையும் கம்ப்யூட்டர் செயல்பாட்டை முடக்கும் புரோகிராம்களையும் அனுப்பி கெடுதல் விளைவிக்கின்றன. இருப்பினும் சில ஆண்டி வைரஸ் புரோகிராம்கள் முற்றிலும் இலவசமாகவே பாதுகாப்பினைத் தருகின்றன. அவற்றில் சில பற்றிய குறிப்புகள்:

தொகுப்பு 1:

1. பெயர்: Avast! 4 Home EditIon
2. நிறுவனம் : ALWIL Software
3. பைல் அளவு: 26309 கேபி
4. கட்டணம் : இலவசம்
5. இயக்கத்தொகுப்பு : விண்டோஸ்
6.இணைய தள முகவரி : http://files.avast. comiavs4prosetupeng.exe

இந்நிறுவனம் பல ஆண்டுகளாக இலவச ஆண்டி வைரஸ் தொகுப்புகளை வழங்கி வருகிறது. பல நிறுவனங்கள் இதன் தொகுப்புகளை மாடலாகக் கொண்டு இதே போல இலவச புரோகிராம்களை வழங்கி வருகின்றன. 4 ஏணிட்ஞு உஞீடிtடிணிண என்பது அண்மைக் காலத்திய பதிப்பாகும். இதில் ஒரு இன்ஸ்டண்ட் மெசேஜ் ஸ்கேனர், இமெயில் ஸ்கேனர், வைரஸ்களிடமிருந்து பாதுகாக்கும் வளையம் மற்றும் அனைத்து பைல்களையும் ஸ்கேன் செய்திடும் ஸ்கேனர் தரப்பட்டுள்ளது. இந்த தொகுப்பு அவ்வப்போது உருவாகி வரும் வைரஸ்களுக்கு எதிராகத் தன்னை வளப்படுத்தி எதிர்த்து தொடர்ந்து பாதுகாப்பு வழங்குகிறது. இதனுடைய ஸ்கேனிங் செய்திடும் வேகமும் கூடுதலாகவே உள்ளது. இந்த சாப்ட்வேர் தொகுப்பினை முதலில் ஓர் ஆண்டிற்கு இலவசமாகப் பதிந்து பெற்றுக் கொள்ளலாம். வெகு எளிதாகப் பதிந்து பெறும் வசதி தரப்பட்டுள்ளது.

தொகுப்பு 2:

1. பெயர்: Avast! AVG Antivirus 8 Free Edition
2. நிறுவனம் : Grisoft Inc
3. பைல் அளவு: 47924 kb
4. கட்டணம் : இலவசம்
5. இயக்கத்தொகுப்பு : விண்டோஸ்
6.இணைய தள முகவரி : http://www.goisoft.cz/filedir/inst/avg frestfen 8138a1332.எஷெ

பல ஆண்டுகளாகக் கம்ப்யூட்டர் பயன்படுத்துபவர்களிடையே மிகவும் அதிகமாகப் பயன்படுத்தப்படும் இலவச ஆண்டி வைரஸ் சாப்ட்வேர் தொகுப்பு இது. ஒரு சில அலுவலகங்களில் பணம் கட்டி வேறு ஆண்டி வைரஸ் தொகுப்பு வாங்கினாலும் கம்ப்யூட்டரை இயக்குபவர்கள் தங்களுக்கு இதுதான் வேண்டும் என்று ஏ.வி.ஜி. ஆண்டி வைரஸ் தொகுப்பைப் பயன்படுத்தி வருகின்றனர். இந்த தொகுப்பைப் பயன்படுத்துகையில் ஓரளவிற்கே சிஸ்டம் தரும் மெமரியைப் பயன்படுத்துவதால் பிரச்னை எதுவும் இதன் இயக்கத்தால் ஏற்படுவதில்லை. பைல்களை ஸ்கேன் செய்வதில் இந்த தொகுப்பு காட்டும் வேகம் குறிப்பிடத்தக்கது. தொடர்ந்து இலவசமாகவே இதனைப் பயன்படுத்திக் கொள்ளலாம் என்பது இதன் சிறந்த அம்சம். அதைப் போல இதன் அப்டேட்டுகளும் என்றைக்கும் இலவசமே.

தொகுப்பு 3:

1. பெயர்: Avira Anti Personal Edition
2. நிறுவனம் : Avira GmbH
3. பைல் அளவு: 24462 kb
4. கட்டணம் : இலவசம்
5. இயக்கத்தொகுப்பு : விண்டோஸ்
6.இணைய தள முகவரி : http://dl1.avgate.net/down/windows/antivirorkstation_win_en_h.exe

இந்த தொகுப்பிற்கும் பல ரசிகர்கள் உள்ளனர். அவாஸ்ட் தொகுப்பு போல பல வகைகளில் இது வைரஸ் தொகுப்பிற்கு எதிரான பாதுகாப்பினை வழங்கி வருகிறது. பயன் படுத்துவோரை வழி நடத்த இந்த தொகுப்பு தரும் டயலாக் பாக்ஸ்கள் குறிப்பிடத் தக்கவையாகும். பைல்களை மிக வேகமாக ஸ்கேன் செய்கிறது. ஆனால் அடிக்கடி வரும் பாப் அப் விண்டோக்கள் சில சமயம் எரிச்சலைத் தருகின்றன. முழுவதும் என்றும் இலவசமாய் இயங்கும் தொகுப்பு இது. இணையத்தில் இன்னும் பல சிறந்த ஆண்டி வைரஸ் தொகுப்புகள் உள்ளன. வரும் காலத்திலும் நிறைய கிடைக்கலாம். ஆனாலும் எச்சரிக்கையுடன் புதிய தொகுப்புகளை டவுண்லோட் செய்து பயன்படுத்த வேண்டும். எனவே தான் சோதிக்கப்பட்டு பலரால் பயன்படுத்தப்படும் பாதுகாப்பான மூன்று தொகுப்புகள் குறித்த விளக்கம் மேலே தரப்பட்டுள்ளது. வாசகர்கள் இவற்றைப் பயன்படுத்தலாம்.

வேர்ட் டிப்ஸ்

2008-08-22T15:42:00.000-07:00

வேர்டில் பாரா இன்டென்ட்

வேர்ட் தொகுப்பைப் பயன்படுத்துபவர்களுக்கு இந்த குறிப்பு மிகவும் பயனுள்ளதாக இருக்கும். நாம் அனைவருமே பாராவில் இன்டென்ட் என்று சொல்லப்படும் முதல் வரி ஸ்பேஸ் இடைவெளிவிட்டு டெக்ஸ்ட்டை அமைப்போம்.

இதில் இன்டென்ட் மற்றும் ஹேங்கிங் இன்டென்ட் என்று வகைகள் உண்டு. இன்டென்ட் என்பது நாம் வழக்கமாக பாராவின் முதல் வரியில் முன் இடைவெளி விட்டு அமைப்பது. ஹேங்கிங் இன்டென்ட் என்பது முதல் வரி தவிர்த்து மற்ற வரிகளை இன்டென்ட் செய்து ஸ்பேஸ் விட்டு அமைப்பது. இதற்கு கீ போர்டில் இருந்து கைகளை எடுத்து பின் மவுஸ் தேர்ந்தெடுத்து சரியான இடத்தில் கர்சரை வைத்து பின் மீண்டும் கீ போர்டு பயன்படுத்தி இன்டென்ட் அமைக்கிறோம். மவுஸ் இல்லாமல் கீ போர்டு மூலம் இன்டென்ட் அமைக்க கீழ்க் குறிப்பிட்டுள்ள கீகளைப் பயன்படுத்தவும்.

Ctrl + M கொடுத்தால் மொத்த பாராவும் அரை அங்குலம் நகர்ந்து கொடுக்கும். மேலும் அதிகம் நகர்ந்து செல்ல அடுத்தடுத்து கொடுக்கவும்.

Ctrl + Shift + M : கொடுத்தால் அரை அங்குலம் இன்டென்ட் இருப்பதைக் குறைக்கும். அதாவது ஏற்கனவே கொடுத்த இடைவெளியை முழு பாராவிற்கும் குறைக்கும்.

Ctrl + T : இந்த கீகள் ஹேங்கிங் இன்டென்ட் இடைவெளியை ஒரு டேப் ஸ்பேஸ் அளவிற்கு வலது புறமாக நகர்த்தும்.

Ctrl + Shift + T : ஹேங்கிங் இன்டென்ட் இடைவெளியை ஒரு டேப் ஸ்பேஸ் அளவிற்குக் குறைக்கும். கீ போர்டு மூலமாகவே இன்டென்ட் அமைப்பது எளிதாக உள்ளதா!

எனக்கு வேண்டாம் டிராயிங் கேன்வாஸ்

வேர்ட் தொகுப்பில் படம் ஒன்றினை இன்ஸெர்ட் செய்திட முயற்சிக்கையில் ஒரு டிராயிங் கேன்வாஸ் நமக்குக் காட்டப்படுகிறது. இந்த கேன்வாஸில் Create your drawing here என்று கிரே கலரில்ஒரு செய்தி காட்டப்படுகிறது. நாம் இங்கு படத்தை ஒட்டுகையில் அல்லது வரைய முற்படுகையில் பல வேளைகளில் இந்த கேன்வாஸுக்கு வெளியே படங்கள் செல்கின்றன. நாம் அவற்றை மீண்டும் இழுத்து அமைக்க வேண்டியுள்ளது. இது போன்ற கேன்வாஸ் இல்லை என்றால் நாம் நினைத்தபடி படத்தினை வரையலாம்; அல்லது ஒட்டலாம். ஆனால் இந்த கேன்வாஸ்வந்துவிடுகிறதே. என்ன செய்யலாம்? ஒன்றுமில்லை வேர்ட் தொகுப்பிடம் இந்த கேன்வாஸ் எல்லம் எனக்கு வேண்டாம். நானே பார்த்துக் கொள்கிறேன் என்கிறபடி செட் செய்திட்டால் போதும். இதற்கு Tools மெனு சென்று Options பிரிவைத் தேர்ந்தெடுக்கவும். இதில் General என்னும் டேபைத் திறந்து கிடைக்கும் கட்டத்தில் “Automatically create drawing canvas when inserting AutoShapes” என்று இருக்கும் வரியின் முன்னால் டிக் செய்யபட்டிருந்தால் எடுத்துவிடவும். இனி மேல் நீங்களாக இதனை மாற்றும் வரை டிராயிங் கேன்வாஸ் வராது, வராது, வராது.

ஒர்க் ஷீட்டில் வாட்டர் மார்க்

2008-08-22T15:40:00.000-07:00

ஒர்க் ஷீட் ஒன்றில் அதன் தன்மை பொறுத்து ஏதேனும் பெயர் ஒன்றினை வாட்டர் மார்க்காக அமைக்க விரும்பினால் அதற்கு எக்ஸெல் உதவிடும். எடுத்துக் காட்டாக ஏதேனும் நிறுவன நிதி நிலை குறித்து ஒர்க் ஷீட் ஒன்று தயாரிக்கலாம்.

அதில் “Confidential” என அமைக்க விரும்பலாம். அல்லது நிறுவனப் பெயரினையே அமைக்க விரும்பலாம். இதற்கான செட்டிங்ஸ் வழிகளைப் பார்க்கலாம்.

1.முதலில் ஏதேனும் ஒரு டூல் பாரில் ரைட் கிளிக் செய்து கிடைக்கும் மெனுவில் WordArt என்பதனைத் தேர்ந்தெடுக்கவும். இனி வேர்ட் ஆர்ட் டூல்பாரில் Insert WordArt என்ற ஐகானைத் தேர்ந்தெடுத்து கிளிக் செய்திடவும்.

2. கிடைக்கும் வேர்ட் ஆர்ட் காலரியில் உங்களுக்குப் பிடித்த வேர்ட் ஆர்ட்டினைத் தேர்ந்தெடுத்து என்டர் செய்தால் அதனை எடிட் செய்திடும் விண்டோ கிடைத்திடும். டெக்ஸ்ட்டை நீங்கள் அமைக்க விரும்பும் சொல்லாக மாற்றவும். பின் பாண்ட் அதன் அளவு ஆகியவற்றைத் தேர்ந்தெடுத்து ஓகே கிளிக் செய்து வெளியேறவும்.

3. இப்போது நீங்கள் தேர்ந்தெடுத்த சொல் வேர்ட் ஆர்ட் படிவத்தில் ஒர்க் ஷீட்டில் கிடைக்கும். அதன் மீது ரைட் கிளிக் செய்திடவும். Format WordArt என்பதைத் தேர்ந் தெடுக்கவும். கிடைக்கும் விண்டோவில Colors and Lines என்ற டேபில் கிளிக் செய்திடவும். இதில் Fill என்ற பகுதியில் No Fill என்பதனைத் தேர்ந்தெடுக்கவும். Line என்ற பிரிவில் மிகவும் வெளிறிப்போன வண்ணமாக இல்லாமல் ஓரளவிற்குத் தெரிகின்ற வண்ணமாகத் தேர்ந்தெடுக்கவும்.

4. மீண்டும் வேர்ட் ஆர்ட் மீது ரைட் கிளிக் செய்திடவும். வரும் மெனுவில் Order என்பதனைத் தேர்ந்தெடுக்கவும். அதன்பின் Send to Back என்பதில் கிளிக் செய்து மெனுவை மூடவும். 5. இப்போது வேர்ட் ஆர்ட்டில் உள்ள அந்த சொல்லை எந்த இடத்தில் எந்த கோணத்தில் வைத்திட வேண்டும் என்பதனை முடிவு செய்து அதே போல் வைக்கவும். இந்த வேர்ட் ஆர்ட் சில செல்கள் மீது இடம் பெற்றிருந்தாலும் அந்த செல்களில் நீங்கள் உங்கள் தகவல்களை இடலாம். தகவல்கள் வேர்ட் ஆர்ட் மீதாக குறிப்பிட்ட செல்களில் அமையும். இப்போது ஒர்க் ஷீட்டில் நீங்கள் தேர்ந்தெடுத்து அமைத்த வாட்டர் மார்க் இடம் பெறும். இது அச்சிலும் தெரியவரும்.

எக்ஸெல் ஒர்க் ஷிட்டில் செல் ஒன்றில் உள்ள சொற்களின் எண்ணிக்கையை தெரிந்து கொள்ளலாம். இதற்கான பார்முலாவினை அந்த செல்லுக்காய் அமைத்தால் போதும். எடுத்துக் காட்டாக A1 செல்லில் Do you have today’s Dinamalar? என டைப் செய்திடுங்கள். அதன் பின் கீழ்க்குறித்த பங்சனைப் பயன்படுத்தவும்.=IF(LEN(A1)=0,0,LEN(TRIM(A1))LEN(SUBSTITUTE(TRIM(A1),” “,””))+1) விடை 5 எனக் கிடைக்கும்.

இலவசமாய் கிடைக்கும் பயனுள்ள புரோகிராம்கள்

2008-08-22T15:34:00.000-07:00

இன்டர்நெட் தளத்தில் இலவசமாக நமக்குப் பல புரோகிராம்கள் கிடைக்கின்றன. இவற்றின் பயன்பாடுகள் பலவகையாகும். இலவச டிவி, ஆடியோ மற்றும் வீடியோ வசதி, கம்ப்யூட்டரில் ஆட்டோ ஹாட் கீ அமைப்பு என இவை பல்வேறு வகைகளாகும். அவற்றில் சிலவற்றை இங்கு பார்ப்போம்.

1. டவுண்லோட் மேனேஜர்: இன்டர்நெட்டினை அடிக்கடி பயன்படுத்துபவர்கள் சராசரியாக நாளொன்றுக்கு ஒரு புரோகிராமையாவது டவுண்லோட் செய்கிறார்கள் என ஓர் ஆய்வு கூறுகிறது. எத்தனை வைரஸ் பயமுறுத்தல் இருந்தாலும் இலவசம் மற்றும் புதிய பயன்பாடு என்று தெரிந்தவுடன் அந்த புரோகிராமினை இறக் கிப் பார்க்கத்தான் மனசு துடிக்கிறது. இவ்வாறு டவுண் லோட் செய்திடும் புரோகிராம் களை பலர் தங்கள் கம்ப்யூட்டர் டிரைவ் களில் அப்படியே சாப்ட்வேர் ஸ்டோர் ரூம் தயார் செய்து வைத்துவிடுகின்றனர். 45 சதவிகிதம் பேரே பயன்படுத்துகின்றனர். இது போல டவுண்லோட் செய்பவர்களுக்கு உதவிடும் வகையில் இலவச டவுண்லோட் மேனேஜர் ஒன்று www.freedownloadma nager.com (FDM) என்ற முகவரியில் கிடைக்கிறது.

இதில் டவுண் லோட் சம்பந்தப்பட்ட அனைத்து வசதிகளும் கிடைக்கின்றன. டவுண்லோட் செய்யப்படும் புரோகிராமினைப் பிரித்து டவுண்லோட் செய்வது, ஒரே பைலுக்கு பல மிர்ரர் பைல்களை உருவாக்குவது, யு–ட்யூப் போன்ற வீடியோ தளங்களிலிருந்து பிளாஷ் வீடியோக்களை டவுண்லோட் செய் வது, இதற்கான பிட் டாரண்ட் சப்போர்ட் என இது தரும் வசதிகள் நீண்டு கொண்டே போகின் றன. டவுண்லோட் செய்யப்படும் புரோகிராம் ஸிப் பைலாக இருந் தால் அதில் என்ன என்ன பைல்கள் உள்ளன என்று பார்த்து நமக்குத் தேவயான பைல்களை மட்டும் டவுண்லோட் செய்திடும் வசதி குறிப்பிட்டுச் சொல்லக் கூடியதாகும். இதனைப் பயன்படுத்தி டவுண்லோட் செய்தவர்கள் அளித்துள்ள கருத்துக்களை இந்த தளத்தின் சமுதாய தளப்பிரிவில் படிக்கலாம். மிகவும் பயனுள்ளவையாகவும் இந்த புரோகிராமினைப் புரிந்து கொள்ளக் கூடியதாகவும் உள்ளன. அண்மையில் தரப்படும் இந்த FDM புரோகிராம் உங்கள் கம்ப்யூட்டரை முழுவதுமாக ஸ்கேன் செய்து நீங்கள் வைத்துள்ள புரோகிராம்கள் அனைத்தும் லேட்டஸ்ட் புரோகிராம்களா என்று சோதனை செய்து அப்படி இல்லை என்றால் அவற்றை அப்டேட் செய்வதற்கான வழிகளையும் தருகிறது. இதைப் போல இன்னொரு புரோகிராமும் இன்டர்நெட்டில் கிடைக்கிறது. அதன் தள முகவரி www.orbitdownloader.com. . ஆனால் FDM போல கூடுதலான வசதிகள் இதில் இல்லை.

2.உங்கள் இஷ்டத்திற்கு ஷார்ட் கட் கீ: கம்ப்யூட்டர் வந்ததிலிருந்து நேரம் மிச்சம் செய்வதற்கும், குறைந்த உழைப்பிற்கும் பல வழிகளை நாம் பெற்று வருகிறோம். அந்த வகையில் கீ போர்டு ஷார்ட் கட் கீகளை அந்த அந்த அப்ளிகேஷன் புரோகிராம்களே தந்து வருகின்றன. எம்.எஸ். ஆபீஸ் மற்றும் பிரவுசர்கள் அனைத்திற்கும் ஹாட் கீகள் உள்ளன.

இருப்பினும் நம் வசதிக்கு நாம் விரும்பும் வகையில் இந்த ஆட்டோ ஹாட் கீகள் அமைந்தால் இன்னும் வசதியாக இருக்கும் என்று நாம் எண்ணுகிறோம், விரும்புகிறோம். அந்த வகையில் நமக்கு உதவிட கிடைப்பது Auto Hotkey என்னும் அப்ளிகேஷன் புரோகிராம். இந்த புரோகிராம் www.autohotkey.com என்ற முகவரியில் உள்ள தளத்தில் கிடைக்கிறது. இதன் மூலம் எந்த கீ இணைப்புகளிலும் நீங்கள் விரும்பும்செயல்பாட்டினை அமைத்துப் பயன்படுத்தலாம். அத்துடன் இந்த புரோகிராம் உங்கள் கீ போர்டு மற்றும் மவுஸ் பயன்பாட்டினை பதிவு செய்து அவற்றை நீங்கள் விரும்பும் எத்தனை முறையும் சுருக்கமாகச் செயல்படுத்த உதவிடுகிறது. இந்த புரோகிராம் தன்னுடைய ஸ்கிரிப்டிங் மொழியைப் பயன்படுத்துகிறது. இதை உணர்ந்து பயன் படுத்துவதும் எளிது. தெரிந்து கொண்டால் மிகவும் ஆச்சரியப்படத்தக்க வகையில் நம்மால் ஆட்டோ ஹாட் கீ களை அமைக்கலாம். இந்த ஸ்கிரிப்டிங் மொழியைக் கட்டாயம் கற்றுக் கொண்டுதான் ஆக வேண்டும் என்பதில்லை. இந்த புரோகிராம் தரும் ஆட்டோ ஸ்கிரிப்ட் ரைட்டர் உங்களுக்காக மேக்ரோக்களைப் பதிவு செய்கிறது.

ஆட்டோ ஹாட் கீ புரோகிராமினை இன்ஸ்டால் செய்தவுடன் உங்களுக்குப் பிடித்த அப்ளிகேஷன் புரோகிராம்களைத் திறக்க ஆட்டோ ஹாட் கீகளை உருவாக்கலாம். எடுத்துக் காட்டாக Windows + W இணைந்து எம்.எஸ்.வேர்டைத் திறக்குமாறு செய்திடலாம். இப்படியே பல புரோகிராம்களுக்கான ஹாட் கீகளை அமைக்கலாம். ஆனால் இந்த புரோகிராமின் முழு பயனை அடைய இதன் ஸ்கிரிப்டிங் மொழியை புரிந்து கொள்வது நல்லது. இதற்கான வழிகாட்டியும் இந்த தளத்தில் உள்ளது. அதன் முகவரி www.autohotkey.com/docs/scripts.htm. நீங்கள் உருவாக்கும் ஹாட் கீகளை எடுத்துச் சென்று பயன்படுத்தும் வசதியும் உள்ளது. ஒவ்வொரு ஸ்கிரிப்டையும் ஒரு இ.எக்ஸ்.இ. பைலாக உருவாக்கலாம். அதன் மீது ரைட் கிளிக் செய்து Compile script என்பதில் கிளிக் செய்தால் அது ஒரு இ.எக்ஸ்.இ. பைலாக உருவாகும். இந்த பைலை எந்த பெர்சனல் கம்ப்யூட்டரிலும் பயன்படுத்தலாம். இவை அனைத்தும் புதிய கம்ப்யூட்டரில் சிஸ்டம் ட்ரேயில் அமர்ந்து கொண்டு உங்களுக்கு உதவிடும். Exit கொடுத்தால் இவற்றிலிருந்து வெளியேறலாம். புதிய அந்த கம்ப்யூட்டரில் எந்த பாதிப்பையும் ஏற்படுத் தாது. இதே போன்ற இன்னொரு புரோகிராம் http://www.winkeymx.com/ என்ற முகவரியில் உள்ள தளத்தில் உள்ளது. ஆனாலும் ஆட்டோ ஹாட் கீ போல அனைத்து வசதிகளையும் தரும் வேறு புரோகிராம் எதுவும் இல்லை என்றே கூறலாம்.

3.இலவச டிவி புரோகிராம்: இன்டர்நெட் இணைப்பு வசதி குறைந்த கட்டணத்தில் கிடைப்பதால் (மற்ற நாடுகளுடன் ஒப்பிடுகையில் இங்கு மிக மிக அதிகம்தான்) பலரும் இதன் மூலம் அனைத்து வசதிகளையும் பெற எண்ணுகின்றனர். அவ்வகையில் டிவி மற்றும் திரைப்படங்களையும் பார்க்க துடிக்கின்றனர். உங்களிடம் மத்திய நிலை வேகத்தில் இன்டர்நெட் இணைப்பு வசதி இருந்தால் இது சாத்தியமே. இந்த வகையில் நமக்கு உதவிடுவது Joost என்னும் புரோகிராம் ஆகும்.

இது www.joost.com என்ற முகவரியில் உள்ள தளத்தில் கிடைக்கிறது. முற்றிலும் இலவச டிவி தரும் புரோகிராம் என இதனைக் கூறலாம். மேலே குறிப்பிட்டுள்ள தளத்திலிருந்து Joost புரோகிராமினை டவுண்லோட் செய்து கொள்ளவும். இந்த கிளையண்ட் புரோகிராம் மூலம் உலகெங்கும் உள்ள டிவி நிகழ்ச்சிகளைக் காண முடிகிறது. (ஆனால் எத்தனை நிகழ்ச்சிகளை நாம் பார்த்து புரிந்து ரசிக்க முடியும் என்பது வேறு விஷயம்) இதன் மூலம் கிடைக்கும் வீடியோவின் தன்மை அவ்வளவு சிறப்பாக இருக்குமா என்பது நீங்கள் பயன்படுத்தும் சாதனங்களைப் பொறுத்து உள்ளது. இருந்தாலும் பார்க்க சகிக்க முடியாத அளவில் இது அமைவதில்லை. இது தரும் சேனல்களின் எண்ணிக்கையைப் பார்த்தால் அசந்து போவீர்கள். மொத்தம் 480 சேனல்களைத் தருகிறது. இதனை வகை வகையாகப் பிரித்தும் பார்க்கலாம். காமெடி, கார்ட்டூன், டாகுமெண்டரி என வகைகளும் நிறைய இருக்கின்றன. ஒவ்வொரு சேனலிலும் உங்களுக்குப் பிடித்த படக் காட்சிகளைத் தேர்ந்தெடுத்து அவற்றை இணைத்து பார்க்கும் வகையில் அமைத்துக் கொள்ள வசதி தரப்பட்டுள்ளது. இந்த Joost புரோகிராமின் சிறப்பு நாம் கேட்பதை வழங்குவதுதான். நாம் விரும்புவதை நாம் தேர்ந்தெடுக்கும் நேரத்தில் தருகிறது. எப்போது வேண்டுமானாலும் உங்களுக்குப் பிடிக்கவில்லை என்றால் அதனை மூடிவிடலாம். ஆனால் ஒரு சின்ன பிரச்னை உள்ளது. விளம்பரங்களையும் நாம் பார்த்தே ஆக வேண்டும். ஏனென்றால் அவை தரும் நிதி பலத்தில் தான் இந்த இலவச டிவி புரோகிராம் இயங்குகிறது. அதனால் என்ன! இங்கு நாம் கேபிளுக்குப் பணம் கட்டிப் பார்க்கையில் எத்தனை விளம்பரங்கள் வருகின்றன என்று நீங்கள் அங்கலாய்ப்பது தெரிகிறது. எனவே குறுக்கிடும் விளம்பரங்களுக்குப் பழகிய நமக்கு Joost தரும் விளம்பரங்கள் ஒரு பொருட்டே அல்ல. இதே போல இன்னொரு தளம் இதுவரை எனக்குத் தென்படவில்லை.

4.சிடிக்களில் எழுத: நம்முடைய கம்ப்யூட்டர்களில் சிடி மற்றும் டிவிடி ரைட்டர்களை நிறுவுகையில் அதனுடன் வரும் நீரோ சிடி ரைட்டிங் புரோகிராமுடன் பழகிப் போன நமக்கு அதே போல மற்ற புரோகிராம்கள் குறித்து எண்ணுவதற்கு நேரம் கிடைப்பதில்லை. இருந்தாலும் நீரோ போலவே, அதன் வசதிகளுக்கு இணையான வசதிகளைத் தரும் இலவச புரோகிராம்களும் இருக்கின்றன என்பதுதான் உண்மை. சிடி மற்றும் டிவிடிக்களில் தகவல்களை எழுத CD Burner XP என்றொரு புரோகிராம் http://cdburnerxp.se என்ற முகவரியில் உள்ள தளத்தில் கிடைக்கிறது. சிடி, டிவிடி மற்றும் புளுரே டிஸ்க்குகளில் நீரோ போலவே அனைத்து வகை தகவல்களையும் எழுதுகிறது. ஐ.எஸ்.ஓ. இமேஜ்களை சிடிக்களில் அமைத்துத் தருகிறது. ஆடியோ சிடிக்களை உருவாக்குகிறது. இப்படி நீரோ நமக்குத் தரும் அனைத்து செயல்பாடுகளையும் தருகிறது. இதனுடைய இன்டர்பேஸும் மிகவும் எளிமையானதாக இருக்கிறது. ஜஸ்ட் ட்ராக் அண்ட் ட்ராப் என்ற முறையில் அமைந்துள்ளது. 2.8 எம்பி அளவிலான இந்த பைல் அநாவசியமாக எந்த தகவலையும் எழுதிவைப்பதில்லை. சிடிக்களின் இடத்தை வேஸ்ட் செய்வதில்லை. இதனைப் பயன்படுத்திப் பார்த்துவிட்டீர்கள் என்றால் நிச்சயம் நீரோ புரோகிராமினை அன் இன்ஸ்டால் செய்வது குறித்து யோசிக்கத் தொடங்கிவிடுவீர்கள் என்பது உறுதி.

5. உங்கள் கம்ப்யூட்டரைத் தூக்கிச் செல்ல: நம் டெஸ்க் டாப் கம்ப்யூட்டரை நாம் செல்லும் இடமெல்லாம் தூக்கிச் செல்ல முடியாது. ஏன், லேப் டாப் கம்ப்யூட்டரைக் கூடத் தூக்கிச் செல்வது எளிதான காரியம் இல்லை. யு.எஸ்.பி. டிரைவைத்தான் எடுத்துக் செல்கிறோம். இதனால் நாம் வேறு ஒருவரின் அல்லது அலுவலகத்தில் உள்ள கம்ப்யூட்டரைப் பயன்படுத்துகையில் அதன் டெஸ்க் டாப், சூழ்நிலை ஆகியவை நமக்கு அந்நியமான ஒரு வேலை தளத்தைத் தருகிறது. அப்படியானால் நாம் பாக்கெட்டில் போட்டுச் செல்லும் யு.எஸ்.பி. டிரைவில் நம் கம்ப்யூட்டரின் சூழ்நிலையை நமக்குத் தரும் வகையில் அமைத்திட முடியுமா? ஆம், முடியும். இதற்கு ஒரு வழியாகத்தான் MojoPac என்னும் புரோகிராம் நமக்குக் கிடைக்கிறது. இதனை www.mojopac.com என்ற முகவரியில் உள்ள தளத்திலிருந்து இறக்கிக் கொள்ளலாம். மிக எளிதாக இதனை உங்கள் யு.எஸ்.பி. டிரைவில் பதிந்து கொள்ளலாம். நீங்கள் எந்த கம்ப்யூட்டரில் உங்கள் டிரைவை இணைத்துச் செயல்படுத்தத் தொடங்கினாலும் அது உடனே உங்கள் பெர்சனல் கம்ப்யூட்டரின் சூழ்நிலையைத் தருகிறது. இதனால் நீங்கள் பயன்படுத்தும் கம்ப்யூட்டருக்கு எந்தவித பாதிப்பும் இல்லை. இந்த MojoPac புரோகிராம் நீங்கள் பயன்படுத்தும் கம்ப்யூட்டரின் ஆப்பரேட்டிங் சிஸ்டத்தினைப் பயன்படுத்தி ஒரு புதிய சூழ்நிலையை உருவாக்குகிறது. உங்கள் யு.எஸ்.பி. டிரைவ் உங்களின் இ: டிரைவாக மாறுகிறது. இதனால் எந்த கம்ப் யூட்டரில் இதனைப் பயன்படுத்துகிறீர்களோ அதில் உள்ள புரோகிராம்களுக்கு உங்களுக்கு அனுமதி கிடைக்காது. ஆனால் அதே நேரத்தில் உங்களுக்குத் தேவயான புரோகிராம்களை நீங்கள் பதிந்து இயக்கிக் கொள்ளலாம். இந்த புரோகிராம்கள் நீங்கள் எங்கெல்லாம் இந்த டிரைவை இணைத்துப் பயன் படுத்துகிறீர்களோ அங்கெல் லாம் கிடைக்கும்.

இதன் வேகத்தை அதிக பட்சம் பயன் படுத்த வேண்டும் என்றால் நீங்கள் பயன்படுத்தும் கம்ப்யூட்டரில் மை கம்ப்யூட்டரைத் திறந்து அதில் யு.எஸ்.பி. டிரைவ் ஐகானில் ரைட் கிளிக் செய்திடவும். கிடைக்கும் மெனுவில் பிராபர்ட்டீஸ் கிளிக் செய்திடவும். இதில் ஹார்ட்வேர் என்னும் பகுதியில் யு.எஸ்.பி. டிரைவைத் தேர்ந்தெடுத்து அதில் புராபர்ட்டீஸ் என்பதைத் தேர்ந்தெடுக்கவும். இதில் ஒரு டயலாக் பாக்ஸ் கிடைக்கும். இதில் ஏற்கனவே “Optimize for quick removal” என்பது தேர்ந்தெடுக்கப்பட்டிருக்கும். இதற்குப் பதிலாக “Optimize for Performance” என்பதைத் தேர்ந்தெடுக்கவும். MojoPac போல செயல்படும் புரோகிராம் எதுவும் இருப்பதாகத் தெரியவில்லை. ஆனால் நீங்கள் பயன்படுத்தும் புரோகிராம்களை எளிதில் எடுத்துச் சென்று பயன்படுத்த Portable Apps Suite என்னும் புரோகிராம் www.portableapps.com /suite என்ற முகவரியில் உள்ள தளத்தில் கிடைக்கிறது. இலவசமாய் எவ்வளவோ இணையத்தில் கிடைக்கின்றன. ஏற்கனவே வாசகர்களுக்குத் தெரிந்த பல புரோகிராம்களை விட்டுவிட்டு தெரியாத ஆனால் பல பயன்பாடுகளைத் தருகின்ற புரோகிராம்கள் குறித்து மேலே தகவல்கள் தரப்பட்டுள் ளன. தேவைப்பட்டால் மட்டுமே இறக்கி இன்ஸ் டால் செய்து பயன்படுத்தவும். உங்கள் அனுபவத்தினை எங்களுக்கு எழுதவும்.

குடும்ப மரத்தை உருவாக்குவோமா!

2008-08-14T13:49:00.000-07:00

தமிழ் நாட்டில் சில பாரம்பரியத்தைச் சேர்ந்தவர்கள் தங்கள் பெயருக்கு முன்னால் பல முன்னெழுத்துக்களை போட்டுக் கொள்வார்கள். தந்தை, பாட்டனார், முப்பாட்டனார், கொள்ளுத் தாத்தா என பின்னோக்கிய காலத்தில் முன்னோக்கி செல்வார்கள். இப்படியே எத்தனை தலைமுறையை நாம் அறிந்து கொள்ள முடியும். யாராவது அதிக வயதில் வாழும் தாத்தாவை பேச வைத்து அறிந்து கொண்டால் தான் முடியும்.

அவர் கூறுவதையும் எழுதி வைத்தால் தானே நாம் நம் சந்ததிக்குக் கொடுக்க முடியும். இதனால் பெரிய பயன் இல்லை என்றாலும் நான் இந்தக் குடும்ப மரத்தைச் சேர்ந்தவன். அதன் ஒரு கிளையிலிருந்து வந்தவன் தான்நீ என்று இன்னொருவருடன் உறவு கொள்ள முடியும். இந்த குடும்ப மரத்தின் கிளைகளை எழுதி வைத்திட ஒரு இணைய தளம் உதவுகிறது. http://www.tribalpages.com என்ற முகவரியில் உள்ள தளம் சென்று இங்கு உங்கள் குடும்ப மரத்தை உருவாக்கலாம். அதில் போட்டோக் களை பதிக்கலாம்.

குடும்பத்திற்கென ஒரு இணைய தளத்தை உருவாக்கி அதனை இந்த தளம் தரும் இலவச சர்வரில் போட்டு வைக்கலாம். மற்றவர்கள் அமைத்துள்ள குடும்ப பாரம்பரியத்தைப் பார்த்து நாமும் அவ்வாறு அமைக்கலாம். இவ்வாறு அமைக்கப்பட்ட குடும்ப பரம்பரையின் உறுப்பினர்களை சர்ச் இஞ்சின் மூலம் தேடி அறியலாம். இந்த இணைய தளம் குறித்த செய்திகளை அவ்வப்போது அறிந்து கொள்ளவும் தனி பிரிவு உள்ளது. செய்திகளை தகவல்களை பகிர்ந்து கொள்ள மெசேஜ் போர்டு தரப்பட்டுள்ளது. இந்த தளத்தில் பதிவது குறித்த தொழில் நுட்ப செய்திகளுக்கும் தனியாக மெசேஜ் போர்டு தரப்பட்டுள்ளது. முதலில் இந்த தளத்தில் பதிந்து கொண்டு பின் தகவல்களை இலவசமாகப் பதியலாம்.

வேர்ட் ஷார்ட் கட்

2008-08-14T13:41:00.000-07:00

வேர்ட் தொகுப்பிற்கென பல ஷார்ட் கட் கீ தொகுப்புகள் உருவாக்கப்பட்டுள்ளன. ஆனால் நமக்கு அடிக்கடி பயன்படுத்தக் கூடியதாக ஒரு சில உள்ளன. வாசகர்கள் அவற்றை அவ்வப்போது வெளியிடுங்கள் என்று கேட்டு கடிதங்கள் எழுதுகின்றனர். எனவே கீழே தரப்பட்டுள்ளவற்றை நீங்கள் முன்பு இம்மலரில் படித்திருந்தாலும் இதனையும் மனதில் கொள்ள படித்து வையுங்கள்; பயன்படுத்துங்கள்.

Alt + F10 – விண்டோவினை அதன் முழு அளவிற்கு மாற்றுகிறது

Alt + F5 – விண்டோவினை பழைய வழக்கமான நிலைக்குக் கொண்டு வரும்.

Ctrl + Shift + A தேர்ந்தெடுக்கப்பட்ட டெக்ஸ்ட் முழுவதையும் கேப்பிடல் எழுத்துக் களாக மாற்றுகிறது. இதனை Shift+F3 என்ற கீகளூம் மேற் கொள்ளும்.

Shift + F2– தேர்ந்தெடுக்கப்பட்ட டெக்ஸ்ட்டை கிளிப் போர்டுக்குக் கொண்டு செல்லாமல் காப்பி செய்கிறது. காப்பி செய்ததனை பேஸ்ட் செய்திட என்டர் அழுத்தினால் போதும்.

Ctrl+ Backspace பின்புறமாக ஒரு சொல்லை அழித்திடும். ஆனால் இது காப்பி செய்யப்பட மாட்டாது.

Ctrl+W, Ctrl+F4 – இந்த இரண்டு கீ இணைப்புகளும் அப்போது பணியாற்றிக் கொண் டிருக்கும் பைலை சேவ் செய்திடவா என்று ஒரு டயலாக் பாக்ஸ் மூலம் கேட்டுவிட்டு பின் அழுத்தும் கட்டத்திற்கேற்றபடி பைலை மூடும்.

Alt + Ctrl + S பணியாற்றிக் கொண்டிருக்கும் விண்டோவினை படுக்கை வாக்கில் பிரிக்கும் கோடு கிடைக்கும். பின் அந்த கோட்டினை நகர்த்தி விண்டோவைப் பிரித்துப் பயன்படுத்தலாம்.

Ctrl + Shift + D தேர்ந்தெடுக்கப்பட்ட டெக்ஸ்ட்டின் கீழாக இரு கோடுகள் இடப்படும். இதனை நீக்குவதற்கு மீண்டும் இதே கீகளைப் பயன்படுத்தலாம்.

F5 அல்லது Ctrl+G செயல்பட்டுக் கொண்டிருக்கும் ஆவணத்தில் குறிப்பிட்ட பக்கத்திற்குச் சென்று சொற்களைத் தேடி அவற்றிற்குப் பதிலாக வேறு சொற்களை அமைத்திட இந்த கீகளைப் பயன்படுத்தலாம்.

Ctrl+H ஒரு குறிப்பிட்ட டெக்ஸ்ட்டைக் கண்டுபிடித்து அதற்குப் பதிலாக நாம் தேர்ந்தெடுக்கும் அல்லது அமைக்கும் டெக்ஸ்ட்டை ஒட்டும்.

Ctrl+F2 அனைத்து பக்கங்களின் அச்சு தோற்றத்தைக் காட்டும்.

Alt F, I பணியாற்றிக் கொண்டிருக்கும் ஆவணத்தின் பிராபர்ட்டீஸ் பார்க்க இந்த கீகளை வரிசையாக அழுத்தவும்.

Shift + F5 ஆவணத்தில் முன்பு டெக்ஸ்ட்டை செருகிய இடத்திற்கு உங்கள் கர்சரை எடுத்துச் செல்லும். இது போல மூன்று முந்தைய இடத்திற்கு எடுத்துச் செல்லும். அதன்பின் மீண்டும் பழைய இடத்திற்கு வந்துவிடும். இது மிகவும் பயனுள்ள ஒரு ஷார்ட் கட். இதனால் ஒரு ஆவணத்தைத் திறந்திடுகையில் அதனை முன்பு பயன் படுத்துகையில் எந்த இடத்தில் எடிட் செய்து கொண்டிருந்தீர்களோ அந்த இடத்திற்கு இந்த கீகளைப் பயன்படுத்திச் சென்று விடலாம்.

Ctrl + >
தேர்ந்தெடுக்கப்பட்ட டெக்ஸ்ட்டின் எழுத்து அளவை அதிகரிக்கச் செய்திடும். அளவு 12க்குப் பின் மெனுவில் இருப்பது போல இரண்டு இரண்டாகக் கூட்டும். (கவனம் கொள்ள வேண்டியது என்னவென்றால் இரண்டாவது கீயை அமைக்க ஷிப்ட் கீயை அழுத்த வேண்டியதிருக்கும்.)

Ctrl + ]
இது முந்தைய கீ அழுத்துதலில் இருந்து சற்று வேறுபட்டது. இந்த கீகள் தேர்ந்தெடுக்கப்பட்ட டெக்ஸ்ட்டின் எழுத்து அளவை ஒவ்வொரு பாயிண்ட்டாக அதிகரிக்கச் செய்திடும்.

Ctrl + Shift + H தேர்ந்தெடுக்கப்பட்ட டெக்ஸ்ட்டினை மறைத் திடும். மீண்டும் அழுத்த அவை கிடைத்திடும்.

Alt + Shift + D நீங்கள் உருவாக்கிடும் ஆவணத்தில் ஒரு இடத்தில் அன்றைய தேதியை டைப் செய்திட விரும்புகிறீர்கள். அதற்காக அந்த தேதியை டைப் செய்திட வேண்டியதில்லை. பலருக்கு தேதி நினைவிலும் இருக்காதே. இதற்காக இந்த கீகளைப் பயன்படுத்துங்கள். அன்றைய தேதி அழகாக வந்து உட்கார்ந்துவிடும்.

Alt + Shift + T மேலே சொன்னது போல ஓர் ஆவணத்தில் அப்போதைய நேரத்தை அமைத்திட இந்த கீகளை அழுத்துங்கள். நேரம் அழகாக டைப் செய்யப்பட்டுவிடும்.

Ctrl + Shift + W வேர்ட் டாகுமெண்ட்டில் அடிக் கோடிட கீயை அழுத்தினால் அது சொற்களுக்கு இடையே உள்ள இடைவெளியிலும் கோடிடுகிறது. அது போல அல்லாமல் சொற்களுக்கு அடியில் மட்டும் கோடு போட இந்த கீகளைப் பயன்படுத்தவும்.

Alt + F11 வேர்ட் தொகுப்பில் பணியாற்று கையில் விசுவல் பேசிக் எடிட்டிங் என்விரோன்மெண்ட்டுக்கு மாற வேண்டுமா? இந்த கீகளைப் பயன்படுத்தவும்.

Alt V, H ஆவணத்தின் ஹெடர் பகுதியில் உள்ள தலைப்பை எடிட் செய்திட அந்த இடத்திற்குச் செல்ல இந்த கீகளைப் பயன்படுத்தவும்.

Shift + F7 ஒரு சொல் சார்ந்த பிற சொற்களைக் காட்டும் நூலுக்கு தெசாரஸ் என்று ஆங்கிலத்தில் பெயர். ஆங்கில சொல் ஒன்றுக்கு சார்ந்த சொல் வேண்டும் என்றால் இந்த கீகளை அழுத்தவும்.

எக்ஸெல் தொகுப்பில்ஒர்க் ஷீட்டுகளை இடம் மாற்ற

2008-08-14T13:40:00.000-07:00

எக்ஸெல் தொகுப்பில் உருவாக்கப்பட்ட ஒர்க் ஷீட்களை அதன் ஒர்க் புக்கில் இடம் மாற்றி வைக்கலாம். வேறு ஒர்க் புக்கிற்குக் கொண்டு செல்ல வேண்டும் என்றாலும் அப்படியே கொண்டு செல்லலாம். அதற்கான வழிகளை இங்கு பார்க்கலாம். அதே ஒர்க் புக்கில் ஒர்க் ஷீட்டின் இடத்தை மாற்ற அதற்கான ஷீட் டேபில் கிளிக் செய்திடவும். கிளிக் செய்தவாறே மவுஸை விடாமல் இழுக்கவும். இழுத்து வந்து எந்த இடத்தில் ஒர்க் புக்கினை வைத்திட வேண்டுமோ அந்த இடத்தில் வைத்திட வும். அப்படி இழுக்கையில் எக்ஸெல் சிறிய முக்கோணம் ஒன்றைக் காட்டும். எந்த இடத்திற்கு ஒர்க் புக் இழுத்துச் செல்லப்படுகிறது என்பதைக் காட்டும். இன்னொரு ஒர்க்புக்கிற்கு எப்படி ஒர்க் ஷீட்டை இழுத்துச் செல்வது என்று பார்ப்போம்.

1. ஒர்க் ஷீட்டிற்கான ஷீட் டேபில் ரைட் கிளிக் செய்திடவும்.
2. இப்போது கிடைக்கும் மெனுவில் Move அல்லது Copy என்பதை தேர்ந்தெடுக்கவும்.
3. இதில் To Book என்ற டிராப் டவுண் லிஸ்ட் கிடைக்கும். இதில் புதிய ஒர்க் புக்கும் உருவாக்கலாம்.
4. புதிய ஒர்க் புக்கில் உள்ள ஷீட்களில் எந்த ஷீட்டுக்கு முன்னாலும் பின்னாலும் இதனை விட்டுவிடலாம். அல்லது Move தேர்ந்தெடுத்து முடிக்கலாம்.
5. செய்வதற்குப் பதிலாக காப்பி செய்திடத் திட்ட மிட்டால் Create a Copy Check Box என்பதில் கிளிக் செய்து செயல்படவும்.
6. அதன்பின் ஓகே கிளிக் செய்து வெளியேறவும்.

பைல்களைப் பாதுகாப்பாக மறைத்து வைத்திட

2008-08-14T13:35:00.000-07:00

நம் செயல்பாடுகளை எல்லாருக்கும் காட்டிக் கொண்டிருக்க முடியாது. நாம் கையாளும் தகவல்கள் பல நமக்கு மட்டுமே தெரிந்ததாக இருக்க வேண்டும் என பல நிலைகளில் நாம் முடிவெடுக்கிறோம். ஆனால் கம்ப்யூட்டர் பயன்பாட்டில் ஒரே கம்ப்யூட்டரைப் பலர் பயன்படுத்தும் நிலை உள்ளது. இந்த சூழ்நிலையில் நம் தகவல்களை எப்படி பாதுகாப்பாகப் பிறர் கண்களுக்குத் தெரியாமல் மறைப்பது எப்படி என்று பார்க்கலாம்.

இது போன்ற மறைத்து வைக்க வேண்டிய செயலை மேற்கொள்ள பல சிறிய அப்ளிகேஷன் புரோகிராம்கள் கிடைக்கின்றன. இவற்றை தேர்ட் பார்ட்டி புரோகிராம் என அழைக்கிறார்கள். இவற்றைப் பயன்படுத்துவது நூறு சதவிகிதம் பாதுகாப்பு எனச் சொல்ல முடியாது.

எனவே விண்டோஸ் இயக்கம் தரும் பாதுகாப்பு வழியை இங்கு காணலாம்.இந்த செயலை மேற்கொள்ள நமக்கு கிடைக்கும் கட்டளை Attrib என்பதாகும். இந்த சொல் ஒரு பொருளுக்கு நாம் அமைக்கும் பண்பினைக் குறிக்கிறது. இங்கு ஒரு பைலுக்கு நாம் அளிக்கும் பண்பே அது. படிக்க மட்டும், மறைத்து வைக்க மற்றும் சிஸ்டம் பயன்படுத்த (Read only, Hidden and System attributes) என மூன்று வகைகளில் பொதுவாக பண்புகளை கொடுக்கலாம். கீழ்க்காணும் வழிகளில் செயல்பட்டு உங்கள் போல்டருக்கு இந்த பண்புகளை அளிக்கலாம். இதற்கு உங்கள் கம்ப்யூட்டரில் நீங்கள் அட்மினிஸ்ட்ரேட்டராக லாக் இன் செய்திருக்க வேண்டும். இனி மறைக்க வேண்டிய தகவல் உள்ள பைல்களை அடைத்து வைக்க ஒரு புதிய போல்டர் ஒன்றை உருவாக்கவும்.

எடுத்துக்காட்டாக D ட்ரைவில் Data என ஒரு போல்டரை உருவாக்கலாம். இதில் அனைத்து பைல்களையும் கொண்டு வரவும். மறைக் கப்பட வேண்டிய இந்த பைல்களுக்கு காப்பி பைல்கள் வேறு எங்கும் இருக்கக் கூடாது. பின் Start பட்டன் அழுத்தி ரன் பாக்ஸில் CMD என டைப் செய்திடவும். பின் Ok அழுத்த உங்களுக்கு டாஸ் இயக்க கட்டளைப் புள்ளி (command prompt) கிடைக்கும். இங்கு நீங்கள் குறிப்பிட்ட பைல்கள் அடங்கிய போல்டரை மறைத்து வைத்திட வேண்டும் என்று திட்டமிடுகின்ற போல்டரின் பெயரை அதற்கான பாத் உடன் பின்வருமாறு டைப் செய்திட வேண்டும். இங்குள்ள எடுத்துக் காட்டின்படி அந்த கட்டளைச் சொற்கள் “attrib+s+h D:\Data” என இருக்க வேண்டும். (மேற்கோள் குறிகள் டைப் செய்யப்படக் கூடாது) இந்த கட்டளை உங்கள் Data போல்டரை D டிரைவில் மறைத்து வைத்திடும்.

உடனே நீங்கள் விண்டோஸ் எக்ஸ்புளோரரைத் திறந்து சோதித்துக் கொள்ளலாம். இவ்வாறு மறைத்து வைத்திருப்பதை “Show hidden files and folders” என்ற கட்டளை கொடுத்தெல்லாம் பார்க்க முடியாது. சரி, மறைத்து வைத்துவிட்டீர்கள். என்றாவது ஒரு நாள் அல்லது ஒரு நேரம் இதனை வெளியே தெரியும் படி வைக்க எண்ணலாம். அல்லது மேலும் சில பைல்களை இதன் பின் மறைத்து வைக்க எண்ணி இந்த போல்டரில் போட்டு வைக்க திட்டமிடலாம். அப்போது “attrib s h D:\Data” என டைப் செய்திட வேண்டும்.

டிப்ஸ்! டிப்ஸ்! டிப்ஸ்!

2008-08-14T13:29:00.000-07:00

விண்டோஸ் ஆப்பரேட்டிங் சிஸ்டமும், பல அப்ளிகேஷன்களும் தங்கள் தேவைக்கேற்ப பல தற்காலிக பைல்களை உருவாக்கி இந்த போல்டர்களில் போட்டு வைத்திருக்கும்.

இந்த பைல்களை அவை பயன்படுத்திக் கொண்டிருக்கும்போது அழிக்க முடியாது; பயன்படுத்தாத பைல்களை அழிக்கலாம். கம்ப்யூட்டர் பூட்டாகும் பொழுது F8 கீயை அழுத்தி Command Prompt மெனுவைத் தேர்வு செய்து டாஸில் நுழையுங்கள். அங்கிருந்து மேற்கூறிய டைரக்டரிகளில் உள்ள பைல்களை அழியுங்கள். அதற்கான கட்டளையைச் சரியான பாத் இணைத்து கொடுக்க வேண்டும்.

இன்டர்நெட் பிரவுசரில் .com என்று முடியும் தளங்களுக்கு அதன் பெயரை மட்டும் டைப் செய்து கண்ட்ரோல் + என்டர் தட்டினால் போதும. அதுபோல் “www” and “.net” என அமைய ஷிப்ட் + என்டர் தட்டவும். அடுத்து “www” and “.org” என அமைய கண்ட்ரோல்+ஷிப்ட்+என்டர் தட்டவும்.

பிளாஷ் டிரைவ்!

2008-08-14T13:27:00.000-07:00

பிளாப்பி, சிடி என்பதையெல்லாம் விட்டுவிட்டு பிளாஷ் டிரைவிற்கு மாறியவரா நீங்கள்? உங்களின் பிளாஷ் டிரைவ் எத்தனை நாளைக்கு கெட்டுப் போகாமல் இருக்கும் என்று தெரியுமா? ஏனென்றால் பிளாஷ் டிரைவ் குறித்த இந்த கேள்விக்கு எந்த நிறுவனமும் பதில் கொடுத்தது இல்லை. இது குறித்த சில அடிப்படைத் தகவல்களை இங்கு பார்க்கலாம்.

பிளாப்பியில் மேற்கொள்வது போல பிளாஷ் டிரைவிலும் தொடர்ந்து பைல்களை எழுதலாம்; அழிக்கலாம் மற்றும் அதன் மேலேயே எழுதலாம். அந்த அளவிற்கு இவை மிகவும் உறுதியாக வடிவமைக்கப்பட்டுள்ளன. அப்படியானால் எத்தனை முறை இது போல நாம் அழித்து அழித்து எழுத முடியும்? ஒரு தடவை அழித்து எழுதுவதை ஒரு சைக்கிள் (சுற்று) என அழைக்கின்றனர். அப்படிக் கணக்கு பார்த்தால் பல நூறு ஆயிரம் முறை இந்த சுற்றினை மேற்கொள்ளலாம். ஆனால் நாள் ஆக ஆக இந்த சுற்று மிக மெதுவாக மேற்கொள்ளப்படும். இதிலிருந்து பிளாஷ் டிரைவிற்கு வயதாகிவிட்டது என்று நீங்கள் முடிவு செய்து கொள்ளலாம். எந்நேரமும் அது தன் செயல்பாட்டை நிறுத்திவிடும் என்றும் முடிவெடுக்கலாம்.

ஆனால் அது எப்போது என்பது உங்களின் செயல்முறையைப் பொறுத்தும் உள்ளது. எத்தனை முறை அடிக்கடி பயன்படுத்துகிறீர்கள், எவ்வளவு அளவிலான பைல்களை எழுதுகிறீர்கள், மற்ற விஷயங்களுக்கு இந்த டிரைவைப் பயன்படுத்துவது மற்றும் உங்கள் கம்ப்யூட்டரின் சிபியு வேகம் என்ற விஷயங்களைப் பொறுத்து உங்கள் பிளாஷ் டிரைவ் தன் செயல்பாட்டை இழந்து ஒரு கட்டத்தில் முடித்துக் கொள்ளும். கவலைப் படாதீர்கள். பொதுவாக நீங்கள் செலுத்திய பணத்திற்கேற்ப பிளாஷ் டிரைவ்கள் பல காலம் உழைக்கும். உங்களுக்கே அலுத்துப் போகும் போதுதான் அல்லது வேறு டிரைவ்களின் பால் மனது செல்லும் போதுதான் இதன் பயன்தன்மை நிற்கும்.

வைரஸ் புரோகிராமை பயன்படுத்துவது எப்படி?

2008-08-14T13:25:00.000-07:00

ஆண்டி வைரஸ் புரோகிராம் பதிந்து வைத்திருக்கும் பலர் திடீரென என் ஆண்டி வைரஸ் புரோகிராமினையும் மீறி சில வைரஸ்கள் வந்து என் பொழைப்பையே கெடுத்துருச்சே! என்று அங்கலாய்ப்பார்கள். இந்த ஆண்டி வைரஸ் புரோகிராம்களே இப்படித்தான். வைரஸ்களை எதிர்த்து திடீரென வேலை செய்யாது என்று புலம்புவார்கள். நப்பாசையில் ஆண்டி வைரஸ் புரோகிராமினைப் பயன்படுத்தி ஸ்கேன் ஓடவிட்டுப் பார்ப்பார்கள்.

எந்த வைரஸும் இல்லை என்று செய்தி வந்தவுடன் நம் தலைவிதி அவ்வளவுதான் என்று கூறி டெக்னீஷியன் மூலம் வைரஸ்களைக் காலி செய்வார்கள் அல்லது இந்த புரோகிராம் சரியில்லை என்று வேறு ஒரு ஆண்டி வைரஸ் புரோகிராமிற்குத் தாவுவார்கள். இது எதனால் ஏற்படுகிறது? என்று சற்றுப் பார்ப்போம். நீங்கள் என்ன செய்கிறீர்கள். நீங்களே அல்லது யார் மூலமாவது ஒரு ஆண்டி வைரஸ் புரோகிராமினை இன்ஸ்டால் செய்கிறீர்கள். அதுவும் அவ்வப்போது நீங்கள் இன்டர்நெட்டில் உலா வருகையில், இமெயில் இறக்குகையில், பிளாஷ் டிரைவ் பயன்படுத்துகையில் சிகப்பு கட்டத்தைக் காட்டி இதில் வைரஸ் இருந்தது. நான் கிளீன் செய்துவிட்டேன் என்று காட்டுகிறது. உங்களுக்கு சந்தோஷமோ சந்தோஷம்.

ஆனால் சிறிது நாட்கள் கழித்து கம்ப்யூட்டரில் வைரஸ் இருக்கிறது என்று தெரிகிறது. அப்போது தான் முதல் பத்தியில் சொல்லப்பட்ட நிலைக்கு நீங்கள் தள்ளப்படுகிறீர்கள். இங்கு நீங்கள் செய்யத் தவறிய சில செயல்களையும் அதற்கான பரிகாரங்களையும் பார்ப்போம்.

1. ஆண்டி வைரஸ் புரோகிராமினை இன்ஸ்டால் செய்தவுடன் அதை மறந்துவிடக் கூடாது. அவ்வப்போது குறிப்பிட்ட கால இடைவெளியில் அதனை அப்டேட் செய்திட வேண்டும். அப்போதுதான் அண்மைக் காலத்தில் வந்த வைரஸ்களைக் கண்டறிவ தற்கான புரோகிராம்கள் டவுண்லோட் செய்யப்பட்டு உங்கள் ஆண்டி வைரஸ் புரோகிராம் மேம்படுத்தப்படும். எனவே நீங்கள் ஸ்கேன் செய்வதாக இருந்தால் முதலில் இன்டர்நெட் இணைப்பு பெற்று உங்கள் ஆண்டி வைரஸ் புரோகிராம் தந்த நிறுவனத்தின் இணைய தளம் சென்று அப்டேட் செய்திடவும். அதன்பின் ஸ்கேன் செய்திடவும்.

2. முதலில் உங்கள் ஆண்டிவைரஸ் புரோகிராமினை எப்படி அமைத்திருக்கிறீர்கள் என்று பார்க்கலாம். வழக்கமாக டாஸ்க் பாரில் வலது ஓரத்தில் இதன் ஐகான் இருக்கும். இதனை டபுள் கிளிக் செய்தால் இந்த புரோகிராம் திறக்கப்படும். ஐகான் இல்லையா? ஸ்டார்ட் கிளிக் செய்து புரோகிராம்ஸ் தேர்ந்தெடுத்தால் கிடைக்கும் பட்டியலில் ஆண்டி வைரஸ் புரோகிராமைக் காணலாம். அங்கு கிளிக் செய்திடலாம்.

3. இது திறந்தவுடன் உங்கள் ஆண்டி வைரஸ் புரோகிராமின் மெயின் பக்கத்தில் நீங்கள் இருப்பதைக் காணலாம். இதில் இந்த புரோகிராமின் அனைத்து செயல்பாடுகளுக்கும் ஏதுவான பிரிவுகள் இருக்கும். அனைத்தையும் பார்த்து ஸ்கேன் செய்வதற்கான பட்டனைத் தேர்ந்தெடுத்து கிளிக் செய்திடவும்.

4. ஸ்கேன் டேபைக் கிளிக் செய்தவுடன் குறிப்பிட்ட டிரைவ் அல்லது அனைத்து டிரைவ்களையுமா எனத் தேர்ந்தெடுக்கும் வசதி கிடைக்கும். அனைத்து டிரைவ்களையும் அல்லது முழு கம்ப்யூட்டரையும் ஸ்கேன் செய்திடும் வசதியினைத் தேர்ந்தெடுக்கவும். உடனே ரிபோர்ட் விண்டோ ஒன்று திறக்கப்படும். ஸ்கேன் முடிந்தவுடன் ஸ்கேன் முடிந்ததாக அறிவிக்கப்பட்டு கண்டறியப்பட்ட வைரஸ்கள், அவை இருந்த பைல்கள், வைரஸ் அழிக்கப்பட்டுவிட்டதா, காப்பு இடத்தில் (குவாரண்டைன்) வைக்கப்பட்டுள்ளதா என்று காட்டப்படும்.

இவற்றை அழிப்பதற்கான ஆப்ஷன் உங்களிடமே விடப்படும். அதே மெயின் விண்டோவிலேயே தொடர்ந்து தானாகக் குறிப்பிட்ட கால அவகாசத்தில் தானாக ஸ்கேன் செய்திடும் பணியை செட் செய்திடவும் வாய்ப்பு தரப்படும். உங்கள் கம்ப்யூட்டர் ஸ்டார்ட் செய்யப்படும் போதெல்லாம் ஸ்கேன் செய்திடும் வகையிலோ அல்லது வாரம் ஒரு முறை மாதம் ஒரு முறையோ ஸ்கேன் செய்திட செட் செய்திடலாம்.

5. ஆட்டோமேடிக் ஸ்கேன் செய்திட எப்படி செட் செய்வது எனப் பார்ப்போம். முதலில் உங்கள் ஆண்டி வைரஸ் புரோகிராமினைத் திறந்து கொள்ளுங்கள். அதன் பின் டூல்ஸ் (Tools) மெனு செல்லுங்கள். Scheduler என்பதைத் தேர்ந்தேடுங்கள். அதன்பின் Schedule Scan என்ற பிரிவிற்குச் செல்லுங்கள். (இந்த சொற்கள் சில ஆண்டி வைரஸ் புரோகிராமில் வேறு மாதிரியாக இருக்கலாம்) ஷெட்யூல் ஸ்கேன் தேர்ந்தெடுத்தவுடன் நியூ என்பதைத் தேர்ந்தெடுங்கள்.

இப்போது சில கேள்விகளுக்கு நீங்கள் பதிலளிக்கும் வகையில் சில ஆப்ஷன்கள் காட்டப்படும். அவை Event Type, When To Do, How Often, Start Time எனப் பலவகைப்படும். இவற்றின் தன்மைக்கேற்ப உங்கள் முடிவுப்படி செட் செய்திடுங்கள். அனைத்தும் முடித்த பின் ஓகே கிளிக் செய்து வெளியேறுங்கள். இதன்பின் நீங்கள் செட் செய்த படி ஸ்கேன் தானாக நடைபெறும். கம்ப்யூட்டர் இயங்கிக் கொண்டிருக்க வேண்டும்.

உங்கள் கம்ப்யூட்டர் வைரஸ் இல்லாமல் இயங்கிட எப்போதும் மேம்படுத்தப்பட்ட உயிர்த்துடிப்புள்ள ஆண்டி வைரஸ் புரோகிராம்களை வைத்திருக்கவும். நீங்கள் மறந்தாலும் அது தானாக இயங்கும்படி செட் செய்திடவும்.

இந்த எழுத்து எங்கு இருக்கும்?

வேர்ட் டாகுமெண்ட்டில் அல்லது பிரசன்டேஷன் ஸ்லைட்களில் வரிசையாக 1,2,3 அல்லது a, b, c என அமைக்கும்போது தானாக இந்த வரிசை எண்கள் அல் லது வரிசையான எழுத்துக் கள் அமைக்கப்படும். ஏதாவது ஒரு இடத்தில் நீங்கள் ஒரு பிரேக் கொடுத்து புதிய வரிசையிலோ அல்லது லைன் ஸ்பேஸ் பிரேக் கொடுத்து அதே வரிசையைத் தொடரவோ திட்டமிடலாம்.

எடுத்துக் காட்டாக
1. Item A
2. Item B
3. Item C
4. Item D
5. Item E
என அமைக்கலாம். இந்த பிரேக் அமைத்திட என்ன செய்கிறீர்கள்? புல்லட் அல்லது நம்பரிங் வசதியை எடுத்துவிட்டு பின் நோக்கிச் சென்று ஒரு லைன் ஸ்பேஸை உருவாக்கிப் பின் மீண்டும் அமைக்கிறீர்கள். எண்கள் தொடர்ந்து வர வேண்டும் என்றால் மீண்டும் அந்த எண்ணுக்கு புல்லட் லிஸ்ட் டைத் தயார் செய்கிறீர்கள்.

தலைவலி தரும் வேலை தானே! இந்த சுற்று வழி தேவையில்லை. இன்னொரு வேகமான வழி உள்ளது. ஷிப்ட் கீயைப் பயன்படுத்துவதுதான். எங்கு இடைவெளி லைன் ஸ்பேஸ் தேவைப்படுகிறதோ அங்கு ஷிப்ட் + என்டர் கீகளை அழுத்தவும். அது அடுத்த வரியை தொடர் எண் அல்லது புல்லட் இல்லாமல் டேட்டாவினை அமைத்திட உதவும். இப்போது மீண்டும் என்டர் கீயை அழுத்துங்கள். ஒரு லைன் ஸ்பேஸ் கொடுத்து மீண்டும் அதே புல்லட் அல்லது தொடர் எண்ணோடு பட்டியல் அமைத்திட வழி கிடைக்கும். எவ்வளவு எளிது என்பதை நீங்கள் வேகமாக இது போன்ற பணிகளில் ஈடுபடும் போதுதான் தெரியும்.

வேர்ட்.! வேர்ட்.!

2008-08-14T13:23:00.000-07:00

வேர்டில் புட் நோட் அமைக்கும் செயல்பாடு புட்நோட் என்பது டெக்ஸ்ட் ஒன்றில் சிறிய விளக்கத்தினைத் தனியாகத் தருவதற்காக பக்கத்தின் அடிப்பகுதியில் தனியே அமைக்கும் டெக்ஸ்ட் ஆகும். இந்த செயல்பாட்டில் என்ன பிரச்னை இருக்கப் போகிறது என எண்ணுகிறீர்களா! சரி அமைக்கலாம். உங்கள் டெக்ஸ்ட்டின் கடைசி பக்கம் எப்படி உள்ளது? அங்கு புட் நோட்டினை பக்கத்தின் அடிப்பாகத்தில் அமைத்தால் டெக்ஸ்ட்டிற்கும் நோட்டிற்கும் இடையே காலி இடைவெளி அமையும். அல்லது டெக்ஸ்ட் முடிந்த உடனேயே அது பக்கத்தின் முன்பகுதியாக இருந்தாலும் அங்கு புட் நோட்டை அமைக்கலாம்.

உங்களுடைய விருப்பம் என்ன? இதற்கு வேர்ட் துணைபுரிகிறது. வேர்ட் தொகுப்பில் Insert மெனு சென்று அங்கு Reference சப்மெனு தேர்ந்தெடுக்கவும். பின் அதில் Footnote என்னும் பகுதியைக் கிளிக் செய்திடவும்.

இப்போது Footnote and Endnote என்று ஒரு சிறிய விண்டோ கிடைக்கும். இதில் நீங்கள் புட்நோட் எங்கு அமைய வேண்டும். அது என்ன வடிவத்தில் இருக்க வேண்டும்; தேர்ந்தெடுக்கப்பட்ட வடிவம் டெக்ஸ்ட் முழுவதும் இருக்க வேண்டுமா அல்லது குறிப்பிட்ட வரியில் இருந்து இருக்க வேண்டுமா என்பதனை முடிவு செய்து தேர்ந்தெடுத்து அமைக்கலாம். இந்த மெனுக்கள் நாம் விரும்பியபடி புட் நோட்களை அமைக்க உதவுகின்றன.

வேர்டில் ஜம்ப் செய்தால்

பெரிய வேர்ட் டாகுமெண்ட் ஒன்றில் டெக்ஸ்ட்டை ஓரிடத்தில் குறுக்கே இணைக்கிறோம். இணைத்துவிட்டு பின் கர்சரை பல பக்கங்கள் தள்ளி கொண்டு செல்கிறோம். அங்கு சில எடிட்டிங் வேலைகளை மேற்கொள்கிறோம். இப்போது முதலில் எந்த இடத்தில் டெக்ஸ்ட்டை இணைத்தோம் என்று அறிய ஆசைப்படுகிறீர்கள். ஆனால் எந்த இடம் என்று தான் தெரியவில்லை. கவலைப்பட வேண்டாம். ஷிப்ட் + எப் 5 கீயை அழுத்துங்கள். கடைசியாக நீங்கள் எங்கு எடிட்டிங் செய்தீர்களோ அங்கு கர்சர் செல்லும். மீண்டும் மீண்டும் இந்த கீகளை அழுத்த முன்பு கர்சர் இருந்த இடத்திற்குக் கூட்டிச் செல்லும். இப்படியே பின் வழியாக முன்பு எடிட்டிங் செய்த ஐந்து நிகழ்வுகளுக்குச் செல்லும். ஆனால் எந்த இடத்திலும் நீங்கள் டெக்ஸ்ட் எதனையும் இடைச் செருகல் செய்திடவில்லை என்றால் இந்த கீகள் செயல்பாடு ஒரு விளைவையும் ஏற்படுத்தாது.

அனைத்தும் செலக்ட் செய்திட

வேர்ட் தொகுப்பில் சில கீகளின் செயல்பாடுகள் அனைவருக்கும் தெரிந்திருக்கும் என்று நாம் நினைக்கும் வேளையில் ஒரு சிலர் அது குறித்து அறியாமலேயே இருக்கின்றனர். சொன்னால் அப்படியா! என்கின்றனர். வேர்டில் டெக்ஸ்ட் முழுவதும் செலக்ட் செய்திட, அது ஒரு பக்கமாக இருந்தாலும் இருபது பக்கமாக இருந்தாலும், என்ன செய்கிறோம். மவுஸ் கர்சரை முதல் வரியில் பிடித்து அப்படியே இழுத்து இறுதி வரை கொண்டு சென்று செலக்ட் செய்கிறோம்; பின்னர் காப்பி செய்கிறோம்; அல்லது அழிக்கிறோம். ஆனால் பெரும்பாலான வேளைகளில் மவுஸைப் பிடித்து இழுக்கையில் அழுத்தத்தை விட்டுவிட்டு மீண்டும் முதல் வரியிலிருந்து தொடங்க வேண்டியுள்ளது. இதற்கான பிற வழிகளைப் பார்ப்போம். இரண்டு வழிகள் உள்ளன. Edit மெனு சென்று பின் Select AllIz தேர்ந்தெடுப்பது.

இது முழு டெக்ஸ்ட்டையும், படங்கள் உட்பட, தேர்ந்தெடுத்துக் கொடுக்கும். இவ்வாறு தேர்ந்தெடுத்தனை பின் எங்கு வேண்டுமென்றா லும் ஒட்டலாம். இன்னும் வேகமாகச் செயல்பட ஒரு குறுக்கு வழி உள்ளது. அது கண்ட்ரோல் மற்றும் ஏ (Ctrl + A) கீகளை அழுத்துவதுதான். இதுவரை அறிந்திராவதர்களுக்கு இது ஒரு புதிய வழி. தெரிந்தவர்களுக்கு ஒரு நினைவூட்டல்.

விண்டோஸ் ரீ ஸ்டார்ட் - ஷார்ட் கட்

2008-08-14T13:22:00.001-07:00

விண்டோஸ் இயக்க தொகுப்பினை பலமுறை ரீஸ்டார்ட் செய்திட எண்ணுகி றோம். சில வேளைகளில் இயங்கிக் கொண் டிருக்கும் வேர்ட் அல்லது பேஜ் மேக்கர் போன்ற புரோகிராம்கள் திடீரென முடங்கிப் போகும். கண்ட்ரோல் + ஆல்ட்+ டெலீட் செய்து ஒவ்வொரு செயலாக முடிக்கலாம் என்று முயற்சி செய்தாலும் அது சண்டித் தனம் செய்தவாறு அப்படியே நிற்கும்.

அது போன்ற நேரத்தில் அல்லது வேறு ஏதாவது நேரத்தில் நாம் கம்ப்யூட்டரை ரீ ஸ்டார்ட் செய்திட முயற்சிப்போம். ஆனால் அதற்காக ஸ்டார்ட் பட்டனை அழுத்தி அதன் பின் கம்ப்யூட்டர் ஆப் செய்வதற்கான பிரிவில் கிளிக் செய்து கிடைக்கும் மூன்று கட்டங்கள் நிறைந்த விண்டோவில் ரீஸ்டார்ட் தேர்ந்தெடுத்து ஓகே செய்திட வேண்டுமே! ஏன் இத்தனை சுற்றுவழி. இதற்கு ஒரு ஷார்ட் கட் ஐகான் ஒன்று உருவாக்கினால் என்ன? செய்ய லாமா! கீழே படியுங்கள்.

விண்டோஸ் எக்ஸ்பி சிஸ்டத்தில் மானிட்டரில் ரைட் கிளிக் செய்து New, Shortcut என்பதைத் தேர்ந்தெடுக்கவும். கிடைக்கும் “Type the location of the item” என்ற விஸார்ட் பாக்ஸில் %windir%\ System32\ shutdown.exer என டைப் செய்திடவும். அடுத்து Next கிளிக் செய்திடவும். அதன்பின் Finish என்பதையும் கிளிக் செய்திடவும்.

இப்போது ஒரு புதிய ஐகான் ஒன்றை உங்கள் டெஸ்க் டாப்பில் பார்க்கலாம். இந்த ஐகான் மீது ரைட் கிளிக் செய்து கிடைக்கும் மெனுவில் Rename என்பதைத் தேர்ந்தெடுத்து அதற்கு “Restart” என்று பெயர் கொடுக்கவும். இப்போது உங்கள் கம்ப்யூட்டரை ரீஸ்டார்ட் செய்திட ஒரு ஐகான் கிடைத்துவிட் டது. இதனைக் கிளிக் செய்து ஒரு முறை டெஸ்ட் செய்து கொள்ளுங்கள்.

புதிய தேடுதல் தளம் கூல்

2008-08-14T13:17:00.000-07:00

"மற்ற சர்ச் இஞ்சின்களைக் காட்டிலும் மூன்று பங்கு அதிகமான எண்ணிக்கையில் இணைய தளங்களைத் தேடி தகவல்களைத் தருகிறோம்' என்ற அறிவிப்புடன் கூல் ( Cuil.com ) என்ற பெயரில் சர்ச் இஞ்சின் தளம் ஒன்று கடந்த ஜூலை 28 முதல் அறிமுகமாகி பிரபலமாகி வருகிறது. இதனை உருவாக்கி வழங்கி வருபவர்கள் ஐரிஷ் நாட்டைச் சேர்ந்தவர்கள்.

ஐரிஷ் மொழியில் இதடிடூ என்ற சொல்லுக்கு அறிவு என்று பெயர். அறிவு வளர்ச்சியின் அடிப்படையே தேடல் தான். எனவே தேடலுக்குத் துணை புரியும் இந்த தளத்திற்கு இது சரியான பெயராகவே தோன்றுகிறது. நாம் தேடும் சொல்லுக்குத் தளங்களைத் தேடாமல், இருக்கின்ற கோடிக்கணக்கான தளங்களைத் தேடி வகைப்படுத்திக் கொண்டு அந்த தகவல் கட்டமைப்பிலிருந்து தளப்பட்டியலைத் தருகிறது கூல் தளம். கூகுள் தளத்தைக் காட்டிலும் மூன்று பங்கும், மைக்ரோசாப்ட் தளத்தைக் காட்டிலும் பத்து பங்கும் கூடுதலாக தளங்களைத் தேடி தகவல்களை எளிதான முறையில் புதிய பார்மட்களில் தருகிறோம் என இந்த தளத்தில் அறிவிக்கப்பட்டுள்ளது..

இந்த நிறுவனத்தின் உரிமையாளர்கள் (கணவன் மனைவியான) டாம் மற்றும் அன்னா . அலுவலகத் தலைமையிடம் கலிபோர்னியாவில் அமைந்துள்ளது. டாம் ஸ்டான்போர்டு பல்கலைக் கழகத்தில் இன்டர்நெட் ஆராய்ச்சி யாளராகப் பணியாற்றியவர்.

அன்னா பேட்டர்சன் கூகுள் அலுவலகத்தில் முதன்மை கட்டமைப்பாளராக பணியாற்றியவர். கூல் நிறுவனத்தில் அலுவலர்கள் 30 பேர். கூகுள் தளத்துடன் போட்டியிடும் அளவிற்கு சிறப்பாகத் தளத்தை வடிவமைத்துள்ளனர்.
கடந்த 15 ஆண்டுகளில் இன்டர்நெட் வளர்ச்சி பெற்ற அளவிற்கு அதில் பயன்படுத்தப்படும் சர்ச் இஞ்சின் என்னும் தேடல் தளங்கள் வளர்ச்சி அடையவில்லை. கூகுள் தளம் ஒன்றுதான் புதிய தொழில் நுட்பத்தினைப் பயன்படுத்திப் பல்வேறு வசதிகளைத் தொடர்ந்து அறிமுகப்படுத்தித் தந்து வருகிறது. தற்போது அதனை முந்தும் வகையில் கூல் தளம் வந்துள்ளது.

18 ஆயிரத்து 600 கோடி தளங்களை ஆய்வு செய்து அவற்றில் மோசமானவற்றையும் டூப்ளிகேட் தளங்களையும் விலக்கிவிட்டு 12 ஆயிரம் கோடி இணைய தளங்களை வகைப்படுத்தி பட்டியலிட்டு வைத்து தேடல் சொற்களுக்கேற்ப அவற்றைத் தருகிறது. தேடுதல் சொற்களுக்கான இத் தளம் தரும் பட்டியல் அடுக்கே மிக நன்றாக வேறுபாட்டுடன் இருக்கிறது. தளத்திலிருந்து சில வாக்கியங்கள், தளம் சார்ந்த போட் டோ என தளம் குறித்த அடிப்படைத் தகவல்கள் தரப்படுவதால் அதனைக் கிளிக் செய்து பின் அடடா இது தேவையில்லையே என்று ஏமாற வேண்டியதில்லை.

தளங்கள் அதில் தரப்பட்டுள்ள தகவல்களின் அடிப்படையில் தரம் பிரிக்கப்பட்டு ஒரு பத்திரிக்கையில் லே அவுட் போல காட்டப்படுகின்றன. அடையாளம் கண்டுகொள்ள முக்கிய வாக்கியங்கள் மற்றும் போட்டோக்கள் பட்டியலில் இடம் பெறுகின்றன. மற்ற தேடல் தளங்கள் அந்த தளங்களை எத்தனை பேர் பார்த்திருக்கின்றனர் என்ற ஹிட் ரேட் படி வரிசைப்படுத்தி பட்டியலிடுகின்றன. ஆனால் கூல் அவற்றில் தரப்பட்டுள்ள தகவல் அடிப்படையில் பட்டியலிட்டுக் காட்டுகிறது. கூல் தளத்தினைப் பயன்படுத்துபவர் குறித்த எந்த பெர்சனல் தகவல்களையும் இத்தளம் கேட்டுப் பெறுவதில்லை. பயன்படுத்துபவர் பிரைவசியில் தலையிடுவதே இல்லை.

தேடலுக்கான சொல்லை டைப் செய்கையில் பிற தளங்களில், நாம் ஏற்கனவே டைப் செய்த சொற்களை மட்டும் நினைவில் வைத்து பட்டியல் காட்டப்படும். ஆனால் கூல் தளத்தில், ஆன் லைன் டிக்ஷனரியில் கிடைப்பது போல, ஏற்கனவே கோடிக்கணக்கான தளங்களை ஆய்வு செய்து அமைக்கபட்ட பட்டியலிலிருந்து சார்ந்த சொற்கள் காட்டப்படுகின்றன. இதனால் முழுமையான சொல்லை நாம் டைப் செய்திட வேண்டிய தில்லை.

காட்டப்படும் பட்டியலில் அந்த தளத்தில் அதற்கான ஐகான் இருந்தால் அந்த ஐகான் காட்டப்படுகிறது. இதனால் நமக்கு வேண்டிய தளங்களை எளிதாக அடையாளம் காண முடிந்தது. தேடலைக் கூர்மைப்படுத்தி நமக்கு வேண்டியதை நோக்கி நம்மைச் செலுத்தும் வகையில் இந்த தளம் வடிவமைக்கப்பட்டுள்ளது. ஒரு தேடலை மேற்கொண்டபின் வலது பக்கம் ஒரு பேனல் தரப்படுகிறது. அதில் ‘Explore By Category’ என்று ஒரு வசதி தரப்பட்டுள்ளது.

நம் தேடலுடன் தொடர்புள்ள மற்ற பொருள் குறித்த பட்டியல் தரப்படுகிறது. இதில் கிளிக் செய்து முன்னேறுவதன் மூலம் தேடல் பொருளின் சரியான தகவல் தரும் தளத்திற்கு நாம் எடுத்துச் செல்லப்படுவோம். மேலும் இந்த வகையில் கர்சரைக் கொண்டு சென்றவுடன் சார்ந்த சொற்களுக்கான சரியான பொருள் பாப் அப் விண்டோவில் தரப்படுகிறது. இதைக் கொண்டு நாம் அந்த தளம் வேண்டுமா? அது நம் தேடலுடன் தொடர்புடையதா என்று முடிவெடுக்கலாம்.

கூல் தளத்தில் தேடல் மேற்கொள்கையில் தேடல் சொல்லுடன் தொடர்புடைய வெவ்வேறு பொருள்களுக்கு தனித்தனி டேப்கள் தரப்படுகின்றன. இவற்றின் மூலம் நமக்குத் தேவையான தளத்தினைத் தேர்ந்தெடுத்துச் செல்லலாம். சேப் சர்ச் (Safe search) என்று ஒரு வசதி தரப்பட்டுள்ளது. இது தொடக்கத்திலேயே இயங்குகிறது. இதனால் பாலியியல் மற்றும் சிறுவர்கள் காணக் கூடாத தளங்கள் வடிகட்டப்பட்டு பட்டியலிடப்படுகின்றன. அனைத்து தளங்களும் வேண்டும் என்று விரும்புபவர்கள் இந்த வசதியை ஆப் செய்துவிட்டு தேடலாம்.

புதிய தேடுதல் தளம் – கூல்: ஐரிஷ் மொழியில் கூல் என்றால் அறிவு மற்றும் சால்மன் (வஞ்சிர மீன்) என்ற மீனையும் குறிக்கும். பழங்கால கதை ஒன்று அயர்லாந்து நாட்டில் இன்றும் வழங்குகிறது. சால்மன் மீன் ஒன்று ஒன்பது ஹேஸல்களை (பாதாம் பருப்பு கொட்டை போன்றது) மொத்தமாகத் தின்று விட்டு அறிவுக் குளத்தில் வீழ்ந்து விட்டது. அதன் மூலம் உலகின் அறிவு அனைத்தும் அந்த மீனுக்கு வந்துவிட்டது. இந்த மீனை பிடித்து முதலில் சாப்பிடுபவருக்கு மட்டும் உலக அறிவு வந்துவிடும் என்பது ஐதீகம்.

ஐரிஷ் நாட்டின் பிரபல கவிஞர் ஒருவர் இந்த மீனை எப்படியும் பிடித்துச் சாப்பிட்டுவிட வேண்டும் என்ற நோக்கத்தில் பாய்ன் என்ற ஆற்றில் பல ஆண்டுகள் மீன் பிடித்தாராம். இறுதியில் தன் முயற்சியில் வெற்றி பெற்று அந்த அறிவு மீனைப் பிடித்தார். அதைத் தன் சிஷ்யனான "பின்கூல்' என்பவனிடம் கொடுத்து மீனை வறுத்துக் கொடு; ஆனால் ஒரு பிட் கூடச் சாப்பிடக் கூடாது என்று மிரட்டிவிட்டு குளிக்கச் சென்றார்.

பின்கூல் தன் தலைவரின் ஆணைக்கேற்ப பொறுமையாக மீனை பொன் நிறத்திற்கு வறுக்கத் தொடங்கினான். சாப்பிட ஆசை இருந்தாலும் தலைவரின் எச்சரிக்கையால் அடக்கிக் கொண்டான். வறுவல் முடியும் தறுவாயில் வறுத்த மீனை கைகளில் எடுக்கும் போது கட்டைவிரலில் சூடு பட்டு பொறுக்க முடியாமல் உடனே சூடு தணிக்க விரலை வாயில் வைத்து சூப்பினான். விரலை அழுத்தி எடுத்ததால் விரலோடு வந்த மீனின் இறைச்சி வாயினுள் சென்றது. அதனால் அவனுக்கு உலக அறிவு வந்ததாக இன்றும் அயர்லாந்தில் கதை உண்டு.

(நம் நாட்டிலும் விரல் சூப்பும் பிள்ளைகளை அறிவு அதிகம் என்று சொல்வது இதனால்தானோ) ஐரிஷ் நாட்டு கதைகளில் எல்லாம் இந்த பின்கூல் ஒரு ஹீரோவாக இன்றும் வர்ணிக்கப்படுகிறார். அவரிடம் ஒரு கேள்வி கேட்டால் உடனே விரலை வாயில் வைத்து அதற்கான விடையைத் தந்துவிடுவதாக அனைத்து கதைகளும் சொல்கின்றன. கூல் தள நிறுவனர் இந்த நாட்டைச் சேர்ந்தவர் என்பது மட்டுமின்றி அதே பாய்ன் என்ற ஆற்றில் அடிக்கடி மீன் பிடிப்பாராம். அதனாலேயே இந்த பெயரைத் தான் உருவாக்கிய தளத்திற்கு டாம் வழங்கியுள்ளார்.

கூகுள் மெயில்

2008-08-06T14:38:00.001-07:00

மெயில் ஷார்ட் கட்கீஸ்உங்களுடைய ஜிமெயில் அக்கவுண்ட்டை மவுஸ் கொண்டு செலுத்துவற்குப் பதிலாகக் கீ போர்டு ஷார்ட் கட் கீகள் மூலம் செயல்படுத்தலாம். இந்த கீ போர்டு ஷார்ட் கட் கீகளைப் பயன்படுத்து வதனால் நம் நேரம் மிச்சமாகிறது. மேலும் கீ போர்டிலிருந்து கைகளை எடுக்காமல் விரைவாக நம்மால் செயல் பட முடியும். இதோ சில ஷார்ட் கட் கீகள்:

ஜஸ்ட் எப் கீயை மட்டும் அழுத்தினால் இமெயில் செய்தியை அடுத்ததற்கு பார்வேர்ட் செய்திட முடியும்.
Shift+I: இமெயில் மெசேஜைப் படித்ததாக குறியீடு செய்வதற்கு
Shift+u: இமெயில் மெசேஜைப் படிக்காததாகக் குறியிட
r: மெயிலை அனுப்பியவருக்கு பதில் அனுப்ப
a: அனைத்து மெயில் பெற்றவருக்கும் பதில் அனுப்ப
Ctrl+c: அப்போதைய இமெயிலை ட்ராப்டாக சேவ் செய்திட
Z: முந்தைய செயல்பாட்டை கேன்சல் செய்திட
?: கீ போர்டு ஷார்ட்கட் கீகள் குறித்த உதவிக் குறிப்புகளைக் காட்ட
c: புதிய இமெயில் மெசேஜ் ஒன்றை எழுதிட
/ : சர்ச் பாக்ஸில் உங்கள் கர்சரை நகர்த்த
u: உங்களுடைய இமெயில் அக்கவுண்ட்டை ரெப்ரெஷ் செய்து லேட்டஸ்ட்டாக வந்த இமெயில் மெசேஜைக் காண
! : இமெயில் மெசேஜ் ஒன்றை ஸ்பாம் மெயிலாகக் குறியிட
p: தற்போதைய மெயிலுக்கு முன் உள்ள மெயிலுக்குச் செல்ல
. : வெறும் புள்ளி அடித்தால் கூடுதலான ஆப்ஷன்ஸ் காட்டப்படும்
Esc: கர்சரை தற்போதைய பீல்டிலிருந்து நகர்த்தும்.

புதுக் கம்ப்யூட்டரை ஸ்பை வேர் இல்லாமல் வைத்திருக்க

2008-08-06T14:36:00.000-07:00

புதியதாக கம்ப்யூட்டர் ஒன்றினை உங்கள் அலுவலகப் பயன்பாட்டிற்கு வீட்டில் வைத்துப் பயன்படுத்தும் திட்டத்துடன் வாங்கி இருக்கிறீர்களா? அல்லது உங்கள் மகன் அல்லது மகள் இரண்டாம் ஆண்டு இன்ஜினியரிங் பட்டப்படிப்பிற்கு பயன்படுத்த வாங்கி தந்திருக்கிறீர்களா? கம்ப்யூட்டரை இயக்கத் தொடங்கியவுடன் ஸ்பை வேர் எதுவும் வந்திடுமோ என்று பயப்படுகிறீர்களா?

ஆம், பாதுகாப்பு எதுவுமில்லாத கம்ப்யூட்டர் இன்டர்நெட்டில் இணைந்த சில நிமிடங்களில் நிச்சயமாய் ஏதேனும் ஸ்பைவேர் புரோகிராமால் பாதிக்கப்படும் அபாயம் நிச்சயமாய் உள்ளது. அதனால் இயக்கத் தொடங்கியவுடன் என்ன செய்யலாம் என்பதனை இங்கு படிப்படியாய்க் காணலாம்.

1.விண்டோஸ் இயக்கத் தொகுப்பினை உடனே அப்டேட் செய்திடுங்கள். கண்ட்ரோல் பேனல் சென்று Windows Security Center செல்லவும். அங்கு automatic download என்பதைத் தேர்ந்தெடுத்து கிளிக் செய்திடவும். கம்ப்யூட் டருடன் ஏதாவது பயர்வால் புரோகிராம் அளிக்க ப்பட்டு அது இயங்கிக் கொண்டிருந்தால் விட்டு விடலாம். இல்லை என்றால் Windows XP firewall இயக்கவும்.

2. இயக்கத் தொகுப்புடன் ஆன்டி வைரஸ் தொகுப்பு கொடுக்கப்பட்டிருந்தால் அதனை அப்டேட் செய்திடவும். ஆட்டோமேடிக் அப்டேட் என்பதில் டிக் அமைத்து வைக்கவும்.

3.விண்டோஸ் எக்ஸ்புளோரர் இயக்கத் தொகுப்புடன் கிடைத்திருக்கும். எனவே ஆப்பரா அல்லது பயர்பாக்ஸ் பிரவுசர்களில் ஒன்றை டவுண்லோட் செய்து இன்ஸ்டால் செய்திடவும்.

4.வேறு பிரவுசர் தொகுப்பினைப் பயன் படுத்தினாலும் விண்டோஸ் எக்ஸ்புளோரரை லாக் செய்து வைக்கவும்.

5. குறைந்தது இரண்டு ஆண்டி ஸ்பை வேர் தொகுப்புகளை இன்ஸ்டால் செய்து வைக்கவும். என்னைப் பொறுத்தவரை AdAware மற்றும் Microsoft AntiSpyware என்ற இரண்டினையும் பரிந்துரைப்பேன்.

6.ஜாவாகூல் சாப்ட்வேர் தளத்திலிருந்து Spyware Blaster and SpywareGuard என்ற இரண்டு புரோகிராம்களை அவசியம் இறக்கிப் பதிந்து வைக்கவும்.

7..IESPYAD என்னும் பாதுகாப்பு தொகுப்பினைப் பதிந்து வைக்கவும். இதனைப் பதிந்தால் வெகு மோசமான 20 ஆயிரம் தொகுப்புகளை மைக்ரோசாப்ட் நீக்கிடும். பாதுகாப்பான இன்டர்நெட் உலா வருவதற்கு மேலே காட்டியுள்ள புரோகிராம்களை இயக்கிப் பார்க்கவும்.

விண்டோஸ் மீடியா பிளேயருக்கான ஷார்ட் கட் கீகள்

2008-08-06T14:35:00.000-07:00

விண்டோஸ் மீடியா பிளேயரை நம்மில் பலரும் ஆடியோ மற்றும் வீடியோ பணிகளுக்குப் பயன்படுத்துகிறோம். இந்ததொகுப்பில் பல பயன்பாடுகளுக்கு ஷார்ட் கட் கீ தொகுப்புகள் உள்ளன. நம் நேரத்தை மிச்சப்படுத்தி இசையை, பாடலை மற்றும் ஆடலை ரசிக்க இந்த ஷார்ட் கட் கீகளைப் பயன்படுத்தலாம்

ALT+1: 50 : 50 சதவிகித ஸூம் பக்கத்தைக் கொண்டுவர
ALT+2: ஸூம் 100 சதவிகிதமாக்க
ALT+3: ஸூம் 200 சதவிகிதமாக்க
ALT+ Enter: வீடியோ காட்சியை முழுத்திரையில் காண
ALT+F: மீடியா பிளேயர் பைல் மெனு செல்ல
ALT+T: டூல்ஸ் மெனு செல்ல
ALT+P: பிளே மெனு செல்ல
ALT+F4: மீடியா பிளேயரை மூடிவிட
CTRL+1:மீடியா பிளேயரை முழுமையான தோற்றத்தில் கொண்டு வர
CTRL+2: மீடியா பிளேயரை ஸ்கின் மோடில் கொண்டு வர
CTRL+B: இதற்கு முன் இயங்கியதை மீண்டும் பிளே செய்திட
CTRL+F::வரிசையில் அடுத்த பைலை இயக்க
CTRL+E: சிடி டிரைவில் இருந்து சிடி/டிவிடியை வெளியே தள்ள
CTRL+P::இயங்கிக் கொண்டிருக்கும் பைலை தற்காலிகமாக நிறுத்த / இயக்க
CTRL+T: இயங்கியதை மீண்டும் இயக்க
CTRL+SHIFT+B: ஒரு பைலை ரீவைண்ட் செய்திட
CTRL+SHIFT+F: ஒரு பைலை பாஸ்ட் பார்வேர்ட் செய்திட
CTRL+SHIFT+S: வழக்கத்திற்கு மாறாக மெதுவாக ஆடியோ/வீடியோ இயக்க
CTRL+SHIFT+G: வழக்கத்திற்கு மாறாக வேகமாக ஆடியோ/வீடியோ இயக்க
CTRL+SHIFT+N: சரியான வேகத்தில் ஆடியோ/வீடியோ இயக்க
F8 மீடியா பிளேயரின் ஒலியை அப்படியே நிறுத்த
F9: மீடியா பிளேயரின் ஒலியை குறைத்திட
F10: மீடியா பிளேயரின் ஒலியை அதிகரிக்க
Enter / Space bar: ஒரு பைலை இயக்க

எக்ஸெல் டிப்ஸ்!

2008-08-06T14:33:00.000-07:00

எக்ஸெல் தொகுப்பின் சில பங்சன்கள்

எக்ஸெல் தொகுப்பில் அதன் அமைப் பிலேயே பலபங்சன்கள் அமைக்கப்பட்டு நமக்கு கணக் கிட எளிமைப் படுத்தப் பட்டுள்ளன. அவற்றில் சில பங்சன்கள் அனைவரும் எளிதாகவும் அடிக்கடி பயன்படுத்தப்படும் பங்சன் களாகும். அவற்றை இங்கு காணலாம்.

அவை : SUM, AVERAGE, MAX, MIN, மற்றும் PRODUCT பங்சன்கள் ஆகும். இவற்றின் செயல்பாடுகளையும் எக்ஸெல் ஒர்க் ஷீட்டில் அமைக்கும் வழிகளையும் இங்கு காணலாம்.

SUM: : இந்த செயல்பாட்டின் மூலம் எண்களைக் கூட்டலாம். இதற்கான பார்முலாவினை அமைக்கும்போது அவை எண்களாகவோ அல்லது செல்களைக் குறிக்கும் குறியீடு களாகவோ இருக்கலாம். இதற்கான பார்முலா அமைப்பு SUM (numberl,number2, .,.) என இருக்க வேண்டும். இதில் numberl,number2 என்பவை நாம் அமைக்க இருக்கும் எண்கள் அல்லது செல் குறியீடுகள் ஆகும். எடுத்துக் காட்டாக SUM (3, 2) என்பது 5 என்ற விடையைக் கொடுக்கும். இதே போல செல்களில் உள்ள மதிப்புகளைக் கூட்டிக் காண அந்த செல்களின் எண்களைத் தரலாம். எடுத்துக் காட்டாக செல் A டூ முதல் A 30 வரை உள்ள மதிப்புகளைக் கூட்டிப் பெற =SUM (A1:A30) என பார்முலா அமைக்க வேண்டும்.

AVERAGE; இந்த பங்சன் கொடுக்கப்பட்ட மதிப்புகளின் சராசரியினைத் தருகிறது. மேலே குறிப்பிட்டது போல இவை எண்களாகவோ அல்லது செல் குறியீடு மூலம் தரப்படும் மதிப்புகளாகவோ இருக்கலாம். எடுத்துக் காட்டாக AVERAGE (numberI, number2, ...) என்பதில் அடைப்புக் குறிக்குள் தரப்படும் எண்களின் சராசரி மதிப்பினை பார்முலா மூலம் விடையாகப் பெறலாம். எடுத்துக் காட்டாக AVERAGE (3, 2) என்பது 2.5 என்ற விடையைத் தரும். A 1 முதல் A30 வரை உள்ள மதிப்புகளின் சராசரியைப் பெற =AVERAGE(A1:A30) என பார்முலா அமைக்க வேண்டும்.

MAX: இந்த பங்சன் கொடுக்கப்பட்ட எண்களின் அல்லது மதிப்புகளின் அதிக பட்ச மதிப்புடைய எண்ணைத் தருகிறது. எடுத்துக் காட்டாக = MAX(3. 2,45,23) என அமைக்கப் படுகையில் 45 என்ற விடை கிடைக்கும். இதே போல குறைந்த மதிப்பினை அறிய MIN பங்சன் பயன்படுகிறது. =M1N(3, 2,45,23) என்று பார்முலா அமைத்தால் 2 விடையாகக் கிடைக்கும்.

PRODUCT; இந்த பங்சன் மூலம் எண்களை அல்லது மதிப்புகளை பெருக்கிப் பெறலாம். =PRODUCT (13, 2) என்ற பார்முலா 26 என்ற மதிப்பினைக் கொடுக்கும். இந்த பார்முலாவிலும் எண்களுக்குப் பதிலாக செல் குறியீடுகளைத் தரலாம். A1 செல் முதல் A30 வரையிலான செல்களில் உள்ள மதிப்புகளைப் பெருக்கிப் பெற =PRODUCT (A1:A30) என்ற வகையில் பார்முலா அமைத்துப் பெறலாம்.

சார்ட் பார்மட் அப்படியே வேண்டுமா?

எக்ஸெல் தொகுப்பில் ஓர் அருமையான சார்ட் ஒன்றை உருவாக் கிவிட்டீர்கள். உங்களுக்கு அதன் அழகான வடிவம், வண்ணங்கள் அமைப்பு, எழுத்து வகை, அவை அலைன் செய்யப்பட்ட விதம், ஸ்பேஸ் அமைத்தது என அனைத்தும் பிடித்துப் போய்விட்டதா? இதே பார்மட்டிங்கில் உங்கள் மற்ற சார்ட்களும் இருக்க வேண்டும் என நினைக்கிறீர்களா? என்ன செய்கிறீர்கள்? ஒவ்வொரு வகையாக எப்படி உருவாக்கினோம் என்று பார்த்து பார்த்து புதிய சார்ட்டினை மாற்றுகிறீர்களா? தேவையே இல்லை. எளிய சுருக்கு வழி ஒன்றை எக்ஸெல் கொண்டுள்ளது. முதலில் எந்த சார்ட்டின் பார்மட்டிங் உங்களுக்குப் பிடித்துப் போய் விட்டதோ அதனைத் தேர்ந்தெடுங்கள். பின் அதனைக் காப்பி செய்திடுங்கள். இனி அடுத்து எந்த சார்ட்டில் இந்த வடிவ மைப்புகள் எல்லாம் அமைய வேண்டும் என விரும்பு கிறீர்களோ அந்த சார்ட்டைத் தேர்ந்தெடுங்கள்.
இனி Edit மெனு செல்லுங்கள். அதில் , Paste Special என்பதைத் தேர்ந்தெடுங்கள். அதில் Formats என்ற பிரிவில் டிக் செய் திடுங்கள். அதன்பின் ஓகே கிளிக் செய்து வெளி யேறுங் கள். உங்கள் அபிமான சார்ட் டின் அனைத்து பார்மட் சமாச் சாரங்களும் புதிய சார்ட்டில் அப்படியே பச்சக் என்று ஒட்டிக் கொண் டிருப்ப தனைப் பார்க்கலாம். ஆனால் டேட்டா எல்லாம் அதனதன் சார்ட்டில் அப்படியே தான் இருக்கும்.

எக்ஸெல் ஒர்க் ஷீட்டைச் சுத்தப்படுத்த

பல நாட்களாக நீங்கள் உருவாக்கிப் பயன்படுத்திய எக்ஸெல் ஒர்க் ஷீட் ஒன்றைப் பார்க்கிறீர்கள். பலவிதமான எழுத்துருக்கள், பல வகையான எழுத்து அளவுகள், அடிக்கோடுகள், அழுத்தமான சொற்கள் எனப் பல பார்மட்டுகளில் உங்கள் எக்ஸெல் ஒர்க் ஷீட் காட்சியளிக்கிறது. இது அத்தனையும் நீக்கிவிட்டு புதியமுறையில் அதனை அமைக்க விரும்புகிறீர்கள். அப்ப டியானால் ஒவ்வொரு செல்லாகச் சென்று அத்த னை பார்மட் எபெக்டுகளையும் நீக்க வேண்டுமே! எவ்வளவு நேரம் மற்றும் உழைப்பு தேவைப்படும் என பயப்படுகிறீர்களா? தேவையில்லை! ஒரே ஸ்ட்ரோக்கில் அத்தனையும் நீக்கிவிட்டு உங்கள் ஒர்க் ஷீட் புதியதாக அமைக்கப் படுகையில் எப்படி அமைக்கப்படுமோ அதே போன்று அதனை மாற்றலாம். முதலில் எந்த செல்களில் எல்லாம் பார்மட் அமைப்புகளை மாற்ற வேண்டும் என எண்ணுகிறீர்களோ அதனை எல்லாம் செலக்ட் செய்திடுங்கள். இது பல ஒர்க் ஷீட்களில் கூட இருக்கலாம். இவை எல்லாம் தேர்ந்தெடுத்த பின் எடிட் (Edit) மெனு செல்லுங்கள். அதில் Clear சப் மெனு வாங்குங்கள். பின் அதில் Formats என்ற பிரிவைத் தேர்ந்தெடுங்கள். இப்போது நீங்கள் தேர்ந்தெடுத்த செல்களில் உள்ள அனைத்து பார்மட் சமாச்சாரங்களும் நீக்கப்பட்டு உங்கள் எக்ஸெல் என்ன டிபால்ட் நிலையில் இருக்குமோ அதே போல் தோற்றமளிக்கும். இப்போது நீங்கள் தற்போது விரும்பும் வகையில் அதனை பார்மட் செய்திடலாம்.

எக்ஸெல் செல்களில் உள்ள பார்டர்கள்

ஒரு செல்லில் எந்த பக்கத்திலும் வரையப்படும் கோட்டினை அதன் பார்டர் என்று சொல்கிறோம். இது செல்லைச் சுற்றியும் அல்லது பல செல்களைச் சுற்றியும் இருக்கலாம். தேர்ந்தெடுக்கப்பட்ட செல் அல்லது பல செல்களின் முனைகளிலும் கோடுகளை இணைக் கலாம். இதில் பார்டர்ஸ் என்னும் கட்டளை செல்களில் உள்ள தகவலின் கீழாக கோட்டினை இடாது. ஆனால் இந்த கட்டளை மூலம் செல்களின் ஓரத்தில் பார்டர்களை அமைக்கலாம். தேர்ந்தெடுக்கப்பட்ட செல்களைச் சுற்றி பார்டர்களை அமைக்கக் கீழ்க்கண்டபடி செயல்படவும். முதலில் எந்த செல்களுக்கு பார்டர்கள் அமைக்க வேண்டுமோ அவற்றைத் தேர்ந்தெடுக்கவும். பின்னர் பார்மட்டிங் டூல் பார் செல்லவும். இதில் “ Borders” ஐகானை அடுத்து உள்ள கீழ் நோக்கிய அம்புக் குறியில் கிளிக் செய்திடவும். கிடைக்கும் மெனுவில் பார்டர்கள் அமைப் பதற்குத் தேவையான ஆப்ஷனைத் தேர்ந்தெடுக்க வேண்டும். பின்னர் டயலாக் பாக்ஸில் உள்ள பார்டர் டேப் மீது கிளிக் செய்து அதில் பார்டர் ஆப்ஷன்ஸ், லைன் ஸ்டைல் போன்ற தேவையானவற்றைத் தேர்ந்தெடுக்கவும். பின்னர் டயலாக் பாக்ஸில் ஓகே பட்டனில் என்டர் தட்டி வெளியேறவும்.

இனி நீங்கள் செட் செய்தபடி பார்டர் லைன்கள் செல்களில் அமைக்கப்பட்டிருக்கும். இதே போல் பார்டர் லைன் ஸ்டைலையும் மாற்றலாம். அல்லது செல்களில் ஒவ்வொரு பக்கங்களிலும் மாறுபட்ட பார்டர் லைன்களை அமைக்கலாம். செல்களைச் சுற்றி மாறுபட்ட பார்டர் லைன்களை அமைக்கக் கீழ்க்காணும் வழி முறைகளைப் பின்பற்றவும். அமைக்கப்பட வேண்டிய அல்லது மாற்றப்பட வேண்டிய செல் அல்லது செல்களைத் தேர்ந்தெடுக்கவும். “Format Cells” டயலாக் பாக்ஸைத் தேர்ந்தெடுத்து அதில் பார்டர் டேப் மீது கிளிக் செய்திடவும். இதில் வேறு வேறு வண்ணங்களில் கோடுகளை அமைத்திட Color என்னும் இடத்தில் கிளிக் செய்து கிடைக்கும் மெனுவில் தேவையான வண்ணத்தினைத் தேர்ந்தெடுக்கவும். பின் அந்த டயலாக் பாக்ஸில் “OK” கிளிக் செய்து வெளியேறவும். இனி தேர்ந்தெடுத்த வண்ணங் களில் செல்களில் பார்டர்கள் அமைக்கப்பட்டிருக்கும்.

வேர்டில் ஊ2 கீயின் சிறப்பு பயன்பாடு

2008-08-06T14:32:00.001-07:00

டெக்ஸ்ட் ஒன்றை செலக்ட் செய்கிறீர்கள். பின் அதனை இன்னொரு இடத்தில் கொண்டு அமைக்க விரும்புகிறீர்கள். எப்படி இந்த செயலை மேற்கொள்கிறீர்கள்?

டெக்ஸ்ட்டை செலக்ட் செய்த பின்னர் மவுஸின் கர்சரை அதில் கொண்டு சென்று பின் மவுஸால் இழுத்து குறிப்பிட்ட இடம் வந்தவுடன் கர்சரை விடுவித்து அமைக்கிறீர்கள். வேறு வழியாக கட் அல்லது காப்பி செய்து தேவையான இடத்தில் பேஸ்ட் செய்கிறீர்கள். எப்படிப் பார்த்தாலும் இது பல நிலைகளில் மேற்கொள்கிற சமாச்சாரமாக இருக்கிறது. இதற்கு ஓர் எளிய வழியை எப்2 கீ தருகிறது. இங்கும் முதலில் நகர்த்த வேண்டிய டெக்ஸ்ட்டை செலக்ட் செய்து கொள்ளுங்கள். இங்கும் மவுஸ் வேண்டாம் என்றால் ஷிப்ட் கீயுடன் ஆரோ கீயைச் சேர்த்து இயக்கி டெக்ஸ்ட்டை செலக்ட் செய்திடலாம். செலக்ட் ஆனவுடன் எப்2 கீயை அழுத்துங்கள். அதன் பின் ஆரோ கீ அல்லது பேஜ் அப் அல்லது டவுண் அழுத்தி தேர்ந்தெடுத்த டெக்ஸ்ட்டை எங்கு அமைக்க வேண்டுமோ அங்கு செல்லுங்கள். (இப்படிச் செல்லும்போது டெக்ஸ்ட் நகர்த்தும் வேலை வேண்டாம் என்று நினைத்தால் எஸ்கேப் கீயை அழுத்துங்கள்; எல்லாம் ரத்தாகிவிடும்.) இனி எந்த இடத்தில் டெக்ஸ்ட் அமைக்க வேண்டுமோ அந்த இடம் வந்தவுடன் ஜஸ்ட் என்டர் கீயைத் தட்டுங்கள். டெக்ஸ்ட் அந்த இடத்தில் வந்தமர்ந்துவிடும். இது கட் அண்ட் பேஸ்ட் வழிக்கு இன்னொரு செயல்வழியாகும். காப்பி அல்ல.

நீங்களே உங்கள் மெனுவை தயாரிக்கலாம்!

2008-08-06T14:30:00.002-07:00

வேர்ட் தொகுப்பில் உள்ள மெனுவினை உங்கள் விருப்பப்படி அமைத்துக் கொள்ள இந்த பகுதியில் பல டிப்ஸ்கள் தொடர்ந்து கொடுக்கப்பட்டு வருகின்றன. அவற்றைப் படித்து பலரும் தங்கள் விருப்பத்திற்கேற்ப அமைத்து தாங்கள் பயன்படுத்துவதோடு தங்கள் நண்பர்களிடமும் காட்டி மகிழ்கின்றனர். எடுத்துக் காட்டாக ஒருவர் என்னிடம் உங்களுக்கு வேர்டில் பைல் மெனுவைத் திறந்தால் எத்தனை பைல்கள் கீழாகப் பட்டியலிடப்படும் என்று கேட்டார்.

நான் வழக்கம்போல அவரையும் அவர் கம்ப்யூட்டரையும் அப்பாவியாகப் பார்த்தேன். என் கம்ப்யூட்டரில் 9 பைல்கள் கிடைக்கும் என்றார். அப்படியா! காட்டு என்றவுடன் வேர்டைத் திறந்து பைல் மெனுவினைக் காட்டினார். பின் ஒரு வெற்றி சிரிப்புடன் கம்ப்யூட்டர் மலரில் போட்டிருந்தார்கள் என்றார். இப்படி மெனுக்களை நமக்கேற்றபடி வளைக்காமல் நாமே நம் வசதிக்கேற்ப மெனுக்களை உருவாக்கினால் என்ன! உருவாக்கலாமா! அதற்கேற்ற வழிகளை இங்கு பார்ப்போம்.

இதற்கு Customize windowI ஐ முதலில் பெற வேண்டும். இதனைப் பெற Tools மெனு சென்று Customize ஆப்ஷனைத் தேர்ந்தெடுக்கலாம். அல்லது எந்த டூல்பாரிலாவது ரைட் கிளிக் செய்து அதில் Customize என்பதைத் தேர்ந்தெடுக்கலாம். Customize விண்டோ திறக்கையில் Commands டேப் செல்லவும். இடது பக்கமாக Categories list பட்டியல் கிடைக்கும். இந்த பட்டியலில் கீழாகச் சென்று New Menu என்பதனைத் தேர்ந்தெடுக்கவும். நியூமெனு தேர்ந்தெடுக்கப்பட்டவுடன் மவுஸ் பாய்ண்ட்டரை கமாண்ட்ஸ் லிஸ்ட்டில் வலது பக்கமாகக் கொண்டு செல்லவும். இப்போது New Menu கட்டளையை அப்படியே கஸ்டமைஸ் விண்டோவிலிருந்து இழுத்துச் சென்று புரோகிராம் விண்டோவின் மேலாக விடவும். அல்லது இங்கே இருக்கின்ற மெனுக்களில் ஏதாவது ஒரு இடத்தில் விட்டுவிடவும். இப்போது மெனு பட்டியலில் New Menu என ஒரு மெனு இருப்பதனைக் காணலாம். கஸ்டமைஸ் விண்டோ இன்னும் திறந்திருக்கும் நிலையில் New Menu பெயரின் மீது ரைட் கிளிக் செய்திடவும். அங்கு எழும் பாப் அப் மெனுவில் “Name” என்று ஒரு பீல்டு இருக்கும். அதில் கிளிக் செய்து ஒரு புது பெயர் தரவும். உங்களுக்குப் பிடித்த நீங்கள் அதிகம் பயன்படுத்த விரும்பும் ஒரு பெயராக இருக்கலாம். இனி என்டர் கீயைத் தட்டுங்கள். ஆஹா! பாராட்டுக்கள். உங்களுக்காய் நீங்களே ஒரு மெனுவினை பில்கேட்ஸின் விண்டோஸுக்குள் உருவாக்கிவிட்டீர்களே. இனி கஸ்டமைஸ் விண்டோவில் உள்ள கமாண்ட் டேபைப் பயன்படுத்தி என்னவெல்லாம் உங்கள் நியூ மெனுவில் இருக்க வேண்டும் என திட்டமிடுகிறீர்களோ அவை அனைத்தையும் தேடிப் பிடித்து இழுத்து போடவும். ஆசையில் நிறைய கமாண்ட்ஸைப் போட்டுவிட்டீர்களா! அப்படியானால் அவற்றை இரண்டாகப் பட்டியலிடலாமே! மெனுவில் உள்ள கமாண்ட் ஒன்றில் ரைட் கிளிக் செய்து அதில் Begin A Group என்பதில் கிளிக் செய்திடவும். இந்த மெனுவில் உள்ளவற்றில் அதில் கர்சரைக் கொண்டு சென்று இழுத்து எப்படி வேண்டுமானாலும் வரிசையை அமைத்துக் கொள்ளலாம். எனவே பொறுமையாக எப்படி அமைத்தால் நன்றாக இருக்குமோ அப்படி அவற்றை வகைப் படுத்தவும். இதில் எப்போது மாற்றங்கள் ஏற்படுத்த விரும் புகிறீர்களோ அப்போதெல்லாம் மேலே கூறியபடி மெனுவிற்குள் சென்று மாற்றங்களை ஏற்படுத்தி சேவ் செய்து கொள்ளலாம். நிச் சயம் இது போல புதிய மெனுவினை நீங்கள் எல்லாரும் ஏற்படுத்துவீர்கள் என்று எதிர்பார்க்கலாமா!

இந்த எழுத்து எங்கு இருக்கும்?

2008-08-06T14:30:00.001-07:00

எப்போதாவது நமக்கு கிடைக்கும் ஒரு சில படங்களில் காணப்படும் எழுத்து வகைகள் நம்மை ரசிக்க வைக்கும் அளவில் காட்சி தரும். இந்த பாண்ட் இருந்தால் நன்றாக இருக்குமே என்று எண்ணுவோம். ஆனால் அந்த பாண்ட் பெயர் என்னவென்று தெரியாமல் எப்படி தேடுவது? இதற்கு வழி காட்டுகிறது ஓர் இணைய தளம். அதன் முகவரி: http://www. myfonts.com/WhatTheFont/
இந்த தளம் எப்படி செயல்படுகிறது? வெகு எளிது.

முதலில் எந்த டெக்ஸ்ட்டில் உள்ள எழுத்து அல்லது படத்தில் இணைந்த எழுத்து குறித்து சந்தேகம் உள்ளதோ அதன் ஸ்கேன் செய்யப்பட்ட படத்தை எடுத்து வைத்துக் கொள்ளுங்கள். ஸ்கேன் செய்திடாமல் பட பைலாக இருந்தால் இன்னும் வசதி. இந்த தளத்தைத் திறந்து உங்கள் கம்ப்யூட்டரில் உள்ள ஸ்கேன் செய்யப்பட்ட பைல் அல்லது இமேஜ் பைலை அப்லோட் செய்திடுங்கள். அதற்கு இந்த தளத்திலேயே வசதி உள்ளது. உடன் இந்த தளம் அந்த எழுத்து என்ன என்று கண்டுபிடித்துச் சொல்லும்.
இமேஜைக் கொண்டு ஒவ்வொரு எழுத்தாக அது சரிதானா என்று உங்களிடம் கேட்கும். நீங்கள் சரியென்று தோன்றினால் உடனே அந்த எழுத்து பைல் உங்களுக்குக் கிடைக்கும். இந்த தளத்தினால் கண்டு பிடிக்க முடியவில்லை என்றால் அதனை What The Font Forum என்ற அமைப் பிற்கு அனுப்பலாம். இதன் உறுப்பினர்கள் எவரேனும் எழுத்து என்ன வகை என்று கண்டறிந்து சொல்வார்கள். எழுத்துக்கள் குறித்து தீவிரமாக செயல்படுபவர்களுக்கு இந்த தளம் ஒரு உதவிடும் தளமாகும்.

வட்டமும் சதுரமும் சரியாக வரையலாமா!

2008-08-06T14:28:00.000-07:00

வேர்டில் சில தகவல்களை விளக்க நாமே சிறிய படங்களை டெக்ஸ்ட்டுடன் உருவாக்கு வோம். இவற்றிற்கான வட்டங்களையும் சதுரங்களையும் வரைய வேர்ட் தொகுப்பில் சாதனங்கள் தரப்பட்டுள்ளன. ஆனால் பலரும் இதில் சற்று மனம் தளர்கின்றனர். எவ்வளவுதான் சரியாக மவுஸ் கொண்டு இழுத்தாலும் வட்டமும் சதுரமும் சரியாக அமையவில்லையே என குறைபட்டுக் கொள்கின்றனர். தேவையே இல்லை. இதற்கான சரியான கீகளைப் பயன்படுத்தினால் நாம் எதிர்பார்த்ததைக் காட்டிலும் சரியாக வட்டமும் சதுரமும் அமையும். அது எப்படி என்று பார்க்கலாம்.

இந்த சூட்சுமம் ஷிப்ட் மற்றும் கண்ட்ரோல் கீகளைப் பயன்படுத்துவதில் தான் இருக்கிறது. முதலில் டிராயிங் டூல் பாரில் சரியான டூலைத் தேர்ந்தெடுங்கள். உடன் உங்கள் கர்சர் ஒரு கூட்டல் அடையாளம் ஆக மாறும். இப்போது நீங்கள் வரைய தயாராகிவிட்டீர்கள். வரையத் தொடங்கும்முன் ஷிப்ட் கீயினை அழுத்திக் கொள்ளுங்கள். கீ அழுத்துவது அப்படியே தொடரட்டும். இப்போது வரையத் தொடங்குங்கள். வித்தியாசம் தெரிகிறதா. ஆம். இதுவரை சரியாக வராத வட்டம், சதுரம் மற்றும் பிற உருவங்கள் நன்றாக வருகின்றனவா? ஓகே. ஏதேனும் ஒரு முறை ஷிப்ட் கீயை அழுத்தாமல் வரையத் தொடங்கிவிட்டு பின் அடடா! ஷிப்ட் கீயை அழுத்த மறந்துவிட்டோமே என்று அங்கலாய்க்கிறீர்களா? கவலையே வேண்டாம். வரைவது பாதியில் இருக்கையில் ஷிப்ட் கீயை அழுத்துங்கள். வரைந்த பகுதி மற்றும் இனி வரையப் போகும் பகுதி அனைத்தும் சரியாக மாறிவிடுவதனைப் பார்க்கலாம். இன்னொன்றை கவனித்தீர்களா! நீங்கள் எந்த உருவம் வரைந்தாலும் அது இடது மூலையிலிருந்தேதான் தொடங்கும். அதாவது நீங்கள் எந்த பாய்ண்ட்டில் கிளிக் செய்கிறீர்களோ அந்த புள்ளி வரையப் போகும் உருவத்தின் இடது மூலையாக அமைகிறது. அடடா! நடுவில் இருந்து வரைய வேண்டும் என்றால் என்ன செய்வது? கவலையே வேண்டாம்.இங்கு தான் கண்ட்ரோல் கீ உதவுகிறது. கண்ட்ரோல் கீயை ஷிப்ட் கீக்குப் பதிலாக அழுத்திக் கொண்டு வரையத் தொடங்கினால் உருவத்தின் நடுப் பகுதியிலிருந்து நீங்கள் விரும்பும் டிசைன் கிடைக்கும். சில வேளைகளில் நாம் படத்தை வரைந்து விட்டு பின் குறிப்பிட்ட இடத்தில் அமைக்க அதனை நகர்த்த சிரமப்படுவோம். அது போன்ற இடங்களில் இந்த கண்ட்ரோல் கீ நமக்கு உதவி செய்கிறது. தேவையான இடத்தில் கர்சரை நடுநாயகமாக வைத்து வரைவதனைத் தொடங்கலாம். இந்த இரண்டு கீகளையும் இவ்வாறு படம் வரையும் சாதனத்துடன் இணைத்துப் பயன்படுத்தி சரியான முறையில் படங்களைப் பெறலாம். கிளிப் ஆர்ட் படங்களில் ஏதாவது ஒன்றை எடுத்துக் கொண்டு அதனை உங்கள் விருப்பப்படி மாற்றுகையில் இந்த இரண்டு கீகள் தரும் உதவி உங்களுக்குப் புரிய வைக்கும்.

இன்டர்நெட் எக்ஸ்புளோரர் 7க்கான சில கூடுதல் டிப்ஸ்கள்

2008-08-06T14:27:00.000-07:00

பயர்பாக்ஸ் மற்றும் பிற பிரவுசர் தொகுப்புகளின் அதிரடி புதிய பதிப்புகளினால் சிறிது சிறிதாக இன்டர்நெட் எக்ஸ்புளோரர் 7 பயன்படுத்துபவர்களின் எண்ணிக்கை குறைந்து வந்தாலும் உலகில் இன்று அதிகமான எண்ணிக்கையில் பயன்படுத்தப்படுவது இன்டர்நெட் எக்ஸ்புளோரர் 7 தான். அதற்கான சில கூடுதல் டிப்ஸ்களை இங்கு பார்க்கலாம்.

இத்தொகுப்பிலேயே பல தேடுதல் சாதனங்கள் இணைந்துள்ளன. பிரவுசரின் மேலாக வலது மூலையில் இந்த தேடுதல் சாதனங்களைக் காணலாம். இவற்றுடன் உங்களுக்குத் தேவையான அல்லது பிரியமான தேடுதல் சாதனங்களையும் இணைத்துக் கொள்ளலாம். அதற்கு தேடுதல் பாரின் வலது கோடியில் உள்ள கீழ் நோக்கிய அம்புக் குறியில் கிளிக் செய்து கிடைக்கும் பட்டியலில் Find More Providers என்பதைத் தேர்ந்தெடுத்து இணைக்கலாம். அது மட்டுமின்றி இந்த தேடுதல் சாதனம் ஒரு சர்ச் இஞ்சினாகத்தான் இருக்க வேண்டியதில்லை. நீங்கள் அடிக்கடி பார்க்கும் தளத்தில் தரப்பட்டிருக்கும் தேடுதல் சாதனத்தையும் இணைக்கலாம். மேலே காட்டியபடி Find More Providers என்பதைத் தேர்ந்தெடுத்தவுடன் Create Your Own section என்று ஒரு பிரிவு இருக்கும்.

இதில் தரப்படும் படிவத்தில் உங்கள் பிரியமான சர்ச் இஞ்சின் தளம் குறித்த தகவல்களை பூர்த்தி செய்திடவும். இன்னொரு டேபில் எந்த தளத்தில் தரப்பட்டிருக்கும் சர்ச் இஞ்சினை நீங்கள் இன்டர்நெட் எக்ஸ்புளோரருடன் இணைத்துப் பயன்படுத்த வேண்டுமோ அதனைத் திறக்கவும். அங்கு கொடுக்கப்பட்டுள்ள சர்ச் பாக்ஸில் இந்ததளத்திற்கேற்ற வகையில், நினைவில் கொள்ளும் வகையில் ஒரு பெயரை டைப் செய்திடவும். இந்த பெயரை முழுமையாக கேப்பிடல் எழுத்துக்களில் டைப் செய்திடவும். சர்ச் முடிந்த பின்னர் கிடைக்கும் தளத்தின் அட்ரஸ் பாரில் உள்ள யு.ஆர்.எல். முகவரியை காப்பி செய்து முதலில் திறக்கப்பட்டிருக்கும் Create Your Own section பக்கத்தில் ஒட்டி விடவும். இங்கு இந்த சர்ச் இஞ்சினுக்கு ஒரு பெயர் கொடுக்கவும். பின்னர் Install பட்டனில் கிளிக் செய்திட்டால் ஒரு சின்ன விண்டோவில் அதனை உறுதி செய்திட கேள்வி கேட்கப்படும். இதனை உறுதி செய்திட Add Provider என்பதில் கிளிக் செய்திடவும். இனி இன்டர்நெட் எக்ஸ்புளோரர் தொகுப்பில் சர்ச் பாரில் வலது மூலையில் கிடைக்கும் கீழ் நோக்கிய அம்புக் குறியில் கிளிக் செய்தால் வரும் பட்டியலில் உங்களுடைய சர்ச் இஞ்சின் கிடைக்கும். இதனைத் தேர்ந்தெடுத்து என்டர் கொடுத்தால் நேராக அந்த தளம் திறக்கப்பட்டு தேடல் வேலை நடைபெறும்.

இன்டர்நெட் எக்ஸ்புளோரர் தொகுப்பு 7 நமக்கு தந்த சிறப்பான வசதி டேப் பிரவுசிங் தான். ஒவ்வொரு டேபிலும் நாம் பார்க்கும் ஒவ்வொரு தளம் திறக்கப்படுகிறது. இதனால் நாம் அவற்றைக் கிளிக் செய்து உடனே பெற்று இயங்க முடிகிறது. இவ்வாறு நிறைய தளங்களை ஒவ்வொன்றாகப் புதிய டேப் மூலம் திறக்கையில் அதிக எண்ணிக்கையில் டேப்கள் தெரிகின்றன. இவற்றைக் கண்ட்ரோல் செய்து தேவையான தளங்களைப் பெறுவது சற்று கஷ்டமாகிறது. இதற்கு ஒரு வழியை இந்த பிரவுசர் தருகிறது. நீங்கள் திறந்துள்ள அனைத்து தளங்களின் சிறிய தம்ப் நெயில் படங்களைப் பெற டேப்களின் இடது மூலையில் உள்ள Quick Tabs என்ற பட்டனைத் தட்டவும். அல்லது கீழ் நோக்கி விரியும் கட்டமாக அனைத்து தளங்களும் தெரிய கிதடிஞிடு கூச்ஞண் பட்டனின் வலது புறமாக உள்ள Tab List என்னும் பட்டனில் தட்டவும். அனைத்து தளங்களும் நீங்கள் விரும்பியபடி கிடைக்கும். அதிக எண்ணிக்கையில் தளங்கள் இருக்கையில் பல டேப்கள் திரையில் தெரிகின்றதல்லவா? ஒரு நிலையில் ஒரே ஒரு தளம் மட்டும் போதும். பார்த்ததெல்லாம் வேண்டாம் என்று எண்ணுகிறீர்களா? எந்த தளம் வேண்டுமோ அதில் சென்று அந்த டேப்பில் ரைட் கிளிக் செய்திடவும். வரும் மெனுவில் Close Other Tabs என்பதில் கிளிக் செய்திடுங்கள். நீங்கள் பார்த்துக் கொண்டிருக்கும் தளம் தவிர மற்ற அனைத்து தளங்களின் டேப்கள் மூடப்படும்.

இறுதியாக இன்னொன்றையும் பார்ப்போம். பிரவுசிங் வேலையெல்லாம் முடித்த பின்னர் இன்டர்நெட் எக்ஸ்புளோரரை மூடுவோம். அப்போது ஒரு சிலருக்கு எரிச்சல் தரும் வகையில் “Do you want to close all tabs?” என்ற எச்சரிக்கை செய்தி கிடைக்கும். இது வேறு எதற்கு? என்று எண்ணுகிறீர்களா? அடுத்த முறை பிரவுசரை மூடுகையில் இந்த செய்தி வராமல் பார்த்துக் கொள்ளலாம். Tools பட்டனில் கிளிக் செய்து என்ற பிரிவில் என்டர் தட்டவும். கிடைக்கும் டயலாக் பாக்ஸில் General என்னும் டேபில் தட்டவும். பின்னர் Settings என்னும் டேபைத் தேர்ந்தெடுக்கவும். இப்போது கிடைக்கும் விண்டோ ஸ்கிரீனில் Warn me when closing multiple tabs என்பதன் முன் உள்ள டிக் அடையாளத்தை எடுத்துவிடவும். அதன் பின் ஓகே கிளிக் செய்து வெளியேறவும். இனி இந்த செய்தி கிடைக்காது.

எக்ஸ் பி பாஸ்வேர்டை மீண்டும் அமைத்திட

2008-08-06T14:03:00.000-07:00

இன்டர்நெட்டில் உலா வருகையில் குறிப்பிட்ட தளம் ஒன்றுக்கான பாஸ் வேர்டினை மறந்துவிட்டீர்கள். இதனை அந்த தளத்திடம் தெரிவித்தால் உடனே அந்த தளம் நீங்கள் குறிப்பிட்ட கேள்விக்கு அளித்த பதிலைத் தந்து பின் அதற்கான விடை யையும் குறிப்பிட்டு அதிலிருந்து மறந்து போன பாஸ்வேர்டை நினைவிற்குக் கொண்டு வர உதவுகிறது

ஆனால் எக்ஸ்பியில் கொடுத்த பாஸ்வேர்டை மறந்துவிட்டால் இது போன்ற கேள்வி பதில் எல்லாம் இருக்காது. அப்படியானால் மறந்துவிட்டால் அவ்வளவுதானா? என்று நீங்கள் கேட்பது புரிகிறது. விண்டோஸ் எக்ஸ்பியில் கொடுத்த பாஸ்வேர்டை மீண்டும் ரீசெட் செய்திடும் வழிகள் உள்ளன. அவற்றை இங்கு பார்ப்போம்.

1. எக்ஸ்பி ஆப்பரேட்டிங் சிஸ்டத்திற்கான பாஸ்வேர்டை மறந்துவிட்டால் உங்கள் கம்ப்யூட்டரை நிறுத்தி மீண்டும் Safe Mode ல் ரீ பூட் செய்திடுங்கள். இதற்கு ரீபூட் செய்தவுடன் எப்8 கீயை விட்டு விட்டு தட்டுங்கள். சிறிது நேரத்தில் ஒரு மெனு கிடைக்கும். அதில் SafeMode ல் கம்ப்யூட்டரை பூட் செய்திட ஓர் ஆப்ஷன் கிடைக்கும்.Safe Mode ஐத் தேர்ந்தெடுத்து என்டர் தட்டி கம்ப்யூட்டர் பூட் ஆவதைப் பாருங்கள்.

2. லாக் இன் ஸ்கிரீன் கிடைக்கும். இதில் அட்மினிஸ்ட்ரேட்டர் அக்கவுண்டில் நுழையவும்.

3. டயலாக் பாக்ஸ் ஒன்று திறக்கப்பட்டு உங்கள் கம்ப்யூட்டர் SafeMode ல் இயங்குவது உறுதி செய்யப்படும். இதில் கேட்கப்படும் கேள்விகள் அனைத்திற்கும் ஜஸ்ட் ஙுஞுண் என்பதைத் தட்டவும். உங்கள் கம்ப்யூட்டர் திரையின் ரெசல்யூசன் சிறிது தெளிவற்ற தன்மையில் இருக்கும். கவலைப் பட வேண்டாம்.

4. அடுத்து File, Control Panel திறக்கவும். பின் அதில் User Accounts என்பதில் கிளிக் செய்து திறக்கவும். இப்போது கம்ப்யூட்டரில் உள்ள அனைத்து அக்கவுண்ட்களும் காட்டப்படும்.

5. இப்போது எந்த அக்கவுண்ட்டிற்கு பாஸ்வேர்ட் நீக்கப்பட வேண்டுமோ அதனைத் தேர்ந்தெடுக்கவும். அதில் Remove the Password என்று உள்ள லிங்க்கை நீக்கவும்.

6. இறுதியாக நீங்கள் புதிய பாஸ்வேர்ட் அமைக்கப்போவதாக இருந்தால் Create a Password என்ற லிங்க்கைத் தேர்ந் தெடுக்கவும். இங்கு பாஸ்வேர்ட் அமைப் பதாக இருந்தால் அமைத்துவிட்டு பின் அதனை பத்திரமாக நினைவில் வைத்துக் கொள்ளும் இடத்தில் எழுதி வைக்கவும்.

பைல்கள் எத்தனை வகைகள்

2008-08-06T13:58:00.000-07:00

நாம் விண்டோஸ் இயக்கத் தொகுப்பினைப் பயன்படுத்துகையில் ஒரு பைலைத் திறந்து இயக்க அது என்ன வகை பைல், அதனைத் திறக்க எந்த புரோகிராமினைத் திறக்க வேண்டும் என்றெல்லாம் கவலைப்படாமல் பைல் பெயர் மீது அல்லது அதன் ஐகான் மீது இருமுறை கிளிக் செய்கிறோம்.

விண்டோஸ் அதற்கான பைலை அறிந்து எந்த புரோகிராம் அதனைத் திறக்குமோ அதனை இயக்கி பைலையும் காட்டுகிறது. எடுத்துக் காட்டாக doc என்ற துணைப் பெயருடன் ஒரு பைல் இருந்தால் வேர்ட் புரோகிராம் இயக்கப்பட்டு அந்த பைல் காட்டப்படுகிறது. ஆனால் சில நேரங்களில் Open with window என்னும் விண்டோ காட்டப்பட்டு புரோகிராம்களின் பட்டியல் அடுக்கப்பட்டு எந்த புரோகிராம் வழி பைலைத் திறக்க என்று கேட்கப்படும். இது பெரும்பாலும் விண்டோஸ் இயக்கத்தால் உடனடியாக உணர்ந்து கொள்ள முடியாத பைல் கிடைக்கையில் இது போல விண்டோ கிடைக்கும்.

அதே போல இன்டர் நெட்டிலிருந்து இனம் புரியாத புதிய பைல் இறக்கப்பட்டு திறக்க முயற்சிக்கையிலும் இந்த விண்டோ கிடைக்கும். ஆனால் ஒரு முறை இது போல விண்டோவில் பைலுக்கான புரோகிராமினை தேர்வு செய்து அதன் மூலம் திறந்துவிட்டால் பின் அதே வகை பைல் கிடைக்கையில் விண்டோஸ் அந்த புரோகிராமினையே இயக்கும். மேலும் ‘Always use the selected Progroam with this kind of file’ என்ற ஆப்ஷனையும் தேர்ந்தெடுத்துவிட்டால் கம்ப்யூட்டர் அதனை நினைவில் வைத்து மறுபடியும் உங்களைக் கேட்காமல் இயக்கும். சில வேளைகளில் ஒரு வகை பைலுக்கு பல புரோகிராம்கள் இருக்கும். எடுத்துக் காட்டாக போட்டோ ஒன்று திறக்க பல புரோகிராம்கள் உள்ளன. மைக்ரோசாப்ட் பிக்சர் மேனேஜர், அடோப் போட்டோ ஷாப், பெயிண்ட் எனப் பல உள்ளன. இது போல பல வகை பைல்கள் உள்ளன. எனவே எந்த வகை பைலுக்கு எந்த புரோகிராம் சரியாக இருக்கும் என்று இங்கு பார்க்கலாம்.

1. டெக்ஸ்ட் டாகுமெண்ட்கள்: கீழே டெக்ஸ்ட் பைலுக்கான பல வகை பைல் வகைகள் தரப்படுகின்றன.
.txt: இது மிக எளிமையான வேர்ட் ப்ராசசிங் டெக்ஸ்ட் பைலைக் குறிக்கிறது. இந்த வகை பைல்களில் எந்தவிதமான பார்மட்டிங் விஷயங்கள் இருக்காது; எனவே Notepad உட்பட எந்த வகையான வேர்ட் ப்ராசசிங் சாப்ட்வேர் தொகுப்பிலும் இதனைத் திறக்கலாம்.
.ணூtஞூ: ரிச் டெக்ஸ்ட் பார்மட் என அழைக்கப்படும் இந்த வகை பைல்களில் ஓரளவிற்கு டெக்ஸ்ட் பார்மட்டிங் இருக்கும். பார்மட்டைக் காட்டுகிற எந்தவித வேர்ட் ப்ராசசிங் தொகுப்பும் இதனைத் திறந்து காட்டும்.

.doc: மைக்ரோசாப்ட் வேர்ட் தொகுப்பில் உருவாக்கப்படும் பைல்கள் அனைத்தும் இந்த துணைப் பெயருடன் கிடைக்கும். எனவே இந்த துணைப் பெயர் இருந்தால் வேர்ட் தொகுப்பைத் திறந்து பைலைத் திறக்கலாம்.

.xls: எம்.எஸ். ஆபீஸ் தொகுப்பில் உள்ள எக்ஸெல் புரோகிராமில் உருவாகும் பைல்கள் இந்த துணைப் பெயருடன் அமைக்கப்படும். எனவே எக்ஸெல் புரோகிராம் அல்லது வேறு ஏதேனும் ஸ்ப்ரெட்ஷீட் புரோகிராம் ஒன்றில்தான் இதனைத் திறக்க முடியும்.

. .ppt: விண்டோஸின் பிரிமியம் பிரசன்டேஷன் பேக்கேஜ் ஆன பவர் பாய்ண்ட் தொகுப்பில் உருவாகும் பைல்களுக்கு இந்த துணைப் பெயர் கிடைக்கும்.

. .pdf: இந்த வகை பைலை அடோப் அக்ரோபட் ரீடர் அல்லது அதைப் போல வந்துள்ள பல புதிய புரோகிராம்களைக் (PDF Viewer) கொண்டு திறக்கலாம். Portable Document File என்று இதனை முழுமையாக அழைக்கிறார்கள். டெஸ்க் டாப் பப்ளிஷிங் மூலம் உருவாக்கப்பட்ட பைல்களை விநியோகம் செய்திட இந்த பைல் முறையைப் பலர் கையாளுகின்றனர். பைல் உருவான பாண்ட் இல்லாமல் டெக்ஸ்ட் பைலை அப்படியே படம் போல் பைலாக இது காட்டும். தற்போது இந்த வகை பைல்களை மீண்டும் டெக்ஸ்ட்டாக மாற்றுவதற்கும் புரோகிராம்கள் கிடைக்கின்றன. அடோப் அக்ரோபட் ரீடர் உட் பட இந்த வகை பைல்களைத் திறந்து படிக்கக் கூடிய புரோகிராம்கள் அனைத்தும் இலவசமாகக் கிடைக்கின்றன என்பது குறிப்பிடத்தக்கது.

htm / html : ஒரு பைல் இவற்றில் ஏதாவது ஒன்றினைத் துணைப் பெயராகக் கொண்டிருந்தால் இது இன்டர்நெட்டில் பயன்படுத்த அமைக்கப்பட்டது என அடையாளம் கண்டு கொள்ளலாம். எனவே இதனை ஒரு வெப் பிரவுசர் புரோகிராமில் திறக்கலாம். விண்டோஸ் இயக்கத்தில் இதனைத் திறக்க இருமுறை கிளிக் செய்தால் அது இன்டர்நெட் எக்ஸ்புளோரர் தொகுப்பினைத் திறந்து இந்த பைலைக் காட்டும். அவ்வாறு காட்ட மறுத்தால் உங்கள் கம்ப்யூட்டரில் உள்ள வேறு வெப் பிரவுசர் மூலம் இதனைத் திறக்கலாம்.

.csv: ஒரு ஸ்ப்ரெட் ஷீட்டில் அமைக்கப்பட வேண்டிய தகவல்கள் காற்புள்ளிகள் என அழைக்கப்படும் கமாக்களால் பிரிக்கப்பட்டு பைலாக அமைக்கப்படுகையில் இந்த துணைப் பெயர் அந்த பைலுக்குக் கிடைக்கும். இதனை எக்ஸெல் புரோகிராமில் திறந்து பார்க்கலாம். அல்லது தகவல்களை சும்மா பார்த்தால் போதும் என எண்ணினால் எந்த வேர்ட் தொகுப்பு மூலமும் பார்க்கலாம்.

சுருக்கப்பட்ட பைல்கள்: கீழே பைல்களை சுருக்கித் தருகையில் கிடைக்கும் பைல் வகைகளின் துணைப் பெயர்கள் தரப்பட்டுள்ளன. இவ்வாறு பைல்களைச் சுருக்கித் தருவதனை File compresseion என அழைக்கின்றனர். பைல்களின் அளவைச் சுருக்கி இணையம் வழி பரிமாறிக் கொள்ளவும் எடுத்துச் செல்லவும் இது அதிகம் பயன்படுத்தப்படுகிறது.

.zip: இந்த துணைப் பெயருடன் ஒரு பைல் உங்களுக்கு வந்தால் அது சுருக்கப்பட்ட பைல் என்று பொருள். இத்தகைய பைல்களை விரித்துக் காட்ட இணையத்தில் நிறைய புரோகிராம்கள் இலவசமாகக் கிடைக்கின்றன. இவற்றில் அதிகம் பயன்படுத்தப்படுவது விண்ஸிப் புரோகிராமாகும்.

.rar: இதுவும் சுருக்கப்பட்ட பைலின் ஒரு வகையாகும். இதனைத் திறக்க சில ஸ்பெஷல் புரோகிராம் தேவைப்படலாம். WinRar என்ற புரோகிராம் இந்த பணியை மிக அழகாகச் செய்து முடித்திடும்.

.cab: உங்கள் கம்ப்யூட்டரில் விண்டோஸ் இயக்கத்தில் ஏதேனும் புரோகிராம் ஒன்றை, எடுத்துக் காட்டாக வேர்ட் புரோகிராம், இன்ஸ்டால் செய்தால் விண்டோஸ் அந்த புரோகிராமினைப் படித்துத் தெரிந்து கொண்டு அதனை கேபினட் பைல் ஒன்றில் பதிந்து வைக்கும். அந்த வகை பைலின் துணைப் பெயர் தான் இது. இந்த பைலை நாம் படித்து அறிய வேண்டியது இல்லை. எனவே இதனைத் திறக்காமல் இருப்பதே நல்லது.

பட பைல்கள்: விண்டோஸ் இயக்கத்தில் பலவகையான பட பைல்களை உருவாக்கலாம்; கையாளலாம். அவற்றில் சிலவற்றை இங்கு காணலாம். போட்டோக்கள், ஸ்கேன் செய்யப்பட்ட பைல்கள் ஆகியவை இந்த வகைகளே. கீழே நீங்கள் அடிக்கடி சந்திக்கும் சில வகை இமேஜ் பைல்களின் துணைப் பெயர்கள் தரப்படுகின்றன.

.psd: அடோப் போட்டோ ஷாப் பயன்படுத்தி இமேஜ் எடிட் மற்றும் உருவாக்கப்படும் பைல்களுக்கு இந்த துணைப் பெயர் வழங்கப்படும். உங்களிடம் அடோப் போட்டோ ஷாப் இல்லை என்றால் பைல் வகை மாற்றத்திற்கு வழி செய்திடும் புரோகிராம் ஒன்றின் (Hercule Software’s Graphic Converter) மூலம் இதன் பார்மட்டை மாற்றி வேறு துணைப் பெயருடன் அதே பைலை உருவாக்கிப் பின் அதற்கான புரோகிராமில் திறக்கலாம். மேலே குறிப்பிடப்பட்ட மாற்றித்தரும் புரோகிராம் www.herculesoft.com என்னும் முகவரியில் கிடைக்கிறது.

.psp: இந்த துணைப் பெயர் கொண்ட பைல் போட்டோ ஷாப் போன்ற இன்னொரு இமேஜ் எடிட் புரோகிராமான Paint Shop Pro என்னும் புரோகிராமில் உருவான பைல்களுக்கு இந்த துணைப் பெயர் கிடைக்கும். இந்த புரோகிராம் சற்று விலை அதிகமானது. இந்த பைல்களையும் கன்வெர்டர் கொண்டு மாற்றலாம்.

.bmp: மிக எளிமையான கிராபிக்ஸ் பைல். இதனை பிட்மேப் பைல் என்றும் அழைப்பார்கள். விண்டோஸ் பெயிண்ட் உட்பட எந்த இமேஜ் புரோகிராம் மூலமும் இதனைத் திறக்கலாம்.

.jpg: இது ஒரு பொதுவான இமேஜ் பைல் வடிவமாகும். இதன் பயன்பாடு இன்டர்நெட்டில் அதிகம். ஏனென்றால் இந்த துணைப் பெயர் கொண்ட இமேஜ் பைலின் அளவு மிகக் குறைவானதாக இருக்கும். இந்த பைலை உருவாக்க அதி நவீன பைல் கம்ப்ரஷன் தொழில் நுட்பம் பயன்படுத்தப்படுகிறது. பலவித இமேஜ் புரோகிராம் மூலம் இதனைத் திறந்து பார்க்கலாம். விண்டோஸ் எக்ஸ்புளோரர் தொகுப்பு இந்த வகை பைல்களைப் பார்க்க மிக எளிமையான புரோகிராமாகும்.

.gif: இதுவும் மிகவும் பிரபலமான ஒரு இமேஜ் வகை பைல் ஆகும். இதனையும் விண்டோஸ் எக்ஸ்புளோரர் கொண்டு திறந்து பார்ப்பது எளிது.

.tif: ஹோம் கம்ப்யூட்டர்களில் டிஜிட்டல் இமேஜ்களைப் பதிந்து வைத்துப் பயன்படுத்த இந்த துணைப் பெயர் கொண்ட பைல் வகைகள் அதிகம் பயன்படுத்தப்படுகின்றன. இதனைப் பல இமேஜ் எடிட்டிங் புரோகிராம்களில் திறந்து பயன்படுத்தலாம் என்றாலும் விண்டோஸ் எக்ஸ்புளோரர் எளிமையானதாகும்.

.scr: இது விண்டோ ஸ்கிரீன் சேவர் பைலின் துணைப் பெயர். ஒரு ஸ்கிரீன் சேவர் பைல் புரோகிராமினை இன்ஸ்டால் செய்திட கண்ட்ரோல் பேனல் சென்று டிஸ்பிளே புராபர்ட்டீஸ் விண்டோ பெற்று அதில் ஸ்க்ரீன் சேவர் டேப்பினைத் தட்டவும். இங்கு இன்டர்நெட்டில் இருந்து டவுண்லோட் செய்த ஸ்கிரீன் சேவர் பைல் புரோகிராமினை சேர்க்கலாம் அல்லது நீக்கலாம்.

ஆடியோ பைல்கள்: இசையை ரசிப்பதிலும் அவற்றைப் பங்கிட்டுக் கொள்வதிலும் மற்றவர்களுக்கு அனுப்புவதிலும் இன்று பலவகையான ஆடியோ பைல்கள் நமக்கு உதவுகின்றன. எடுத்துக் காட்டாக எம்பி3 பைல்கள் இந்த வகையில் பெரிய புரட்சியை ஏற்படுத்தியது என்றால் மிகையாகாது.

.mp3: MPEG3 என்பதன் சுருக்கமாகும். சுருக்கமான முறையில் சிறிய பைல்களாக இசையைப் பதிவு செய்து அனுப்ப இணக்கமான பைல் பார்மட் இதுவாகும். இதனை ஒலிக்கச் செய்திட பல இலவச புரோகிராம்கள் இணையத்தில் கிடைக்கின்றன. வெகுகாலமாக மிக எளிதானதாகவும் பல வசதிகள் கொண்டதாகவும் கருதப்படுவது விண் ஆம்ப் பிளேயராகும். விண்டோஸ் மீடியா பிளேயரும் இதனை இயக்கும்.

.wav: எம்பி 3 போல இதுவும் பிரபலமான ஒரு இசை பைலாகும். டிஜிட்டல் ஆடியோவைப் பதிவதில் இதுவும் ஒரு எளிய சிறிய பைலாக உருவாகும். எம்பி3 இயக்கும் ஆடியோ பிளேயர்கள், குறிப்பாக விண்டோஸ் மீடியா பிளேயர், இதனையும் இயக்குகின்றன.

aif: Audio interchange File format என்பதன் சுருக்கம் இது.வர்த்தக ரீதியாக வெளியிடப்படும் ஆடியோ சிடிக்களில் இது பெரும்பாலும் பயன்படுத்தப்படுகிறது. இதன் மூலம் மிகச் சிறந்த முறையில் ஆடியோவை வெளிப்படுத்தலாம். துல்லிதமான இசையைத் தருவதால் இதன் பைல் அளவு பெரிதாக இருக்கும். மூன்று நிமிடம் பாடக் கூடிய பாடல் 30 முதல் 50 எம்பி வரை இடம் பிடிக்கும். விண்டோஸ் மீடியா பிளேயரைப் பயன்படுத்தி இதனை இயக்கலாம்.

.ogg: இதனை அடிக்கடி நீங்கள் காண முடியாவிட்டாலும் கட்டாயம் தெரிந்து கொள்ள வேண்டிய பைல் வகையாகும். இதனை Ogg Vorbis audio என்று கூறுவார்கள். இது எம்பி3 பைலைக் காட்டிலும் இசையைத் தெளிவாகவும் துல்லிதமாகவும் தரும். இதனையும் விண்டோஸ் மீடியா பிளேயரில் இயக்கிக் கேட்கலாம். ஆனால் அதற்கு கோடெக் (codec) என்னும் ஸ்பெஷல் பைல் வேண்டும். இதனை www.freecodecs என்ற தளத்திலிருந்து இறக்கிக் கொள்ளலாம்.

.wma: விண்டோஸ் மீடியா ஆடியோ பைல் என்பதன் சுருக்கம். இந்த பைல் வகையை உருவாக்கியது மைக்ரோசாப்ட் நிறுவனம். இந்த வகை பைல்களும் அளவில் மிகச் சிறியதாக இருக்கும். விண்டோஸ் மீடியா பிளேயரில் இதனை இயக்கி ரசிக்கலாம்.

ஆப்பரேட்டிங் சிஸ்டம் பைல்கள்: சில பைல்களை அதன் மீது டபுள் கிளிக் செய்தால் அவை எந்தவிதமான புரோகிராம் துணை இன்றி தாமாகவே இயங்கும். இவை பெரும்பாலும் ஆப்பரேட்டிங் சிஸ்டம் பைல்கலாகும். பெரும்பாலான இந்த பைல்கள் கீழ்க்காணும் துணைப் பெயர்களுடன் இருக்கும்.

.exe: எக்ஸிகியூட்டபிள் பைல் என்பதன் சுருக்கம். இதில் ஒரு புரோகிராம் இருக்கும். இதனை இருமுறை கிளிக் செய்தால் அந்த புரோகிராம் விரித்து இயங்கும்.

.bat: பேட்ச் பைல் என்பதன் சுருக்கம். இந்த பைலில் வரிசையாக பல கட்டளைகள் தரப்பட்டிருக்கும். இதன் மீது டபுள் கிளிக் செய்திடுகையில் அந்த கட்டளைகள் ஒவ்வொன்றாக நிறைவேற்றப்படும். இந்த பைலை நோட்பேடில் உருவாக்கலாம் மற்றும் எடிட் செய்திடலாம்.

.vbs: இதனைப் பற்றி நீங்கள் நன்கு தெரிந்து கொள்ள வேண்டும். மைக்ரோசாப்ட் நிறுவனம் உருவாக்கியவிசுவல் பேசிக் என்னும் புரோகிராமிங் மொழி மூலம் புரோகிராமர்கள் விண்டோஸில் இயங்கும் பல அப்ளிகேஷன்களை வடிவமைக்கின்றனர். அந்த பைல்களின் துணைப் பெயர் இவ்வாறு இருக்கும். இதில் டபுள் கிளிக் செய்தால் அந்த பைல் இயங்கும். ஆனால் வைரஸ் பைல்களை எழுதுவோர் இந்த துணைப் பெயரைப் பயன்படுத்தி தங்கள் வைரஸ் புரோகிராம்களை உருவாக்குகின்றனர். எனவே இந்த துணைப் பெயருடன் உங்கள் இமெயிலில் ஏதேனும் அட்டாச்டு பைல் வந்தால் கவனமாக அதனை ஏதேனும் ஆண்டி வைரஸ் புரோகிராம் கொண்டு சோதித்துப் பின் திறக்கவும்.

வரிசை எண்ணுக்கு பிரேக் கொடுக்க

2008-08-01T10:31:00.000-07:00

வேர்ட் டாகுமெண்ட்டில் அல்லது பிரசன்டேஷன் ஸ்லைட்களில் வரிசையாக 1,2,3 அல்லது a, b, c என அமைக்கும்போது தானாக இந்த வரிசை எண்கள் அல்லது வரிசையான எழுத்துக்கள் அமைக்கப்படும். ஏதாவது ஒரு இடத்தில் நீங்கள் ஒரு பிரேக் கொடுத்து புதிய வரிசையிலோ அல்லது லைன் ஸ்பேஸ் பிரேக் கொடுத்து அதே வரிசையைத் தொடரவோ திட்டமிடலாம்.

எடுத்துக் காட்டாக

1. Item A
2. Item B
3. Item C
4. Item D
5. Item E

என அமைக்கலாம்.

இந்த பிரேக் அமைத்திட என்ன செய்கிறீர்கள்? புல்லட் அல்லது நம்பரிங் வசதியை எடுத்துவிட்டு பின் நோக்கிச் சென்று ஒரு லைன் ஸ்பேஸை உருவாக்கிப் பின் மீண்டும் அமைக்கிறீர்கள். எண்கள் தொடர்ந்து வர வேண்டும் என்றால் மீண்டும் அந்த எண்ணுக்கு புல்லட் லிஸ்ட்டைத் தயார் செய்கிறீர்கள். தலைவலி தரும் வேலை தானே! இந்த சுற்று வழி தேவையில்லை. இன்னொரு வேகமான வழி உள்ளது. ஷிப்ட் கீயைப் பயன்படுத்துவதுதான். எங்கு இடைவெளி லைன் ஸ்பேஸ் தேவைப்படுகிறதோ அங்கு ஷிப்ட் + என்டர் கீகளை அழுத்தவும். அது அடுத்த வரியை தொடர் எண் அல்லது புல்லட் இல்லாமல் டேட்டாவினை அமைத்திட உதவும். இப்போது மீண்டும் என்டர் கீயை அழுத்துங்கள். ஒரு லைன் ஸ்பேஸ் கொடுத்து மீண்டும் அதே புல்லட் அல்லது தொடர் எண்ணோடு பட்டியல் அமைத்திட வழி கிடைக்கும். எவ்வளவு எளிது என்பதை நீங்கள் வேகமாக இது போன்ற பணிகளில் ஈடுபடும் போதுதான் தெரியும்.

வேர்டில் பார் டேப்

2008-08-01T10:30:00.000-07:00

வேர்ட் தொகுப்பில் டேப் பயன்படுத்துகையில் பெரும்பாலும் இடது, வலது, சென்டர் மற்றும் டெசிமல் டேப் நிறுத்தங்களைக் கையாண்டிருக்கிறோம். எப்படிப்பட்ட டேப் வரவேண்டும் என்பதைத் தேர்ந்தெடுக்க வேர்ட் பிரேமில் இடது மேல் மூலையில் டேப் அடையாளம் இருக்கும். இதன் அருகே கர்சரைக் கொண்டு சென்றால் என்ன வகையான டேப் தற்போது பயன்பாட்டில் இருக்கிறது என்று காட்டப்படும். அதனைப் பயன்படுத்தலாம்; அல்லது வேறு வகையான டேப்பிற்கு அதன் மீது கர்சரைக் கிளிக் செய்து தேவையான டேப் கிடைத்தவுடன் அதனைப் பயன்படுத்தலாம்.

டேப்பின் உருவைக் கொண்டு அது இடதா, வலதா அல்லது சென்டரா என்று கவனிக்கலாம். ஆனால் பலர் இவை எதுவும் இல்லாத பார் டேப் என்று ஒன்று இருப்பதனைக் கண்டிருக்க மாட்டார்கள். அது இப்படி காட்சி அளிக்கும்.
இதன் பயன் என்ன? என்ற கேள்வி எழுகிறதா? நானும் உங்களைப் போலத்தான் கேள்வியைக் கேட்டுக் கொண்டு அதனை இயக்கிப் பார்த்தேன். இந்த படம் காட்டும் செயலைத்தான் இந்த வகை டேப் மேற்கொள்கிறது. இந்த டேப்பை எங்கு செட் செய்கிறீர்களோ அந்த இடத்தில் ஒரு நெட்டுக் கோட்டினை இந்த டேப் உருவாக்குகிறது. எடுத்துக்காட்டாக பார் டேப்பினைத் தேர்ந்தெடுத்து ரூலரில் இரண்டு அங்குல அளவில் இதனை செட் செய்தால் கர்சர் இருக்கும் இடத்தில் ஒரு நெட்டுக் கோடு ஒன்று அமைக்கப்படும். டாகுமெண்ட்டில் இருக்கும் டெக்ஸ்ட் இந்த நெட்டுக் கோடு உருவாவதில் எந்த பிரச்னையையும் ஏற்படுத்துவதில்லை. டெக்ஸ்ட் இந்த கோட்டின் ஊடாகவும் அமைக்கப்படும். இவ்வாறு நெட்டுக் கோடு அமைப்பதனால் நாம் டெக்ஸ்ட்டை அட்டவணை ஏற்படுத்தாமலேயே ஓர் ஒழுங்குக்குக் கொண்டு வரலாம். டேப்களை இடம் மாற்றுவது போல இதனையும் மாற்றலாம். இந்த கோடுகளைக் கொண்டு டெக்ஸ்ட் அமைத்தபின் அல்லது இந்த கோடுகள் தேவையில்லை என்று உணர்ந்த பின் இவற்றை நீக்கிவிடலாம். இந்த கோட்டினைக் கொண்டு பல்வேறு செயல்பாடுகளை டெக்ஸ்ட் அமைப்பதில் மேற்கொள்ளலாம். செயல்படுத்திப் பாருங்கள். இதன் பல்வேறு பயன்பாடுகள் புரிய வரும்..

ஒரிஜினல் அதே இடத்தில் அப்படியே

2008-08-01T10:28:00.000-07:00

எம்.எஸ். வேர்ட், எக்ஸெல் அல்லது பவர்பாய்ண்ட் பைல்களைக் கையாள்கையில் சில வேளைகளில் பைல் ஒன்றில் மாற்றங்களை ஏற்படுத்துவீர்கள். உங்கள் நோக்கம் பழைய பைலை அப்படியே வைத்துக் கொண்டு மாற்றங்களுடனான புதிய பைல் வடிவத்தினை புதிய பெயரில் வைத்திட வேண்டும் என்பது. ஆனால் ஏதோ எண்ணத்தில் மாற்றங்களை ஏற்படுத்திக் கொண்டிருக்கையில் சேவ் அஸ் செல்லாமல் கண்ட்ரோல் + எஸ் கீகளை அழுத்தி ஒரிஜினல் பைலை மாற்றங்களுடன் சேவ் செய்து ஒரிஜினல் பைலை கோட்டைவிட்டுவிடுவீர்கள். இதற்கு தவறே ஏற்படுத்த முடியாத ஒரு வழி ஒன்று உள்ளது. File மெனு திறந்து Open பிரிவு செல்லுங்கள். இந்த விண்டோவில் நீங்கள் பயன்படுத்த விரும்பும் பைலைத் தேடுங்கள். பைலைக் கண்டுபிடித்தவுடன் Open பட்டனை அழுத்தும் முன் சற்று தாமதப்படுத்துங்கள். எப்போதாவது அந்த பட்டனில் கீழ் நோக்கி ஒரு அம்புக் குறி இருப்பதனைப் பார்த்திருக்கிறீர்களா? நிச்சயம் பார்த்திருக்க மாட்டீர்கள். இப்போது பாருங்கள். இது போன்ற அம்புக் குறி இருப்பது எதனைக் குறிக்கிறது? சம்பந்தப்பட்ட பட்டனுக்கு இன்னும் சில சாய்ஸ் இருப்பதனைக் காட்டுகிறது. இப்போது அந்த அம்புக் குறியினை கிளிக் செய்திடுங்கள்.

ஒரு சிறிய மெனு விரியும். அதில் “Open as Copy” என்ற பிரிவைத் தேர்ந்தெடுங்கள். உங்கள் புரோகிராம் நீங்கள் தேர்ந்தெடுத்த பைலின் காப்பி ஒன்றைத் தேர்ந்தெடுக்கும். இந்த பைலில் நீங்கள் மேற்கொள்ள விரும்பும் எடிட் வேலைகளை மேற்கொள்ளுங்கள். உங்கள் ஒரிஜினல் பைல் அப்படியே இந்த மாற்றங்கள் இன்றி இருக்கும்.

கம்ப்யூட்டருக்குள் இருப்பதெல்லாம் சரியா இருக்கா?

2008-08-01T10:27:00.000-07:00

கம்ப்யூட்டரில் பல வகையான ஹார்ட்வேர் சாதனங்கள் உள்ளன. ஹார்ட் டிஸ்க் மட்டும் நாம் அறிவோம். மதர் போர்டு என ஒன்று இருப்பதைப் பொதுவாகத் தெரிந்து கொண்டிருப்போம். இதனுடன் பல துணை சாதனங்கள் இணைக்கப்பட்டுள்ளன. கீ போர்டு, மவுஸ் போன்றவை பொதுவாக உள்ளவை. இவை எல்லாம் சரியாக உள்ளனவா? அல்லது பிரச்னையை நோக்கிப் போய்க் கொண்டிருக்கின்றனவா ? திடீரென நம் காலை வாரிவிடுமா? என்பதை எப்படி அறிந்து கொள்வது? அல்லது அவை இயங்க வேண்டிய வேகத்தில் அதற்கான தன்மையுடன் இயங்குகின்றனவா? என்று எப்படித் தெரிந்து கொள்வது? இதற்கு இணையம் ஒரு புரோகிராமினைத் தருகிறது.

PC Wizard என்ற இந்த புரோகிராமினை டவுண்லோட் செய்து இயக்கினால் இந்த கேள்விகளுக்கெல்லாம் விடை கிடைக்கும். இதனை http://www.cpuid.com/pcwizard.php என்ற முகவரியில் இருந்து டவுண்லோட் செய்து கொள்ளலாம். உங்களுடைய கம்ப்யூட்டரின் பாகங்கள் மற்றும் அவற்றின் செயல் திறனை சிறிது ஆழமாகத் தெரிந்துகொள்ள இந்த புரோகிராம் பயன்படுகிறது. அவற்றின் செயல் திறன் பொதுவான இவற்றின் செயல் திறனுடன் ஒப்பிடுகையில் சரியாக உள்ளதா? என்பதனையும் அறியலாம். இதனை இன்ஸ்டால் செய்து இயக்கியவுடன் இந்த புரோகிராம் உங்கள் கம்ப்யூட்டரை முழுமையாக ஸ்கேன் செய்திடும். பின் ஒவ்வொரு சாதனமும் எந்நிலையில் இயங்குகின்றன என்று தொழில் நுட்ப ரீதியில் தகவல் தரப்படும். எந்த சாதனங்கள் சரியில்லை என்று கண்டறிந்து இவற்றை எல்லாம் மாற்றிவிடுங்கள் என்று அட்வைஸ் தரும். அப்படியா சேதி! என்று இவற்றை எல்லாம் பார்த்த பிறகு அங்குள்ள Benchmarks என்ற பட்டனை அழுத்தவும். இது கீழாக இடது புறம் கொடுக்கப்பட்டுள்ளது. இது சாதனங்களுக்கான செயல்திறன் சோதனையை மேற்கொண்டு அதன் பொதுவான தன்மையுடன் ஒப்பிட்டு காட்டும். இவை மட்டுமல்லாது உங்கள் கம்ப்யூட்டர் குறித்த இன்னும் பல தகவல்களையும் சோதனைகளையும் மேற்கொள்ளலாம். பிசி விஸார்ட் புரோகிராமினை இயக்கிப் பார்த்து ரசித்துப் பாருங்கள்.

போல்டரில் உள்ளவற்றிற்கான வியூ

2008-08-01T10:26:00.000-07:00

ஒரு போல்டரில் உள்ள பைல்களை எந்த வியூவில் பார்ப்பது என்பதனை நீங்கள் செட் செய்திடலாம். பல்வேறு தோற்றங்களில் இந்த பைல்களை நாம் பார்க்கலாம். படங்கள் அடங்கிய பைல்களாக இருந்தால் தம்ப் நெயில் என்னும் முறையில் அவற்றின் சிறிய தோற்றங்கள் இருக்கும்படி செய்திடலாம். வேர்ட் டாகுமெண்ட் போன்ற பைல்கள் இருந்தால் பட்டியலாகப் பார்க்கலாம். இதன் மூலம் பைல்களைப் பெயர் வாரியாக அடுக்குவது எளிது. மேலும் பைல் உருவாக்கப்பட்ட நாள், இறுதியாகத் திருத்தப்பட்ட நாள் ஆகியவற்றைக் காணலாம். இதற்கு ஸ்டார்ட் பட்டன் கிளிக் செய்து மை டாகுமெண்ட்ஸ் திறக்கவும். அதன் பின் எந்த போல்டருக்கான தோற்றத்தை மாற்ற விரும்புகிறீர்களோ அந்த போல்டரில் டபுள் கிளிக் செய்திடவும். பின் டூல்பாரில் வியூ என்பதில் கிளிக் செய்து கிடைக்கும் மெனுவில் என்று பல பிரிவுகள் இருக்கும். இவற்றைக் கிளிக் செய்து பார்த்து இவற்றில் எது உங்களுக்குத் தேவையோ அதனைத் தேர்ந்தெடுத்து பின் மூடவும். இனி இந்த போல்டரைத் திறக்கும்போது நீங்கள் தேர்ந்தெடுத்த தோற்றமே கிடைக்கும். இந்த விருப்பத்தினை எப்போது வேண்டுமானாலும் மேலே குறிப்பிட்டபடி மாற்றிக் கொள்ளலாம்.

நார்டன் தரும் புதிய தொகுப்புகள்

2008-08-01T10:11:00.000-07:00

வைரஸ்களுக்கு எதிரான தொகுப்புகளைத் தயாரித்து வழங்குவதில் முன்னணியில் இயங்கும் நார்டன் நிறுவனம் அடுத்த ஆண்டு வெளியிட இருக்கும் தொகுப்புகளின் சோதனைத் தொகுப்புகளை வாடிக்கையாளர்களுக்கென தன் இணைய தளத்தில் வெளியிட்டுள்ளது.

Norton Internet Security 2009 மற்றும் Norton AntiVirus 2009 என இவை அழைக்கப்படுகின்றன. ஏற்கனவே உள்ள தொகுப்புகளின் மீதாக ஏறத்தாழ 300 புதிய வசதிகள் இதில் தரப்பட்டுள்ளதாக அறிவிக்கப்பட்டுள்ளது

பொதுவாக நார்டன் தொகுப்பு என்றாலே இன்ஸ்டால் செய்யும் நேரத்தில் சாப்பாட்டை முடித்துவிடலாம் என்று டெக்னீஷியன்கள் கூறுவார்கள். இந்த சலிப்பைப் போக்கும் வகையில் ஒரே நிமிடத்தில் இன்ஸ்டலேஷன் செய்து முடிக்கும் வகையில் தொகுப்பு அமைக்கப் பட்டுள்ளது. அதே போல வேகமாக இணைக்கப்படும் அப்டேட் தொகுப்புகள், குறைந்த அளவில் மெமரியைப் பயன்படுத்திச் செயல்படும் பைல்கள் என புதிய கட்டமைப்பு உருவாக்கப்பட்டுள்ளது. அதே போல நேரத்தைத் தேவையில்லாமல் செலவழிப்பதனைக் குறைக்கும் பொருட்டு பைல்களை ஸ்கேனிங் செய்திடுகையில் வழக்கமாகக் கம்ப்யூட் டரில் காணப்படும் நம்பிக்கைக் குரிய பைல்களை ஸ்கேன் செய்வதனைத் தவிர்த்துவிடும் வகையில் வைரஸ் ஸ்கேனிங் செயல்முறை வழி அமைக்கப் பட்டுள்ளது.

வைரஸ்களுக்கு எதிரான பாதுகாப்பு பின்னணியில் செயல்படுகையில் கம்ப்யூட்டரின் இயக்கச் செயல்பாடுகள் வழக்கமான வேகத்தில் நடைபெற இயலாது. இது பொதுவாக அனைத்து ஆண்டி வைரஸ் தொகுப்புகளுக்கும் பொதுவான செயல்முறையாகும். இதனைப் புதிய தொகுப்புகள் தவிர்த்துள்ளன. எங்களுடைய இலக்கு உலகிலேயே மிக வேகமாக இயங்கி வைரஸ்களுக்கு எதிரான பாதுகாப்பு தரும் பேக்கேஜ்களைத் தருவதுதான் என்று இந்நிறுவனத்தின் நுகர்வோர் பொருட்கள் பிரிவு துணைத் தலைவர் ரோவன் தெரிவித்துள்ளார். சில புதிய வசதிகளாகக் கீழ்க்கண்டவற்றைக் காணலாம்.

அமைதியான இயக்கம்: (Silent mode) நாள் ஆகிவிட்டது, அப்டேட் செய்யலையா என்றெல்லாம் எச்சரிக்கை செய்தி வழங்கி நாம் ஆர்வத்துடன் கம்ப்யூட்டரில் விளையாடுகையிலும் வீடியோ பார்த்துக் கொண்டிருக்கையிலும் அல்லது முக்கியமான செயல்பாட்டில் இருக்கையிலும் நம்மை எரிச்சல் படுத்தும் வழக்கம் இனி இருக்காது. தானாக அமைதியாக இயங்கி அப்டேட் செய்திடும்.

எளிமையான பயனாளர் வழி நடத்தல்: (Simplified user interface) தெளிவாகவும் கூடுதலாகவும் தகவல்களைத் தந்து செட்டிங்ஸ் அமைத்து செயல்பாட் டின் நிலையை தெரிந்து அறிவித்தல்.

நார்டன் பாதுகாப்பு ஒருங்கு முறை: (Norton Protection System) வைரஸ்கள் தாக்கி தீயவிளைவினை ஏற்படுத்தும் முன் இயங்கி அவற்றைத் தடுத்தல். இது பல நிலைகளில் செயல்படுகிறது. நீ கோலத்தில் இருந்தால் நான் தடுக்கில் வருவேன் என்று சொல்கிற மாதிரி இன்டர்நெட் தள பைல்களில் எதிர்பார்க்காத வழிகளில் வைரஸ்கள் தங்கள் செயல்பாட்டினைக் காட்டும். இதற்கென ஒரு நிலையில் செயல்பாடு மேற்கொள்ளும் வகையில் இந்த தொகுப்பில் கவனம் செலுத்தப்பட்டுள்ளது. எப்போதும் அனைத்து நிலைகளிலும் பாதுகாப்பு, தெரியாமல் ஊடுருவும் வழிகளில் காவல், அடிப்படை செயல்பாட்டு வழிகளில் தடுக்கும் முறைகள், வைரஸ் மற்றும் ஸ்பை வேர் களுக்கு எதிரான ஸ்பெஷல் தொழில் நுட்பங்கள் எனப் பல புதிய கோணங்களிலும் நிலைகளிலும் பாதுகாப்பு தரும் வகைகளில் தொகுப்பு தயாரிக்கப்பட்டுள்ளது.

தனிநபர் தகவல் பாதுகாப்பு: (Norton Identity Safe) இன்டர்நெட் மூலமாக நாம் தரும் நம்முடைய தனிநபர் தகவல்களைப் (பாஸ்வேர்ட், வங்கி எண், வாங்கும் பொருட்களின் விபரம், வங்கியுடனான பண பரிமாற்ற தகவல்கள்) பாதுகாப்பாக வைத்துக் கொள்வதற்கென்றே புதிய பைல்கள் அமைக்கப்பட்டு அவை எந்நேரமும் செயல்படும் வகையில் தரப்பட்டுள்ளன.

தனி வலைப்பின்னல் சாதனங்கள் கண்காணிப்பு: (Home Networking feature) நாம் நமக்கென அமைத்து வைத்திருக்கும் சிறிய அளவிலான சாதனங்கள் இணைப்பில் ஒவ்வொரு சாதனமும் எப்படி இயங்குகின்றன என்று கண்காணிக்க தனி ஏற்பாடு செய்யப்பட்டுள்ளது.

தகவல் திருட்டு தொகுப்பு எதிர்ப்பு: (AntiBot features) நம்முடைய பெர்சனல் கம்ப்யூட்டரில் வந்து அமர்ந்து கொண்டு நம் கம்ப்யூட்டரின் கட்டுப்பாட்டைத் தங்கள் கைகளில் எடுத்துக் கொள்ளும் தொகுப்புகளை அண்டவிடாமல் செய்திடும் வசதிகள் தரப்பட்டுள்ளன. மேலே உள்ள வசதிகளுடன் கூடிய சோதனைத் தொகுப்புகளைக் கமப்யூட்டர் பயன்படுத்தும் யாவரும் இறக்கிச் சோதித்துப் பார்க்கும் வகையில் http://www.symantec.com/nortonbeta/ என்னும் முகவரியில் உள்ள தளத்தில் தரப் பட் டுள்ளன. டவுண்லோட் செய்திடும் முன் அத்தளம் தரும் அனைத்து செய்திகளையும் படித்து பின் டவுண்லோட் செய்திடவும்.

ஒன்றுக்கு இரண்டாய் வைரஸ் புரோகிராம்

பல வாசகர்கள் தங்கள் கம்ப்யூட்டரில் ஒரே நேரத்தில் இரண்டு ஆண்டி வைரஸ் புரோகிராம்களை பின்னணியில் இயக்கலாமா என்று எழுதிக் கேட்டுள்ளனர். இதற்கு சுருக்கமாய் பதில் சொல்வதென்றால் "கூடாது; ஒன்றுக்கு இரண்டாய் இத்தகைய புரோகிராம்களை இயக்கக் கூடாது”..’
ஏன்? கூடாது என்பதற்கு விளக்கம் சொல்ல வேண்டும் அல்லவா? இதோ. இது கொஞ்சம் சீரியஸ் மேட்டர் தான். பொதுவாக யாருமே நாம் வீட்டுக்கு ஒன்றுக்கு இரண்டு, மூன்று எனப் பூட்டு போடுவதில்லையா? அது போல இரண்டு வைரஸ் புரோகிராம் இருந்தால் என்ன? என்று கேட்கலாம். ஒன்றுக்கு அகப்படாத வைரஸ் இன்னொன்றுக்கு அகப்படுமே என்று நீங்கள் எண்ணலாம். ஆனால் அது சரியல்ல. ஆர்க்யுமெண்ட் சரிதான். ஆனால் கொஞ்சம் உள்ளே பார்த்தால் உண்மை விளங்கும். ஒன்றுக்கு மேற்பட்ட வைரஸ் புரோகிராம்கள் மட்டுமல்ல, ஒரே புரோகிராமின் பல்வேறு பதிப்புகள் இருந்தால் கூட அவை நமக்கு பிரச்னை தரும். அவை என்ன?
1. கம்ப்யூட்டர் மெமரி காலியாகுதே! ஒன்றுக்கு மேற்பட்ட புரோகிராம் ஒரே வேலையைச் செய்தாலும் அவை கம்ப்யூட்டர் மெமரியில் எடுத்துக் கொள்ளும் இடம் அநாவசியம் தானே. இதனால் மற்ற புரோகிராம்களுக்கு மெமரி இடம் கிடைப்பது தடைப்படுகிறதே.
2. ஆண்டி வைரஸ் புரோகிராம்கள் வைரஸ் ஒன்றின் குறியீடுகளைக் கொண்டு இன்னொன்றைக் கண்டு பிடிக்கின்றன. எனவே ஒரு புரோகிராமின் குறியீட்டை இன்னொரு புரோகிராம் அது வைரஸ் என்று தவறான செய்தியைக் கொடுத்து உங்களைக் கலவரப்படுத்தும் "நீங்கள் என்ன நினைப்பீர்கள்?" ஒன்றுக்கு இரண்டு இருந்தும் இது போல வைரஸ் உள்ளதே என்று எண்ணுவீர்கள். இன்னொன்றை வைரஸ் என எண்ணி அந்த புரோகிராமினை அழித்துவிட்டால் அடுத்த முறை அது இயங்காது. உடனே வைரஸ் வந்து ஆண்டி வைரஸ் புரோகிராமினை அழித்துவிட்டது என மீண்டும் பயப்படுவீர்கள் அல்லவா!
எனவே ஒன்றுக்கு மேற்பட்ட ஆண்டி வைரஸ் புரோகிராம் இருந்தால் ஒன்றை அன் இன்ஸ்டால் செய்துவிடுவதே நல்லது. சரி, எதைக் கொள்வது? எதை விடுவது? என்று அடுத்த குழப்பம் ஏற்படுமே! இதற்கு வழி என்ன?
எடுத்துக் காட்டாக மேக் அபி மற்றும் நார்டன் ஆண்டி வைரஸ் இருப்பதாக வைத்துக் கொள்வோம். இதில் எதை வைத்துக் கொள்ளலாம்? இரண்டுமே சரியானவை தான். எனவே வேறு சில கேள்விகளை மனதில் வைத்து இவற்றில் ஒன்றைத் தேர்ந்தெடுக்கலாம். எது குறைந்த விலை? அப்கிரேட் செய்வதற்கு எது குறைந்த கட்டணத்தை வசூலிக்கிறது. இதனை அடிப்படையாகக் கொண்டும் ஆண்டி வைரஸ் புரோகிராமினை செலக்ட் செய்திடலாம். இந்த நேரத்தில் சில ஆண்டி வைரஸ்கள் இலவசமாகக் கிடைப்பதனையும் நீங்கள் மனதில் கொள்ள வேண்டும்.

எதை நீக்க வேண்டும் என்பதனை முடிவு செய்த பின் Start, Control Panel, Add/Remove Programs என்று பட்டியலில் நீக்க வேண்டிய புரோகிராம் கண்டுபிடித்து, பின் கீஞுட்ணிதிஞு மீது கிளிக் செய்து நீக்கலாம். இவ்வாறு செய்வதால் அதிக மெமரியைக் கம்ப்யூட்டர் பயன்படுத்த கொடுத்து நீங்கள் நல்லது செய்கிறீர்கள். இதற்குப் பிறகும் வைரஸ் வந்துவிடுமோ என்று கவலைப் படுகிறீர்களா? எதை வைத்துக் கொண்டிருக்கிறீர்களோ அதனைச் சரியான காலத்தில் அப்டேட் செய்து கொள்ளுங்கள். அவ்வப்போது இயக்கி வைரஸ் இருந்தால் நீக்கி விடுங்கள்.

நினைவிற்கு

2008-08-01T10:08:00.000-07:00

வேர்ட் தொகுப்பில் நாம் அடிக்கடி மேற்கொள்ளும் சில செயல்பாடுகளுக்கான ஷார்ட் கட் கீகள் –– உங்கள்நினைவில் புதுப்பிக இங்கு தரப்படுகின்றன:

டெக்ஸ்ட் அமைந்த பாராவில்

கண்ட்ரோல் + எல் : பாராவில் உள்ள டெக்ஸ்ட்டை இடது ஓரமாகச் சீராக்கும்
கண்ட்ரோல் + ஆர்: பாராவில் உள்ள டெக்ஸ்ட்டை வலது ஓரமாகச் சீராக்கும்.
கண்ட்ரோல் + இ: பாராவில் உள்ள டெக்ஸ்ட்டை நடு மையமாக மாற்றும்.
கண்ட்ரோல் + ஜே: இடமும் வலதுமாக ஓரம் வரை டைப் செய்யப்பட்ட பாராவில் உள்ள டெக்ஸ்ட்டை இரு புறமும் சீராக உள்ளபடி அமைத்திடும்.

கண்ட்ரோல் + பி: தேர்ந்தெடுக்கப்பட்ட டெக்ஸ்ட் அல்லது இனி டைப் செய்யப்போவதனை அழுத்தமானதாக அமைக்கும்.
கண்ட்ரோல் + ஐ: மேலே சொன்ன டெக்ஸ்ட்டை சாய்வாக அமைக்கும்.
கண்ட்ரோல் + யு: மேலே குறிப்பிட்டுள்ளபடி டெக்ஸ்ட்டின் கீழாக அடிக்கோடிடும்.
கண்ட்ரோல் + ஷிப்ட் + டி மேலே குறிப்பிட்டுள்ளபடி டெக்ஸ்ட்டில் இரு அடிக்கோடுகள் இடும்.
கண்ட்ரோல் +ஷிப்ட்+ டபிள்யூ: மேலே குறிப்பிட்டுள்ளபடியான டெக்ஸ்ட்டில் சொற்களுக்கு இடையே உள்ள இடைவெளியை விட்டுவிட்டு அடிக்கோடிடும்.
கண்ட்ரோல் + சமன் குறி (=): தேர்ந்தெடுத்த டெக்ஸ்ட்டை சப்ஸ்கிரிப்ட் என்று சொல்லக் கூடிய கீழான சிறிய எழுத்துக்களிலான டெக்ஸ்ட்டாக அமைக்கும்.
கண்ட்ரோல் + கூட்டல் குறி (+): தேர்ந்தெடுத்த டெக்ஸ்ட்டை சூப்பர் ஸ்கிரிப்ட் என்று சொல்லக் கூடிய மேலான சிறிய எழுத்துக்களிலான டெக்ஸ்ட்டாக அமைக்கும்.
பாராக்களில் லைன் ஸ்பேசிங்: பாராக்களில் வரிகளுக்கு இடையேயான இடைவெளியை, ஸ்பேஸ், அமைத்திட ஷார்ட் கட் கீகள் உள்ளன. ஒரு வரி ஸ்பேஸ் அமைக்க கண்ட்ரோல் +1 (Ctrl + 1) தர வேண்டும். இரண்டு வரிகளுக்கு (Ctrl + 2) மற்றும் ஒன்றரை வரி இடைவெளிக்கு (Ctrl + 5) தர வேண்டும்.

பட்டனைக் காணோம்

2008-08-01T10:07:00.000-07:00

உங்கள் பட்டன் எப்போதாவது காணாமல் போயிருக்கிறதா? நான் இங்கு குறிப்பிடுவது அவுட்லுக் எக்ஸ்பிரஸ் தொகுப்பில் உள்ள பட்டன்களை. பலர் மிக அவசரமாக மெனுக்களைக் கையாள்கையில் தங்களை அறியாமல் சில அடையாளங்களை ஏற்படுத்தி Create Mail, Reply, Forward, Send/Receive, Delete போன்ற பட்டன்க ளை மறைந்து போகச் செய்துவிடுவார்கள். ஆனால் ஒவ்வொரு நாளும் ஒவ்வொரு நேரமும் உங்கள் இமெயில் கடிதங்களை கையாள இவை வேண்டுமே. எப்படி காணாமல் போனதோ அப்படியே அவற்றை மிக எளிதாகத் திரும்பவும் கொண்டு வந்துவிடலாம்.

இந்த பட்டன்கள் எங்கு வழக்கமாக அமருமோ அந்த இடத்தில் காலியாக கிரேயாக உள்ள இடத்தில் ரைட் கிளிக் செய்திடுங்கள். கிடைக்கும் மெனுவில் Customize என்பதனைத் தேர்ந்தெடுங்கள். Current Toolbars என்று காட்டப்படும் பெட்டியில் Reset என்னும் பட்டனில் கிளிக் செய்திடுங்கள். அனைத்து பட்டன்களும் மீண்டும் திரும்ப அதனதன் இடத்தில் வந்து அமரும். நீங்கள் கூடுதல் மகிழ்ச்சியோடு உங்களுக்கான இமெயில் கடிதங்களைக் கையாளலாம்.