Wednesday, July 23, 2008

எங்கே உள்ளது சீரியல் நம்பர்?

புதியதாக கம்ப்யூட்டர் ஒன்றினை சென்னையில் இருக்கும் போது வாங்கியதாகவும் பின் அதனை மதுரைக்கு அருகே உள்ள கிராமம் ஒன்றில் இயக்கும்போது பிரச்னை வர மதுரையில் உள்ள அந்த நிறுவனத்தின் டெக்னீஷியனை அழைத்திருக்கிறார் நம் வாசகர்களில் ஒருவர். டெக்னீஷியன் வந்து பார்த்துவிட்டு இந்த கம்ப்யூட்டரின் சீரியல் எண் தெரிய வேண்டும்.

அப்போது தான் இந்த கம்ப்யூட்டரின் வாரண்டி காலம் மற்றும் பிற விபரங்கள் தெரியும் என்று கூறி உள்ளார். வாசகர் தான் வாங்கியபில் வாரண்டி கார்ட் கொடுத்த பின்னரும் அவர் கம்ப்யூட்டரில் ஒட்டப்பட்டிருக்கும் அதனைக் காணோமே என்று அங்கலாய்த்துப் பின் தன் நிறுவன மேனேஜரிடம் சொல்வதாகச் சென்றுள்ளார். வாசகர் தினமலருக்கு கடிதம் எழுதி கேட்டுள்ளார்.
அந்த வாசகர் குறிப்பிடும் நிறுவனத்துடன் மற்ற நிறுவனங்களும் இது போல கம்ப்யூட்டருக்கான சீரியல் எண்ணை சிறிய ஒட்டும் ஸ்லில்ப்பாக சிபியு டவரில் ஒட்டி வைப்பார்கள். அந்த எண்ணைப் பார்த்து கம்ப்யூட்டர் தயாரான காலம், வழங்கிய துணை சாதனங்கள், வாரண்டி காலம் ஆகியவற்றை அறிந்து கொள்ளலாம்.

இந்த ஸ்லிப் சிபியு டவரின் இடது அல்லது வலது புறம் ஒட்டப்பட்டிருக்கும். வாசகர் வீட்டில் இது போல ஸ்டிக்கர் லேபிளைப் பார்த்தால் அதனைக் கிழித்தெறியும் பழக்கம் உள்ளவர் எவரேனும் அதனை அழகாகத் தனியே எடுத்து தாங்கள் முகம் பார்க்கும் கண்ணாடி மீதோ அல்லது டேபிள் மீதோ ஒட்டியிருக்கலாம். அதனால் வாசகருக்கு இப்போது இந்த பிரச்னை ஏற்பட்டிருக்கிறது. கம்ப்யூட்டர் மட்டுமல்ல பிரிண்டர், கீ போர்டு போன்ற அனைத்து சாதனங்களுக்கும் ஒரு எண் தரப்படும். இந்த எண் சாதனம் குறித்த அனைத்து விபரங்களையும் தரும். ஒரு முறை இங்க் ஜெட் பிரிண்டர் ஒன்றுக்கான டிரைவரை டவுண்லோட் செய்திட முயற்சி செய்கையில் இதே போல சீரியல் எண்ணை அந்த தளம் கேட்டது. கொடுத்த பின்னரே அதனை சோதித்து பின் டிரைவரை டவுண்லோட் செய்திட அனுமதி அளித்தது. லேப்டாப் மற்றும் பிரிண்டர்களுக்கு அவற்றின் அடிப்பாகத்தில் இவை ஒட்டப் பட்டிருக்கும். அல்லது எம்பாஸ் என்ற வகையில் கேஸில் பதிக்கப்பட்டிருக்கும். இவற்றை ஒருமுறை பார்த்து வேறு இடங்களில் குறித்து வைப்பதுவும் நல்லது.

புல்லட் எண்களை பார்மட் செய்திடலாம்

நீங்கள் வேர்ட் தொகுப்பில் செயல்படுகையில் அடிக்கடி ஆட்டோ மேடிக் எண்கள் அமைக்கும் வசதியினைப் பயன் படுத்துகிறீர்களா? எப்போதாவது இந்த எண்களின் ஸ்டைலை மாற்ற வேண்டும் என்று முயற்சித் திருக்கிறீர்களா? அல்லது இந்த இடத்தில் இவை இருந்தால் நன்றாக இருக்குமே என்று ஆசைப்பட்டிருக்கிறீர்களா? எண்களின் ஸ்டைல், அமையும் இடம், விதம் எல்லாவற்றையும் நம்மால் நம் விருப்பப்படி மாற்றி அமைக்க முடியும்.

அதற்கான வழிகளை இங்கு பார்க்கலாம். முதலில் Format மெனு செல்லவும். அதன் பின் Bullets and Numbering என்ற பிரிவில் கிளிக் செய்திடவும். இந்த விண்டோ திறக்கப்பட்டவுடன் அதில் காட்டப்படும் பலவகை எண் வகைகளில் ஏதேனும் ஒன்றை நீங்கள் தேர்ந்தெடுக்க வேண்டும். ஏனென்றால் இந்த எண்களுக்கான ஸ்டைலை மாற்ற கஸ்டமைஸ் விண்டோவினைத் திறக்க வேண்டும். அதற்கு ஏதேனும் ஒரு நம்பர் விண்டோவினைத் திறக்க வேண்டும்.

இவ்வாறு தேர்ந்தெடுத்தவுடன் Customize பட்டனைக் கிளிக் செய்திடுங்கள். இந்த விண்டோவில் உங்கள் விருப்பத்திற்கான அனைத்து செட்டிங் வசதிகளையும் காணலாம். மேலே இருக்கும் Number format என்ற பிரிவின் மூலம் உங்கள் பாண்ட், நம்பர் ஸ்டைல், எங்கு இந்த எண்கள் அமைய வேண்டும் என்பதனை செட் செய்திடலாம். Number position என்ற பிரிவில் எப்படி எண்கள் டாகுமெண்ட் டெக்ஸ்ட்டுடன் அலைன் (இடது, வலது அல்லது நடுப்புறமாக) செய்யப்பட வேண்டும் என்பதனை முடிவு செய்திடலாம். Text position பிரிவு நம்பர் பட்டியலுடன் டெக்ஸ்ட் எங்கு அமைய வேண்டும் என்பதனை செட் செய்திடலாம். டேப் ஸ்பேஸ் எவ்வளவு தூரத்தில் எண்கள் அ அடுத்து டெக்ஸ்ட் அமைய வேண்டும் என்பதனை அமைக்கிறது. அனைத்தும் உங்கள் விருப்பப்படி செட் செய்த பிறகு OK கிளிக் செய்து பின் மீண்டும் Bullets and Numbering விண்டோவிற்குச் செல்லுங்கள். இங்கு நீங்கள் செட் செய்த அமைப்பு நீங்கள் பயன்படுத்துவதற்கு ஏதுவான ஒரு விண்டோவாக அமைக்கப்பட்டிருக்கும். இங்கு மீண்டும் ஓகே கிளிக் செய்து உங்கள் டாகுமெண்ட்டிற்குத் திரும்புங்கள். இனி நீங்கள் விரும்பிய படி ஆட்டோமேடிக் எண்கள் அமையும்.

சி.பி.யு., எந்த அளவிற்கு வேலை செய்கிறது?

சி.பி.யூ. என அழைக்கப்படும் கம்ப்யூட்டரின் மூளையான மையச் செயலகத்தின் வேலைப்பாட்டினை நாம் மிக எளிதாகத் தெரிந்து கொள்ளலாம். முதலில் வேலைப் பாடு என்பது என்ன? நாம் அதனை எந்த அளவிற்கு வேலை வாங்குகிறோம் என்பது தான். எடுத்துக்காட்டாக ஒன்றுக்கு மேற்பட்ட பல புரோகிராம்களை நாம் திறந்திருந்து பணியாற்றிக் கொண்டிருந்தால் சிபியூவினை அதிக வேலை வாங்குகிறோம் என்றாகிறது. அப்படியானால் ஒரு புரோகிராமையும் திறக்கவில்லை என்றால் சிபியூ வேலைத் திறனை நாம் பயன்படுத்தவில்லை என்று ஆகாது. ஆண்டி வைரஸ், பயர்வால் மற்றும் வேர்ட் பிராசசர்களுக்கான சில ஸ்பெஷல் டிரைவர்கள் என பின்னணியில் ஓடிக் கொண்டிருக்கும் புரோகிராம்கள் சிபியூவின் திறனைப் பயன்படுத்திக் கொண்டு தான் இருக்கும்.

சரி, இதனை எப்படி அறிவது?

இதற்கு நீங்கள் கம்ப்யூட்டரில் உள்ள Task Manager ஐத் திறக்க வேண்டும். இதற்கு நீங்கள் மேற்கொள்ள வேண்டிய எளிய வழி Ctrl + Alt + Del என்ற மூன்று பட்டன்களையும் ஒரு சேர அழுத்த வேண்டியதுதான். அழுத்தியவுடன் பாப் அப் பாக்ஸ் ஒன்று மேல் எழுந்து வரும். இதில் இகக் க்ண்ச்ஞ்ஞு என்று உள்ள இடத்தில் சிபியூ பயன்பாடு எத்தனை சதவிகிதம் உள்ளது என்று தெரியும். தொடர்ந்து இது மாறிக் கொண்டே இருக்கும். இதிலுள்ள மற்ற டேபுகளையும் அழுத்தி அவை என்ன காட்டுகின்றன என்று தெரிந்து கொள்ளுங்கள்.

வைரஸ் புரோகிராம்கள் எப்படி இயங்குகின்றன?

பெர்சனல் கம்ப்யூட்டர்கள் வைத்திருப்போர் ஆண்டி வைரஸ் புரோகிராம்களைத் தங்கள் கம்ப்யூட்டர்களில் இன்ஸ்டால் செய்திருக்கிறர்களோ இல்லையோ அவற்றைப் பற்றி நிச்சயம் கேட்டிருப்பார்கள். கடந்த இரண்டு ஆண்டுகளில் வைரஸ்கள் பெருகுவதும் அதிகரித்து உள்ளது; அவற்றிற்கு எதிரான நடவடிக்கைகளும் கூடுதலாகி உள்ளன.

இந்த போராட்டத்தில் வைரஸ் எதிர்ப்பு தொகுப்புகளை விற்பனை செய்திடும் நிறுவனங்களும் தாங்கள் எப்படி மற்றவர்களைக் காட்டிலும் சிறந்த தொகுப்பினை அளிக்கிறோம் என்பது குறித்து தொடர்ந்து விளம்பரங்களை அளித்து வருகின்றன. இந்த பல முனைப் போராட்டம் கம்ப்யூட்டரும் இன்டர்நெட்டும் இருக்கும் வரை நடந்து கொண்டு தான் இருக்கும் . இந்த கட்டுரையில் ஆண்டி வைரஸ் புரோகிராம்கள் எந்த வழி வகைகளில் வைரஸ்களைக் கண்டறிந்து அழிக்கின்றன; கம்ப்யூட்டரைப் பாதுகாக்கின்றன என்று காணலாம்.

அடிப்படைச் செயல்பாட்டின் முதல் கட்டமாக ஆண்டி வைரஸ் புரோகிராம்கள் உங்கள் டவுண்லோடிங் புரோகிராம்களையும் இமெயில்களையும் ஸ்கேன் செய்த பின்னரே கம்ப்யூட்டரில் ஏற்றுக் கொள்கின்றன. இவ்வாறு ஸ்கேன் செய்திடுகையில் அவை என்ன எதிர்பார்க்கின்றன? ஸ்கேன் என்பது இங்கு எதனைக் குறிக்கிறது? இந்த புரோகிராம்கள் மேற்கொள்ளும் ஸ்கேன் செயல்பாட்டினை இரண்டு வகைகளாகக் குறிப்பிடுகின்றனர். அவை – “Specific” மற்றும் “Generic” . ஒவ்வொரு ஆய்வும் குறிப்பிட்ட வகை வைரஸ் குறியீடுகளை எதிர்பார்த்து மேற்கொள்ளும் ஸ்கேன் செயல்பாடுகளாகும்.

ஆண்டி வைரஸ் புரோகிராமில் முதல் பாதுகாப்பு வளையத்தில் வைரஸ் குறித்த விளக்க குறியீடுகள், சிக்னேச்சர் என்று சொல்லப்படும் குறியீடுகள் மற்றும் அப்டேட்டட் பைல் தரும் தகவல்கள் ஆகியவை இடம் பெறுகின்றன. இவற்றில் எதிர்பார்க்கப்படும் வைரஸ் புரோகிராமில் இருக்கக் கூடிய குறியீடுகள் இருப்பதனால் அவற்றுடன் டவுண்லோட் ஆகும் புரோகிராம் அல்லது இமெயில் மெசேஜ்களில் இந்த குறியீடுகள் இருக்கும் பட்சத்தில் அவை ஒதுக்கப்படுகின்றன. இதனைத்தான் “Specific” ஸ்கேனிங் எனக் குறிப்பிடுகிறோம்.

ஒத்த குறியீடுகள் உள்ள வைரஸ் புரோகிராம்களை உணர்ந்து அறியும்போது அந்த கட்டமைப்பு அப்படியே ஆண்டி வைரஸ் புரோகிராமில் பதியப்பட்டு அடுத்த ஸ்கேனிங் போது பயன்படுத்த வைக்கப்படுகிறது. இதனை ஒத்து வரும் பிற புரோகிராம்கள் கண்டறியப்பட இவை பெரிதும் உதவுகின்றன. வைரஸ் எப்படி அமைக்கப்படலாம் என்று குறியீடு எழுதுவதனையே வைரஸ் விளக்கக் குறியீடுகள் எனக் குறிப்பிடுகிறோம். இவை ஏற்கனவே அறியப்பட்ட வைரஸ் புரோகிராம்களின் குறியீடுகளுக்குத்தான் பயன்படுத்த முடியும். புதிய குறியீடுகளின் அடிப்படையில் எழுதப்படும் புதிய வைரஸ் புரோகிராம்களை எப்படி கண்டறிவது? புதிய வைரஸ்கள் புற்றீசல் போல் பெருகுகின்றன.



இவற்றை என்று அடையாளம் கண்டறிந்து ஒத்த குறியீடுகளை எழுதி அழிப்பது?


இங்கு தான் “Generic” ஸ்கேனிங் உதவுகிறது. இந்த வகை ஸ்கேனிங் முறையில் ஒத்துப் போகக் கூடிய குறியீடுகளை மட்டும் தேடாமல் சந்தேகப்படும் குறியீடுகளும் தேடப்படுகின்றன. ஆய்வு செய்யப்பட்ட குறியீடுகளைக் கொண்டு ஆண்டி வைரஸ் புரோகிராம் அதன் கட்டமைப்பு குறித்து ஒரு முடிவுக்கு வருகிறது. இந்த வகைக் கட்டமைப்பு வைரஸாக இருக்கலாம் என்று சந்தேகப்பட்டு அடுத்த நிலை ஆய்வுக்கு அனுப்புகிறது. இது முற்றிலும் சரியானது என்று சொல்ல முடியாது.

எடுத்துக் காட்டாக ஏதேனும் ஒரு புதிய சாப்ட்வேர் புரோகிராமினை நாம் இன்ஸ்டால் செய்திட முயன்றால் அது புதிய வகையாக இருப்பதால் அந்த புரோகிராமில் உள்ள பைல் வைரஸாக இருக்கலாம் என்று ஆண்டி வைரஸ் புரோகிராம் எச்சரிக்கை செய்தி தரலாம். ஏன், பைலையே அழிக்க முயற்சிக்கலாம். இதற்காகத்தான் புதிய புரோகிராம்களை நிறுவுகையில் ஆண்டி வைரஸ் புரோகிராம் இயக்கத்தினை முடக்கும்படி கேட்டுக் கொள்ளப்படுகிறது.


சந்தேகப்படும் படி அமைப்பு கொண்ட புரோகிராம் பைல்கள் ஆண்டி வைரஸ் புரோகிராமினால் ஒதுக்கப்பட்டு அடுத்த நிலைக்கு கொண்டு செல்லப்படுகிறது என்று குறிப்பிட்டோம் அல்லவா. இந்த நிலையில் இன்னொரு வகை சோதனை நடத்தப்படும். சந்தேகப்படும் புரோகிராமினை கம்ப்யூட்டருக்குள் ளேயே தனியே மற்றவற்றிற்குப் பாதிப்பு இல்லாத வகையில் ஆண்டி வைரஸ் புரோகிராம் இயக்கிப் பார்க்கும். சந்தேகப்பட்ட குறியீட்டு வரிகள் எவ்வாறு இயங்குகின்றன: அவற்றின் நோக்கம் என்ன என்று கண்காணித்து, பின் அந்த இயக்கத்தை நிறுத்தி, அதனை அனுமதிக்கலாமா அல்லது தடுக்கலாமா என்று முடிவு செய்து செயல்படும்.


மேலே குறிப்பிட்ட வகைகளில் மட்டுமின்றி நவீன தொழில் நுட்பம் தரும் வேறு சில வகைகளையும் இந்த ஆண்டி வைரஸ் புரோகிராம்கள் பயன்படுத்துகின்றன. நாளுக்கு நாள் புதிய வைரஸ் தடுப்பு நடவடிக்கைகள் உருவாக்கப்படுகின்றன. இருந்தாலும் வைரஸ்கள் வருவதும் நிற்கவில்லை. இந்த போராட்டம் தொடர்வதால் தான் ஒவ்வொரு பெர்சனல் கம்ப்யூட்டரும் அவசியம் ஒரு ஆண்டி வைரஸ் புரோகிராமினை அமைத்து அவ்வப்போது அப்டேட் செய்து இயக்குவது பாதுகாப்பானது என்று அறிவுறுத்தப்படுகிறது.

உங்கள் வால் பேப்பரை நீங்களே தயாரிக்கலாம்

கம்ப்யூட்டரில் பயன்படுத்த வகை வகையான வால் பேப்பர்கள் இன்டர்நெட்டில் பல தளங்களில் கிடைக்கின்றன. சிலர் எதனையாவது டவுண்லோட் செய்து பயன்படுத்தி மற்றவர்களிடமும் காட்டி மகிழ்வார்கள்.

இதில் என்ன பிரச்னை என்றால் இத்தகைய வால்பேப்பர்களுடன் வைரஸ் தொகுப்புகளும் சேர்ந்து வரும். வால் பேப்பர்களை அமைத்திடும் முன் இவை இயங்கத் தொடங்கி நம்மைச் சிரிப்பாய்ச் சிரிக்க வைத்திடும். இதற்குப் பதிலாக நாமே நம் படங்களை வால் பேப்பராக அமைத்தால் என்ன? என்ற எண்ணம் தோன்றுகிறதா? செய்யலாமே. அதற்கான வழிகளை இங்கு பார்க்கலாம்.

1. முதலில் உங்கள் திரையின் ரெசல்யூசன் தன்மையினை செட் செய்திடலாம். அதற்கு முன் எந்த அளவில் படம் இருக்க வேண்டும் என்று முடிவு செய்திடவும். இது மிக எளிது. டெஸ்க் டாப்பில் காலியாக உள்ள இடத்தில் ரைட் கிளிக் செய்திடவும். கிடைக்கும் மெனுவில் ப்ராபர்ட்டீஸ் என்பதைத் தேர்ந்தெடுக்கவும். பின் காட்டப்படும் திரையில் செட்டிங்ஸ் என்னும் டேபைத் தேர்ந்தெடுத்து கிளிக் செய்திடவும். அங்கு ஸ்கிரீன் ரெசல்யூசன் ஏரியாவைக் கண்டுபிடித்து தற்போதைய செட்டிங் என்ன என்பதை அறிந்து கொள்ளவும்.

2. ஓகே. இப்போது உங்களின் பட அளவைக் குறித்துக் கொண்டீர்கள். அடுத்து நீங்கள் வால் பேப்பராக மாற்ற விரும்பும் போட்டோவினைத் தேர்ந்தெடுக்கவும். போட்டோக்களை வைத்திருக்கும் டிரைவ் சென்று நல்லதாக ஒன்றைத் தேர்ந்தெடுக்கவும்.

3. அடுத்து அந்த போட்டோ பைலைத் திறக்கவும். போட்டோவில் மேற்கொள்ள வேண்டிய மாற்றங்களைத் தீர்மானிக்கவும். பின் அவற்றை ஏற்படுத்தவும். இந்த மாற்றங்கள் உங்களுடைய மானிட்டர் ரெசல்யூசனுக்கேற்றபடி அமைய வேண்டும்.

4. பொதுவாக இந்த வேலைகளுக்குப் பயன்படுத்தும் இமேஜ் எடிட்டிங் சாப்ட்வேர் தொகுப்புகளில் “constrain proportions” என்று ஒரு வசதி இருக்கும். இதனைத் தேர்ந்தெடுத்துவிட்டால் நீங்கள் போட்டோவில் ஏற்படுத்தும் அளவு மாற்றங்களுக்கேற்ப அதன் மற்ற குணாதிசயங்களும் மாற்றப்படும். எனவே போட்டோவின் தன்மைகளை மாற்ற முயற்சிக்கும் முன் இந்த வசதியினைச் செயல்படுத்தும் வகையில் டிக் அடையாளத்தை ஏற்படுத்தவும். படங்களில் மாற்றங்கள் தாமாக மாறுகையில் எதனால் ஏற்படுகிறது என்பதனை நீங்களே உணர்ந்து சரி செய்திடும் வழியைக் கண்டறியலாம். அதற்கேற்றபடி செயல்படவும்.

5. நீங்கள் விரும்பும் போட்டோ கம்ப்யூட்டர் ஸ்கிரீனுக்கு ஏற்றபடியும் மற்ற வசதிகளுக்கேற்றபடியும் மாற்றப்பட்டுவிட்டதா! அதனை இன்னொரு பெயரில் இப்போது சேவ் செய்திடுங்கள். ஜேபெக் வடிவில் சேவ் செய்திடவும். இதனை நீங்கள் நினைவில் கொள்ளும் வகையிலான டிரைவில் சேவ் செய்து கொள்ளுங்கள்.

6. அடுத்து இறுதி நிலைக்கு வந்துவிட்டீர்கள். மீண்டும் டெஸ்க் டாப்பில் ரைட் கிளிக் செய்து மெனுவில் பிராபர்ட்டீஸ் கிளிக் செய்திடவும். இனி டெஸ்க்டாப் டேப்பிற்குச் செல்லவும். அங்கு சென்று போட்டோவை சேவ் செய்த டிரைவைக் கிளிக் செய்து நீங்கள் சேவ் செய்த போட்டோ பைலைக் காணவும். அதனைத் தேர்ந்தெடுக்கவும். அதன் பின் ஓகே கிளிக் செய்து வெளியேறவும். இனி உங்களின் நெஞ்சை அள்ளிய அந்த போட்டோ வால் பேப்பராக கம்ப்யூட்டரில் இருக்கும்.

F4 கீயின் செயல்பாடு

கம்ப்யூட்டர் பயன்பாட்டில் F4 கீ நமக்குப் பல வகைகளில் பயன்படுகிறது. முதலாவதாக நாம் மூட விரும்பும் அப்ளிகேஷன் புரோகிராம் ஒன்றை எளிதாக மூடிட இதனைப் பயன்படுத்தலாம்.
நீங்கள் மூட விரும்பும் அப்ளிகேஷன் புரோகிராமினை முதலில் செலக்ட் செய்து உறுதிப்படுத்திக் கொள்ளவும். அந்த புரோகிராம் மினிமைஸ் செய்யப்பட்டிருந்தால் அதனை மீண்டும் உயிர்ப்பித்து செலக்ட் செய்திடலாம். அல்லது டாஸ்க் பாரில் உள்ள அதன் கட்டத்தை செலக்ட் செய்திடலாம். அதன்பின் Alt+F4 என்ற வகையில் கீகளை அழுத்தினால் அந்த புரோகிராம் மட்டும் மூடப்படும்.

இரண்டாவதாக நீங்கள் ஒரே ஒரு அப்ளிகேஷன் புரோகிராமை இயக்கிப் பல டாகுமெண்ட்டுகளைத் திறந்து வைத்து இயங்குவதாக வைத்துக் கொள்வோம். எடுத்துக் காட்டாக வேர்ட் தொகுப்பினைத் திறந்து அதில் பல டாகுமெண்ட் பைல்களைத் திறந்திருக்கிறீர்கள். அப்போது Ctrl+F4 அழுத்தினால் திறந்திருக்கும் விண்டோ மட்டும் மூடப்படும். புரோகிராம் முழுவதும் மூடப்பட மாட்டாது. F4 கீயினை விண்டோஸ் சிஸ்டத்தை மூடிடவும் பயன்படுத்தலாம். நீங்கள் பயன்படுத்திக் கொண்டிருந்த அனைத்து புரோகிராம்களையும் முதலில் மூடிவிடுங்கள். இதனை உறுதிப்படுத்திக் கொண்டு பின் Alt + F4 அழுத்தினால் விண்டோஸ் இயக்கம் ஷட் டவுண் செய்யப் படும்.

Thursday, July 10, 2008

யு.எஸ்.பி. போர்ட்டுகளுக்கிடையே என்ன வேறுபாடு?

யுஎஸ்.பி. போர்ட்களைப் பற்றிக் குறிப்பிடுகையில் யு.எஸ்.பி.2 என்றும் யு.எஸ்.பி. 1 என்றும் குறிப்பிடப்படுகிறது. இந்த இரண்டிற்கும் இடையே என்ன வேறுபாடு? சாப்ட்வேர் புரோகிராம்களைப் போல பதிப்பில் வேறுபாடா? அல்லது இவை இரண்டும் வெவ்வேறானவையா? இப்போது யு.எஸ்.பி. போர்ட் 1 என்பதே கிடையாது. பழைய கம்ப்யூட்டர்களில் தான் இது காணப்படுகிறது. இருப்பினும் வேறுபாட்டினைத் தெரிந்து கொள்ளலாம்.

அடிப்படை வேறுபாடு இவை இரண்டும் இயங்கும் வேகத்தில் தான் உள்ளது. யு.எஸ்.பி. 2 என்பது யு.எஸ்.பி.1 மற்றும் 1.1 போர்ட்களைக் காட்டிலும் வேகமானவை. யு.எஸ்.பி. 2 விநாடிக்கு 480 மெகா பிட்ஸ் வேகத்தில் டேட்டாவினைப் பரிமாறுகிறது. ஆனால் யு.எஸ்.பி. 1 மற்றும் 1.1. விநாடிக்கு 12 மெகா பிட்ஸ் வேகத்தில் தான் பரிமாறும். இரண்டிற்கும் இடையே தகவல்களைப் பரிமாறும் வேகத்தில் 400 மடங்கு வித்தியாசம் உள்ளது.

யு.எஸ்.பி. 1 வழி full speed என அழைக்கப்படுகிறது. யு.எஸ்.பி. 2 Hispeed என குறிக்கப்படுகிறது. சரி, இவை இரண்டும் எப்படி இணைந்து செயல்படுகின்றன. இந்த இரண்டுமே தன்னைக் காட்டிலும் குறைந்தோ அல்லது கூடுதலாக வேகத்தில் இயங்கும் டிரைவ்களுடன் செயல்படும்படி வடிவமைக்கப்பட்டுள்ளன. இவற்றை இணைத்தோ அல்லது மாற்றி மாற்றியோ பயன்படுத்துவதில் ஒன்றும் பிரச்னை வராது. உங்களுடைய கம்ப்யூட்டர் சிஸ்டம் சரியாக இயங்கும் வரை இந்த இரண்டையும் கலந்து பயன்படுத்தலாம்.

ஒரே பிரசன்டேஷனில் பல ஸ்லைட் டிசைன்ஸ்

ஒரு பவர்பாய்ண்ட் பிரசன்டேஷனில் பலர் ஒரே ஒரு ஸ்லைட் டிசைனை மட்டுமே கையாள்வார்கள். ஸ்லைடில் காட்டப்படும் விபரங்கள் முற்றிலும் மாறினாலும் அனைத்து ஒரே வகை ஸ்லைட் டிசைனிலேயே இருக்கும். ஏனென்றால் ஒரே ஸ்லைட் டிசைன்தான் ஒரு பிரசன்டேஷன் பைலில் வர முடியும் என இவர்கள் நம்புவதே இதற்குக் காரணம். வெவ்வேறு ஸ்லைட் பிரசன்டேஷனை ஒரு பவர்பாய்ண்ட் பிரசன்டேஷனில் கொண்டு வர முடியும். அதற்கான வழிகளை இங்கு காண்போம்.

மிகப் பெரிய அளவில் அதிக எண்ணிக்கையுள்ள ஸ்லைடுகளைக் கொண்டு பிரசன்டேஷன் பைல்களைத் தயாரிப்பவர்களுக்கு இந்த உதவியாக இருக்கும். ஸ்லைட் டிசைனை மாற்றுவதால் அதன் மூலம் சொல்லப்படும் கருத்து அல்லது தகவல் மாறியுள்ளது என்று காட்சி மாறுவதன் மூலம் சொல்ல முடிகிறது. இதற்காக நாம் ஒவ்வொரு ஸ்லைடிற்கும் ஒரு டிசைனை அமைக்கப்போவதில்லை. பல பிரிவுகளில் கருத்து சொல்ல இந்த டிசைன் மாற்றம் உதவும். முதலில் நார்மல் வியூவினை குறிப்பிட்ட பைலுக்குத் தேர்ந்தெடுங்கள். View மெனு சென்று Normal என்னும் பிரிவில் கிளிக் செய்திடுங்கள். முதலில் Slide Design Task Pane என்னும் பிரிவிற்குச் செல்லுங்கள். இதற்கு Format மெனு சென்று Slide Design என்பதனைத் தேர்ந்தெடுங்கள். இந்த புரோகிராம் விண்டோவின் இடது பக்கம் Slides tab என்று ஒரு பிரிவு இருக்கும். இப்போது நீங்கள் புதிய ஸ்லைட் டிசைன் எந்த ஸ்லைடுகளுக்கெல்லாம் அமைக்கப்பட வேண்டும் என விரும்புகிறோமோ அவற்றை Shift / Ctrl கீகளை அழுத்தியவாறே தேர்ந்தெடுக்கவும். பின்னர் எந்த ஸ்லைட் டிசைன் டெம்ப்ளேட் உங்களுக்குப் பிடித்திருக்கிறதோ அதனை ஸ்லைட் டிசைன் டாஸ்க் பேன் பிரிவில் தேர்ந்தெடுக்கவும். இதனைத் தேர்ந்தெடுக்கையில் அருகில் உள்ள கீழ் நோக்கிக் காணப்படும் சிறிய அம்புக் குறியில் அழுத்தவும். கிடைக்கும் மெனுவில் Apply to Selected Slide என்பதில் கிளிக் செய்திடவும். புதிய ஸ்லைட் டிசைன் தேர்ந்தெடுக்கப்பட்ட அனைத்து ஸ்லைடுகளுக்கு மட்டும் இணைக்கப்பட்டு மற்றவற்றிலிருந்து வேறுபடுத்திக் காட்டப்படும்.

Wednesday, July 9, 2008

அந்நியச் செலவாணி மையம்

வெளிநாடுகளுக்குச் செல்வது, அந்நாட்டு பணத்தில் சம்பாதிப்பது, வெளிநாட்டு கரன்சியை வீட்டில்வைத்திருப்பது எல்லாம் இப்போடு அனைத்து வீடுகளிலும் உள்ள ஒரு பழக்கமாக மாறி வருகிறது. நகரமானாலும் கிராமமானாலும் பத்து வீடுகளில் ஒன்றில் யாராவது ஒருத்தர் வெளிநாடுகளில் வேலை பார்க்கிறார். வெளிநாடுகளுடனான வர்த்தகம் பெருகும்போதும் சுற்றுலாப் பயணிகள் வருகையினாலும் இங்கு வெளிநாட்டு கரன்சி பரிமாற்றம் ஏற்படுகிறது. இந்த வேகத்தில் போனால் மற்ற நாடுகளில் இருப்பது போல நம் ஊர் பெட்டிக் கடைகளில் கூட வெளிநாட்டுக் கரன்சிகளைக் கொடுத்து இந்தியப் பணமாக மாற்றும் காலம் வரும்.

பல நாட்டு கரன்சிகளுக்கான மாற்று விகிதம் குறித்து அறிவிக்கும் ஓர் இணைய தளம். Forex Flower என்ற பெயரில் இயங்கும் இந்த இணைய தளம் http://www.forexflower.com/ என்ற முகவரியில் இயங்குகிறது. வேகமாக இந்த தளத்தில் அன்றைய நிலவரப்படியான கரன்சி மாற்ற விகிதத்தின் அடிப்படையில் ஒரு நாட்டின் கரன்சிக்கான அடுத்த நாட்டு கரன்சி மதிப்பு எனத் தெரிந்து கொள்ளலாம். இந்த தளத்தில் சென்று அங்கு கிடைக்கும் விரியும் மெனு பெட்டியில் எந்த கரன்சிக்கு மாற்று வேண்டுமோ அதனைத் தேர்ந்தெடுக்கவும். அடுத்து எவ்வளவு என்று அமைக்கவும். தொடக்கத்தில் மெனுவில் 1 என இருக்கும். அடுத்து எந்த கரன்சியில் மதிப்பு வேண் டுமோ அதனைத் தேர்ந்தெடுக்கவும். அடுத்ததாக உள்ள அட்ணிதணt ஞணிது நீங்கள் விரும்பும் கரன்சியில் மதிப்பு காட்டப்படும். அவ்வப்போது உலக அளவில் கரன்சி விகிதங்கள் மாறும்போது இந்த தளத்திலும் மாற்றங்கள் ஏற்படுத்தப்படுகின்றன. எனவே அன்றாடம் இந்த தளம் காட்டும் மாற்று கரன்சி மதிப்பை சரியானதாக நீங்கள் எடுத்துக் கொண்டு கையாளலாம். இவை எத்தனை தசம ஸ்தானத்தில் வேண்டும் என்பதனையும் நீங்கள் அமைக்கலாம். இந்த தளத்தின் வலது பக்கத்தில் இந்த தளம் குறித்த செய்திகளைக் காணலாம். அத்துடன் உங்கள் கருத் துக்களை அமைக்கவும் சிறிய பெட்டி தரப்பட்டுள்ளது.உங்களிடம் வெளிநாட்டு கரன்சி இருக்கிறதோ இல்லையோ இந்த தளம் சென்று அது செயல் படுவதைப் பாருங்களேன்.

வேர்டில் பட குழப்பம் ரீசெட் செய்திடலாமா?

வேர்ட் டாகுமெண்ட்டில் படத்தை ஒட்டுவது குறித்த பல தகவல்கள் முந்தைய இதழ்களில் வெளியாகியுள்ளன. இருப்பினும் பல வாசகர்கள் இன்னும் டெக்ஸ்ட்டுடன் இணைந்து படம் அமைப்பதில் தடுமாறுகின்றனர். படத்தை நன்றாக அமைத்த பின்னரும் இன்னும் சரியாக அமைக்கலாமே என்று முயற்சிக்கின்றனர். நீட்டிப் பார்க்கின்றனர்; குறுக்கிப் பார்க்கின்றனர். ஒன்றும் சரியாக அமையவில்லை. வந்த மாதிரியே இருந்தால் தேவலாம் என்று பார்க்கிறார்கள்.

கண்ட்ரோல் + இஸட் அழுத்தலாம் என்றால் எத்தனை முறை அழுத்தி பின்னால் செல்வது என்ற தயக்கம். இருந்த நல்ல நிலையும் போய் சரியாக படம் அமர்ந்திருக்காது. எனவே நாங்கள் அமைத்து பார்த்துவிட்டோம். ஆனால் சரியாக வரவில்லை. எனவே மீண்டும் படத்தை பழைய நிலைக்குக் கொண்டு வர என்ன செய்திட வேண்டும் என கடிதம் எழுதுகின்றனர். இவர்களுக்கான குறிப்புகளை இங்கு தருகிறேன்.

நீங்கள் வேர்ட் 2007 தொகுப்பு பயன்படுத்துபவராக இருந்தால் Picture Tools, Format ஆகிய மெனுக்களுக்குச் செல்லவும். இவை உள்ள ரிப்பன் நீங்கள் படத்தை அல்லது கிளிப் ஆர்ட்டை செலக்ட் செய்தவுடன் தோன்றும். இடது ஓரத்தில் Adjust section என்ற பிரிவு இருப்பதனைப் பார்க்கலாம்.

அங்குதான் Reset Picture button என்ற பட்டன் இருக்கிறது. அதில் கிளிக் செய்தால் படம் பழைய ஒரிஜினல் நிலைக்குத் திரும்பிவிடும். நீங்கள் வேர்ட் 2003 அல்லது அதற்கும் முந்தைய பதிப்பைப் பயன்படுத்துபவராக இருந்தால் படத்தை தேர்ந்தெடுத்தவுடன் ஒரு Picture toolbar தென்படும். அப்படி ஒரு பிக்சர் டூல் பார் கிடைக்கவில்லை என்றால் கவலைப்பட வேண்டாம்.

படத்தின் மீது ரைட் கிளிக் செய்துவிடவும். பின் கிடைக்கும் மெனுவில் Show Picture Toolbar என்பதில் கிளிக் செய்தால் Picture Toolbar கிடைக்கும். அல்லது View மெனு சென்று அதில் Toolbars என்னும் துணை மெனு பெற்று அதில் கடிஞிtதணூஞு என்ற இடத்தில் கிளிக் செய்திடவும். எப்படி கிடைத்தாலும் டூல்பார் திறக்கப்பட்டுவிட்டால் மீண்டும் படத்தை பழையபடி அமைத்திட ஒரே ஒரு பட்டன் தான் பாக்கி. அது வலது கோடியில் Reset Picture button என்ற பெயரில் இருக்கும். அதில் கிளிக் செய்துவிட்டால் முதல் முதலில் படம் எப்படி இருந்ததோ அந்த தோற்றத்தில் இருக்கும்.

ஒரிஜினல்... அதே இடத்தில் அப்படியே!

எம்.எஸ். வேர்ட், எக்ஸெல் அல்லது பவர்பாய்ண்ட் பைல்களைக் கையாள்கையில் சில வேளைகளில் பைல் ஒன்றில் மாற்றங்களை ஏற்படுத்துவீர்கள். உங்கள் நோக்கம் பழைய பைலை அப்படியே வைத்துக் கொண்டு மாற்றங்களுடனான புதிய பைல் வடிவத்தினை புதிய பெயரில் வைத்திட வேண்டும் என்பது. ஆனால் ஏதோ எண் ணத்தில் மாற்றங்களை ஏற்படுத்திக் கொண்டிருக்கையில் சேவ் அஸ் செல்லாமல் கண்ட்ரோல் + எஸ் கீகளை அழுத்தி ஒரிஜினல் பைலை மாற் றங்களுடன் சேவ் செய்து ஒரிஜினல் பைலை கோட்டைவிட்டுவிடுவீர்கள். இதற்கு தவறே ஏற்படுத்த முடியாத ஒரு வழி ஒன்று உள்ளது. File மெனு திறந்து Open பிரிவு செல்லுங்கள்.

இந்த விண்டோவில் நீங்கள் பயன்படுத்த விரும்பும் பைலைத் தேடுங்கள். பைலை கண் டுபிடித்தவுடன் Open பட்டனை அழுத்தும் முன் சற்று தாமதப்படுத்துங்கள். எப்போதாவது அந்த பட்டனில் கீழ் நோக்கி ஒரு அம்புக் குறி இருப்பதனைப் பார்த்திருக்கிறீர்களா? நிச்சயம் பார்த்திருக்க மாட்டீர்கள். இப்போது பாருங்கள். இது போன்ற அம்புக் குறி இருப்பது எதனைக் குறிக்கிறது? சம்பந்தப் பட்ட பட்டனுக்கு இன்னும் சில சாய்ஸ் இருப்பதனைக் காட்டுகிறது. இப்போது அந்த அம்புக் குறியினை கிளிக் செய்திடுங்கள். ஒரு சிறிய மெனு விரியும். அதில் “Open as Copy” என்ற பிரிவைத் தேர்ந்தெடுங்கள். உங்கள் புரோகிராம் நீங்கள் தேர்ந்தெடுத்த பைலின் காப்பி ஒன்றைத் தேர்ந்தெடுக்கும். இந்த பைலில் நீங்கள் மேற்கொள்ள விரும்பும் எடிட் வேலைகளை மேற்கொள்ளுங்கள். உங்கள் ஒரிஜினல் பைல் அப்படியே இந்த மாற்றங்கள் இன்றி இருக்கும்.

கிளிப் போர்டு வியூவர்

எம்.எஸ். ஆபீஸ் தொகுப்பில் நீங்கள் எந்த டெக்ஸ்ட், படம், கிராபிக்ஸ் என எதனை காப்பி அல்லது கட் செய்தாலும் அது கிளிப் போர்டு வியூவரில் தான் சென்று அமரும். எனவே எந்த ஒரு நிலையிலும் நீங்கள் இறுதியாகக் காப்பி செய்தது என்ன என்று தெரிந்து கொள்ள கிளிப் போர்டு வியூவரைக் காணலாம்.இதனை எங்கிருந்து பெறுவது? எந்த தொகுப்பிலும் டெக்ஸ்ட் ஒன்றை தேர்ந்தெடுத்து கண்ட்ரோல் + சி அழுத்துகிறீர்கள் அல்லவா? அப்போது இருமுறை சிஅழுத்துங்கள். உடனே கிளிப் போர்டு விரிவடையும். அதில் என்ன டெக்ஸ்ட் உள்ளது என்று தெரியவரும்.

இம்மி இம்மியாய் ஆப்ஜெக்ட் நகர்த்த

பவர்பாய்ண்ட் பிரசன்டேஷன் ஸ்லைட் ஷோ புரோகிராம் ஒன்றை தயாரிக்கையில் ஆப்ஜெக்ட்டுகளைச் சரியான இடத்தில் வைத்தால் தான் நன்றாகத் தோற்றமளிக்கும். அது ஒரு படமாகவோ, சார்ட்டாகவோ அல்லது கிளிப் ஆர்ட்டாகவோ டெக்ஸ்ட் பாக்ஸாகவோ இருக்கலாம். ஆனால் இவற்றைச் சிறிது இழுத்தால் நாம் எதிர்பார்த்த இடத்தில் அமராமல் தள்ளி சென்று நிற்கும். மீண்டும் எதிர்த் திசையில் இழுத்தால் முன்பு இருந்த இடத்தையும் தாண்டிச் செல்லும். எரிச்சல் கூடி நாம் அந்த ஆப்ஜெக்டையே எடுக்கும் சூழலுக்குத் தள்ளப்படுவோம். இதற்கு ஒரு தீர்வு உள்ளது. முதலில் நகர்த்த வேண்டிய ஆப்ஜெக்டைத் தேர்ந்தெடுக்கவும். அது ஒரு டெக்ஸ்ட் பாக்ஸாக இருந்தால் டெக்ஸ்ட் பாக்ஸ் மட்டும் தேர்ந்தெடுக்கப்பட்டதனை உறுதி செய்க. கர்சர் டெக்ஸ்ட் பாக்ஸுக்குள் இருக்கக் கூடாது. இனி ஆரோ கீ ஒன்றை ஒருமுறை தட்டவும். இப்போது ஆரோவின் திசையில் நகர்ந்திருக்கும். இனி கண்ட்ரோல் கீயை அழுத்திக் கொண்டு விரும்பிய திசைக்கான ஆரோ கீயை அழுத்துங்கள். ஆப்ஜெக்ட் சிறிது சிறிதாக இம்மி இம்மியாக நகர்வதனைப் பார்க்கலாம். இனி நீங்கள் விரும்பிய இடத்தில் துல்லிதமாக ஆப்ஜெக்டை அமைக்கலாம்.

ஆன்லைன் பேங்கிங் நன்மைகளும் குறைகளும்

தற்போது நாட்டுடைமை யாக்கப்பட்ட வங்கிகள் மட்டுமின்றி தனியார் ஷெட்யூல் வங்கிகளும் ஆன்லைன் பேங்கிங் எனப்படும் இன்டர் நெட் வழி வங்கி நிதி பரிமாற்ற வசதிகளை அளித்து வருகின்றன. இந்த வசதியை கம்ப்யூட்டர் பேங்கிங், இன்டர்நெட் பேங்கிங், பி.சி. பேங்கிங் மற்றும் ஹோம் பேங்கிங் எனவும் அழைக்கின்றனர். பல வாசகர்கள் இந்த வசதியினை நாம் நம் கம்ப்யூட்டர் மூலம் பயன்படுத்துவதில் பிரச்னை ஏதும் உள்ளதா என்று கேட்டு கடிதங்களை எழுதி உள்ளனர். இதில் உள்ள நல்லதுகளையும் அல்லதுகளையும் இங்கு பார்க்கலாம்.

நன்மைகள்:

1. ஆன்லைன் பேங்கிங் முறையில் மிகப் பெரிய நன்மை ஒன்று உண்டென்றால் அது நேரத்தை மிச்சம் செய்வதுதான். நீங்கள் உங்கள் பணத்தைக் கையாளும் விதம் குறித்து எந்தவித மாற்றத்தையும் ஏற்படுத்தப் போவதில்லை. ஆனால் வங்கி சென்று செக்குகளை எழுதி படிவங்களை நிரப்பும் வேலையையும் அதில் செலவழிக்கும் நேரத்தையும் மிச்சப்படுத்துகிறது. அது மட்டுமின்றி ஒரு பரிமாற்றத்திற்கான நேரத்தையும் வெகுவாகக் குறைக்கிறது. சில வேளைகளில் ஒரு ஏ.டி.எம். மையத்தில் பணம் கையாளுவதைக் காட்டிலும் குறைவான நேரத்தில் பரிமாற்றங்கள் மேற்கொள்ளப்படுகின்றன.

2. ஆன்லைன் பேங்கிங் என்பது 24 மணிநேரமும் வாரத்தில் ஏழு நாட்களும் மேற்கொள்ளக் கூடிய காரியம் ஆகும். எனவே வங்கிக்கு விடுமுறை, வங்கி மூடப்படும் நேரம் என்றெல்லாம் கவலைப்பட வேண்டியதில்லை.

3. விடுமுறைக்கு வெளி மாநிலத்திற்கோ அல்லது வெளிநாட்டிற்கோ சென்று விட்டாலும் அங்கிருந்தும் உங்கள் நிதி அக்கவுண்ட்டைக் கையாளலாம். எல்லாமே ஒரு மவுஸ் கிளிக்கில் மேற்கொள்ளப்படும்.

4. பேப்பரினால் ஆன செக்குகளைப் பயன்படுத்தினால் அதற்கும் பணம் செலுத்த வேண்டியுள்ளது. இந்த வசதிக்கு அது போல எந்தக் கட்டணமும் இல்லை. செக் புக் தீரப்போகிறதா? எப்போது மீண்டும் ஒரு புக் வாங்க வேண்டும் என்ற கவலை எதுவுமில்லாமல் ஆன்லைன் பேங்கிங் மேற்கொள்ளலாம். அது மட்டுமின்றி ஒரே ஒரு பாதுகாப்பான வெப் சைட் மூலம் உங்கள் அனைத்து பேங்க் அக்கவுண்ட்களையும் மேற்கொள்ளலாம்.

5. ஆன்லைன் பேங்கிங் வசதியைப் பெறும் இடத்தில் வேறு சில வசதிகளும் தரப்படுகின்றன. பங்கு விலை, விலை கூடுதல் குறித்த எச்சரிக்கை செய்தி, போர்ட்போலியே மேனெஜ்மென்ட் என பல வகை உதவிகளும் வசதிகளும் தரப்படுகின்றன.

குறைகள்:

1. நன்மைகளுக்கு எதிராக தீமைகள் என எதனையும் பட்டியலிட முடியாது. குறைகள் எனச் சிலவற்றை இங்கு குறிப்பிடலாம். ஆன்லைன் பேங்கிங் என்பது சில நிமிடங்களில் முடியும் என்றாலும் சில வேளைகளில் வங்கிகளின் இணையப் பக்கங்கள் கம்ப்யூட்டர் திரையில் கிடைக்க வெகுநேரம் ஆகிறது. குறிப்பிட்ட நாளில் அந்த வங்கி இணைய தளப் பக்கத்தில் அல்லது அதனைக் கையாளும் சர்வரில் பிரச்னை இருந்தால் இந்த வங்கிக்கு அன்று விடுமுறை என்று எண்ணிக் கொள்ள வேண்டியதுதான். இது போன்ற சில எதிர்பாரா நிலைகளுக்கு நீங்கள் தயாராக இருக்க வேண்டும்.

2. ஆன்லைன் வங்கிக் கணக்கினை அவ்வளவு எளிதாக உடனே தொடங்கிவிட முடியாது. இணைய தளத்தில் நீங்கள் பதிந்து கொள்ள ஒரு யூசர் பெயரும் பாஸ்வேர்டும் தேவை. இவற்றிற்கான விண்ணப்பத்தினை அளித்து பின் வங்கியின் தலைமை அலுவலகம் அல்லது ஆன்லைன் பேங்கிங் விவகாரங்களைக் கவனிக்கும் அலுவலகத்திற்கு உங்கள் விண்ணப்பம் சென்று அங்கிருந்து உங்களுக்கான கடிதம் வருவதற்கு சில மாதங்கள் ஆகலாம்.

3. உங்கள் வங்கியின் இணையதளத்தில் உங்கள் அக்கவுண்ட்டைக் கையாளும் விதம் குறித்து முற்றிலும் அறிந்து கொள்ள உங்களுக்குச் சில நாட்கள் அல்லது வாரங்கள் ஆகலாம். அதுவரை பொறுமையாக இருந்து கற்றுக் கொள்ள வேண்டும். இல்லையேல் நீங்கள் விரும்பும் பணப் பரிமாற்றம் ஏற்படாமல் வேறு பாதகமான பரிமாற்றம் ஏற்பட வாய்ப்புண்டு.

4. ஒரு சிலர் தாங்கள் வங்கியில் கொடுக்கும் செக்கினையே பல முறை உற்றுப் பார்த்து உதறிப் பார்த்து கொடுப்பார்கள். பணத்தைப் பல முறை எண்ணிக் கொண்டே இருப்பார்கள். அத்தகைய பழக்கம் கொண்டவர்கள் இணைய தளம் மூலம் பேங்க் பணிகளைக் கையாண்டுவிட்டு தூக்கத்தைதொலைத்துவிட்டு இருப்பார்கள். பணம் சேர்ந்திருக்குமா என்ற கேள்வியை பலரிடம் கேட்டு பரிதாபமாக நிற்பார்கள். இவர்களுக்கு ஆன்லைன் பேங்கிங் குறித்து சரியாக விளக்க வேண்டும். அல்லது இந்த சந்தேக எண்ணத்தைத் தவிர்க்கும் வழியைக் கற்றுத் தர வேண்டும். பொதுவாக ஆன்லைன் பேங்கிங் செய்பவர்கள் இணைய தளம் மூலம் தங்கள் அக்கவுண்ட் பக்கத்தைப் பார்த்து அவ்வப்போது பிரிண்ட் எடுத்து பைலாக வைத்துக் கொள்ள வேண்டும்.

என்ன! ஆன்லைன் பேங்கிங் வேண்டுமா? வேண்டாமா? நீங்கள் தான் இரு பக்கத்தையும் இப்போது தெரிந்து கொண்டீர்களே! உங்களுக்குத் தேவையானதை நீங்களே தேர்ந்தெடுத்து பின்பற்றுங்கள்.

ஸ்குரோல் வீல் ட்ரிக்ஸ்

உங்கள் இன்டர்நெட் பிரவுசரில் நிறைய தளங்களைத் திறந்து வைத்து பார்த்து பார்த்து தகவல்களைப் படித்து காப்பி செய்து கொண்டிருக்கிறீர்கள். மவுஸின் ஸ்குரோல் வீலை சுழற்றினால் என்ன நடக்கிறது. பார்த்துக் கொண்டிருக்கும் தளத்தில் மேலும் கீழுமாகச் செல்வீர்கள். அப்போது ஷிப்ட் கீயை அழுத்திக் கொண்டு வீலைச் சுழற்றிப் பருங்கள்; சுழற்றும் திசைக்கேற்ப நீங்கள் பார்த்துக் கொண்டிருக்கும் தளங்கள் அடுத்தடுத்து காட்சி அளிக்கும்.

சரி அடுத்து ஒரு தளத்தில் பார்த்துக் கொண்டிருக்கையில் ஆல்ட் கீயை அழுத்திக் கொண்டு வீலைச் சுழற்றிப் பாருங்கள். டெக்ஸ்ட் பெரிதாகும் அல்லது சிறியதாகும். இதனை அறியாத உங்களைச் சுற்றி இருக்கும் ஒரு சிலர் உங்களை ஆச்சரியத்துடனும் பார்க்கலாம்.

பைலைச் சரியாக அமைக்கும் டிபிராக்ளர்

அண்மையில் மிகப் பயனுள்ள புரோகிராம் ஒன்றைத் தெரிந்துகொள்ள முடிந்தது. அதுகுறித்து உங்களுடன் பகிர்ந்து கொள்ளவே இந்தக் குறிப்பு. கம்ப்யூட்டரின் ஹார்ட் டிஸ்க்கில் பைல்கள் எழுதப்படுகையில் வரிசையாகத்தான் முதலில் எழுதப்படும். காலப் போக்கில் பைல்களை அழித்து அழித்து புதிய பைல்களை எழுதுகையில் அவை ஹார்ட் டிஸ்க்கில் தொடர்ந்த இடத்தில் எழுதப்படாமல் விட்டு விட்டு பல இடங்களில் பிட்டு பிட்டாக எழுதப்படும். ஆனால் கம்ப்யூட்டர் இயக்கம் அவற்றைச் சரியாகக் கோர்வையாகப் படித்து நமக்குத் தரும். இவ்வாறு விட்டு விட்டு பிட்டு பிட்டாக இருக்கும் பைல்களை மீண்டும் சரியாகத் தொடர்ச்சியாக அமைப்பதற்கு உதவிடும் புரோகிரம் தான் டிபிராக் புரோகிராம் ஆகும்.

இதில் என்ன பிரச்னை என்றால் டிபிராக் செய்கையில் ஹார்ட் டிஸ்க் முழுவதும் அல்லது ஒரு குறிப்பிட்ட டிரைவ் முழுவதும் இந்த பணியை மேற்கொள்ள வேண்டியுள்ளது. அளவில் பெரிய பைல் ஒன்றை அமைக்கிறீர்கள். நீங்கள் டிபிராக் செய்து நாள் ஆகிவிட்டது என்றால் நிச்சயமாய் அந்த பைல் பல பிட்டுகளாகத்தான் எழுதப்படும். இந்த பைலை மட்டும் டிபிராக் செய்து சரியாக ஓரிடத்த்தில் அமைக்க முடியுமா? முடியும் என்கிறது அண்மையில் நான் பார்த்த டிபிராக்ளர் (Defraggler) என்ற புரோகிராம். இனிமேல் அனைத்து பைல்களையும் நீங்கள் டிபிராக் செய்திடத் தேவையில்லை. குறிப்பிட்ட பைலை மட்டும் இந்த புரோகிராம் மூலம் டிபிராக் செய்து கொள்ளலாம். முழு டிரைவினையும் டிபிராக் செய்திடவும் இந்த புரோகிராம் வழி வகுக்கிறது. இந்த புரோகிராமின் இன்னொரு வசதி என்னவென்றால் இதனை எளிதில் எடுத்துச் செல்லலாம். மிகச் சிறிய கட்டமைப்பில் இது உருவாக்க பட்டுள்ளது. அதனால் ஒரே ஒரு சிறிய எளிய இ.எக்ஸ்.இ. பைலாக இது நமக்குக் கிடைக்கிறது. எனவே இதனை ஒரு பிளாஷ் டிரைவில் பதிந்து எடுத்துச் சென்று எந்த கம்ப்யூட்டரிலும் பயன்படுத்தலாம். இந்த பைல் 1 எம்பி அளவிலேயே இருக்கிறது.

உங்களுக்கு ஆச்சரியமாக இருக்கலாம். எப்படி இந்த அளவிலான சிறிய பைல் டிபிராக் பணியை மேற்கொள்கிறது? என்ற கேள்வி எழலாம். இதற்கு நீங்கள் செயல்முறையிலேயே தெரிந்து கொள்ளலாம். டிபிராக்ளர் புரோகிராமினை முதலில் www.defraggler.com/download என்ற இணைய தளத்திலிருந்து டவுண்லோட் செய்து கொள்ளுங்கள். அதன்பின் மற்ற புரோகிராம்களை இயக்குவது போல இயக்குங்கள். அதன்பின் உங்கள் கம்ப்யூட்டரில் எந்த எந்த புரோகிராம்களை அல்லது போல்டர்களை டிபிராக் செய்திட வேண்டுமோ அவற்றைத் தேர்ந்தெடுக்கவும்.

பின் அவற்றை டிபிராக் செய்திட கட்டளை கொடுக்கலாம். டிபிராக்ளர் அந்த பைல்களை டிபிராக் செய்துவிட்டு வெற்றிகரமாக செய்ததாக உங்களுக்கு அறிவிக்கும். டிபிராக் செய்திட முடியாத பைல்களின் பட்டியலைத்தரும். அத்துடன் இன்னும் டிபிராக் செய்யப்பட வேண்டிய பைல்கள் என்று ஒரு பட்டியலையும் தரும். பட்டியலில் உள்ள அந்த பைல்களின் மீது கிளிக் செய்தால் அந்த பைல்கள் எங்கு இருக்கிறது என்பதனையும் அவை ஏன் டிபிராக் செய்யப்பட வேண்டும் என்பதனையும் நீங்கள் கண்கூடாகப் பார்க்க முடியும். டிபிராக்ளர் விண்டோஸ் 2000, 2003, எக்ஸ்பி மற்றும் விண்டோஸ் விஸ்டா ஆப்பரேட்டிங் சிஸ்டங்களில் செயல்படுகிறது.

அண்மையில் 64 பிட் சிஸ்டத்தில் இயங்கும் வகையிலும் டிபிராக்ளர் மாற்றம் செய்யப்பட்டு தரப்பட்டுள்ளது. CCleaner என்ற புரோகிராம் குறித்து நீங்கள் அறிந்திருப்பீர்கள். அந்த புரோகிராமினைத் தயாரித்து வழங்கிய Piriform என்ற நிறுவனம் தான் இதனையும் தயாரித்து வழங்குகிறது. இந்த இரண்டுமே இலவசம் என்பதை இங்கு நம் வாசகர்களுக்குச் சொல்லத் தேவையில்லை.

எக்ஸெல் தொகுப்பில் சில பணிகள்

எக்ஸெல் ஒர்க் ஷீட்டுகளில் பெயர் அல்லது வேறு வகையான டேட்டாவின் கீழாக இரண்டு கோடுகளில் அடிக்கோடிடலாம். இதற்கு முதலில் ஷிப்ட் கீயை அழுத்திக் கொண்டு Underline டூலை அழுத்த வேண்டும். அடிக்கோடு இரு கோடுகளாக போடப்படும். இன்னும் பலவிதமான அடிக்கோடுகள் எக்ஸெல் தொகுப்பில் உள்ளன. அவற்றைப் பெற Format = >Cells கட்டளையை கொடுத்து, பின்பு Font டேபை அழுத்துங்கள். அங்கு பலவிதமான அடிகோடுகளை Underline என்னும் பகுதியில் காணலாம்.

எக்ஸெல் தொகுப்பில் ஆட்டோசேவ்

எக்ஸெல் தொகுப்பில் உருவாக்கப்படும் பைல்களைத் தாமாக சேவ் செய்திடும் அரிய வசதி ஒன்று உள்ளது. பலர் இதனை செட் செய்து இதன் பயனை அனுபவிக்காமலேயே இருக்கின்றனர். குறிப்பிட்ட கால அவகாசத்தில் தானாகவே செயல்படும் பைல்கள் அதுவரை மேற்கொண்ட தகவல்களுடன் சேவ் செய்யப்படும். இதன் டிபால்ட் (Default) செட்டிங்ஸ் பத்து நிமிடங்களாகும். எனவே புரோகிராமிற்கு ஏதாவது ஏற்பட்டு கிராஷ் ஆனால் நீங்களாக சேவ் செய்யாதபோது உங்களுடைய ஒன்பது நிமிட வேலை வீணாகிவிடும். எனவே ஆட்டோ சேவ் எனச் சொல்லப்படும் இந்த செயல்பாட்டின் நேரத்தைச் சுருக்கமாக சிறிய கால அவகாசமாக செட் செய்திடலாம். மேலும் இந்த பைலுக்கான பேக்கப் பைலை உருவாக்கும் படியும் செட் செய்திடலாம். இதற்கு Tools மெனு கிளிக் செய்து அதில் வரும் மெனுவில் Options என்ற பிரிவைத் தேர்ந்தெடுக்கவும். பின் கிடைக்கும் டயலாக் பாக்ஸில் குச்திஞு என்ற டேபில் கிளிக் செய்தால் வரும் சிறிய விண்டோவில் Save Auto recover in every என்று ஒரு வரியும் அதன் அருகே நிமிடங்களை செட் செய்திட எண்ணுடன் மேல் கீழ் அம்புக் குறிகளும் கிடைக்கும். இதில் 10 என்று இருப்பதை மாற்றுங்கள்.

எத்தனை நிமிடங்களுக்கு ஒருமுறை தகவல்களை சேவ் செய்திட எண்ணுகிறீர்களோ அந்த எண்ணை அமைக்கவும். பின் அதன் கீழாக Auto recover save location என்று ஒரு வரியின் எதிரே எங்கு இந்த பைல் சேவ் செய்யப்பட வேண்டும் என்பதனை காட்டும் கட்டம் இருக்கும். இங்கு நீங்கள் விரும்பும் இடத்தில் பைலை சேவ் செய்திடும் வகையில் மாற்றலாம். பின் ஓகே கொடுத்து வெளியேறவும்.

எக்ஸெல் பின்னங்கள் அமைக்க

எக்ஸெல் தொகுப்பில் பின்னக் கணக்குத் தகவல் ஒன்றை அதற்கான பார்மட்டில் சரியாக அமைக்காவிட்டால் எக்ஸெல் அதனை தேதிக்கான தகவல் என்று எடுத்துக் கொண்டு தேதியாகக் காட்டும். எடுத்துக் காட்டாக ஒரு செல்லில் 1/50 என்று டைப் செய்தால் எக்ஸெல் உடனே அதனை Jan50 என எடுத்துக் கொண்டு அப்படியே செல்லில் அமைத்துக் கொள்ளும். இவ்வாறு கிடைத்த பின்னர் நீங்கள் அந்த செல்லில் உள்ளதை பின்னமாக மாற்றுமாறு பார்மட் செய்தால் எக்ஸெல் இதனை 18264 எனக் காட்டும். ஏனென்றால் Jan 50 என்பதற்கான உள்ளீட்டு எண் இதுதான். எனவே எக்ஸெல் உங்கள் பின்னத் தகவலைசரியாக புரிந்து செயல்பட அதற்கான பார்மட்டை அத்தகவலைக் கொண்டு வருமுன் அமைப்பது கட்டாயமாகும்.

எடுத்துக்காட்டாக அக்செஸ் தொகுப்பில் இருந்து 1/50, 2/70,மற்றும் 30/65 என்ற பின்னத் தகவல்களைக் கொண்டுவருகிறீர்கள். இந்த தகவல்களை அக்செஸ் கட்டத்திலிருந்து கொண்டு வருமுன் எக்ஸெல் செல்லில் பார்மட்டை அமைக்க வேண்டும். முதலில் எந்த செல்லில் அமைக்க விரும்புகிறீர்களோ அந்த செல்லைத் தேர்ந்தெடுக்க வேண்டும். பின் அதில் ரைட் கிளிக் செய்திடவும். கிடைக்கும் மெனுவில் Format Cells என்பதனைத் தேர்ந்தெடுக்கவும். கிடைக்கும் விண்டோவில் Number என்னும் டேபில் கிளிக் செய்திடவும். இங்கு Category என்பதில் Fraction என்பதனைத் தேர்ந்தெடுக்கவும்.
பின் இங்கு Type என்ற பிரிவில் Up To Two Digits (21/25) என்பதைத் தேர்ந்தெடுக்கவும். இனி ஓகே கொடுத்து வெளியேறவும். இனி இந்த செல்லில் பின்னங்கள் சரியாக அமையும்.

இமெயில் திறந்து மூட சிரமமா?

இமெயில் படிப்பது என்பது அன்றாட வாழ்க்கையின் ஓர் அங்கமாக மாறிவிட்ட நிலையில் அவற்றை ஒவ்வொன்றாகத் திறந்து படிப்பது சிரமமான வேலைதான்.

குறிப்பாக சில தகவல்களை நாம் அவசரமாக ஒரு மெயிலில் படித்து தெரிந்திருப்போம். பின் ஆற அமரப் பார்க்க முற்படுகையில் அந்த செய்தி யார் அனுப்பிய அல்லது எந்த தளம் அனுப்பிய இமெயிலில் இருந்தது என்பது தெரிய வராது. இதற்காக ஒவ்வொரு இமெயிலையும் திறந்து மேலோட்டமாகப் பார்த்து பின் மூடுவது என்பது எரிச்சலூட்டும் செயலாக இருக்கும்.
இதற்கான ஒரு சிறு வழியை இங்கு பார்ப்போமா! இவ்வாறு ஒவ்வொன்றாகத் திறந்து பார்க்காமல் ஒரு மெயிலின் தகவல் கோட்டில் கர்சரைக் கொண்டு சென்றாலே அந்த மெயிலில் உள்ள சமாச்சாரங்கள் கோடி காட்டப்பட்டால் நன்றாகத்தானே இருக்கும். வேர்ட் தொகுப்பில் பைல் பிரிவியூ இருப்பது போல இருந்தால் வேலை எளிதாகுமே. இமெயில்களையும் அவ்வாறு பார்க்கலாம். எம்.எஸ். அவுட்லுக் தொகுப்பில் இதற்கு Preview Pane என்று ஒரு வசதியைத் தந்துள்ளனர். அவுட்லுக் 2007 தொகுப்பில் இதனை Reading Pane என பெயரிட்டுள்ளனர். இதனை செயல்படுத்த வியூ மெனு சென்று ரீடிங் பேன் என்பதைத் தேர்ந்தெடுத்து கிளிக் செய்திட வேண்டியதுதான். பின் புரோகிராம் விண்டோவில் இது எப்படி காட்டப்பட வேண்டும் என்பதையும் முடிவு செய்து அமைக்கலாம். உங்கள் விண்டோவின் அடிப்பாகம் இந்த ரீடிங்/பிரிவியூ கட்டமாக மாறி இருக்கும். அங்கு உங்கள் கர்சர் இருக்கும் இமெயில் கடிதம் காட்டப்படும். இங்கு சென்று இமெயில் முழுவதையும் பார்க்கலாம். அல்லது சிறிது பார்த்துவிட்டு கர்சரை அடுத்த இமெயில் செய்திக்குக் கொண்டு சென்று அந்த இமெயிலைப் பார்க்கலாம். எனவே இமெயிலைத் திறப்பது, மூடுவது என்ற கூடுதல் வேலை இதனால் தவிர்க்கப்படுகிறது. இந்த பிரிவுகளுக்கு இடையே கோடு ஒன்று இருக்கும். இந்த இடத்தில் கர்சரைக் கொண்டு சென்று கர்சர் இரு புற அம்புக் குறியாக மாறுகையில் அதனை மேலும் கீழும் இழுத்துச் சென்று இந்த பகுதிகள் எந்த அளவில் இருக்க வேண்டும் என்பதனையும் நீங்கள் எப்போது வேண்டுமானாலும் செட் செய்திடலாம்.

யாஹூ மெயிலை பிளெய்ன் டெக்ஸ்ட்டாக மாற்ற

உங்கள் யாஹூ மெயில் அக்கவுண்ட் ஏற்படுத்தும்போது உங்கள் மெயில்களை எல்லாம் எச்.டி.எம்.எல். பார்மட்டில் அனுப்பும்படி அமைத்திருப்பீர்கள். இதில் என்ன பிரச்னை என்றால் உங்கள் நண்பர்களில் சிலர் தங்களுக்கு வரும் மெயில்களை பிளெய்ன் டெக்ஸ்ட்டாகக் கிடைக்கும்படி அமைத்திருப்பார்கள். ஒரு சிலர் எச்.டி.எம்.எல். வகையினை எந்நேரமும் விரும்ப மாட்டார்கள். இது எதற்கு வம்பு என்று நீங்கள் எண்ணினால் உங்கள் செட்டிங்ஸை பிளெய்ட் டெக்ஸ்ட்டாக மாற்றலாம்.
அதற்கான வழிகள்:


1. முதலில் mail.yahoo.com வலைத் தளம் சென்று உங்கள் அக்கவுண்ட் டைத் திறந்து கொள்ளுங்கள்.

2. உங்கள் அக்கவுண்ட் தளத்தின் வலது பக்கம் ஒரு ஆப்ஷன்ஸ் லிங்க் இருக்கும். இதனை நான்கு டேப்களான mail, contacts, calendar, மற்றும் notepad இருக்கும் இடத்திற்கு எதிராகப் பார்க்கலாம்.

3. இதில் இரண்டாவதாக உள்ள என்பதில் கிளிக் செய்திடவும். இதில் கிடைக்கும் லிங்க்குகளில் மூன்றாவதாக உள்ள general preferences என்பதில் கிளிக் செய்திடவும்.

4. பின் இதில் மூன்றாவதாக உள்ள Composing Emails என்பதில் color and graphics (html) என்றும் plain text என்றும் இரண்டு ஆப்ஷன்ஸ் கிடைக்கும். உங்களுக்கு பிளெய்ன் டெக்ஸ்ட் வேண்டும் என்பதால் இரண்டாவதாக உள்ளதைத் தேர்ந்தெடுத்து பின் வெளியேறவும். இனி உங்கள் மெயில் பிளெய்ன் டெக்ஸ்ட்டாக நண்பர்களுக்குச் செல்லும்.

பைல் பிரிவியூ

அவசரமாக ஒரு பைலை தேடுகிறீர்கள். அது வேர்ட் டாகுமெண்ட் அல்லது பிரசன்டேஷன் பைலாக இருக்கலாம். ஆனால் என்ன பெயரில் பைலை சேவ் செய்தோம் என்று நினைவில் இல்லை. நாளும் நினைவில் இல்லை. என்ன செய்யலாம்? விண்டோஸ் எக்ஸ்புளோரரில் டைரக்டரியைத் திறந்து வைத்து சந்தேகப்படும் பைல்கள் ஒவ்வொன்றையும் திறந்து மூடி பின் அடுத்த பைலை திறந்து மூடி செயல்களை மேற்கொள்ள முடியுமா? எவ்வளவு சுற்றும் வேலை இது.

பைல் அருகில் கர்சரைக் கொண்டு சென்றாலே அதன் உள்ளே இருக்கும் விஷயங்களை சிறு போட்டோ போல காட்டும் வசதி இருந்தால் எவ்வளவு நல்லது. இருக்கிறது அந்த வசதி. பைல் பிரிவியூ என்று இதனை அழைக்கின்றனர். அதனை செட் செய்திடும் வழியைப் பார்ப்போம். முதலில் File மெனு சென்று அதில் Open விண்டோவினைத் திறக்கவும். இந்த விண்டோ கிடைத்தவுடன் நீங்கள் அதில் காட்டப்படும் பைல்களின் பட்டியலைத்தானே பார்க்கிறீர்கள். இப்போது அந்த விண்டோவின் வலது பக்க ஓரத்தில் பாருங்கள். அதில் Views என்று ஒரு பட்டன் இருக்கும். இதில் கிளிக் செய்து திறந்தால் நிறைய ஆப்ஷன்ஸ் கிடைக்கும். இதில் Preview என்பதில் கிளிக் செய்து கிடைக்கும் விண்டோவைப் பெறவும். இப்போது விண்டோ இரு பகுதியாகப் பிரிந்து காட்டப்படுவதனைப் பார்க்கலாம். ஒரு பக்கம் பைல் பட்டியலுடன் நீங்கள் தேர்ந்தெடுத்த பைலின் பெயர் தேர்ந்தெடுத்த நிலையில் இருக்கும்.

வலது பக்கம் உள்ள கட்டத்தில் அந்த பைலின் உள்ளே என்ன இருக்கிறது என்பது காட்டப்படும். இதன் முதல் பக்கம் தெரிந்தாலும் அருகே உள்ள அம்புக் குறியை அழுத்தி கீழே சென்று பைலில் உள்ளதைப் பார்க்கலாம். இதுதான் நீங்கள் தேடும் பைல் என்றால் உடனே அதனைக் கிளிக் செய்து திறந்து எடிட் செய்திடலாம். இல்லை என்றால் கர்சரை பைல் பட்டியலில் அடுத்த பைலுக்கு எடுத்துச் செல்லுங்கள். அந்த பைலின் பிரிவியூ கிடைக்கும். இந்த தேடல் எளிதாகத் தெரிகிறதா? நேரம் மிச்சமாகிறதா! அப்படியே வைத்துக் கொள்ளுங்கள்.

சாதனை படைத்த பயர்பாக்ஸ்

சென்ற ஜூன் 17ல் மொஸில்லா நிறுவனத்தின் பயர்பாக்ஸ் பதிப்பு 3 வெளியானது. கூடுதல் பாதுகாப்பு, அதிவேக இயக்கம், புதிய பல வசதிகள், தோற்றப் பொலிவு, வாடிக்கையாளர்கள் விருப்பத்திற்கேற்ப அமைக்கும் முறை எனப் பல்வேறு புதிய அம்சங்களுடன் வெளியான இந்த தொகுப்பின் வெளியீடும் சாதனை படைத்துள்ளது. வெளியான நாளன்று அதிக எண்ணிக்கையில் டவுண்லோட் செய்யப்பட்ட புரோகிராம் என்ற பெயரை எடுத்து கின்னஸ் உலக சாதனை படைத்தது. இதற்கான ஏற்பாடுகள் உலகெங்கும் அனைத்து நாடுகளிலும் மேற் கொள்ளப் பட்டு வெற்றிகரமாக இச்சாதனை மேற் கொள்ளப்பட்டது.

சாதனை தொடங்கிய ஐந்து மணி நேரத்தில் உலகின் பல நாடுகளிலிருந்து கம்ப்யூட்டர் பயன்படுத்துபவர்கள் எக்கச்சக்க எண்ணிக்கையில் டவுண்லோட் செய்தனர். எந்த நொடியிலும் இறக்கம் செய்வது நிற்கவே இல்லை. குறிப்பிட்ட நாளில் 83 லட்சம் பேர் டவுண்லோட் செய்ததாக ஒரு குறிப்பு கூறுகிறது. இந்தியாவிலிருந்து 2 லட்சத்து 57 ஆயிரத்து 353 பேர் பங்கு கொண்டு இந்த பிரவுசர் தொகுப்பை இறக்கிப் பயன்படுத்தினார்கள். அமெரிக்காவில் தான் மிக அதிகமாக 50 லட்சத்து 18 ஆயிரத்து 241 பேர் டவுண்லோட் செய்தனர்.


பிரிட்டனில் 7 லட்சத்து 26 ஆயிரத்து 232 பேர் கலந்து கொண்டனர். இப்படியே உலகெங்கும் உள்ள நாடுகளிலிருந்து பல லட்சம் பேர் ஆவலுடன் கலந்து கொண்டு இந்த சாதனையை ஏற்படுத்தி உள்ளனர். எந்த எந்த நாடுகளிலிருந்து எவ்வளவு பேர் கலந்து கொண்டனர் என்ற தகவல்களுக்கு http://www.spreadfirefox.com/enUS/ worldrecord/ என்ற முகவரியில் உள்ள தளத்தை அணுகித் தெரிந்து கொள்ளலாம்.

பயர்பாக்ஸ் சில தகவல்கள்:

இன்டர்நெட் எக்ஸ்புளோரர் தொகுப்பின் நம்பகத்தன்மை குறைய குறைய பயர்பாக்ஸ் இன்டர்நெட் பயன்பாட்டிற்கு மக்கள் புதியதொரு பிரவுசரை விரும்பினார்கள். அவர்களுக்கு வேகமாகவும் பாதுகாப்பாகவும் அதே சமயத்தில் பல புதிய நவீன வசதிகளைத் தருவதாகவும் பயர்பாக்ஸ் பிரவுசர் வடிவமைக்கப்பட்டு தரப்பட்டது. வெகு காலமாக பயர்பாக்ஸ் தொகுப்பு 2 பயன்படுத்தப்பட்டு வந்தது. புதிய பதிப்பு 3 பல கூடுதல் வசதிகளைக் கொண்டுள்ளது.

இன்டர்நெட் எக்ஸ்புளோரருக்கு இணையாகவும் போட்டியாகவும் பல புதுமைகளைக் கொண்டதாகவும் பயர்பாக்ஸ் தொடர்ந்து வளர்ந்து வருகிறது. ஓப்பன் சோர்ஸ் புரோகிராம்களை வழங்குவதில் புகழ் பெற்ற மொஸில்லா நிறுவனம் தரும் புரோகிராம் இது. ஓப்பன் சோர்ஸ் என்பதால் இதன் புரோகிராம் வரிகளைப் பெற்று யாரும் இதற்கான கூடுதல் வசதிகளைத் தரும் பிளக் இன் புரோகிராம்களை எழுதி வழங்கலாம். தொடர்ந்து இவ்வாறு பலர் வழங்கி வருகின்றனர்.

விண்டோஸ், லினக்ஸ், மேக் என பலவகை ஆப்பரேட்டிங் சிஸ்டங்களுக்கும் தனித்தனியே இவை உருவாக்கப்பட்டு கிடைக்கின்றன. இலவசமாக இதனை டவுண்லோட் செய்திட http://www.getfirefox.com என்ற முகவரியில் உள்ள தளத்தை அணுகலாம். விண்டோஸ் சிஸ்டத்திற்கான இன்ஸ்டலேஷன் பைல் (ஆங்கிலம்) 7.1 எம்பி அளவில் கிடைக்கிறது. வெகு எளிதாக இன்ஸ்டலேஷன் நடைபெறுகிறது. ஒரு புதிய எக்ஸ்பி சிஸ்டத்தில் இது 20 நொடிகளே எடுத்துக் கொள்கிறது.

நூற்றுக்கணக்கில் பொறியியல் வல்லுநர்கள் தொடர்ந்து மூன்று ஆண்டுகள் ஆராய்ச்சி மேற்கொண்டு 15 ஆயிரத்திற்கு மேற்பட்ட தடைகளையும் பிழைகளையும் சரி செய்து பயர்பாக்ஸ் பதிப்பு 3 ஐக் கொண்டு வந்துள்ளனர்.
புதிய ஜெக்கோ பிரவுசர் இன்ஜின், பல்வேறு கூடுதல் திறன் கொண்ட புதிய வசதிகள், அதிவேகத்தில் தளங்களைப் பெற்று தருதல், கம்ப்யூட்டரின் மெமரியைக் குறைந்த அளவில் பயன்படுத்துதல், வியக்க வைக்கும் அட்ரஸ் பார் எனப் பல வசதிகள் தரப்பட்டுள்ளன. பயர்பாக்ஸ் இந்த அட்ரஸ் பாரினை ஆங்கிலத்தில் Awesome Ba என அழைக்கிறது.
நீங்கள் தேடும் வெப்சைட் முகவரி இதுவாகத்தான் இருக்கும் என சட சட வென பல தளங்களைப் பட்டியலிடும் புதிய வகை அட்ரஸ் பார் இணைய தேடலில் நமக்குக் கிடைத்திருக்கும் புதிய வசதியாகும். அட்ரஸ் பாரில் நீங்கள் முகவரியினை டைப் செய்திடும்போது ஏற்கனவே டைப் செய்த முகவரிகளை மட்டும் தான் தற்போதுள்ள பிரவுசர்கள் தருகின்றன. ஆனால் பயர்பாக்ஸ் தொகுப்பின் அட்ரஸ் பாரில் முகவரிகளை டைப் செய்திடத் தொடங்கியவுடன் பிரவுசரில் உள்ள புக்மார்க், ஹிஸ்டரியில் உள்ள தள முகவரிகள் ஆகியவற்றை அலசிப் பார்த்து இந்த சொல் உள்ள அனைத்து தளங்களின் முகவரிகளை வரிசையாகத் தருகிறது. குறிப்பிட்ட சொல் ஒரு தள முகவரியில் நடுவில் இருந்தாலும் அந்த தளம் தரப்படுகிறது. நமக்கு இதுதான் முகவரி என்று தெரிந்த நிலையில் இதுபோல் லிஸ்ட் தரப்படுவது எரிச்சலாக இருக்கும். எனவே எந்த அடிப்படையில் இந்த பட்டியல் தரப்பட வேண்டும் என்பதனையும் செட் செய்திடலாம்.

இன்டர்நெட் எக்ஸ்புளோரர் போல பயர்பாக்ஸ் தொகுப்பிற்கு சிஸ்டம் ரீ பூட் செய்திட வேண்டியதில்லை.
உங்களுடைய நிறுவன இணைய தளங்களில் நிறுவனத்தின் இலச்சினையைப் பதித்துவிட்டல் அவை அழகாக இணைய தளத்தின் முகவரிக்கு முன்னால் தோற்றமளிக்கின்றன. இத்துடன் வழக்கம்போல பாஸ்வேர்ட் மேனேஜர், டவுண்லோட் மேனேஜர் மற்றும் ஆட் – ஆன்ஸ் மேனேஜர் தரப்பட்டுள்ளன. வெப் ஸ்டாண்டர்ட்ஸ் ப்ராஜக்ட் என்னும் அமைப்பு இணையதளத்திற்கான தொழில் நுட்ப கட்டமைப்புகளை ஆய்வு செய்து சோதனைகளை மேற்கொண்டு சரியாக அமைக்கப்பட்டுள்ள பிரவுசர்களுக்கு சான்றளிக்கிறது. அந்த அமைப்பின் சோதனைகளில் இன்னும் இன்டர்நெட் எக்ஸ்புளோரர் தேறவில்லை; ஆனால் பயர்பாக்ஸ் தேர்ச்சி பெற்று சான்று பெற்றுள்ளது. இந்த தொழில் நுட்ப சங்கதிகளை மைக்ரோசாப்ட் இன்டர்நெட் எக்ஸ்புளோரர் தொகுப்பு 8ல் நிறைவேற்றப்போவதாக அறிவித்துள்ளது.

பார்த்துக் கொண்டிருந்த தளத்தின் அந்நேர பக்கத்தை மீண்டும் கம்ப்யூட்டரை இயக்கும் போது அளித்தல், உள்ளாக ஸ்பெல்லிங் சோதனை மேற்கொள்ளும் வசதி, ஒருங்கிணைந்த தேடுதல் வசதி, பாப் அப் விண்டோக்களைத் தடை செய்தல், தனிநபர் தகவல்களை கிளியர் செய்தல், இணைய பயன்பாட்டின் பின்னணியில் தளங்களை இறக்கம் செய்தல் எனப் பல கூடுதல் வசதிகளைக் கொண்டு வந்துள்ளது பயர்பாக்ஸ் 3. அட்ரஸ் பாரில் அட்ரஸ் முடிந்த இடத்தில் ஆர்.எஸ்.எஸ். ஐகானுக்கு முன்னால் புதிய ஸ்டார் ஐகான் ஒன்று தரப்படுகிறது. இதனை ஒரு முறை கிளிக் செய்தால் யு.ஆர்.எல். புக்மார்க்காகப் பதியப்படுகிறது. இரு முறை கிளிக் செய்தால் புக்மார்க் அப்போது உள்ள போல்டர் அல்லது புதிய போல்டரில் பதியப்படுகிறது. இதற்கு டேக் அமைக்கலாம். கீ வேர்டாக ஒரு சொல்லைத் தரலாம். இந்த சொல் நாம் தளங்களைத் தேடுகையில் நமக்கு உதவும். இதில் தரப்பட்டிருக்கும் லைப்ரேரி வசதியின் மூலம் தேடுதலை உருவாக்கவும் சேவ் செய்திடவும் செய்யலாம்.

அடுத்ததாக ஸூம் வசதி. மற்ற பிரவுசர்களைப் போல் அல்லாமல் வியூ மெனு பாரில் ஸூம் வசதி அமைக்கப்பட்டுள்ளது. எப்11 கீயிலும் இந்த வசதி கிடைக்கிறது. முழுப் பக்க ஸூம் வசதி அல்லது சிறிய பக்கம் என இரண்டு வகைகள் கிடைக்கின்றன. சிறிது சிறிதாகப் பெரியதாக்கும் வசதியெல்லாம் இல்லை. இது அநேகமாக அடுத்த பதிப்பில் மாற்றப்படும் என எதிர்பார்க்கலாம்.
பயர்பாக்ஸ் தொகுப்பு 3 ஐ இன்ஸ்டால் செய்தால் தொகுப்பு 2ல் உள்ள புக்மார்க், ஹிஸ்டரி, ஹோம் பேஜ் செட் அப் எல்லாம் போய்விடுமே என்ற கவலை எல்லாம் வேண்டாம். தொகுப்பு 3 முந்தைய தொகுப்பிலிருந்து அனைத்தையும் எடுத்துக் கொள்கிறது. தொகுப்பு 2ன் மூலம் ஏதேனும் இணைய தளத்தை டவுண்லோட் செய்து பாதியில் விட்டு விட்ட நிலையில் அதன் தொடர்ச்சியை பதிப்பு 3 தொடர்ந்து தானாக மேற்கொள்கிறது. இவை அனைத்தும் உங்களின் பழைய நண்பர்களாக உங்களை தொகுப்பு 3ல் வரவேற்கும். அத்துடன் பயர்பாக்ஸ் தொகுப்பு 2ஐக் காட்டிலும் இத்தொகுப்பு நான்கு மடங்கு வேகமாக இயங்குகிறது.
தொகுப்பு 3 உலகின் 46 மொழிகளில் கிடைக்கிறது. ஆப்ரிக்கான் மொழியிலிருந்து உக்ரேனியன் மொழி வரை இது மொழி பெயர்க்கப்பட்டு அந்த அந்த மொழிகளில் செயல்படுகிறது. தமிழ், இந்தி உட்பட எந்த இந்திய மொழியிலும் இது இல்லை. விரும்புபவர்கள் மொஸில்லா நிறுவனத்திற்கு எழுதலாம். இந்த தொகுப்பின் குறை என்று ஒன்றைச் சுட்டிக் காட்ட வேண்டும் என்றால் ஒன்றைக் கூறலாம். புதிய ஜெக்கோ இஞ்சின் இதில் பயன்படுத்தப்படுவதால் இதனை விண்டோஸ் 95,98, எம்.இ., மேக் ஓ.எஸ். எக்ஸ் பதிப்பு 10, 12 மற்றும் முந்தைய பதிப்புகளில் இயக்க முடியாது.

முன்தளம் பின்தளம் செல்லும் அம்புக் குறி சாவித் துவாரம் போல் தோற்றமளிக்கிறது. பிரவுசரின் பிரேம் நாம் இயக்கும் ஆப்பரேட்டிங் சிஸ்டத்திற்கேற்ற வகையில் (விண்டோஸ், லினக்ஸ், மேக்) வடிவமைக்கப்பட்டுள்ளது.

ஆட்–ஆன் வசதி:

கூடுதல் உபரி வசதிகளைத் தரும் புரோகிராம்களே ஆட்–ஆன் என அழைக்கப்படுகின்றன. இவை பல இணையதளங்களில் கிடைக்கின்றன. ஆனால் பயர்பாக்ஸ் பதிப்பு 3ல் இவை இணைந்தே தரப்படுகின்றன. ஒரு கீ கிளிக்கில் இவற்றை வேறு இணையதளங்களுக்குச் செல்லாமலே பெறலாம். அத்துடன் மொஸில்லா இணைய தளம் சென்றால் 5 ஆயிரத்துக்கும் மேற்பட்ட ஆட்–ஆன் புரோகிராம்கள் கிடைக்கின்றன. இவை அல்லாது இணைய தளங்களை உருவாக்குபவர்களுக்கும் அதிகமான எண்ணிக்கையில் உதவிடும் வசதிகள் தரப்பட்டுள்ளன. புதிய டவுண் லோட் மேனேஜர் ஒரு புரோகிராமினை எத்தனை முறை வேன்டுமானாலும் நிறுத்தி டவுண்லோ ட் செய்திட வழி தருகிறது. கீழே காட்டப்படும் நீள் கட்டம் எத்தனை முறை நீங்கள் ஒரு புரோகிராமினை நிறுத்தி நிறுத்தி டவுண்லோட் செய்துள்ளீர்கள் என்று காட்டுகிறது. டவுண்லோட் செய்திடத் தொடங்கி பாதியிலே நிறுத்தியதை கம்ப்யூட்டரை நிறுத்தி விட்டுப் பின் தொடங்கும்போதும் தொடரலாம். புரோகிராம்கள் டவுண்லோட் செய்து முடித்த பின்னர் முழுவதுமாக வைரஸ் எதுவும் தொற்றிக் கொண்டிருக்கிறதா எனச் சோதிக்கப்படுகிறது.

இதில் தரப்பட்டுள்ள பாஸ்வேர்ட் மேனேஜர் புதிய முறையில் செயல்படுகிறது. மற்ற பிரவுசர்கள் போல் ஒரு தளத்தினுள் நுழைகையில் டயலாக் பாக்ஸைக் கொடுத்து உங்கள் செயல்பாட்டின் குறுக்கே வருவது போல் இல்லாமல், நீங்கள் பாஸ்வேர்டினை அமைக்கும்போது “Remember,” “Never for this site,” மற்றும் “Not now” என உங்களுக்குப் பல தகவல்களைத் தருகிறது.

புக் மார்க்குகளை நிர்வகிப்பதிலும் பயர்பாக்ஸ் புதுமையைக் கையாள்கிறது. இவற்றைத் தேடுகையில் Most Visited, Smart Bookmarks, மற்றும் Places என மூன்று விதமான பிரிவுகளையும் அவற்றில் சிலவற்றிலும் உட்பிரிவுகளையும் கொடுத்து புக் மார்க் தேடலையும் இயக்கத்தினையும் எளிதாக்குகிறது. இன்னொரு புதிய வசதி வெப் மெயில் அக்கவுண்ட் வசதி. பி.ஓ.பி. வகை இல்லாத (யாஹூ போன்ற) இமெயில் தளங்களுக்கும் இதில் லிங்க் ஏற்படுத்தலாம். இதனை இன்டர்நெட் எக்ஸ்புளோரரில் மேற்கொண்டால் வேறுபாடு தெரியும். ஏற்கனவே பயர்பாக்ஸ் தொகுப்பு 2 வைத்திருப்பவர்கள் http://www.getfirefox. com என்ற முகவரியில் உள்ள தளம் சென்று தங்கள் தொகுப்பினை 3க்கு மேம்படுத்திக் கொள்ளலாம். இது 45 மொழிகளில் கிடைக்கிறது.

என்ன என்ன மொழிகள் என்று அறிய http://www.mozilla.com/ firefox/all.html என்ற முகவரியில் உள்ள தளம் செல்லவும். இத்தொகுப்பின் புதிய அம்சங்கள் என்னவென்று விபரமாக அறிய http://www.mozilla.com/ firefox /features/ என்னும் முகவரிக்குச் செல்லவும். படித்தறிய பொறு மை இல்லாதவர்கள் என்னும் முகவரிக்குச் சென் றால் இத்தொகுப்பு குறித்த வீடியோ படக் காட்சியைக் காணலாம். அத்துடன் பயர்பாக்ஸ் தொகுப்பை பயன்படுத்தும் புதியவர், ஏற்கனவே சில காலம் பயன்படுத்துபவர் மற்றும் இதில் உள்ள நவீன தொழில் நுட்பங்களைப் பயன்படுத்தக் கூடியவர் என மூன்று பிரிவுகளாக உதவிக் குறிப்புகள் வழங்கிடும் தளம் http://www.mozilla.com/ firefox/tips/ என்ற முகவரியில் உள்ளது. இந்த தொகுப்பு வெளியிடுவதன் நோக்கம் குறித்த தகவல்கள் http://www. mozilla.com/firefox/3.0/releasenotes/ என்ற முகவரியில் தொகுத்துத் தரப்பட்டுள்ளது.

இந்த தொகுப்பில் இணைத் துப் பயன்படுத்தக் கூடிய ஆட்–ஆன் என்னும் கூடுதல் வசதிகளுக்கான புரோகிராம்கள் 5 ஆயிரத்திற்கும் மேலாக உள்ளன. இவற்றைப் பயன்படுத்தி பயர் பாக்ஸ் தொகுப்பு இயங்குவதனை, அதன் தோற்றத்தினை, ஐகான்கள் மற்றும் பட்டன்க ளை உங்கள் விருப்பப்படி அமைக்கலாம். இவற்றைப் பெற தனியே தளங்களுக்குச் செல்ல வேண்டியதில்லை. தொகுப்பிலேயே Tools>Addons என்ற பிரிவுகளுக்குச் சென்று பெறலாம். எப்படியெல்லாம் மாற்றலாம் என்பதற்கான் உதவிக் குறிப்புகள் www.mozilla.com/ enUS/ firefox/customize/ என்ற தளத்தில் உள்ளன.

ஏற்கனவே உள்ள இத்தகைய கூடுதல் வசதி தரும் புரோகிராம்கள் இந்த புதிய பதிப்பிற்குச் சரிப்பட்டு வருமா என்ற சந்தேகமே உங்களுக்கு வேண்டாம். பயர்பாக்ஸ் 3 அவற்றைச் சோதித்துப் பார்த்துவிட்டுத்தான் ஏற்றுக் கொள்ளும்.
புதிய பதிப்பில் பாதுகாப்பு வசதிகள் மேலும் பலப்படுத்தப் பட்டுள்ளன. நம்மை அறியாமல் வந்தமரும் புரோகிராம்களைத் தடுப்பதற்கும் வைரஸ்க ளை அண்டவிடாமல் தடுத்து நமக்கு எச்சரிக்கை தருவதற்குமாய் பாதுகாப்பு வளையங்கள் ஏற்படுத்தப்பட்டுள்ளன. மேலும் இந்த தொகுப்பு ஓப்பன் சோர்ஸ் எனப்படும் திறந்த நிலை புரோகிராம் என்பதால் பயர்பாக்ஸ் பயன்படுத்தும் ஆயிரக்கணக்கான வாடிக்கையாளர்கள் வைரஸ் மற்றும் திருட்டு செயல்பாடுகளுக்கான புரோகிராம்களுக்கு எதிராகப் பல ஆட் ஆன் புரோகிராம்களைத் தந்து வருகின்றனர். லேரி என்ற பெயரில் ஒரு கற்பனைப் பாத்திரம் உருவாக்கப் பட்டுள்ளது. இவர் ஒரு பாஸ்போர்ட் ஆபீசராகப் பணியாற்றுகிறார். நீங்கள் தேடிப் புக இருக்கும் தளங்கள் நீங்கள் அமைத்துள்ள முகவரிக்குள்ளதுதானா அல்லது அந்த பெயரில் இயங்கும் போலியான, தீங்கு விளைவிக்கும் தளமா என்று சோதித்து அனுமதிக்கிறார்.

இந்த கற்பனைப் பாத்திரம் மற்றும் அவரின் செயல்பாடுகள் குறித்து அறிய http:// www.mozilla.com/ enUS/firefox/security/ identity/ என்னும் முகவரியில் உள்ள தளத்திற்குச் செல்லவும். இந்த தொகுப் பிற்கு ஆட்டோமேடிக் அப்டேட் வசதி உள்ளது. மொஸில்லா ஆறு அல்லது எட்டு வாரத்திற்கு ஒரு முறை இத்தொகுப்பினை அப்டேட் செய்வதற்கான பைல்களைத் தருகிறது. அத்துடன் இத்தொகுப்பின் பலவீனங்கள் தெரியும் போ தெல்லாம் அவற்றைச் சரி செய்து நிலைப்படுத்தும் புரோகிராம்கள் தரப்படும் என அறிவிக்கப்பட்டுள்ளது. இதுவரை பதிப்பு 2 பயன்படுத்தியவர்கள் இதனை டவுண்லோட் செய்து பயன்படுத்துங்கள். புதியதாக ஒரு பிரவுசரை இயக்கிப் பார்க்க விருப்பப் படுபவர்கள் இதனைப் பெற்று இயக்கலாம். இதன் வேகத்திலும் வசதியிலும் இழுக்கப் பட்டு வேறு தொகுப்புகளுக்குச் செல்ல மாட்டீர்கள் என்று பலர் இதற்கு வாக்களித்துள்ளனர். நீங்களும் சோதனை செய்து பாருங்களேன்.

Thursday, July 3, 2008

சிஸ்டம் டிப்ஸ்


மை கம்ப்யூட்டருக்கு புதிய வழி

நாம் எல்லாரும் அடிக்கடி பயன்படுத்தும் கம்ப்யூட்டர் பிரிவு மை கம்ப்யூட்டர் ஆகும். ஏனென்றால் இதன் மூலமே நாம் நம் ஹார்ட் டிஸ்க்கை அணுகுகிறோம். சிடி மற்றும் இயக்கி எடுக்கக் கூடிய பிளாஷ் டிரைவ்களையும் அணுகுகிறோம். மை கம்ப்யூட்டர் போல்டரைப் பெற டெஸ்க் டாப்பில் உள்ள அதன் ஐகானைக் கிளிக் செய்கிறோம்.

அல்லது இன்னும் சற்று சுற்று வழியாக ஸ்டார்ட் பட்டனில் ரைட் கிளிக் செய்து கிடைக்கும் மெனுவில் எக்ஸ்புளோர் சென்று பின் அதனைக் கிளிக் செய்து கிடைக்கும் விண்டோஸ் எக்ஸ்புளோரர் விண்டோவில் பெறுகிறோம். இந்த வேலையெல்லாம் வேண்டாம்; எனக்குத் திரை யிலேயே ஒரு மெனு வர வேண்டும்.

அதன் மூலம் மை கம்ப்யூட்டர் பெற வேண்டும் என விரும்புகிறீர்களா! அதற்கான வழியும் உள்ளது. நீங்கள் செய்ய வேண்டியது எல்லாம் ஸ்டார்ட் மெனு செல் லுங்கள். அங்கு கிடைக்கும் இரட்டை மெனுவில் வலது பக்கம் பார்வையைச் செலுத்துங்கள். அங்கு மை கம்ப்யூட்டர் என்று ஒரு பிரிவு இருக்கும். இதில் கிளிக் செய்தால் நேராக மை கம்ப்யூட்டர் போல்டருக்குச் செல்வீர்கள். இந்த மெனுவிலேயே மை மியூசிக், மை பிக்சர்ஸ், மை நெட்வொர்க் பிளேசஸ் என்ற போல்டர்களுக்கும் வழி இருப்பதனை நீங்கள் பார்க்கலாம்.

என்ன புரோகிராம் என்ற அறிவிப்பு

கம்ப்யூட்டரில் டூல்பார் அல்லது டெஸ்க்டாப்பில் ஐகான் மீது உங்களுடைய மவுஸ் கர்சரைக் கொண்டு சென்றால் உடனே புரோகிராம் பெயர் சிறிய மஞ்சள் கட்டத்தில் கிடைக்கும். சில புரோகிராம்களுக்கு நாம் மேலும் சில குறிப்புகளை எழுதி வைத்து நமக்கு நினைவூட்டும் படி செய்திடலாம். எடுத்துக் காட்டாக என்னிடம் பிராட்பேண்ட் இணைப்பு இருந்தாலும் அது காலை வாரிவிடும் பட்சத்தில் டெலிபோன் வழியே இணைப்பிற்கான வழியையும் ஏற்படுத்தி ஐகானை உருவாக்கி வைத்திருக்கிறேன். அதனைப் பயன்படுத்தும் முன் சிபியுவின் பின்புறம் இருந்து வரும் டெலிபோன் இணைப்பிற்கான கேபிளை டெலிபோனுடன் இணைக்க வேண்டும்.

இதனை அடிக்கடி மறந்து போவோம். எனவே இந்த புரோகிராம் ஐகான் மீது கிளிக் செய்திட கர்சரைக் கொண்டு சென்றவுடன் Fix the Telephone line first என்ற செய்தி வரும்படி அமைத்துக் கொண்டேன். இதே போல பல புரோகிராம்களுக்கு எச்சரிக்கை செய்தியினைப் போட்டு வைக்கலாம். இதனை ஏற்றுக் கொள்ளும் புரோகிராம்களை இயக் குகையில் நமக்கு ஒரு நினைவூட்டல் கிடைக்கும் அல்லவா! இதனை எப்படி ஏற்படுத்துவது எனப் பார்ப்போம்.

எந்த புரோகிராமிற்கு இந்த செய்தி இணைப்பு வேலை நடைபெற வேண்டுமோ அந்த புரோகிராமின் ஐகான் மீது கர்சரைக் கொண்டு செல்லவும். பின் ரைட் கிளிக் செய்தால் கிடைக்கும் மெனுவில் Properties என்பதைத் தேர்ந்தெடுக்கவும். பின்னர் கிடைக்கும் விண்டோவில் கீழாக Comment என்ற பிரிவில் உங்களுக்கு நினைவூட்ட வேண்டிய செய்தியை டைப் செய்து வைக்கவும். பின் ஓகே கிளிக் செய்து வெளியேறினால் அந்த ஐகான் மீது கர்சரைக் கொண்டு செல்லும் போதெல்லாம் அந்த செய்தி உங்களுக்குக் காட்டப்படும்.

பக்கங்களை வேகமாக நகர்த்த


உங்களிடம் ஸ்குரோலிங் வீல் உள்ள மவுஸ் உள்ளதா? அப்படியானால் இந்த டிப்ஸை அவசியம் நீங்கள் படிக்க வேண்டும். டாகுமெண்ட்டில் ஒரு இடத்தில் உள்ள நீங்கள் 12 பக்கங்கள் முன்னரோ பின்னரோ உள்ள இடத்திற்குச் செல்ல விரும்புகிறீர்கள்.

என்ன செய்கிறீர்கள்? வேகமாக பக்கம் தாண்டிச் செல்லும் முயற்சிகளில் ஈடுபடுகிறீர்கள். சைட் பாரில் உள்ள கட்டத்தினை அழுத்தி இழுக்கப் பார்க்கிறீர்கள். என்ன ஆகிறது? நீங்கள் எதிர்பார்த்த இடத்திற்கும் முன்னாலோ பின்னாலோ டாகுமெண்ட் செல்கிறது.

இங்கே தான் மவுஸின் ஸ்குரோல் வீல் நமக்கு உதவுகிறது. ஏதேனும் ஒரு இடத்தில் மவுஸை வைத்து அதன் வீலை அழுத்திப் பிடிக்கவும். இதை அழுத்தியவுடன் இரு அம்புக் குறிகள் கொண்ட பெரிய கர்சர் ஒன்று தெரியும். இப்போது வீலை அழுத்தியவாறே மவுஸை முன்புறம் லேசாகத் தள்ளினால் அந்த திசையில் டெக்ஸ்ட் நகரத் தொடங்கும். எதிர்த்திசையில் லேசாக இழுத்தால் உடனே டெக்ஸ்ட் சுழல்வது நிற்கும்.

பின் மீண்டும் எதிர்புறமாக இழுத்தால் டெக்ஸ்ட் வேகமாக நகரத் தொடங்கும். எந்த இடத்தில் டெக்ஸ்ட் வேண்டுமோ அங்கு மவுஸின் வீலை விட்டுவிட்டால் டெக்ஸ்ட் செல்வது நின்றுவிடும். இந்த ட்ரிக் அனைத்து புரோகிராம்களிலும் வேலை செய்யாது என்றாலும் பல இமெயில் புரோகிராம்களிலும், வேர்டிலும் மற்றும் சில இணைய தளங்களிலும் செயல்படுகிறது.

பைல் பிரிவியூ: அவசரமாக ஒரு பைலை தேடுகிறீர்கள். அது வேர்ட் டாகுமெண்ட் அல்லது பிரசன்டேஷன் பைலாக இருக்கலாம். ஆனால் என்ன பெயரில் பைலை சேவ் செய்தோம் என்று நினைவில் இல்லை. நாளும் நினைவில் இல்லை. என்ன செய்யலாம்? விண்டோஸ் எக்ஸ்புளோரரில் டைரக்டரியைத் திறந்து வைத்து சந்தேகப்படும் பைல்கள் ஒவ்வொன்றையும் திறந்து மூடி பின் அடுத்த பைலை திறந்து மூடி செயல்களை மேற்கொள்ள முடியுமா? எவ்வளவு சுற்றும் வேலை இது.

பைல் அருகில் கர்சரைக் கொண்டு சென்றாலே அதன் உள்ளே இருக்கும் விஷயங்களை சிறு போட்டோ போல காட்டும் வசதி இருந்தால் எவ்வளவு நல்லது. இருக்கிறது அந்த வசதி. பைல் பிரிவியூ என்று இதனை அழைக்கின்றனர். அதனை செட் செய்திடும் வழியைப் பார்ப்போம். முதலில் File மெனு சென்று அதில் Open விண்டோவினைத் திறக்கவும். இந்த விண்டோ கிடைத்தவுடன் நீங்கள் அதில் காட்டப்படும் பைல்களின் பட்டியலைத்தானே பார்க்கிறீர்கள். இப்போது அந்த விண்டோவின் வலது பக்க ஓரத்தில் பாருங்கள். அதில் Views என்று ஒரு பட்டன் இருக்கும்.

இதில் கிளிக் செய்து திறந்தால் நிறைய ஆப்ஷன்ஸ் கிடைக்கும். இதில் Preview என்பதில் கிளிக் செய்து கிடைக்கும் விண்டோவைப் பெறவும். இப்போது விண்டோ இரு பகுதியாகப் பிரிந்து காட்டப்படுவதனைப் பார்க்கலாம். ஒரு பக்கம் பைல் பட்டியலுடன் நீங்கள் தேர்ந்தெடுத்த பைலின் பெயர் தேர்ந்தெடுத்த நிலையில் இருக்கும். வலது பக்கம் உள்ள கட்டத்தில் அந்த பைலின் உள்ளே என்ன இருக்கிறது என்பது காட்டப் படும். இதன் முதல் பக்கம் தெரிந்தாலும் அருகே உள்ள அம்புக் குறியை அழுத்தி கீழே சென்று பைலில் உள்ளதைப் பார்க்கலாம்.

இதுதான் நீங்கள் தேடும் பைல் என்றால் உடனே அதனைக் கிளிக் செய்து திறந்து எடிட் செய்திடலாம்.இல்லை என்றால் கர்சரை பைல் பட் டியலில் அடுத்த பைலுக்கு எடுத்துச் செல்லுங்கள். அந்த பைலின் பிரிவியூ கிடைக்கும். இந்த தேடல் எளிதாகத் தெரி கிறதா? நேரம் மிச்சமாகிறதா! அப்படியே வைத்துக் கொள்ளுங்கள்.

சீரியல் நம்பர் டைப் செய்கிறீர்களா? புதியதாக சாப்ட்வேர் புரோகிராம் ஒன்றினை விலை கொடுத்து உங்களுடையதாக்கிக் கொண்டுள்ளீர்கள். இதனை கம்ப்யூட்டரில் பதியும் போது அல்லது முதல் முதலாகப் பயன்படுத்தும்போது வரிசை எண்ணை பதியும்படி அந்த புரோகிராம் கேட்கும். உடனே நம் லாக் கீ பேடிலிருந்து எண்களை டைப் செய்திடக் கூடாது. எழுத்துகளுக்கு மேலுள்ள கீகளிலிருந்துதான் டைப் செய்திட வேண்டும். ஏனென்றால் சில வேளைகளில் கீபேடில் உள்ள எண்களுக்கான கீகளை அழுத்துகையில் அதனை வேறு ஒன்றின் குறியீடாகக் கம்ப்யூட்டர் எடுத்துக் கொண்டு பதிவு செய்திடும் எண்ணை ஏற்றுக் கொள்ளாது.

இணைய தளத்திற்கான ஷார்ட் கட் : உங்களுக்குப் பிடித்த இணைய தளங்களுக்கு ஷார்ட் கட் ஐகான் இருந்து அவற்றைக் கிளிக் செய்தால் நேரடியாக நீங்கள் அந்த தளத்திற்குச் சென்றால் எப்படி இருக்கும்? அப்படிச் செய்ய முடியுமா?
முடியும். இன்டர்நெட் எக்ஸ்ப்ளோரர் தொகுப்பில் உங்களுக்குப் பிடித்த இணைய தளத்தைப் பார்க்கையில் தளத்தின் முகவரிக்கு அருகே சிறிய ஆங்கில எழுத்தான “e” இருக்கும் அல்லவா?

இப்போது உங்கள் பிரவுசர் விண்டோவைச் சிறியதாக்கி அதன் பின் அந்த சிறிய “e” எழுத்து உள்ள கட்டத்தை இழுத்து வந்து டெஸ்க்டாப்பில் உள்ள காலியிடத்தில் விட்டுவிட்டால் அதுதான் உங்களுக்குப் பிடித்த தளத்தின் ஷார்ட்கட். இந்த ஐகான்களின் மீது கிளிக் செய்தால் பிரவுசர் திறக்கப்பட்டு நீங்கள் தளத்திற்கு அழைத்துச் செல்லப்படுவீர்கள்.

கீ லாக்கர்களிடமிருந்து தப்பிக்க: கீ லாக்கர் என்பது நாம் டைப் செய்திடும் கீகள் என்ன என்னவென்று அப்படியே காப்பி செய்து பைலாக உருவாக்கித் தரும் சாப்ட்வேர் ஆகும். எனவே இந்த புரோகிராம் இருக்கும் ஒரு கம்ப்யூட்டரில் நாம் இன்டர் நெட் மற்றும் நிதி பரிவர்த் தனைகளை மேற்கொண்டால் நம்முடைய பாஸ்வேர்டுகள் மற்றவருக்குத் தெரிந்துவிடும் அல்லவா? இதிலிருந்து தப்பிக்க ஒரு வழி உள்ளது.

பாஸ்வேர்ட் டைப் செய்திடுகையில் இடையே பாஸ்வேர்டில் இல்லாத எழுத்துக்களையும் டைப் செய்து விடுங்கள். பின் மவுஸ் மூலம் அந்த தேவையற்ற எழுத்துக் களை நீக்கிவிடுங்கள். கீ லாக்கர் புரோகிராம்கள் டைப் அடிக்கும் கீகளை மட்டுமே நினைவில் கொள்ளும். இது போல தேவையற்ற கீகளை அழுத் துகையில் எடுத்துக் கொள்ளும்; ஆனால் அவற்றை மவுஸ் மூலம் அழிக்கையில் எடுத்துக் கொள்ளாது. எனவே நம் பாஸ் வேர்ட்களை மற்றவர்கள் இதன் மூலம் அறிந்து கொள்ள முடியாது.

பைலின் பாத் தெரிய: ஒரு பைல் எங்கு உள்ளது என்று கூற அதற்கான பாத் (path) சரியாகத் தரப்பட வேண்டும். இதனை எப்படி அமைப்பது? அல்லது பாத் –இன் முழு வழியை எப்படி எழுதுவது என்று தெரியாமல் பலர் இருக்கின்றனர். இதனை மிக எளிதாகக் கண்டு பிடிக்கலாம். ஸ்டார்ட் அழுத்தி பின் ரன் விண்டோவினைத் திறக்கவும்.

விண்டோஸ் எக்ஸ்புளோரரையும் திறந்து குறிப்பிட்ட பைலை மவுஸால் இழுத்து வந்து ரன் விண்டோவில் விடவும். பைல் அங்கேயேதான் இருக்கும். ஆனால் பைலின் பெயர் முழு path உடன் காட்டப்படும். இதனை அப்படியே காப்பி செய்து எங்கு பைல் குறித்து பாத் காட்ட வேண்டுமோ அங்கு பேஸ்ட் செய்துவிடலாம்.

வேர்ட் - தெரிந்ததும் தெரியாததும்...!


* வேர்டில் ஒரு டாகுமெண்ட் பைலில் ஒரு சொல் எங்கிருக்கிறது என்று தேடிக் கொண்டிருக் கிறீர்களா? தொடர்ந்து அதே சொல்லைத் தேட Find and Replace விண்டோவினை திறந்தே வைத்திருக்க வேண்டியதில்லை. ஜஸ்ட் ShiftF4 அழுத்தினால் போதும். தொடர்ந்து அந்த சொல் தேடப்பட்டு முடிவுகள் உங்களுக்குக் கிடைக்கும்.

* டாகுமெண்ட் ஒன்ற எடிட் செய்கையில் Format | Change Case பயன்படுத்தி எழுத்துக்களின் தன்மையை மாற்றுகிறீர்களா! இந்த டயலாக் பாக்ஸில் உங்களுக்கு ஐந்து ஆப்ஷன்ஸ் கிடைக்கும். இருந்தும் உங்களுக்குப் பயன்படுவது uppercase, lowercase மற்றும் title case என்ற மூன்று தான். இதனை ShiftF3 என்ற கீகளை அழுத்துவதன் மூலம் பெறலாம்.

* வேர்ட் டாகுமென்ட் ஒன்றில் எத்தனை சொற்களை நீங்கள் அமைத்திருக்கிறீர்கள் என்று தெரியவேண்டுமா? தொடர்ந்து அவ்வப் போது இதனை செக் செய் திட வேண்டுமா? இதற்கு View | Toolbars என்று சென்று அதில் Word Count என்ப தனைத் தேர்ந்தெடுக்கவும். இந்த டூல்பாரை அப்படியே மவுஸால் அழுத்திப் பிடித்து ஏற் கனவே இருக்கும் டூல்பாரின் வலது பக்கத் திற்குக் கொண்டு சென்று உங்கள் திரையின் மேலாக விட்டுவிடவும். வேர்ட் கவுண்ட் டூல் பார் அங்கேயே இருக்கும்.

எத்தனை சொற்களை நீங்கள் பயன்படுத்தி இருக்கிறீர்கள் என்று காட்டும் விண்டோவினை யும் நீங்கள் உங்களுக்குத் தேவையான அளவிற்கு மாற்றலாம். இதற்கு Tools | Customize | Toolbars என்று சென்று கிடைக்கும் விண்டோவை மாற்றி அமைத்துக் கொள்ளலாம். கஸ்டமைஸ் டயலாக் பாக்ஸில் இருக்கும் போது அளவை மாற்றும் பணியை மேற் கொள்ளலாம். இனி எப்போது சொற்களின் எண்ணிக்கை தெரியவேண்டும் என்றாலும் டூல்பாரில் உள்ள Recount பட்டனில் கிளிக் செய்து கிடைக்கும் விண்டோவில் தெரிந்து கொள்ளலாம்.

* வேர்டில் டேஷ் கோடு மூன்றை டைப் செய்தால் வேர்ட் உடனே அதனை பெரிய திக்கான கோடாக மாற்றி விடும். இதனை நீக்கும் வழியும் உடனே கிடைக்காது. இந்த செயல்பாடு வேர்ட் புரோகிராமில் பதியப்படும் போதே அமைக்கப்பட்டு விடுகிறது. இதனை நீக்க Format | Borders and Shading என்று செல்லவும். பின் Borders டேப்பில் கிளிக் செய்து None என்பதைத் தேர்ந்தெடுத்து ஓகே கிளிக் செய்து வெளியே வரவும்.

* வேர்ட் சில பார்மட்டிங் பணிகளைத் தானாக மேற் கொள்ளும். இவற்றில் மிகவும் பயனுள்ள பணி + மற்றும் –– (ப்ளஸ் மற்றும் ஹைபன்) அடையாளங் களை பயன்படுத்தி டேபிள் களை உருவாக்குவதுதான். ஒரு + அடையாளத்தை டைப் செய்து பின் சில ஹைபன் அடையாளத்தை டைப் செய்திடுங்கள்.

மீண்டும் + அடையாளம் டைப் செய்து மீண்டும் ஹைபன் அடை யாளங்களை அமைத்திடுங்கள். பின் என்டர் தட்டினால் டேபிள் ரெடி. பின் இதனை வழக்கம்போல் டேபிளில் என்ன மாற்றங்கள் மற்றும் டேட்டாவை அமைப்பீர் களோ அதே போல் அமைத்துக் கொள்ளலம்.

* வேர்ட் ஸ்ப்ரட் ஷீட் அல்ல. ஆனாலும் சில எளிய கணக்குகளை உங்களுக்காக மேற்கொண்டு விடைகளைத் தரும். அவை என்னவென்று பார்ப்போமா!
முதலில் டேபிளில் தேவையான செல்களை அமைத்துக் கொள்ளுங்கள். ஒரு படுக்கை வரிசையில் உள்ள எண்களை கூட்டித் தெரிய வேண்டும் என வைத்துக் கொள்வோம். வரிசையாக எண்களை அமைத்துக் கொள் ளுங்கள். வலது பக்கம் உள்ள செல்லைக் காலியாக விடுங்கள். இப்போது அந்த காலியாக உள்ள செல்லில் கிளிக் செய்திடுங்கள். பின் Table | Formula தேர்ந்தெடுக்கவும். வேர்ட் உங்களுக்குத் தரும் ஆப்ஷன்களில் =SUM(LEFT) என்று இருக்கும். இதனைத் தேர்ந்தெடுத்தால் கூட்டல் ரெடி.

சரி, நெட்டு வரிசையில் உள்ள எண்களைக் கூட்ட வேண்டுமா? வரிசையாக எண்களை அமைத்து பின் கீழாக உள்ள செல்லைக் காலியாக வைத்துக் கொண்டு அதில் கிளிக் செய்து பின் Table | Formula தேர்ந்தெடுக்கவும். இப்போது கிடைக்கும் ஆப்ஷன்களில் =SUM(ABOVE) என்பதனைத் தேர்ந்தெடுத்தால் விடை ரெடி. சில வேளைகளில் மேலே உள்ள எண்களை மாற்றலாம். அப்போது மீண்டும் விடை உள்ள செல்லில் கர்சரைக் கொண்டு சென்று F9. அழுத்தவும். அப்டேட்டட் டோட்டல் கிடைக்கும்.

இதோ சில நினைவில் வைக்க வேண்டிய ஷார்ட் கட் கீகள்


ShiftF3: இந்த கீகளை அழுத்தினால் தேர்ந்தெடுக்கப்பட்ட சொற்களில் lowercase, initial capitals, and uppercase என மாற்றங்களை மேற்கொள்ள முடியும்.


F4: நீங்கள் மேற்கொண்ட கடைசி வேலையை மீண்டும் ஏற்படுத்தும். இது எதுவாக வேண்டுமானலும் இருக்கலாம். தேடுதல், டைப் செய்தல், பார்மட் செய்தல் என எந்த பணியாக இருந்தாலும் அது மீண்டும் மேற்கொள்ளப்படும்.


ShiftF4: இறுதியாக மேற்கொண்ட (Find) சொல் தேடும் பணி மீண்டும் மேற்கொள்ளப்படும்.


ShiftF5: கடைசியாக மாற்றங்கள் ஏற்படுத்திய இடத்திற்கு நீங்கள் எடுத்துச் செல்லப்படுவீர்கள். இது பைலை மூடித் திறந்தாலும் மேற்கொள்ளப்படும். எடுத்துக் காட்டாக ஒரு டாகுமென்ட் பைலின் 73 ஆவது பக்கத்தில் சிறிய மாற்றம் ஒன்றை மேற்கொண்டு பின் பைலை மூடிவிடுகிறீர்கள். பின் சில நாட்கள் கழித்து அதனைத் திறக்கிறீர்கள். எதுவரை திருத்தங்கள் மேற்கொண்டோம் என்று தெரியவில்லை. கவலையே வேண்டாம். ShiftF5 கீகளை அழுத்தினால் போதும். கர்சர் நீங்கள் பைலை மூடிய இடத்தில் நிற்கும்.


CtrlF6: திறந்திருக்கும் டாகுமெண்ட்களிடையே செல்ல இந்த கீகள் பயன்படும்.


F7: ஸ்பெல் செக்கர் திறக்கப்படும்.


F12: Save அண் டயலாக் பாக்ஸ் திறக்கப்படும்

வேர்ட் வீட்டில் பர்னிச்சர் மாற்றலாமா!


வேர்ட் தொகுப்பில் மேலாக மெனு பட்டன்கள் பைல் என்பதில் தொடங்கி வரிசையாக அதற்கான ஐகான்களுடன் அமைந்திருப்பதனை நாள்தோறும் பார்த்து பழகி பயன்படுத்தி வருகிறீர்கள். சில வேளைகளில் இந்த குறிப்பிட்ட டூல் பார் பட்டன் இதன் பக்கத்திலேயே இருந்தால் நன்றாக இருக்குமே ! என்று எண்ணியிருக்கலாம்.

குறிப்பாக நீங்கள் அடிக்கடி எழுத்துவகையை மாற்றி அமைப்பவர் என்றால் பாண்ட், அளவு ஆகிய விண்டோக்களை வேறு ஒரு மெனுவிற்கு அருகில் அமைத்திருக்கலாமே என்று எண்ணுகிறீர்களா! அல்லது இன்ஸெர்ட் பக்கத்தில் பார்மட் இருந்தால் நன்றாக இருக்குமே என்று விரும்புகிறீர்களா! இவ்வாறு வேர்ட் வீட்டில் உங்கள் பர்னிச்சர்களை இடம் மாற்ற திட்டமிடுகிறீர்களா! நீங்கள் விரும்பும்படி செய்திடத்தானே கம்ப்யூட்டர் இருக்கிறது.

முதலில் Alt கீயை அழுத்திப் பிடித்துக் கொள்ளுங்கள். இனி நீங்கள் இடம் மாற்ற விரும்பும் மெனு பட்டனை உங்கள் மவுஸால் கிளிக் செய்து அப்படியே இழுத்து நீங்கள் விரும்பும் புதிய இடத்திற்குச் செல்லுங்கள். அப்போது பாய்ண்ட்டர் ஒரு செங்குத்து பாராக மாறி இருப்பதனைப் பார்ப்பீர்கள். புதிய இடத்திற்குச் சென்றவுடன் மவுஸை விட்டுவிடுங்கள். நீங்கள் விரும்பிய வகையில் வேர்ட் வீட்டில் பர்னிச்சர் மாறி இருப்பதனைப் பார்ப்பீர்கள்.

பிரிண்ட் லே அவுட்டில் டெக்ஸ்ட் ஓட்டம்


வேர்ட் தொகுப்பு பயன்படுத்துபவர்கள் வேர்ட் தரும் வியூவில் தங்களுக்கென ஒரு வியூவினைத் தங்கள் பேவரிட் வியூவாகக் கொண்டு செயல்படுவார்கள். மற்ற வியூ குறித்து என்ன சொன்னாலும் இதுதான் எனக்கேற்றது என்று அதனையே பயன்படுத் துவார்கள். நார்மல்வியூ, பிரிண்ட் லே அவுட் வியூ, வெப் லே அவுட் வியூ என இந்த வியூக்களில் நீங்கள் பிரிண்ட் லே அவுட் வியூ பயன்படுத்துகிறீர்களா! உங்களுக்கும் மற்றவர் களுக்கும் இந்த குறிப்பு பயன்படும். பிரிண்ட் லே அவுட் வியூவைப் பொறுத்த வரை நீங்கள் என்ன பார்க்கிறீர்களோ அந்த வியூதான் பிரிண்ட் எடுக்கையில் கிடைக்கும்.

இதையே ஆங்கிலத்தில் ”What you see is what you get,” என்று கூறுவார்கள். இந்த தன்மைக் காகவே இந்த வியூவினைப் பெரும்பான்மை யானவர்கள் பயன்படுத்து கின்றனர். எந்த காரணத்திற்காக நீங்கள் இதனை விரும்பினாலும் இந்த வியூ சில சிறப்பம் சங்களைக் கொண்டுள்ளது. இதன் மூலம் நம் டெக்ஸ்ட் எப்படி டாகுமெண்ட் வழியே சென்று அமைகிறது என்று இதன் மூலம் கண்காணிக்கலாம். டேபிள்கள் உடைகின் றனவா? ஒரே கருத்தைக் கூறும் பாராக்கள் பிரிகின்றனவா? என்று பார்த்து நாம் அதற்கேற்ப டாகுமெண்ட்டை அமைத்திட முடியும். இன்னொரு வகை வியூவிற்குச் செல்ல வேண்டும் என எண்ணினால் என்ன செய்கிறீர்கள். ஒரு வகை வியூவிலிருந்து இன்னொன்றுக்கு மாறுவது என்பதுவும் எளிதுதான். திரையின் கீழாக இடது ஓரத்தில் உள்ள வியூ கட்டங்களில் தேவையான கட்டத்தின் மீது கிளிக் செய்தால் போதும்.

ஆனால் பிரிண்ட் லே அவுட் வியூவிலேயே இந்த வசதி உள்ளது. மேலே மற்றும் கீழே உள்ள மார்ஜின் இடத்தை திருத்தி அமைத்து பிற வியூவகையிலும் காணலாம். இதற்கு உங் களுடைய கர்சரை மெதுவாக இரு பக்கங் களைப் பிரிக்கும் கோட்டின் அருகே கொண்டு செல்லவும். ஒரு இடத்தில் கர்சர் இரு புறம் காட்டும் அம்புக் குறியாக மாறும். அப்போது சிறிய செய்தி ஒன்று கிடைக்கும். அதில் “Hide White Space” எனத் தரப்பட் டிருக்கும். வேர்ட் 2007ல் “Double Click to Hide White Space” என்று கிடைக்கும். இந்த இரண்டு அம்பு கர்சர் இருக்கையில் கிளிக் செய்திடவும். மந்திரம் போட்டது மாதிரி பக்கங்களுக் கிடையே ஒரு கெட்டியான கோடு ஒன்று கிடைக்கும். இப்போது மேலே கீழே பார்த்தால் அங்கு உள்ள மார்ஜின் ஸ்பேஸ் நீக்கப்பட்டிருக் கும். மீண்டும் மார்ஜின் வேண்டுமா? கவலைப் படாதீர்கள். கருப்பாகச் செல்லும் கோட்டில் மீண்டும் கர்சரைக் கொண்டு செல்லுங்கள்.

அப்போது “Show White Space” என்று செய்தி கிடைக்கும். இப்போது கிடைக்கும் இரண்டு அம்புக்குறியைக் கவனித்தீர்கள் என்றால் அவை வெளிப்புறமாக திசை காட்டும் வகையில் இருக்கும். இங்கு ஒரு கிளிக் செய்தால் மீண்டும் உங்கள் டாகுமெண்ட் பிரிண்ட் லே அவுட் வியூவிற்குச் செல்லும்.

முதல் 22 எக்ஸ் வேக டிவிடி ட்ரைவ்


இந்திய எலக்ட் ரானிக் சந்தையில் அதிக வேகத்துடன் இயங்கக் கூடிய முதல் டிவிடி ட்ரைவினை சாம்சங் நிறுவனம் அண்மையில் வெளியிட்டுள்ளது. எஸ்.எச்.–எஸ் 223 என்ற பெயரில் வெளியாகியுள்ள இந்த டிரைவ் பல்வேறு பார்மட்டுகளில் வேகங்களில் தகவலைப் பதியும் திறனுடையது.

அவை: 22 எக்ஸ் டிவிடி + மைனஸ் ஆர் ரெகார்டிங், 12 எக்ஸ் டிவிடி ராம் ரெகார்டிங், 16 எக்ஸ் டிவிடி + ஆர் டூயல் லேயர் ரெகார்டிங், 12 எக்ஸ் டிவிடி மைனஸ் ஆர் டூயல் லேயர் ரெகார்டிங், 8 எக்ஸ் டிவிடி + ஆர் டபிள்யூ ரெகார்டிங் மற்றுக் 6 எக்ஸ் டிவிடி மைனஸ் ஆர் டபிள்யூ ரெகார்டிங். இதன் மூலம் இதனைப் பயன்படுத்தி 4.7 கிகாபைட் தகவல்களை 4 நிமிடம் 26 விநாடிகளில் டிவிடி + ஆர் மைனஸ் டிஸ்க்கில் பதிந்து விடலாம்.

இதே போல பல்வேறு வகை வேகத்தில் மிக வேகமாகப் பதிந்து தரும் தன்மையுடன் இந்த டிவிடி ரைட்டர் இயங்குகிறது. இது சடா (SATA) இன்டர்பேஸுடன் இணைந்து செயல்படுகிறது. இந்த டிரைவில் சாம்சங் நிறுவனத்தின் நிறுவன சாப்ட்வேர் தரப்படுகிறது. இதன் மூலம் சாம்சங் வழங்கும் புதிய வசதிகளை டவுண்லோட் செய்து அப்டேட் செய்து பயன்படுத்திக் கொள்ளலாம். இந்த டிரைவின் மார்க்கட் விலை ரூ. 1,700.

திறக்க முடியாத பைல்கள்

தான் பயன்படுத்தி வந்த கம்ப்யூட்டர் சிறிது சிறிதாகப் பிரச்னை கொடுத்துப் பின் மொத்தமாய் செயல் இழந்து முடங்கிப் போனதால் புதிய கம்ப்யூட்டருக்கு மாறிய ஒரு வாசகர் தன்னால் பழைய இரு வகை பைல்களை புதிய கம்ப்யூட்டருக்கு மாறிய பின் திறக்க முடியவில்லை என எழுதியுள்ளார். அந்த பைல்கள் .odt மற்றும் .ods என துணைப் பெயருடன் உள்ளதாகக் குறிப்பிட்டுள்ளார். இந்த இரண்டு பைல்களையும் திறக்க ஓப்பன் ஆபீஸ் என்னும் புரோகிராம் வேண்டும். இது இல்லாததால் இவற்றைத் திறக்க முடியவில்லை.

இந்த ஆபீஸ் புரோகிராம் இலவசமாக http://download.openoffice.org என்ற முகவரியில் உள்ள இணைய தளத்தில் கிடைக்கிறது. புதிய கம்ப்யூட்டரில் ஆபீஸ் 2000 அல்லது ஆபீஸ் 2003 அல்லது எக்ஸ்பி இன்ஸ்டால் செய்திருந்தால் இவற்றிலும் மேலே சொன்ன வகை பைல்களைத் திறந்து பயன்படுத்தலாம். ஆனால் அதற்கு ஒரு ப்ளக்–இன் பைல் சேர்க்கப்பட வேண்டும். இந்த ப்ளக் இன் புரோகிராமினை www.sun.com/software/star/odf_plugin/index.jsp என்ற முகவரியில் உள்ள தளத்தில் டவுண்லோட் செய்து கொள்ளலாம். இலவசம் தான். ஆனால் இந்த ப்ளக் இன் புரோகிராம் ஆபீஸ் 2007 தொகுப்புடன் இணைந்து செயலாற்றாது.

சிஸ்டம் ரெஸ்டோர் சில குறிப்புகள்


கம்ப்யூட்டர் கிராஷ் ஆனால் அல்லது ஒரு சில செயல்பாடுகளுக்கென முடங்கிப் போனால் சிஸ்டத்தில் அதற்கு முன் பதிந்த புரோகிராம்களை அல்லது மேற்கொண்ட மாற்றங்களை எண்ணிப் பார்த்து அவை ஒவ்வொன்றும் காரணமாக இருக்க முடியுமா என்று எண்ணிப் பார்த்துச் செயல்படுங்கள் என்ற குறிப்பு முன்பு தரப்பட்டது.

சில வாசகர்கள் தாங்கள் உருவாக்கியா டாகுமெண்ட்கள் மற்றும் எக்ஸெல் ஒர்க் புக்குகளில் மேற்கொண்ட மாற்றங்கள் குறித்து எழுதி இதனால் இருக்குமோ என்று கேட்டுள்ளனர். கிராஷ் ஆவதற்கான காரணங்கள் எனக் குறிப்பிட்டது சிஸ்டத்திற்கனா பைல்களைத்தான்.

அதாவது புதியதாக சிறிய ப்ளக் இன் புரோகிராம்களை நீங்கள் இணையத்திலிருந்து இறக்கி இருக்கலாம். அல்லது இணையத்தில் உலா வருகையில் உங்களுடைய விண் ஆம்ப் புரோகிராமிற்கு புதிய ஸ்கின் ஒன்று வேண்டுமா? விண் ஆம்ப் நிறுவன தளத்தில் கிடைக்கிறது என்று செய்தி பார்த்து அது என்ன என்று யோசிக்காமல் அதனை கிளிக் செய்திருக்கலாம். ஆனால் அது உங்களை மாட்ட வைத்து வைரஸைப் பரப்பும் ஒரு வழி என்று பின்னர் தான் தெரிய வரும். இது போன்ற சிஸ்டம் சார்ந்த புரோகிராம்களைத்தான் குறிப்பிடப்பட்டிருந்தது.

இவ்வாறு சிஸ்டம் சார்ந்த செயல்பாடுகளை மேற்கொள்கையில் கம்ப்யூட் டர் தன் ரெஸ்டோர் புரோகிராமில் அதற்கான நாளைக் குறித்து வைத்துக் கொள்ளும். எனவே நீங்கள் இன்ஸ்டால் செய்த குறிப்பிட்ட புரோகிராம் தான் அல்லது மாற்றம் அல்லது மேம்படுத்திய புரோகிராம் தான் என்று நீங்கள் எண்ணினால் அந்த நாளைக் குறித்துக் கொண்டு ரெஸ்டோர் வசதியைக் கையாளலாம். சிஸ்டம் ரெஸ்டோர் வசதியின் மூலம் உங்கள் கம்ப்யூட்டரை அந்த குறிப்பிட்ட நாளில் எப்படி இருந்ததோ அந்நிலைக்கு கொண்டு செல்லலாம். இன்ஸ்டால் செய்த அனைத்து புரோகிராம்களும் அதனால் ஏற்பட்ட விளைவுகளும் நீக்கப்படும். வைரஸ் ஏற்படுத்திய மாறுதல்களும் நீக்கப்படும். இதனால் கப்யூட்டர் பழைய நிலைக்கு வரும். ஆனால் இடைக்காலத்தில் நீங்கள் ஏற்படுத்திய டாகுமெண்ட்கள், பைல்கள், இமெயில் கடிதங்கள் எதுவும் மாற்றப்பட மாட்டாது.

சிஸ்டம் ரெஸ்டோர் கொண்டுவர Start, All Programs, Accessories, System Tools சென்று System Restore என்பதில் கிளிக் செய்திடவும். இதனைச் செயல்படுத்துமுன் இயங்கும் அனைத்து புரோகிராம்களையும் நிறுத்திவிட வேண்டும். ஆண்டி வைரஸ் புரோகிராம்களின் இயக்கத்தினையும் மூடிவிட வேண்டும். நீங்கள் தயாரானவுடன் “Restore my computer to an earlier time என்ற இடத்தில் கிளிக் செய்திட வும். பின் Next என்பதில் கிளிக் செய்க. இப்போது மாதக் காலண்டர் படம் கிடைக்கும். அதில் எந்த தேதிகளில் நீங்கள் மாற்றங்கள் மேற்கொண்டீர்களோ அவை எல்லாம் போல்டாக அழுத்தமான எண்ணுடன் காட்டப்படும்.

நீங்கள் ஏற்கனவே முடிவு செய்திருந்த தேதியினைத் தேர்ந்தெடுத்து அதில் கிளிக் செய்திடவும். பின் ரெஸ்டோர் செயல்பாடு மேற்கொள்ளப்பட்டு உங்கள் கம்ப்யூட்டர் ரீஸ்டார்ட் செய்யப்படும். குறிப்பிட்ட நாளில் கம்ப்யூட்டர் எப்படி இருந்ததோ அந்நிலைக்கு கம்ப்யூட்டர் சென்று விடும். வைரஸ் பாதிப்பு இருந்தால் மட்டுமே ரெஸ்டோர் பயன்படுத்த வேண்டும் என்ப தில்லை. சில புரோகிராம்களை நாம் இன்ஸ் டால் செய்த பின்னர் அந்த மாற்றங்களினால் வேறு சில விளைவுகள் ஏற்படலாம். அல்லது அந்த புரோகிராமினைத் தொடர்ந்து பயன்படுத்த விலை கொடுக்க வேண்டி வரலாம். ஒருவர் தான் பயன்படுத்தி வந்த இமெயில் கிளையண்ட் புரோகிராம் ஒன்றுக்கு அப்டேட் பைல் ஒன்றை விளம்பரம் மூலம் பெற்று அப்டேட் செய்தார்.

பின் அதனை இயக்குகையில் அந்த புரோகிராம் ஒரு வாரம் தான் இயங்கும் என்றும் அதன்பின் இணையதளம் சென்று பணம் கட்ட வேண்டும் என்ற அறிவிப்பு கிடைத்தது. உடனே பழைய நிலையே போதும் என்று முடிவு செய்த போது பழைய நிலைக்கான இன்ஸ்டலேஷன் பைல் கிடைக்கவில்லை. அப்போது இந்த ரெஸ்டோர் வசதியைப் பயன்படுத்த பழைய நிலைக்குச் சென்றார். விண்டோஸ் எக்ஸ்பி இவ்வாறு புதிய புரோகிராம்களை இன்ஸ்டால் செய்திடுகையில் தானாக ரெஸ்டோர் பாய்ண்ட்டுகளை ஏற்படுத்திக் கொள்கிறது. இருப்பினும் நாமாக இது போன்ற புதிய மாற்றங்களை ஏற்படுத்துகையில் ரெஸ்டோர் பாய்ண்ட்டு களை ஏற்படுத்துவதும் நல்லது.

இதற்கு ரெஸ்டோர் விண்டோவில் முதல் ஸ்கிரீனில் “Create a Restore Point” என்ற இடத்தில் கிளிக் செய்திட வேண்டும். அதன்பின் Next என்பதில் கிளிக் செய்து அந்த ரெஸ்டோர் பாய்ண்ட்டுக்கு ஒரு பெயர் கொடுத்து அதன்பின் Create என்பதில் கிளிக் செய்து முடிக்கலாம். அந்த புதிய பாய்ண்ட் அன்றைய தேதி மற்றும் நேரத்துடன் அமைக்கப்படும். ரெஸ்டோர் பாய்ண்ட் பயன்படுத்த எளிது. சிஸ்டத்தில் மாற்றங்கள் ஏற்படுகிறதே என்று தயங்க வேண்டாம். கம்ப்யூட்டரில் ஏற்படும் பல தேவையற்ற மாற்றங்களிலிருந்து நம்மைக் காப்பாற்றும் நல்ல வசதி இது. எனவே இதனை தயக்கமின்றிப் பயன்படுத்துங்கள்.

ஸ்கிரீன் சேவருக்கு பாஸ்வேர்ட் செட் செய்யலாமா?


ஸ்கிரின் சேவருக்கு பாஸ்வேர்ட் எப்படி செட் செய்வது? எதற்காக செட் செய்திட வேண்டும்? என்ற கேள்வி உங்கள் மனதில் எழுகின்றது. இதனைப் பல வாசகர்கள் கேட்டுள்ளதால் இங்கு அதற்கான தகவல்களைத் தந்துவிடு வோம்.

இது மிகவும் எளிய ஒரு வேலைதான். முதலில் ஸ்டார்ட் கிளிக் செய்து கண்ட்ரோல் பேனல் தேர்ந்தெடுத்து இயக்கத்திற்குக் கொண்டு வரவும்.

இங்கு டிஸ்பிளே ஐகானைக் கண்டு பிடித்து கிளிக் செய்திடுங்கள். (விண்டோஸ் எக்ஸ்பி பயன்படுத்துபவராக இருந்தால் கண்ட்ரோல் பேனல் கிளாசிக் வியூவில் இருப்பதனை உறுதி செய்திடல் வேண்டும். அப்போது தான் டிஸ்பிளே ஐகான் பார்ப்பதற்கும் பயன்படுத்துவதற்கும் கிடைக்கும். கிளாசிக் வியூ அமைத்திட கண்ட்ரோல் பேனலின் இடது பக்கம் இருக்கும் பிரிவில் அதற்கான லிங்க் கொடுக்கப்பட்டிருக்கும். அதனை கிளிக் செய்தால் போதும்) இனி உங்கள் முன் இருக்கும் விண்டோவில் ஸ்கிரீன் சேவர் என்ற டேபை அழுத்தவும்.

இதில் நீங்கள் பயன்படுத்த விரும்பும் ஸ்கிரீன் சேவரைத் தேர்ந்தெடுக்கவும். அப்போதே நீங்கள் எவ்வளவு நேர அவகாசத்தில் கம்ப்யூட்டரில் பணி ஏதும் இல்லை என்றால் ஸ்கிரீன் சேவர் தோன்ற வேண்டும் என்பதனையும் அங்கு செட் செய்திடலாம். நீங்கள் விண்டோஸ் 95, 98, ME, NT அல்லது 2000 பயன்படுத்துபவராக இருந்தால் “Password protected” என்று இருக்கும் கட்டத்தில் டிக் அடையாளத்தை ஏற்படுத்தவும்.

பின் ஸ்கிரீன் சேவருக்கென ஒரு பாஸ்வேர்டை அமைக்கவும். ஏற்கனவே அமைத்திருந்தால் அருகே உள்ள பட்டனைக் கிளிக் செய்து பாஸ்வேர்டை மாற்றலாம். நீங்கள் விண்டோஸ் எக்ஸ்பி பயன்படுத்துபவ ராக இருந்தால் நீங்கள் லாக் இன் ஸ்கிரீனில் என்ன பாஸ்வேர்ட் பயன்படுத்தி உள்ளே நுழைந்தீர்களோ அதனையே பயன்படுத்தலாம். ஆனால் அதுபோல எந்த பாஸ் வேர்டும் தராமல் விண்டோஸ் இயக் கத்தைப் பயன்படுத் தும் பழக்கம் உடையவராக இருந்தால் பாஸ்வேர்ட் ஒன்றை உருவாக்க வேண் டும்.

அவ்வாறு அமைத்த பின் மீண்டும் டிஸ்பிளே ஐகான் சென்று ஸ்கிரீன் சேவர் டேபை அழுத்தி அங்கு “On resume, display Welcome screen” என்று இருக்கும் இடத்தில் டிக் அடையாளம் ஏற்படுத்தவும். இந்த ஏற்பாடுகளைச் செய்துவிட்டால் நீங்கள் குறிப்பிட்ட நேரம் எந்த பணியும் மேற்கொள்ளாமல் கம்ப்யூட்டரை வைத்திருந்தால் ஸ்கிரீன் சேவர் தோன்றும். பின் அதற்கு பாஸ்வேர்ட் கொடுத்தால் தான் உள்ளே நுழைய முடியும். இதுவும் ஒரு பாதுகாப்பு வழிதான்.

Wednesday, July 2, 2008

இ மெயில் கடிதங்களை அழகாக அமைத்திட இமெயில் ஸ்டேஷனரி


இமெயில் கடிதங்களை மிகவும் அழகாகவும் படங்கள் நிறைந்ததாகவும் அமைத்திட அவுட்லுக் மற்றும் தண்டர் பேர்ட் போன்ற இமெயில் கிளையண்ட் புரோகிராம்கள் பல வசதிகளை நமக்கு அளித்துள்ளன. இதைப் பார்த்து பயன்படுத் திய சிலர் ஏன் நாம் எடுத்த போட்டோக்களை அல்லது ரசித்த படங்களைப் பயன்படுத்தக் கூடாது என்ற வினாவினை எழுப்புகின்றனர்.

ஏனென்றால் அவ்வாறு நாம் விரும்பும் படங்களை அமைக்கும்போது மெயில்கள் இன்னும் பெர்சனலாகத் தோற்றம் அளிக்கும். எடுத்துக் காட்டாக அவுட்லுக் எக்ஸ்பிரஸ் புரோகிராமில் சூரிய காந்தி பூ ஒன்று அழகாகத் தரப்படுகிறது. எனக்கு வந்த இன்னொரு மெயிலில் என் நண்பன் அதே போன்ற மிக அழகான மலரின் படம் ஒன்றை ஸ்டேஷனரியில் அமைத்து அனுப்பி இருந்தான். வேறு ஒரு நண்பர் தன் மெயிலில் உள்ள செய்திகளுகேற்ப படங்களைத் தேடி எடுத்து எடிட் செய்து அனுப்புகிறார். இவர்களின் செயலைப் பார்க்கும் போது நாம் தயாரிக்கும் படங்களை அழகாக இணைக்கலாம் என்று தோன்றியது. அதற்கான வழிகளையும் பார்க்க நேரிட்டது. இதோ அவை உங்களுக்காக. முதலில் நீங்கள் விரும்பும் படத்தை ஒரு பைலாக கம்ப்யூட் டரில் வைத்திருக்க வேண்டும்.

இதனை நீங்கள் எடுத்த டிஜிட்டல் கேமரா விலிருந்தும் பிளாஷ் டிரைவிலிருந்தும் மாற்றலாம். எப்படி இருந்தாலும் அதனை ஒரு டிஜிட்டல் பைலாக உங்கள் கம்ப்யூட்டரில் பதிந்து வைத்திட வேண்டும். அப்போது தான் அதனை இமெயில் ஸ்டேஷனரியில் பயன்படுத்த முடியும். இதை முடித்த பின் உங்கள் இமெயில் புரோகிராமினைத் திறக்கவும். கீழே தரப்படும் குறிப்புகள் தண்டர்பேர்ட், அவுட்லுக் எக்ஸ்பிரஸ் மற்றும் எம் எஸ் அவுட்லுக் ஆகியவற்றிற் கானது. யாஹூ மற்றும் ஹாட் மெயில் போன்ற வெப் அடிப்படையிலான இமெயில் புரோகிராம் கள் இது போன்ற ஸ்டேஷனரி வசதிகளைத் தருவதில்லை. ஓகே! இங்கு குறிப்புகளைப் பார்ப்போம்.

அவுட்லுக் எக்ஸ்பிரஸ்ஸில் Tools, Options சென்று Compose டேபைக் கிளிக் செய்திடவும். அடுத்து Create New என்ற பட்டனைக் கிளிக் செய்திடவும். இப்போது “New Stationery” என்ற விஸார்ட் மேலெழுந்து வரும். உடனே Next என்பதில் கிளிக் செய்திடுக. அப்படியே அதனைத் தொடர்ந்து கிளிக் செய்து கொண்டே போகவும்.

அப்போது உங்களுடைய படங்களை நீங்கள் தேர்ந்தெடுக்கும் வாய்ப்பு கிடைக்கும். தேர்ந்தெடுத்து வைத்துக் கொள்ளுங்கள். ஒன்றுக்கு மேற்பட்ட படங்களைத் தேர்ந்தெடுக் கலாம். அப்போதுதான் நமக்கு வெரைட்டி கிடைக்கும். இப்போது Create Mail என்பதன் அருகே உள்ள சிறிய அம்புக் குறியினை அழுத்தக் கிடைக்கும் கட்டத்தில் Select Stationery என்பதில் கிளிக் செய்திடவும். பின் நீங்கள் விரும்பும் படத்தினை பட் டியலில் பார்க்கலாம். உடனே ஓகே கிளிக் செய்தால் அந்த படம் மெயிலில் பயன்படுத்தத் தயாராய் இருக்கும்.

தண்டர்பேர்ட் இமெயில் புரோகிராமில் Write பட்டனை அழுத்தினால் புதிய இமெயில் ஒன்றை தயாரிக்க நீங்கள் தயாராய் இருப்பீர்கள். இனி இமெயில் கடிதம் ஒன்றின் மெயின் பகுதியில் கிளிக் செய்திடுங்கள். பின் Format, Page Colors and Background அழுத்திடவும். பின் File மெனுவிற்குச் செல்லவும். அதன்பின் நீங்கள் பயன்படுத்த விரும்பும் படம் உள்ள பைலைத் தேர்ந்தெடுக்கவும்.

பின் Open மற்றும் OK இல் கிளிக் செய் திடவும். இப்போது அனைத்தும் தயாராகி விட்டது. நீங்கள் விரும்பும் படத்துடன் இமெயில் கடிதத்தினைத் தயாரிக்கலாம். ஒன்றல்ல ஒன்றுக்கு மேற்பட்ட படங்களைக் கூட இதில் ஒரே மெயிலில் பயன்படுத்தலாம். இதுவே எம்.எஸ். அவுட்லுக் புரோகிரா மாக இருந்தால் முதலில் நீங்கள் எச்.டி.எம். எல். பார்மட்டில் இமெயிலை அனுப்புவ தனை உறுதி செய்திட வேண்டும். பின் புதிய இமெயில் மெசேஜ் அனுப்பு வதற்கான வழி முறைகளை மேற்கொள்ள வேண்டும்.

அதன்பின் Format, Background, Fill Effects என்றபடி செல்லவும். இதில் கிடைக்கும் டேப்களில் Picture டேப் கிளிக் செய்திடவும். பின் கிடைப் பதில் Select Picture என்ப தனைத் தேர்ந்தெடுக்கவும். இதில் நீங்கள் பயன்படுத்த விரும்பும் பட பைலைத் தேர்ந் தெடுத்து இடைச் செருகலாச் செருகலாம். அதன்பின் ஓகே கிளிக் செய்து வெளியேறலாம். அவ்வளவுதான். வழிகளைக் கற்றுக் கொண்டீர்களா! இனி நீங்களாக உங்களுக்குப் பிடித்த போட்டோ மற்றும் படங்களை இமெயிலுடன் இணைத்து உங்கள் மெயிலுக்கு ஒரு தனித்துவம் தரலாம். ஆனால் இன்னொன்றையும் கவனிக்க வேண்டும்.

முழுப் படத்தையும் நீங்கள் உங்கள் மெயிலில் வைத்திடுகையில் அதன் வண்ணங்கள் உங்கள் மெயிலில் உள்ள எழுத்துக்களைப் படிக்க இயலாத வகையில் மறைக்கலாம். அதற்காக உங்கள் கடித டெக்ஸ்ட்டை மிகவும் அழுத்தமான எழுத்து வகையில் அமைக்க வேண்டியதிருக்கும். இதுவும் பார்ப்பதற்கும் படிப்பதற்கும் சிரமமாக இருக்கலாம். எனவே படத்தினை முன்னதாகவே இளம் வண்ணத்தில் பிரைட்னஸ் குறைத்து எடிட் செய்து வைக்கலாம்.

மேலும் அனைத்து இமெயில்களுக்கும் இது போல படத்தை இணைத்தால் அது படத்தின் சிறப்பினை குறைத்துவிடும். உங்கள் நண்பர்கள் இவனுக்கு வேறு வேலை இல்லையா? என்று எண்ணத் தொடங்கலாம். எனவே குறிப்பிட்ட சில வேளைகளில் மட்டும், உங்களுடைய மற்றும் உங்கள் நண்பர்களுடைய பிறந்த நாள், திருமண நாள் வாழ்த்துக்கள், உங்கள் வெற்றி அல்லது பதவி உயர்வு குறித்த கடிதங்கள் போன்ற சில வற்றில் மட்டும் படங்களைப் பயன்படுத் துவது அதற்கு ஒரு பொருளைத் தரும்.

லேப்டாப் வாங்கப் போறீங்களா?


அதிகமான விலை, கூடுதலான கவனத்துடன் கையாள வேண்டிய நிலை, தூக்கிச் செல்லும் சுமை, ஒத்துழைக்காத பேட்டரி, ஆண்மையை இழக்கச் செய்திடும் தொடர் பயன்பாடு, ரிப்பேர் ஆனால் சரி செய்ய முடியாது என்றெல்லாம் உண்மையும் பொய்மையும் கலந்த காரணங்களால் ஒரு காலத்தில் ஒதுக்கி வைக்கப்பட்ட லேப் டாப் கம்ப்யூட்டர்கள் இன்று பலரின் முதுகோடு முதுகாக அமையும் தோழனாக உரு மாறி அனைவரும் விரும்பும் சாதனமாக அமைந்து விட்டது.

டெஸ்க்கில் வைத்துப் பயன்படுத்துவோர் கூட இவ்வளவு பெரிய சி.பி.யூ டவர், மானிட்ட ரெல்லாம் எதற்கு? லேப்டாப்பே வைத்துக் கொள்வோமே என்று எண்ணும் அளவிற்கு லேப் டாப் என்னும் மடிக் கம்ப்யூட்டர்கள் (மடியில் வைத்து பயன்படுத்தும் மடித்து எடுத்துச் செல்லக் கூடிய கம்ப்யூட்டர்கள்) இன்று பிரபலமாகி உள்ளன.

இன்று மார்க்கட்டில் டெஸ்க் டாப் கம்ப்யூட்டரைக் காட்டிலும் லேப்டாப் கம்ப்யூட்டருக்கு வரும் விளம்பரங்கள் தான் அதிகம். பல்வேறு பன்னாட்டு நிறுவனங்கள் இந்தச் சந்தையில் கூடுதல் இடத்தைப் பிடிக்க போட்டி போட்டு வருகின்றன. எச்.பி, டெல், தோஷிபா, சோனி, லெனோவோ, ஏசர்,காம்பேக் என பல பிராண்டுகளின் மாடல்கள் எங்களிடம் இல்லாத வசதியா என தம்பட்டம் அடிக்கின்றன. திரை அளவு, எடை மற்றும் புராசசர் ஆகியவை குறித்து பல அளவுகளைத் தெரிவிக்கின்றன. முதன் முதலாக லேப் டாப் வாங்க முடிவெடுக்கும் ஒருவர் இவர்களின் விளம்பரத்தைப் பார்த்து எந்த முடிவிற்கும் வராமல் குழப்பத்தில் ஆழ்ந்து போகிறார்.

இந்த தகவல்களை எப்படி அலசி ஆய்வு செய்து தனக்கு வேண்டிய சரியான லேப்டாப்பினை முடிவு செய்ய இயலாதவர்களாக பலர் உள்ளனர். இத்தகையவர்கள் முதலில் என்ன முடிவுகளை வரையறை செய்திட வேண்டும் எனப் பார்க்கலாம். கீழே தரப்பட்டுள்ளவை அனைத்துமே பொதுவான அனைவருக்கும் தெரிந்தது தான் நீங்கள் எண்ணினால் நல்லதை நினைத்துப் பார்ப்பது சிறந்தது என எடுத்துக் கொள்ளுங்கள்.

1. விலையும் பணியின் தன்மையும்: முதலில் இன்ன விலை என பட்ஜெட் போட்டுக் கொள்ளுங்கள். ரூ.30,000 முதல் ரூ.90,000 வரை பல மாடல்கள் உள்ளன. விலையை நிர்ணயம் செய்கையில் வரி, வாரண்டி காலம், கூடுதல் வாரண்டி என்றால் கட்ட வேண்டிய தொகை என்பதனையும் சேர்த்து கணக்கிடுங்கள். சிறிய நகரங்களில் இருந்தால் லேப் டாப் வாங்கிட பெரிய நகரத்திற்குச் சென்று திரும்பும் செலவினையும் சேர்த்துக் கொள்ளுங்கள்.

2. வேலை என்ன? அடுத்து என்ன வேலையை இந்த லேப் டாப் மூலம் மேற்கொள்ளப் போகிறீர்கள் என்று பார்க்கவும். செலிரான் பிராசசர் கொண்ட குறைந்த மெமரி கொண்ட லேப் டாப் தேர்ந்தெடுத்து அதில் போட்டோ ஷாப் மற்றும் படங்கள் எடிட்டிங் அடிக்கடி மேற்கொள்ளப் போகிறீர்கள் என்றால் சிரமமாகும். எனவே விலையை உங்கள் வேலையின் தன்மையை இணைத்து நிர்ணயம் செய்திடவும்.

3. அளவும் எடையும்: ஸ்கிரீன் அளவு மற்றும் எடையின் அடிப்படையில் லேப் டாப் கம்ப்யூட்டர்களை வகைப்படுத்துகின்றனர். 13,14,15 மற்றும் 17 அங்குல திரை கொண்ட லேப்டாப்கள் உள்ளன. சிறிய திரை கொண்டது எடை குறைவாக இருக்கும்; எடுத்துச் செல்வது எளிது. பேட்டரியின் லைப் வெகு நாட்கள் இருக்கும். 17 அங்குல திரை கொண்ட லேப் டாப் என்றால் செயல்பாடு நன்றாக இருக்கும். எடையும் விலையும் எடுத்துச் செல்வதும் சற்று சிக்கலாக இருக்கும். 14 மற்றும் 15 அங்குல திரை கொண்ட லேப் டாப்கள் இவற்றை அட்ஜஸ்ட் செய்து போவதாக இருக்கும்.

4. பிராசசிங் திறன், ஹார்ட் டிஸ்க் அளவு,மெமரி மற்றும் கிராபிக்ஸ் திறன்: இன்டெல் ஒவ்வொரு ஆறு மாத காலத்தில் ஏதேனும் ஒரு புதிய சிப் பிராசசரை அறிமுகப்படுத்துகிறது. குறைந்தது டூயல் கோர் சிப் லேப்டாப்பில் இருக்கவேண்டும். எனவே இன்டெல் நிறுவனத்தின் டூயல் கோர் 2 சிப் அல்லது ஏ.எம்.டி. எக்ஸ்2 பிராசசர் இருக்க வேண்டும். சிங்கிள் கோர் பிராசசர் என்றால் ஏற்றுக் கொள்ளவே வேண்டாம். அவை எல்லாம் காலாவதியாகி விட்டன. அடுத்து எந்த அளவில் ஹார்ட் டிஸ்க் இருக்க வேண்டும். பட்ஜெட் விலையில் கிடைக்கும் லேப்டாப்களில் கூட 160 ஜிபி ஹார்ட் டிஸ்க் உள்ளது. பலருக்கு இது போதுமானது. எனவே உங்கள் லேப்டாப்பில் குறைந்தது இது இருக்க வேண்டும். அடுத்ததாக ராம் மெமரி; பல லேப் டாப்களில் இது 1 ஜிபியாக இருக்கிறது. ஆனால் விஸ்டா ஆப்பரேட்டிங் சிஸ்டம் செயல்பாட்டிற்கு இது சரியாக அமைய வில்லை. எனவே 2 ஜிபி சிஸ்டம் மெமரி உள்ளதாகப் பார்க்கவும்.

டிஸ்கிரீட் கிராபிக்ஸ் (Discrete Graphics): என்வீடியா மற்றும் ஏ.டி.ஐ (Nvidia’s/ATI) வழங்கும் கிராபிக்ஸ் வசதிகளை இந்த சொற்களால் குறிப்பிடுகின்றனர். இதில் என்வீடியா தான் இன்றைக்கு முன்னணியில் உள்ளது. இன்டெல் நிறுவனம் தரும் இன்டக்ரெய்டட் சொல்யூசன்ஸ் சாதாரண கம்ப்யூட்டர் பயன்பாட்டிற்கு மட்டுமே சரியாக இருக்கும்.

5.பேட்டரியின் திறன்: பொதுவாக பேட்டரிகளை அது கொண்டுள்ள செல்களின் எண்ணிக்கையைப் பொறுத்து அளவிடுவார்கள். 4 செல் கொண்ட பேட்டரி லேப் டாப்பின் எடையை வெகுவாகக் குறைத்துவிடும்; ஆனால் பேட்டரி லைப் மிகவும் குறைந்துவிடும். 9 செல் பேட்டரி எடையை மிக அதிகமாக்கும். ஆனால் அந்த அளவிற்கு செயல் திறன் பெரிய அளவிலான வேறுபாட்டில் இருக்காது. எனவே 6 செல்கள் கொண்ட பேட்டரி தான் அனைவரும் விரும்பும் பேட்டரியாகவும் பல லேப்டாப்கள் கொண்டதாகவும் உள்ளது. இதனை ஒரு முறை முழுமையாக சார்ஜ் செய்தால் இரண்டரை மணி நேரம் லேப்டாப்பைப் பயன்படுத்தலாம்.

6. மற்றவற்றுடன் தொடர்பு: இது பல வகை தொடர்பினை உள்ளடக்கியது. யு.எஸ்.பி., ஈதர்நெட் மற்றும் பயர்வயர். பெரும்பாலான லேப்டாப் கம்ப்யூட்டர்கள் ஸ்டாண்டர்டாக சிலவற்றை ஒருங்கிணைந்த வடிவமைப்பில் தருகின்றனர். இருப்பினும் 3 யு.எஸ்.பி. போர்ட் உள்ளது மிக நல்லது. அத்துடன் விஜிஏ / டிவிஐ (VGA/DVI) போர்ட் இருக்க வேண்டும். வயர்லெஸ் கனெக்டிவிடி பக்கம் பார்த்தால் 802.11 a/b/g கட்டாயமாகத் தேவை. இதனை 802.11n க்கு மேம்படுத்த முடியும் என்றால் நிச்சயம் அதனையே கேட்கவும். இதனால் ஸ்பீட் அதிகமாகக் கிடைக்கும். புளுடூத் 2.0 ஈ.டி.ஆர். தரப்படுவதும் நல்லது. இதன் மூலம் போன் போன்ற சாதனத்துடன் பைல்களைப் பரிமாறுவது எளிதாகும்.

7. வாரண்டி: அனைத்து லேப்டாப்களும் குறைந்தது ஓராண்டு வாரண்டி தருகின்றனர். இது ரிப்பேர் மற்றும் தயாரிப்பில் காணப்படும் தவறுகளுக்கு பொறுப்பேற்கின்றன. இந்த காலத்திற்குப் பின் பிரச்னை வந்து ரிப்பேர் செய்திடப் போனால் எக்கச் சக்க செலவாகிறது. இந்த அதிர்ச்சி பின்னாளில் ஏற் படாமல் தடுக்க நீட்டிக் கப்பட்ட வாரண்டி தருவதாக இருந்தால் கேட்டு வாங்கவும். அல்லது தொடக்க வாரண்டியே மூன்று ஆண்டுகள் இருந்தால் கேட்டு வாங்கலாம்.

சரி வாங்கிவிட்டீர்களா! அடுத்து என்ன செய்திட வேண்டும்?

1. கிராப் வேர்களை (crapware) நீக்குங்கள்: முதல் முதலில் உங்கள் லேப்டாப்பினை இயக்கத் தொடங்கியவுடன் நிறைய சோதனை புரோகிராம்கள், தேவையற்ற பவர் மேனேஜ் மெண்ட் புரோகிராம்கள், புரடக்டிவிடி டூல்ஸ் என்ற பெயரில் நமக்கு என்றும் பயன்படாத புரோகிராம்கள் எல்லாவற்றையும் கம்ப்யூட்டர் தயாரிப்பாளருக்கு பிடிக்கும் என்பதால் மொத்தமாகப் பதிந்திருப்பார்கள். இவை அனைத்தையும் அன் இன்ஸ்டால் செய்து நீக்கி விட்டு உங்களுக்குப் பிடித்த புரோகிராம்களை மட்டும் இன்ஸ்டால் செய்திடவும்.

2. பேட்டரி பராமரிப்பு: பொதுவாக லேப்டாப் பேட்டரிகள் எல்லாம் எப்படி பயன்படுத்தினாலும் சரியாகவே இயங்கும். எளிதாக வீணாகிப் போகாது. இருந்தாலும் இவை கெட்டுப் போகாமல் இருக்க 2அல்லது திறன் இழக்காமல் இருக்க குறிப்பிட்ட கால கட்டத்தில் பேட்டரியை முழுவதுமாக டிஸ்சார்ஜ் செய்திட வேண்டும். மேலும் ஓரடியாக பேட்டரியை சார்ஜ் செய்திடக் கூடாது. நீங்கள் லேப் டாப் பயன்படுத்த வில்லை என்றால் மெயின் பிளக்கிலிருந்து பேட்டரிக்கான கனெக்ஷனை எடுத்துவிட வேண்டும்.

மேலே கூறப்பட்டவை எல்லாம் சில அடிப்படை செய்திகளே. எந்த ஒரு லேப் டாப் வாங்குவதாக இருந்தாலும் அவற்றின் திறன் கொண்ட மற்ற லேப் டாப்களுடன் ஒப்பிட்டு, பயன்பாடு குறித்து அவற்றின் இணையதளங் களில் தகவல்கள் தேடி பின் வாங்கவும். வாங் குவதற்கு முன் லேப் டாப் விற்பனை செய் பவரின் நிறுவனமும் நிலையானதுதானா என்று பார்க்கவும். அல்லது இணைய தளங்களில் குறிப்பிட்ட நிறுவனத்தின் அத்தாட்சி பெற்ற முகவர்களின் முகவரிகள், அதே நிறுவனங்களின் கிளைகள் பட்டியல் இருக்கும்.

அவற்றை பெற்று தொடர்பு கொண்டு வாங்கலாம். லேப் டாப் கம்ப்யூட்டர்களை பெர்சனல் கம்ப்யூட்டர்களை ரிப்பேர் நாம் பழுது பார்ப்பது போல பார்க்க முடியாது. மிக நுண்மையான சாதனமாகும். எனவே ஏதேனும் பிரச்னை ஏற்பட்டால் நீங்களே கையாளும் எண்ணத்தை விட்டுவிட்டு அதற்கான் நிறுவன அலுவலகத்திற்குச் செல்லவும். தகுதி கொண்ட டெக்னீஷியனிடம் மட்டுமே காட்டவும்.

வைரஸ் புரோகிராம்கள் சரியாகச் செயல்படுகின்றனவா?


கம்ப்யூட்டர் பயன்படுத்தும் அனைவருக்கும் உள்ள பொதுவான ஒரு பயம் வைரஸ் தான். பல்வேறு வழிகளில், வகை வகையான அழிக்கும் சக்திகளுடன் வரும் வைரஸ்கள் நம் செயல்பாட்டை முடக்கி வைப்பதுடன் நம்மைச் சார்ந்தவர்களின் கம்ப்யூட்டர்களையும் நாசம் செய்திடும் வகையில் பரவுகிறது. கம்ப்யூட்டர்களின் உள்ளே இருக்கும் புரோகிராம் களையும் கெடுக்கிறது.

இத்தகைய வைரஸ்களிடமிருந்து நம் கம்ப்யூட்டர்களைக் காத்திடவும் நமக்கு நிம்மதியான ஒரு வேலைப் பாதுகாப்பினைத் தரவும் அமைந்தவை தான் ஆண்டி வைரஸ் சாப்ட்வேர் என அழைக்கப்படும் வைரஸ்களுக்கு எதிரான புரோகிராம்கள்.

பெரும்பான்மையான கம்ப்யூட்டர்கள் இன்று இவை இல்லாமல் இயங்குவதில்லை. அப்படி அமைக்கப்பட்டு இயக்கப்பட்டாலும் குறிப்பிட்ட சில வைரஸ்களை சில ஆண்டி வைரஸ் புரோகிராம்களால் ஒன்றும் செய்திட இயலவில்லை. வைரஸ் புரோகிராம்களின் கட்டமைப்பு அவ்வாறு அமைக்கப்படுகிறது. இருப்பினும் வாடிக்கை யாளர்கள் தரும் அனுபவக் கருத்துக்களின் அடிப்படையில் அந்த ஆண்டி வைரஸ் புரோகிராம்கள் மேம்படுத் தப்பட்டு அதுவரை கண்டுபிடித்து அழிக்க முடியாத வைரஸ்களும் அழிக்கப்படுகின்றன.

ஒரு முறை நண்பர் ஒருவர் மிக நல்ல ஆண்டி வைரஸ் புரோகிராமினை வைத்து கம்ப்யூட்டரை இயக்குவதாகக் கூறிவிட்டு அந்நிலையிலும் எஸ்.வி.சி. ஹோஸ்ட் என்னும் ஆப்பரேட்டிங் சிஸ்டம் பைலைக் குறி வைத்துக் கெடுக்கும் வைரஸ் ஒன்று வந்திறங்கி பைல்களையும் போல்டர்களையும் எக்ஸிகூட்டபிள் பைலாக மாற்றிவிடுவதாக எழுதி இருந்தார். இதற்கு இன்னொரு நண்பர் பதில் கூறுகையில் அவர் பயன்படுத்தும் ஆண்டி வைரஸ் புரோகிராமிற்கு அந்த வைரஸ் அகப்படாது என்று கூறிவிட்டு பதிலாக இன்னொரு இலவச ஆண்டி வைரஸ் புரோகிராமினைப் பயன்படுத்துமாறு கூறினார். அது போலவே பயன்படுத்த வைரஸ் மறைந்தது. வைரஸை நீக்கிவிடுகிறோம்.

நிம்மதியாக மீண்டும் கம்ப்யூட்டரை இயக்கி செயல்படுத்தத் தொடங்கி விடுகிறோம். வைரஸை நீக்கும் பணி முடிந்தவுடன் அனைத்துமே முடிந்துவிடுகிறதா? முழுவதுமாகக் கம்ப்யூட்டரிலிருந்து வைரஸ் நீக்கப்பட்டுவிட்டதா? அறியாமல் வேறு டாகுமெண்ட் பைல்களை அழித்தவுடன் அது எங்காவது இருக்காதா என்று தேடி அழித்த பைல்களை மீண்டும் கொண்டு வரும் ரெகவரி புரோகிராம்கள் மூலம் பெற முயற்சிக்கிறோம் அல்லவா? அப்படியானால் இங்கு அழிக்கப்பட்ட வைரஸ் புரோகிராமும் கம்ப்யூட்டரில் தானே எங்காவது இருக்கும். இப்படி என்றாவது சிந்தித்திருக்கிறீர்களா? சிந்தனையே பகீர் என வயிற்றைக் கலக்குகிறது. எங்காவது ஒளிந்து இருந்து மீண்டும் வைரஸ் வந்துவிட்டால் என்ன செய்வது? இதனை எப்படி அறிவது? என்ற கேள்விகள் எழுகின்றன.

வைரஸாகச் செயல்பட்ட இ.எக்ஸ்.இ. பைல்கள் நீக்கப்பட்டாலும் அவற்றால் கம்ப்யூட்டரில் உள்ள வேறு பைல்களில் மேற்கொள்ளப்பட்ட மாற்றங்கள் அப்படியே இருக்கத்தான் செய்கின்றன. முதலாவதாக ரெஜிஸ்ட்ரி என்னும் கம்ப்யூட்டர் இயக்கத்தின் முதுகெலும்பான பைலில் பல மாற்றங்கள் ஏற்படுத்தப்படுகின்றன. பைல்கள் இயங்குவதற்கான தொடக்க நிலைகளில் வைரஸ் ஏற்படுத்திய மாற்றங்கள் அழியாமல் அப்படியே இருக்கின்றன. கூடுதலாக ஏற்படுத்தப்பட்ட டி.எல்.எல். மற்றும் ஐ.என்.ஐ. பைல்கள் (dll’s/inf) அப்படியே தங்கிவிடுகின்றன. இவை சும்மா இருப்பதில்லை; அவ்வப்போது இந்த பைல் இங்கு இல்லை; இதன் இயக்கத்தில் பிரச்னை உள்ளது என்று ஏதாவது தேவயற்ற பிழைச் செய்திகளைத் தந்து எரிச்சல் படுத்திக் கொண்டே இருக்கின்றன. இந்த வகையில் தற்போது இயங்கும் ஆண்டி வைரஸ் புரோகிராம்கள் முழுமையாகச் செயல்படுவதில்லை என்பது உண்மையே. இதற்கு நாம் தொடக்கத்திலிருந்தே சில செயல்பாடுகளை மேற்கொள்ள வேண்டும். அவற்றைக் காணலாம்.

1. வைரஸ் கம்ப்யூட்டரில் உள்ளது என்று தெரிந்தவுடன் முதலில் நெட்வொர்க்கிலிருந்து கம்ப்யூட்டரை கழட்டிவிடுங்கள். அலுவலகத்தில் உள்ள நெட்வொர்க் மட்டுமின்றி இன்டர்நெட்டிலிருந்தும் எடுத்துவிடுங்கள். இங்கு கழட்டி விடுங்கள் என்று சொல்வது நிஜமாகவே அதன் கேபிள்களை எடுத்துவிடுவதுதான். எனவே இன்டர்நெட் இணைப்பை டிஸ்கனெக்ட் செய்தால் மட்டும் போதாது. கேபிள்களையும் எடுத்துவிடுங்கள். யு.எஸ்.பி. டிரைவ், வெளியே இருந்து இணைத்து செயல்படும் ஹார்ட் டிஸ்க்குகள், சிடி ட்ரைவில் உள்ள சிடி என அனைத்தையும் நீக்குங்கள். ஏனென்றால் இவை வழியாக உங்கள் கம்ப்யூட்டரில் புகுந்த வைரஸ் மற்ற கம்ப்யூட்டர்களுக்குச் செல்லும்.

2. இப்போது கம்ப்யூட்டரில் உள்ள ஆண்டி வைரஸ் புரோகிராமை இயக்கி கம்ப்யூட்டரை ஸ்கேன் செய்திடுங்கள். சி டிரைவ் மட்டுமல்ல; அனைத்து டிரைவ்களையும் நிதானமாக ஸ்கேன் செய்திடுங்கள். இதற்கு உங்கள் ஆண்டி வைரஸ் புரோகிராம் தொடர்ந்து இன்டர்நெட் வழியாக அப்டேட் ஆகி இருக்க வேண்டும். அப்படி இல்லை என்றால் அவ்வாறு செய்த பிற கம்ப்யூட்டரிலிருந்து காப்பி செய்து இங்கே பயன்படுத்த வேண்டும். இது சரியாக வரவில்லை என்றால் வேறு வழியின்றி இன்டர்நெட் இணைப்பை ஏற்படுத்தி அப்டேட் செய்து பின் இணைப்பை நீக்குங்கள்.

3. இனி ஸ்கேன் செய்கையில் ஆண்டி வைரஸ் புரோகிராம் வைரஸ்களைக் கண்டுபிடித்து கிளீன் செய்திடவா? அழிக்கவா? குவாரண்டைன் என்னும் இடத்தில் வைக்கவா? என்று கேட்கும். இதில் மூன்றாவதுதான் நல்லது. ஏனென்றால் பைல் அழிக்கப்பட்டாலும் வைரஸ் பல இடங்களில் பதுங்கி இருக்கும்.வேறு ஏதாவது செயல்பாட்டின் போது மீண்டும் இயங்கத் தொடங்கலாம். எனவே குவாரண்டைன் எனப் போட்டுவிட்டால் அது எந்நிலையிலும் இயங்காது. இதற்காக ஆண்டி வைரஸ் புரோகிராம் செட்டிங்க் செய்திடுகையில் “Always quarantine the file” என்னும்படி செட் செய்திடலாம். இதனால் குறிப்பிட்ட வைரஸ் பைலின் பெயர், அது எந்த பைலில் மாற்றங்களை மேற்கொள்கிறது என்று எளிதாகப் பார்க்கலாம்.

4. சில வேளைகளில் உங்களுடைய ஆண்டி வைரஸ் புரோகிராம் குறிப்பிட்ட வைரஸ் அல்லது வைரஸ் பாதித்த பைலை அணுக முடியவில்லை (“Access is denied”) என்று செய்தி தரலாம். அப்படியானால் அதனால் இயங்கமுடியவில்லை என்றே பொருள். உடனடியாக ஸ்கேன் செய்வதனை நிறுத்தி “boot time scan” என்ற ஸ்கேனிங் தொடங்குங்கள். இது கம்ப்யூட்டரை ரீ ஸ்டார்ட் செய்து விண்டோஸ் இயங்குமுன் இயங்கத் தொடங்கிவிடும். இதனால் வைரஸ்கள் உட்பட எந்த புரோகிராமும் இயங்காது. அதே நேரத்தில் ஆண்டி வைரஸ்புரோகிராம் தன் பணியைச் செவ்வனே செய்திடும் வாய்ப்பு கிடைக்கிறது. வைரஸ்கள் அழிக்கப்பட்ட பின் System Restore பகுதியில் அமர்ந்து கொள்ளும். பல ஆண்டி வைரஸ் புரோகிராம்கள் தானாக அந்த பகுதியில் சென்று வைரஸ் இருக்கிறதா என்று தேடாது. நாமாகத்தான் அதனை சிஸ்டம் ரெஸ்டோர் பகுதியிலும் தேடும்படி செய்திட வேண்டும். எனவே “boot time scan” இயக்கம் இந்த பிரச்னையைத் தீர்த்து அனைத்து பகுதிகளிலும் தேடும்.

5. ஸ்கேனிங் முடிந்துவிட்டால் உங்கள் கம்ப்யூட்டர் வைரஸ் எதுவும் இல்லாத நிலையை அடைந்துவிட்டது என்று பொருள். இனி குவாரண்டைன் பகுதிக்குச் சென்று எந்த மாதிரி வைரஸ் இருந்தது; அது எந்த பகுதிகளில் சேதம் விளைவித்தது என்று அறியலாம். தவறிப் போய் கூட எந்த பைலையாவது “Restore” அல்லது கட் / காப்பி / பேஸ்ட் செய்திவிடாதீர்கள். உங்களுக்கு அதிர்ஷ்டம் இருந்தால் உங்கள் டேட்டா பைல்கள் மற்றும் புரோகிராம்கள் வைரஸால் பாதிக்கப்படாமல் இருக்கும். பொதுவாக இப்போது வரும் வைரஸ்கள் அழிக்கும் பணியில் இயங்காமல் உங்களிடம் உள்ள உங்கள் பெர்சனல் தகவல்கள், கிரெடிட் கார் ட் எண், பாஸ்வேர்ட் போன்றவற்றைப் பெறும் வகையிலேயே அமைக்கப்படுகின்றன.

6. வைரஸ்களை நீக்கியபின் என்ன செய்ய வேண்டும்? இனிமேல் தான் வைரஸ் ஏற்படுத்திய மாற்றங்களைக் கண்டு சரி செய்திடும் பணியினை மேற்கொள்ள வேண்டும். இப்போது வைரஸ் இல்லை என்பதால் துணிச்சலுடன் இந்த செயலில் இறங்கலாம். குவாரண்டைன் சென்று வைரஸின் பெயர் அல்லது பாதித்த பைல் குறித்த தகவல்களை அறிந்து கொள்ளுங்கள். இந்த பெயர் அல்லது அதன் அழிவு வேலை குறித்த குறிப்புகள் தாங்கி வரும் டெக்ஸ்ட்டை அப்படியே காப்பி செய்து கூகுள் அல்லது நீங்கள் பயன்படுத்தும் ஆண்டி வைரஸ் புரோகிராம் தந்த நிறுவனத்தின் இணைய தளத்தில் தேடும் பகுதியில் சென்று பேஸ்ட் செய்து தேடவும். இதற்கான குறிப்புகள் விலாவாரியாகத் தரப்பட்டிருக்கும். கூகுள் வழி சென்றால் இதனால் பாதிக்கப்பட்டவர்களின் அனுபவம் மற்றும் செம்மைப் படுத்தும் வழிகள் தரப்பட்டிருக்கும்.

7.பெரும்பாலும் ரெஜிஸ்ட்ரியில் வைரஸ் ஏற்படுத்திய வரிகளை நீக்க வேண்டியதிருக்கும். இதனை உங்களால் மேற்கொள்ள இயலாது என்று தோன்றினால் பல தளங்களில் இலவசமாக ரெஜிஸ்ட்ரி கிளீனிங் புரோகிராம்கள் கிடைக்கின்றன. அவற்றை இறக்கிப் பயன்படுத்தலாம். பாதிக்கப்பட்ட பைல்களை மட்டும் மீண்டும் ஸ்கேன் செய்திடலாம். பல ஆண்டி வைரஸ் புரோகிராம்கள் குறிப்பிட்ட சில வகை வைரஸ்களை கண்டுகொள்ளாது.

எனவே இந்நிலையில் இன்னொரு ஆண்டி வைரஸ் புரோகிராமினை இயக்குவது நல்லது. அல்லது இணையத்திலிருந்து இறக்காமல் பைல்களை ஸ்கேன் செய்து தரும் ஆன் லைன் பைல் ஸ்கேனர்களைப் பயன்படுத்தலாம். இவ்வகையில் பல இருந்தாலும் காஸ்பர் ஸ்கை ஆன்லைன் ஸ்கேனர் சிறப்பாக இயங்குகிறது. இதனை www.kaspersky.com/scanforvirus என்ற தளத்தில் பெறலாம். இறுதியாக உங்களால் நேரமின்மையோலா உங்கள் திறமை மீது நம்பிக்கை இல்லை என்றாலோ உடனே ஒரு டெக்னீஷியனை அழைத்து வைரஸ் நீக்கி பின் மற்ற பின் இயக்க வேலைகளையும் மேற்கொள்ளச் செய்யவும்.