யு.எஸ்.பி. எஜெக்டர்

பிளாஷ் டிரைவ்களைப் பயன்படுத்தாத நாள் இல்லை. யு.எஸ்.பி. போர்ட்டில் பல்வேறு சாதனங்களைப் பயன்படுத்தாமல் நம் கம்ப்யூட்டர் பயன்பாடு நிறைவடைவதில்லை. ஆனால் ஒவ்வொரு முறையும் அதற்கான ஐகானை கிளிக் செய்து கிடைக்கும் டயலாக் பாக்ஸில் குறிப்பிட்ட சாதனத்தைத் தேர்ந்தெடுத்து பின் ஸ்டாப் அழுத்தி Safely Remove Hardware என்று செய்தி வந்தவுடன் போர்ட்டில் உள்ள சாதனத்தை வெளியே எடுக்கிறோம். அது பிளாஷ் டிரைவாகவோ, ஐபாட் சாதனமாகவோ, டிஜிட்டல் கேமராவாகவோ அல்லது மொபைல் போனாகவோ இருக்கலாம். இந்த சுற்று வழி செல்லும் சிரமத்தைப் போக்குவதற்காக யு.எஸ்.பி. எஜெக்டர் என்னும் புரோகிராம் இணைய தளத்தில் கிடைக்கிறது. இந்த புரோகிராம் என்ன செய்கிறது? போர்ட்டில் இணைத்துள்ள எந்த ஒரு சாதனைத்தையும் விரைவாக வெளியே எடுத்திட துணை புரிகிறது.

முதலில் இது பென் டிரைவ்களுக்கு மட்டுமே இயங்கியது. இப்போது யு.எஸ்.பி. டிரைவில் இணைக்கப்படும் அனைத்து சாதனங்களுக்கும் இயங்கி வருகிறது. இந்த புரோகிராமினை இன்ஸ்டால் செய்துவிட்டால் டிரைவில் இணைத்துள்ள எந்த சாதனத்தையும் டபுள் கிளிக் அல்லது என்டர் தட்டி உடனே எடுத்துவிடலாம். பலர் ஏற்கனவே எக்ஸ்பி தரும் வசதிக்கும் இதற்கும் என்ன வேறுபாடு? அது எளிதுதானே என எண்ணலாம். ஆனால் விரைவாகச் செயல்பட இதுவே சரியான புரோகிராம் ஆக உள்ளது. இந்த புரோகிராமினை http://quick.mixnmojo.com/usbdiskejector என்ற முகவரியில் உள்ள தளத்திலிருந்து பெறலாம்.

ஏ.வி.ஜி. ஆண்டி வைரஸ்

இலவசமாகக் கிடைப்பதில் ஏ.வி.ஜி. ஆண்டி வைரஸ் தொகுப்பு தான் பிரபலமானது. இலவசம் மட்டுமின்றி அவ்வப்போது அப்டேட் செய்யப் படுவதும் அதனால் அவ்வப்போது வரும் வைரஸ்களை நீக்குவதிலும் சிறப்பாகச் செயல்படுகிறது. வைரஸ் எதிர்ப்பு தொகுப்புகளில் இலவசமாகக் கிடைப்பதில் ஏ.வி.ஜி. ஆண்டி வைரஸ் தொகுப்புதான் பிரபலமானது.



இலவசம் மட்டுமின்றி அவ்வப்போது அப்டேட் செய்யப்படுவதும் அதனால் அவ்வப்போது வரும் வைரஸ்களை நீக்குவதிலும் சிறப்பாகச் செயல்படுவதிலும் இது பெயர் பெற்றதாகும். இதன் புதிய பதிப்பு 8 அண்மையில் வெளியிடப்பட்டுள்ளது. நம்மில் பலரும் வீட்டு கம்ப்யூட்டர்களிலும் அலுவலக பெர்சனல் கம்ப்யூட்டர்களிலும் ஏவிஜி தொகுப்பைப் பயன்படுத்துவதால் இந்த புதிய பதிப்பின் கூடுதல் வசதிகள் குறித்த தகவல்களை இங்கு பார்ப்போம்.


அண்மைக் காலம் வரை கடந்த ஓராண்டாக பதிப்பு 7.5 பயன்படுத்தப்பட்டு வந்தது. இடையே பதிப்பு 8 வந்துள்ளது; அப்டேட் செய்யவில்லையா ? என்று ஒரு அறிவிப்பு வந்தது. இதனை ஒருவேளை பணம் கட்டி வாங்க வேண்டுமோ என்ற எண்ணத்துடன் குறிப்பிட்ட தளம் நுழைந்தால் அது அப்டேட்டட் புதிய பதிப்பு எனத் தெரிந்தது.


நீங்கள் 7.5 அல்லது முந்தைய பதிப் பினைப் பயன் படுத் துபவராக இருந்தால் உடனே பதிப்பு 8க்கு மாறிக்கொள்ளுங்கள். ஏனென்றால் ஜூன் மாதத்திற்குப் பின் 7.5 பதிப்பிற்கான உதவிக் குறிப்புகள் கிடைக்காது. புதிய பதிப்பினைப் பெற http://free.grisoft.com என்ற முகவரியில் உள்ள தளத்திற்குச் செல்லுங்கள். அங்கு Free Edition என்பதில் சரியாகக் கிளிக் செய்திடுங்கள். வரிசையாக அங்கு தரப்பட்டிருக்கும் வழிகளின் படி சென்று உங்கள் கம்ப்யூட்டரில் டவுண்லோட் செய்திடுங்கள். டவுண் லோட் செய்து முடித்தவுடன் உங்கள் கம்ப்யூட்டரில் டாஸ்க் பாரில் கடிகாரத்திற்கு அருகில் நான்கு வண்ணங்களிலான ஒரு சதுரம் இருக்கும்.



அதில் ரைட் கிளிக் செய்து கிடைக்கும் மெனு வில் “Quit AVG free control center” என்பதில் கிளிக் செய்திடுங்கள். உடனே ஒரு எச்சரிக்கை செய்தியில் வெளி யேறப் போகிறீர்களா? என்று தரப்படும். அதில் யெஸ் கொடுத்து வெளியேற வும். இனி இயங்கிக் கொண்டிருக்கும் அனைத்து புரோகிராம் களையும் நிறுத்தவும். அடுத்து நீங்கள் டவுண்லோட் செய்த ஏவிஜி அப்ளிகேஷன் பைலை இருமுறை கிளிக் செய்திடுங்கள். இனி இலவச இன்ஸ்டலேஷன் தொடங்கும். இம்முறை என்ன சிறப்பு என்றால் இதுவே முன்பு இன்ஸ்டால் செய்த பழைய ஏவிஜி தொகுப்பினை நீக்கிவிடும்.



இனி இன்ஸ்டாலேஷன் வழிகளை நெக்ஸ்ட் அழுத்திப் பின்பற்றவும். இறுதியில் அப்டேட் செய்யப் போகிறேன் என்று சொல்லி இணைய த்தை நாடும் செயல் மேற்கொள்ள ப்படும். இறுதியில் அப்டேட்டிங் பெய்ல்டு என்று செய்தி வரும். கவலைப் பட வேண்டும். ஓகே கிளிக் செய்து வெளியேற முயற்சிக் கவும். இப்போது கம்ப்யூ ட்டரை ரீ ஸ்டார்ட் செய்திடச் சொல்லி செய்தி கிடைக்கும். யெஸ் கிளிக் செய்தால் கம்ப்யூட்டர் ரீ ஸ்டார்ட் ஆகி ஏவிஜியின் புதிய பதிப்பு செயல்படத் தொடங்கும். இனி அடுத்த வேலை அப்டேட் செய்திடும் வேலை. முதலில் பெய்ல்டு என்று வந்ததல்லவா? அந்தப் பணியை இப்போது மேற்கொள்ளலாம். இப்போது ஏவிஜி ஐகானில் ஒரு சிறிய சிகப்பு எக்ஸ் அடையாளம் இருக்கும். இதில் டபுள் கிளிக் செய்தால் வரும் மெனுவில் அப்டேட் செய்திட ஆப்ஷன் கொடுங்கள். இனி இந்த புதிய பதிப்பு அப்டேட் செய்யப்படும். உங்கள் கம்ப்யூட்டரிலும் செயல்படும்.

இமெயில் அட்டாச்மெண்ட் இலவச ஸ்கேனிங்

என்னதான் ஆண்டி வைரஸ் புரோகிராம் இயங்கினாலும் சில வேளைகளில் நம் நண்பர்கள் அனுப்பும் அட்டாச்மெண்ட் பைல்களில் அவர்களுக்கும் தெரியாமலேயே சில வைரஸ்கள் வந்து விடுகின்றன. நம் ஆண்டி வைரஸ் புரோகிராம்களுக்கு அகப்படாத வைரஸ்கள் வந்து இறங்கி துவம்சம் புரிகின்றன.


இது போல வந்த ஒரு அட்டாச்டு பைலில் உங்கள் ஆண்டி வைரஸ் புரோகிராம் சோதித்தபின்னும் வைரஸ் இருக்கும் எனச் சந்தேகப்படுகிறீர்களா? நியாயமான சந்தேகம் தான். ஏனென்றால் எந்த சிஸ்டமும் அனைத்து வைரஸ்களையும் தடுக்கும் என நூறு சதவிகித கேரண்டி தர முடியாது. அப்போ என்ன செய்யலாம்? கவலையே பட வேண்டாம்.


இதற்கெனவே இணையத்தில் VirusTotalஎன்னும் சேவை கிடைக்கிறது. குறிப்பிட்ட பைலைத் திறந்து பார்க்காமல் அப்படியே scan@virustotal.com என்னும் மின்னஞ்சல் முகவரிக்கு பார்வேர்ட் செய்திடுங்கள். உங்களுக்கு வந்த கடிதத்தில் உள்ள அனைத்து வரிகளையும் எடுத்துவிடுங்கள்.


பார்வேர்ட் செய்யப்படும் இமெயிலின் சப்ஜெக்ட் லைனில் SCAN என்று மட்டும் டைப் செய்து அனுப்புங்கள். அடுத்த சில நொடிகளில் அந்த பைல் ஸ்கேன் செய்யப்பட்டு ரிப்போர்ட் ஒன்றுடன் திருப்பி அனுப்பப்படும். ரிப்போர்ட்டில் பல வைரஸ் ஸ்கேனர்கள் பயன்படுத்தப்பட்டிருப்பதையும் அதில் எந்தவிதமான வைரஸ்களும் கண்டுபிடிக்கப்படவில்லை என்பதனையும் காணலாம். வைரஸ் டோட்டல் என்னும் இந்த சர்வீஸ் மிக நம்பகமானது என்று உலக அளவில் பெயர் பெற்றது. இலவசமாக இந்த சேவை வழங்கப்படுகிறது. அதற்காக அட்டாச்மெண்ட்டாக வரும் அனைத்து பைல்களையும் அனுப்பி சுமை தர வேண்டாம். நம்பகமானவர்களிடமிருந்து அனுப்பப்பட்டு அவ்வப் போது அப்டேட் செய்யபட்ட வைரஸ் ஸ்கேனர்க ளால் கண்காணிக்கப்படும் பைல்களை அனுப்பாதீர்கள். அறிமுகம் இல்லாத நபர்கள் அனுப்பிய அட்டாச்டு பைல்களை மட்டும் அனுப்பி பெறுங்கள்.

உள்ளங்கையில் பயனுள்ள இணையதளம்

இதில் முக்கிய தளங்களைத் தொடர்பு கொள்ள லிங்க்ஸ் கொடுக்கப்பட்டிருக்கின்றன. இவற்றில் ஒருமுறை கிளிக் செய்தால் போதும். முகவரியில் எந்த எழுத்துக்களையும் டைப் செய்திடத் தேவையில்லை.


பல இணைய தளங்கள் நாம் அன்றாடம் செல்லும் இணைய தளங்களாக அமைகின்றன. இவற்றில் இமெயில், புதிய தகவல்கள், உறவுகளுக்கு கடிதங்கள், கேள்விகளுக்குப் பதில்கள் எனப் பலவகையான செயல்களை மேற்கொள்கிறோம்.




இந்த தளங்கள் அன்றாடம் செல்ல வேண்டிய தளங்களாக இருந்தாலும் ஒவ்வொரு முறையும் இவற்றை அடைய இந்த தளங்களின் முகவரிகளை டைப் செய்திட வேண்டும். அல்லது அதன் தொடக்க எழுத்துக்களையாவது அமைக்க வேண்டும். இதற்குப் பதிலாக இது போன்ற அடிக்கடி அனைவரும் பயன்படும் தளங்களுக்கு பைல்களின் ஐகான்களைக் கிளிக் செய்வது போல லிங்க்குகளை ஒரே தளத்தில் அமைத்துவிட்டால் எவ்வளவு நன்றாக இருக்கும். இதனைத்தான் http://www.MyEverydayPage.com என்ற தளம் செய்கிறது.



இதில் முக்கிய தளங்களைத் தொடர்பு கொள்ள லிங்க்ஸ் கொடுக்கப்பட்டிருக்கின்றன. இவற்றில் ஒருமுறை கிளிக் செய்தால் போதும். முகவரியில் எந்த எழுத்துக்களையும் டைப் செய்திடத் தேவையில்லை. இந்த தளத்தை உங்கள் ஹோ ம் பேஜாக வைத்துக் கொண்டால் இணையத்தைத் திறந்தவுடன் உங்களுடைய அனைத்து தளங்களும் உங்கள் கண் முன்னால் டெஸ்க் டாப்பில் நீங்கள் கிளிக் செய்வதற்காகக் காத்திருக்கும்.



அனைவரும் எப்படியும் செல்ல வேண்டிய தளங்களுக்கென (Most Visited Websites) ஒரு தனிப் பிரிவு அமைத்து அதில் : yahoo, google, orkut, hotmail, rediff, facebook, youtube போன்ற தளங்களுக்கான லிங்க்குகள் அமைக்கப்பட்டுள்ளன. ஒவ்வொரு நாளும் உங்களை உற்சாகப் படுத்தி சிந்திக்க வைத்திட சான்றோரின் பொன்மொழிகள் தரப்படுகின்றன. இவற்றுடன் இனிமையான மியூசிக் இசைக்கப்படுகிறது. பாடல் ஒலிக்கிறது. இந்த தளத்தில் உள்ள பிரிவுகளைப் படித்தால் உங்களுக்கு என்ன என்ன தளங்கள் இதில் அடுக்கப்பட்டுள்ளன என்று தெரியவரும்.


Top Emailing Websites / Search Engines /Photos & Wallpapers/Social Networking Websites /Google Tools /Finance /Downloads /Office Productivity /Health Conscious/Mind Power & Spirituality/Technical Paradise/Entertainment இவற்றில் ஒவ்வொரு பிரிவி லும் குறைந்தது 7 தளங்கள் பட்டியலிடப்பட்டுள்ளன.


நிச்சயம் நீங்கள் இதுவரை பார்க்காத தளங்களும் இந்த பட்டியலில் இருக்கும். இந்த தளங்களைப் பெறுவதற்குக் கிளிக் செய்திடும் முன் கர்சரை இதன் அருகே கொண்டு சென்றவுடனேயே அதன் தம்ப் நெயில் படம் பெரிதாகத் தெரிகிறது. எடுத்துக் காட்டாக யாஹூ இமெயில் தளம் சென்றவுடன் அத்தளத்தின் முகப்புப் பக்கம் தெரியும். தவறுதலாக யாஹூ வின் முதன்மைப் பக்கத்திற்குப் பதிலாக இதனைக் கிளிக் செய்வது இதனால் தடுக்கப்படுகிறது. ஒவ்வொரு முறை இந்த தளத்தை ரெப்ரெஷ் செய்தால் பொன்மொழிகள் மாறுகின்றன. பாட்டு தரப்பட்டிருக்கும் இடத்தில் கிளிக் செய்தால் அருமையான பாட்டு ஒன்று டவுண்லோட் ஆகி இசைக்கப்படுகிறது. நீங்கள் எந்த தளத்தை யேனும் அனைவருக்கும் பயனுள்ள தளம் என்று எண்ணினால் அது குறித்து இவர்களுக்கு எழுதலாம். இந்த முயற்சி எல்லாருக்கும் நல்ல விஷயங்கள் சென்றடைய வேண்டும் என்ற எண்ணத்தில் அமைக்கப் பட்டது என்றும் அதனால் இத்தகைய தளம் இருப்பதை அனைவருக்கும் சொல்லுங் கள் என்று வேண்டுகோளும் இந்த தளத்தில் விடுக்கப்பட்டுள்ளது. ஒரு முறை பார்த்தால் இதனை நீங்கள் விரும்பி பார்ப்பீர்கள் என்பது உறுதி. ஏனென்றால் நம்முடைய பொன்னான நேரத்தை இது அதிகம் மிச்சப்படுத்துகிறது.

விண்டோஸ் XP தெரிந்ததும்... தெரியாததும்

ஸ்டார்ட் மெனுவில் புரோகிராம்களுக்கான ஷார்ட் கட்கள் உள்ளன. இவற்றைக் கிளிக் செய்தால் அந்த புரோகிராம்கள் திறக்கப்பட்டு செயல்பாட்டிற்குக் கிடைக்கும். இவற்றை எண்ணிப் பாருங்கள். ஆறுதான் இருக்கும்.


விண்டோஸ் எக்ஸ்பி தரும் வசதிகள் ஏராளம். ஆனால் அத்தனையும் அனைவராலும் பயன்படுத்தப்படுவதில்லை. பலர் தெரிந்து கொண்டிருப்பதும் இல்லை. எனவே அத்தகைய பயன்பாடுகளில் குறிப்பிட்ட சிலவற்றைத் தேர்ந்தெடுத்து இங்கு தருகிறோம்.



1. டாஸ்க்பாரிலிருந்தே மை கம்ப்யூட்டர்ஸ்: பல புரோகிராம்களை இயக்கும் போது புரோகிராம்களின் டேப்கள் டாஸ்க் பாரில் அமர்ந்திருக்கும். அதனைக் கிளிக் செய்து நாம் புரோகிராம்களை இயக்கி பைல்களைக் கையாளலாம். அதே போல மை கம்ப்யூட்டர் போல்டரில் உள்ள அனைத்து துணை போல்டர்களையும் அவற்றின் பைல்களையும் டாஸ்க் பாரில் இருந்தவாறே கையாளலாம். அதற்கு விண்டோஸ் எக்ஸ்புளோரர் மூலம் அல்லது மை கம்ப்யூட்டர் ஐகானை அழுத்துவது மூலம் தான் செல்ல வேண்டும் என்பதில்லை. இதற்கு டாஸ்க் பாரில் காலியாக உள்ள இடத்தில் மவுஸின் கர்சரை வைத்து ரைட் கிளிக் செய்திடவும். மெனு ஒன்று விரிந்து மேலே வரும்.



அதில் டூல் பார் என்பதனைத் தேர்ந்தெடுத்தால் வரும் பிரிவுகளில் நியூ டூல் பார் என ஒன்று தென்படும். இதனைத் தேர்ந்தெடுக்கவும். இப்போது சிறிய நியூ டூல்பார் என்னும் விண்டோ கிடைக்கும். இந்த விண்டோவில் மை டாகுமெண்ட்ஸ் போல்டருக்குச் சென்று அதனைத் தேர்ந்தெடுத்து ஓகே கிளிக் செய்திடவும். இனி டாஸ்க் பாரில் வலது ஓரத்தில் மை டாகுமெண்ட்ஸ் போல்டர் சதுரம் இருக்கும். அதில் உள்ள பைல்களைக் கையாள நீங்கள் விண்டோஸ் எக்ஸ்புளோரர் செல்ல வேண்டியதில்லை. இதனைக் கிளிக் செய்தாலே போதும். மொத்த பைல் மெனுவும் கிடைக்கும். இந்த வழியினை விண்டோஸ் விஸ்டா சிஸ்டத்திலும் மேற் கொள்ளலாம். விஸ்டாவில் மை டாகுமெண்ட்ஸ் என்பது டாகுமெண்ட்ஸ் என இருக்கும்.


கிராஷ் ஆகும்போது போல்டர்களைக் காப்பாற்ற: விண்டோஸ் எக்ஸ்பியில் பல போல்டர்களைத் திறந்து செயல்பட்டுக் கொண்டிருக்கையில் ஏதாவது ஒரு போல்டர் கிராஷ் ஆனாலும் அனைத்தும் கிராஷ் ஆகி மூடப்படும். அதில் சேவ் செய்யப்படாத டேட்டா மற்றும் பைல்களின் கதி அவ்வளவுதான். மற்ற போல்டர்களுக்கு இந்த நிலை ஏற்படாமல் இருக்க வேண்டும் என்றால் அதற்கு சிஸ்டத்தில் செட் செய்திடலாம். இது ஒரு மறைக்கப்பட்ட ஆப்ஷனாகத் தரப்பட்டுள்ளது. இதற்கு Control Panel ஐத் திறக்கவும்.



அதில் Folder Options என்பதைத் தேர்ந்தெடுக்கவும். கிளிக் செய்து கிடைக்கும் விண்டோவில் வியூ டேப் சென்று வரிசையாகக் கிடைக்கும் ஆப்ஷன்ஸ்களை ஸ்குரோல் செய்திடவும். இதில் ‘Launch folder windows in a separate process’ என்பதில் உங்கள் தேடலை நிறுத்தவும். இதில் அடுத்ததாக உள்ள கட்டத்தில் டிக் அடையாளத்தை ஏற்படுத்தவும். பின் ஓகே கிளிக் செய்திடவும். இனி எப்போதாவது கிராஷ் ஏற்பட்டால் சம்பந்தப்பட்ட போல்டர் தவிர மற்றவை காப்பாற்றப்படும்.


ஸ்டார்ட் மெனுவில் கூடுதல் புரோகிராம்கள்: ஸ்டார்ட் மெனுவில் புரோகிராம்களுக்கான ஷார்ட் கட்கள் உள்ளன. இவற்றைக் கிளிக் செய்தால் அந்த புரோகிராம்கள் திறக்கப்பட்டு செயல்பாட்டிற்குக் கிடைக்கும். இவற்றை எண்ணிப் பாருங்கள். ஆறுதான் இருக்கும். அப்படியானால் கூடுதலாக புரோகிராம்களுக்கான சுருக்கு வழிகளை இந்தப் பட்டியலில் அமைக்க வேண்டும் என்றால் என்ன செய்திட வேண் டும். ஸ்டார்ட் பட்டனில் ரைட் கிளிக் செய்திடுங் கள். கிடைக்கும் மெனுவில் ப்ராபர்ட்டீஸ் கிளிக் செய்து இன் னொரு விண்டோவினைப் பெறுங்கள். இந்த விண்டோவில் கஸ்டமைஸ் பட்டனை அழுத்தவும். புதியதாகத் திறக்கப்படும் டயலாக் பாக்ஸ் நடுவே உள்ள புரோகிராம் செக்ஷனில் Number of Programs in the Start menu என்று இருப்பதனைக் காணலாம்.இதில் அருகே 6 என்று இருக்கும். இதன் மேல் கீழ் அம்புக் குறிகளை அழுத்தி புரோகிராம்களின் எண்ணிக்கையினை அதிகப்படுத்தலாம் அல்லது குறைக்கலாம். இந்த எண்ணை செட் செய்தபின் ஓகே கிளிக் செய்து வெளியேறவும். இனி நீங்கள் செட் செய்த எண்ணிக்கைக்கேற்ப ஸ்டார்ட் மெனுவில் ஷார்ட் கட்கள் அமைக்கப்படும்.


தனி ஆளுக்கு ஏன் பாஸ்வேர்ட்: நீங்கள் ஒருவர் மட்டுமே உங்கள் கம்ப்யூட்டரைப் பயன்படுத்துவதாக இருந்தால், அல்லது உங்களுக்கு நம்பிக்கையான குடும்ப உறுப்பினர்கள் மட்டுமே பயன்படுத்துவதாக இருந்தால் அதற்கு ஏன் பாஸ்வேர்ட் கொடுத்து கம்ப்யூட்டருக்குள் நுழைய வேண்டும். தேவையில்லையே! எனவே பாஸ்வேர்ட் விண்டோ இல்லாமல் நுழைந்திட Start கிளிக் செய்து Run விண்டோவிற்குச் செல்லவும். அதில் control userpasswords என டைப் செய்திடவும். என்டர் செய்து கிடைக்கும் விண்டோவில் உங்களுடைய அக்கவுண்ட்டைத் தேர்ந்தெடுத்து பின் ‘Users must enter a user name and password to use this computer’ என்று இருக்கும் இடத்தில் உள்ள டிக் அடையாளத்தை எடுத்துவிடவும். ஓகே கிளிக் செய்திடவும். பின் பழைய பாஸ் வேர்டையே கொடுத்து பின் மீண்டும் ஓகே கிளிக் செய்தால் அடுத்த முறை பாஸ்வேர்ட் கொடுக்காமலேயே கம்ப்யூட்டரைப் பயன்படுத்தலாம்.


டெஸ்க் டாப்பைப் பெற: பல புரோகிராம்களை இயக்கிக் கொண்டிருக்கையில் டெக்ஸ்க் டாப்பில் உள்ள இன்னொரு புரோகிராமினை இயக்க டெஸ்க் டாப் திறக்கப்பட வேண்டும் என விரும்புவோம். அதற்கு பல வழிகள் உள்ளன. டாஸ்க் பாரில் ரைட் கிளிக் செய்து வரும் மெனுவில் ‘Show the Desktop’’ என்று இருப்பதைக் கிளிக் செய்திட வேண்டும். உடனே டெஸ்க் டாப் திரை கிடைக்கும். மீண்டும் இயங்கிக் கொண்டிருந்த புரோகிராம் வேண்டும் என்றால் அதே போல கிளிக் செய்து Show Open Windows என்று இருப்பதைத் தேர்ந்தெடுக்கவும். இதே செயலை கண்ட்ரோல் +டி அழுத்தியும் கண்ட்ரோல்+எம் அழுத்தியும் மேற்கொள்ளலாம்.


டாஸ்க் பாரில் குரூப் பைல்ஸ்: அடுத்தடுத்து பல பைல்களைத் திறந்து இயக்குகையில் அவற்றின் பெயர்களுடன் கூடிய பட்டன்கள் டாஸ்க் பாரில் இடம் பெறும். புரோகிராம்களின் எண்ணிக்கை அதிகமாகும் போது டாஸ்க் பாரில் இட நெருக்கடி ஏற்படும். இதனைத் தவிர்க்க இந்த புரோகிராம்களை குரூப் செய்திடலாம்.


அதாவது வேர்டில் மூன்றுபைல்கள் திறக்கப்பட்டால் அவற்றை ஒரே பட்டனில் அமையுமாறு செய்திடலாம். பட்டனில் பைல்களின் எண்ணிக்கையுடன் புரோகிராம் பெயர் தெரியும். இதற்கு சிஸ்டம் செய்திட வேண்டிய முறை. டாஸ்க் பாரில் காலியாக உள்ள இடத்தில் ரைட் கிளிக் செய்திடவும். விரியும் மெனுவில் புராபர்ட்டீஸ் பிரிவில் கிளிக் செய்திடவும். ‘Group Similar Taskbar buttons’ என்று லேபில் உள்ளதன் எதிரே உள்ள சிறிய கட்டத்தில் டிக் அடையாளத்தை ஏற்படுத்தவும்.


பின் ஓகே கிளிக் செய்து வெளியேறவும். இனி இன்டர்நெட் எக்ஸ்புளோரரில் பல தளங்களைத் திறந்தால் அவை அனைத்தும் ஒரே பட்டன்கீழ் இருக்கும். அதில் மவுஸை வைத்து கிளிக் செய்து கிடைக்கும் பட்டியலில் இருந்து உங்களுக்கு வேண்டிய தளத்தைத் தேர்ந்தெடுத்துப் பெறலாம். அதே போல் வேர்டில் பல பைல்களைத் திறந்து செயல்பட்டால் அவை அனைத்தும் டாஸ்க் பாரில் பட்டியலிடப்படும். பட்டனில் கிளிக் செய்து தேவையான பைலையும் தேர்ந்தெடுத்து இயக்கலாம்.


டாஸ்க் பாரில் வெப்சைட் பிரவுசிங் : இன்டர்நெட்டில் பிரவுஸ் செய்து ஒரு குறிப்பிட்ட முகவரி உள்ள தளத்தைப் பெற வேண்டும் என்றால் இன்டர்நெட் எக்ஸ்புளோரரைத் திறந்து பின் லோகேஷன் அல்லது அட்ரஸ் பாரில் தள முகவரியை டைப் செய்கிறோம். இந்த சுற்று வழிக்குப் பதிலாக டாஸ்க் பாரிலேயே அந்த தளத்தின் முகவரியை டைப் செய்து பெறும் வசதி இருந்தால் எவ்வளவு நன்றாக இருக்கும். இந்த வழியை டாஸ்க்பாரில் ஏற்படுத்தலாம். டாஸ்க் பாரில் உள்ள காலியான இடத்தில் ரைட் கிளிக் செய்திடுங்கள். விரியும் மெனுவில் ‘Lock the Taskbar’ என்பதில் டிக் அடையாளம் இருந்தால் எடுத்துவிடவும். பின் கிடைக்கும் கட்டத்தில் டூல்பார்ஸ் என்பதில் மவுஸின் கர்சரை அமைத்தால் என்று ஒரு பிரிவு இருக்கும். இதில் கிளிக் செய்தால் அதன் முன் டிக் அடையாளம் ஏற்படுத்தப்படும்.



கீழே டாஸ்க்பாரில் கடிகார நேரத்திற்குப் பக்கத்தில் அட்ரஸ் என்று இருக்கும். இதனைக் கிளிக் செய்து மவுஸால் இழுத்தால் ஒரு அட்ரஸ் பார் விரியும். இதில் நீங்கள் காண வேண்டிய வெப் சைட்டின் அட்ரஸை டைப் செய்தால் உடனடியாக அந்த தளத்திற்கு அழைத்துச் செல்லப்படுவீர்கள். அட்ரஸை டைப் இன்டர்நெட் எக்ஸ்புளோரரில் டைப் செய்தால் ஏற்கனவே பார்த்த இணைய தளங்களின் முகவரிகள் தாமாகவே எழுந்து வரும்; அதில் கிளிக் செய்து வேலையை முடிக்கலாம் என்று சொல்கிறீர்களா? அதே மாதிரி இங்கும் நீங்கள் டைப் செய்கையில் தளத்தின் பெயரை இன்டர்நெட் எக்ஸ்புளோரரில் பயன்படுத்தியிருந்தால் இங்கும் முழு முகவரியும் கிடைக்கும். அப்படியே அதன் மீது கிளிக் செய்திடலாம்.


ஒலி இல்லாத பிரவுசிங்


இன்டர்நெட்டில் பிரவுஸ் செய்கையில் சில தளங்களில் பின்னணி இசை மற்றும் வேறு வகையான எச்சரிக்கை ஒலிகள் வரும் வகையில் பைல்களைப் பதித்திருப்பார்கள். தளத்தைப் பார்க்கையில் இந்த ஒலிகள் ஒலிக்கப்பட்டு நம் கவனத்தைத் திருப்பும். அந்த தளம் மூடப்பட்டால் தான் ஒலி நிற்கும். எப்படி இந்த ஒலியை நிறுத்துவது. ஸ்பீக்கரை எடுத்துவிடலாமா? கம்ப்யூட்டரின் உள்ளேயே இணைந்த ஸ்பீக்கர் என்றால் என்ன செய்வது? நிறுத்துவதற்கும் ஒரு செட்டிங் உள்ளது. இன்டர்நெட் எக்ஸ்புளோரரைத் திறந்து கொள்ளுங்கள். கூணிணிடூண் கிளிக் செய்து கிடைக்கும் மெனுவில் Internet Options என்பதைத் தேர்ந்தெடுக்கவும். கிடைக்கும் விண்டோவில் Advanced என்னும் டேப் பட்டன் மீது கிளிக் செய்திடவும். ஸ்குரோல் வீலை கீழாக இயக்கி Multimedia என்னும் பிரிவிற்குச் செல்லவும்.


இதில் Play sounds in webpages என்னும் பிரிவில் டிக் அடையாளத்தை எடுத்துவிடவும். பின் ஓகே பட்டன் அழுத்தி வெளியேறவும். இனி இணைய தளங்களைப் பார்வையிடுகையில் தளத்திலேயே உள்ள சவுண்ட் பைல்கள் இயங்கி தேவையற்ற ஒலியைக் கொடுக்காது. மீண்டும் ஒலி தேவை என எண்ணினால் மேலே சொன்ன வழிகளில் சென்று டிக் அடையாளம் நீக்கிய இடத்தில் மீண்டும் அதனை அமைக்கவும்.

விண்ஸிப் கம்ப்யூட்டரின் சுருக்குப்பை

பைல்களை எளிதாக அனுப்புவதற்கு ஏற்ற வகையில் சுருக்கியும் பின் அதனைப் பயன்படுத்தும் வகையில் விரித்தும் தரும் ஒரு சாதனமே விண்ஸிப் என்னும் சாப்ட்வேர்.


கம்ப்யூட்டர் பயன்பாட்டில் பல நிலைகளில் நமக்குத் துணை புரிவது விண்ஸிப் என்னும் பைலைச் சுருக்கித் தரும் சாப்ட்வேர் சாதனம். பைல்களை அதன் நிலையில், பெரிய அளவில், காப்பி செய்வது எடுத்துச் செல்வதும் இமெயில்கள் வழியே அனுப்புவதும் சிக்கலான காரியம். ஏனென்றால் பைல்களின் அளவு பெரிய அளவில் இருக்கும்.



இந்த பைல்களை எளிதாக அனுப்புவதற்கேற்ற வகையில் சுருக்கியும் பின் அதனைப் பயன்படுத்துவதற்கேற்ற வகையில் விரித்தும் தரும் ஒரு சாதனமே விண்ஸிப் என்னும் சாப்ட்வேர் புரோகிராம். முதலில் இந்த புரோகிராமினை விண்ஸிப் கம்ப்யூட்டிங் என்ற நிறுவனம் தயாரித்து வழங்கியது. இது முதலில் நிகோ மேக் கம்ப்யூட்டிங் என அழைக்கப்பட்டது. 2006 ஆம் ஆண்டு விண்ஸிப் கம்ப்யூட்டிங் நிறுவனத்தை கோரல் டிரா மற்றும் வேர்ட் பெர்பெக்ட் சாப்ட்வேர் தொகுப்புகளுக்குப் பெயர் பெற்ற கோரல் கார்ப்பரேஷன் என்னும் நிறுவனம் வாங்கியது. விண்ஸிப் பலவகை பைல் சுருக்க வடிவங்களை சப்போர்ட் செய்வதனால் பெரும் பாலானோரால் பயன்படுத் தப்படுகிறது.


பிகே ஸிப் என்னும் ஸிப் பைல் தொகுப் பினை எம்.எஸ்.டாஸ் (விண்டோஸுக்கு முந்தைய ஆப்பரேட்டிங் சிஸ்டம்) தொகுப்பில் இயங்கும் வண்ணம் பில் காட்ஸ் என்பவரின் நிறுவனம் பி.கே. வேர் கண்டுபிடித்தது. பின் நாளில் விண்டோஸ் ஆப்பரேட்டிங் சிஸ்டம் கம்ப்யூட்டர் உலகை ஆளப் போவதனை அறியாததாலும், இந்த பைல் வகை பார்மட்டிற்கு காப்புரிமை பெறாததாலும் அந்த நேரத்தில் விண்டோஸ் ஆப்பரேட்டிங் சிஸ்டத்தின் முக்கியத்துவத்தை உணர்ந்த் விண் ஸிப் கம்ப்யூட்டிங் நிறுவனம் அதனை அப்படியே ஸ்வாகா செய்து புதிய முறையில் விண்ஸிப் என்ற பெயரில் விண்டோஸ் தொகுப்புக்கான பைல் சுருக்க முறையாகக் கம்ப்யூட்டர் உலகிற்குக் கொண்டு வந்தது.


தற்போது விண்ஸிப் இலவச தொகுப்பாகவும் கூடுதல் வசதிகளுடன் விலை கொடுத்து வாங்கும் தொகுப் பாகவும் கிடைக்கிறது. அண்மையில் வந்துள்ள விண்ஸிப் 11.2 கட்டணம் கட்டினால் மட்டுமே கிடைக்கும். ஆனால் இலவச டவுண்லோட் தொகுப்பு பல தளங்களில் டவுண்லோட் செய்திடக் கிடைக்கிறது. புதிய தொகுப்புகள் உருவாகும் போது சுருக்கிய பைல்களின் அளவும் குறைந்து வருகிறது. அதற்கேற்ற தொழில் நுட்ப வளர்ச்சியும் பார்மட் வகைகளும் மாறி வந்துள்ளன.எது எப்படி இருந்தாலும் பைல்களைச் சுருக்கி விரிக்க விண்ஸிப் ஒரு சிறந்த சாதனம் ஆகும்.இன்றளவிலும் நம் பயன்பாட்டிற்கு இலவசமாக கிடைக்கும் ஷேர் வேர் ஆகும். இதனை எப்படி பயன்படுத்துவது? இதன் பயன் என்ன என்று பார்ப்போம்.


ஸிப் பைல் என்று சொல்லப்படுகையில் நாம் ஒரே ஒரு பைலை குறிக்கிறோம். இதனை “archives” என்றும் அழைக்கிறோம். இதில் ஒன்று அல்லது ஒன்றுக்கு மேற்பட்ட பைல்கள் சுருக்கப்பட்டு இறுக்கப்பட்டு அடுக்கப்படுகின்றன. தொடர்புள்ள பைல்களை இது போல இணைத்து சுருக்கி எடுத்துச் செல்வது பாதுகாப்பாகவும் கம்ப்யூட்டர்கள் வழியே அனுப்புவதும் எளிதாகவும் உள்ளது. இதனால் நேரமும் டிஸ்க் இடமும் மிச்சமாகிறது. இந்த வகை ஸிப் பார்மட் தான் விண்டோஸ் சிஸ்டத்தில் பைல்களைச் சுருக்குவதில் ஸ்டாண்டர்ட் பார்மட்டாக உருவாகி இன்று உலகெங்கும் பயன்படுத்தப்பட்டு வருகிறது.


ஸிப் பைல்கள் பயன்பாடு என்று பார்க்கையில் கீழ்க்காணும் மூன்று தளங்கள் முக்கியமானதாகக் கருதப்படுகின்றன. அவை



1) இன்டர்நெட்டில் பைல்களை அனைவருக்கும் வழங்க: ஒரே ஒரு டவுண்லோட் செய்தால் போதும். அனைத்து சார்புள்ள பைல்களும் ஒரு ஸிப் பைல் மூலமாக வழங்கப்படுகின்றன.


2) தொடர்புள்ள பல பைல்களை நாம் விரும்பும் ஒருவருக்கு அனுப்ப எளிதான வழி ஸிப் பைல் தான். குறிப்பாக இன்டர்நெட் வழி அனுப்பும் போதும் அதனை டவுண்லோட் செய்திடும்போதும் நேரமும் உழைப்பும் மிச்சமாகிறது.


3) டிஸ்க் ஸ்பேஸ்: பைல் களைச் சுருக்கி வைப்பதனால் டிஸ்க் ஸ்பேஸ் மிச்சமாகிறது. ஒன்று அல்லது பல பைல்களைச் சுருக்க (ஸிப் செய்திட) ஸிப் பைலாக மாற்றிட கம்ப்ரஷன் என்னும் பைல்களை இறுக்கிச் சுருக்கி மாற்றும் சாதனம் தேவைப் படுகிறது. அவ்வகையில் சிறப்பான புரோகிராமாக இருப்பது விண்ஸிப். விண்டோஸ் சூழ்நிலையில் மட்டுமே இது செயல்படும். ஸிப் பைலை உருவாக்க, விரிக்க, உருவான ஸிப் பைலில் மேலும் சில பைல்களைச் சுருக்குவதற்காகச் சேர்க்க, நீக்க, சோதனை மேற்கொள்ள விண்ஸிப் உதவுகிறது. அனைத்திலும் மேலாக கம்ப்யூட்டரை முதன் முதலில் பயன்படுத்துபவர்களுக்கு பைல் சுருக்க நடவடிக்கைகளை மேற்கொள்ள சிறந்த எளிய சாதனமாக விண்ஸிப் உள்ளது.


விண்ஸிப் மூலம் பைல்களைச் சுருக்குகையில் பைல்கள் மாற்றப்படுவதில்லை; அழிக்கப் படுவதில்லை. அவை இன்னொரு வடிவில் பதியப்படுகின்றன. இதற்கு ஒரு எடுத்துக் காட்டைக் கூறலாம். ஒரு பெரிய கடிதம் ஒன்று இருக்கிறது. அதனை அனுப்ப வேண்டும். என்ன செய்கிறோம்? கடிதம் எழுதியபடி பெரிய பேப்பராக அதனை அனுப்ப முடியாது. எனவே அதனை மடித்து ஒரு சிறிய கவரில் போட்டு அனுப்புகிறோம். எதிர் முனையில் அது யாருக்குச் செல்ல வேண்டுமோ அவர் அதனைப் பெற்று கவரைத் திறந்து கடிதத்தைப் பிரித்து படிக்கிறார். எனவே மீண்டும் அந்தக் கடிதம் தன் பழைய வடிவைப் பெற்று பயன்படுத்தப்படுகிறது. ஆனால் அனுப்புவதற்கு அது வேறு ஒரு உருவில் சென்றது.



அதே போல் தான் விண்ஸிப் இயங்கும் விதமும். ஒரு பெரிய பைலை எடுக்கிறீர்கள். அல்லது ஒரு குரூப் பைலை மொத்தமாகத் தேர்ந்தெடுக்கிறீர்கள். அவை அனைத்தையும் சுருக்கி ஒரு பைலாக அமைக்கிறீர்கள். இதனை எங்கு எடுத்துச்செல்ல வேண்டுமோ அங்கு எடுத்துச் செல்கிறீர்கள்; அல்லது கம்ப்யூட்டர் வழியே அனுப்புகிறீர்கள். அது சேரும் இடத்தில் மீண்டும் அந்த சுருக்கப்பட்ட பைல் விரிக்கப்பட்டு ஒரிஜினல் பைல்களாக இடம் பெறுகின்றன.


உங்களுக்கு விண்ஸிப் பயன்பாட்டிற்கு வேண்டும் என்றால் விண்ஸிப் பைலின் சோதனை பதிப்பு ஒன்றை இணையத்தில் www.winzip. com அல்லது இதே பைல் கிடைக்கக் கூடிய இன்னொரு தளத்தில் இருந்து இறக்கிக் கொள்ளலாம். டவுண் லோட் செய்திட்ட பைல் மீது இருமுறை கிளிக் செய்தால் விண்ஸிப் கம்ப்யூட்டரில் இன்ஸ்டால் செய்யப்படும். இன்ஸ்டால் செய்யப் படுகையில் இன்ஸ்ட லேஷன் விண்டோ கேட்கும் கேள்வி களுக்கு உங்கள் ஆப்ஷன் களைத் தெரிவித்து இன்ஸ் டால் செய்திடவும். இன்ஸ் டால் செய்திடுகையில் உங்கள் கம்ப்யூட்டரில் உள்ள அனைத்துவகை பைல் பார் மட்டினையும் விண்ஸிப் அளந்து வைத்துக் கொள்ளும்.


விண்ஸிப் இன்ஸ்டால் செய்தவுடன் டெஸ்க்டாப்பில் அதற்கான ஐகான் ஒன்று இடம் பெற்றிருப்பதனைக் காணலாம். விண்ஸிப் தொடங்க இதன் மீது இருமுறை கிளிக் செய்திடவும். அல்லது ஸ்டார்ட் மெனு சென்று Start menu >> All Programs > WinZip > WinZip என வரிசையாகச் சென்று கிளிக் செய்யவும். இப்போது விண்ஸிப் மூன்று சாய்ஸ் கொடுக்கும். அதில் Use Evaluation Version என்பதில் கிளிக் செய்திடவும். இப்போது விண்ஸிப் விஸார்ட் ஒன்றினைக் காணலாம். இதன் மூலம் தான் விண்ஸிப்பின் பணிகளை மேற்கொள்ளலாம். அடுத்து நெக்ஸ்ட் கிளிக் செய்திட ஒரு ஸிப் பைல் ஒன்று உருவாக வேண்டும்.


இந்த பைலுக்கு புரிந்து கொள்ளக் கூடிய வகையில் பெயர் ஒன்றைக் கொடுக்கவும். நீங்கள் சுருக்க இருக்கும் பைல் அல்லது பைல்கள் இந்த பெயரில் தான் வைக்கப்படும். எனவே எந்த பைல்களை சுருக்கப்போகிறீர்களோ அந்த பைல் சார்ந்து பெயர் கொடுத்தால் பின் நாளில் எந்த விண்ஸிப் பைல் நீங்கள் தேடும் பைலைக் கொண்டிருக்கிறது என்று புரிந்து கொள்ளலாம். இனி சுருக்குவதற்கு வேண்டிய பைல்களை இணைக்க வேண்டும். இதற்கு ஆட் (Add) என்னும் பட்டனை அழுத்த வேண்டும். இனி எந்த எந்த பைல்களை சுருக்க வேண்டுமோ அவற்றை டிராப் அண்ட் டிராக் முறையில் கொண்டு வரலாம். அல்லது பிரவுஸ் செய்து அவற்றைக் கொண்டு வரலாம்.



சுருக்க வேண்டிய பைல்களைக் கொண்டு சென்ற பிறகு அவற்றைச் சுருக்க கட்டளை தர வேண்டும். இதற்கு ZipNow என்ற பட்டனில் என்டர் தட்ட வேண்டும். பைல்கள் சுருக்கப்பட்டு நீங்கள் கொடுத்த ஸிப் பைல் பெயரில் வைக்கப் படும். இப்போது ஊடிணடிண்ட கிளிக் செய்து விண்ஸிப் விட்டு வெளியே வரலாம். இப்போது எந்த போல்டரைத் தேர்ந்தெடுத்து நீங்கள் ஸிப் பைல் உருவாக்கினீர்களோ அந்த போல்டரில் நீங்கள் கொடுத்த பெயரில் ஸிப் பைல் ஒன்று உருவாக்கப்பட்டிருக்கும்.


சுருக்கப்பட்ட பைலில் உள்ள பைல்களைப் பெற மீண்டும் விண்ஸிப் பயன் படுத்த வேண்டும். சுருக்கப்பட்ட பைலின் மீது ரைட் கிளிக் செய்து Open With WinZip எனக் கொடுக்கலாம். அல்லது ஒரு போல்டர் மாதிரி அதனை எண்ணிக் கொண்டு இருமுறை அதன் மீது கிளிக் செய்திடலாம். மீண்டும் விண்ஸிப் விண்டோ கிடைக்கும். மீண்டும் Use Evaluation Version என்பதில் கிளிக் செய்தால் வழக்கமான விஸார்ட் விண்டோ கிடைக்கும். இதில் Next அடுத்து UnZip என்பதில் கிளிக் செய்திட வேண்டும். மீண்டும் கிளிக் செய் விரிக்கும் பைலில் இருந்து கிடைக்கும் பைல்களை ஸ்டோர் செய்திட போல்டர் ஒன்றைத் தேர்ந்தெடுக்க வேண்டும். இனி Unzip Now என்பதில் கிளிக் செய்திடுங்கள். நீங்கள் தேர்ந்தெடுத்த போல்டரில் விரிக்கப்பட்ட பைல்கள் இடம் பெற்றிருப்பதனைக் காணலாம். மீண்டும் விண்ஸிப் பில் Finish என்பதில் கிளிக் செய்து முடிக்கலாம்.


பைல்களை ஸிப் செய்தவுடன் அந்த ஸிப் பைலை உடனே இமெயில் மூலம் அனுப்ப விண்ஸிப் தன் தொகுப்பில் வழி கொண்டுள்ளது. ஒரு பைலை ரைட் கிளிக் செய்து கிடைக்கும் மெனுவில் Zip and EMail என்பது ஒரு வசதியாகத் தரப்பட்டுள்ளது.


இதனைக் கிளிக் செய்தால் பைல் அல்லது பைல்கள் ஸிப் செய்யப்பட்டு பின் உங்கள் கம்ப்யூட்டரில் உள்ள இமெயில் கிளையன்ட் புரோகிராம் திறக்கப்பட்டு யாருக்கு அனுப்ப வேண்டுமோ அவருடைய இமெயில் முகவரிக்காகக் காத்திருக்கும். பைல்களைச் சுருக்க ஸிப் பார்மட் தான் பெரும்பாலோனாரால் பயன்படுத்தப்பட்டு வந்தாலும் வேறு சில வகை பார்மட்களும் உள்ளன.


விண்ஸிப் இந்த பார்மட்டுகளையும் கையாளும் வகையில் உருவாக்கப்பட்டுள்ளது. அவை TAR, gzip, CAB, UUencode, XXencode, BinHex, MIME, ARJ, LZH, ARC, ARJ, ARC, மற்றும் LZH ஆகும். இதில் எந்த வகை பைலை நீங்கள் இன்டர்நெட்டிலிருந்து இறக்கி இருந்தாலும் விண்ஸிப் உங்களுக்கு அதனை விரித்துக் கொடுக்கும்.

இணைய தளத்தில் ஷார்ட் கட் கீகள்!

பல இணைய தளங்களில் ஷார்ட் கட் கீ தொகுப்புகளைக் காணலாம். மைக்ரோசாப்ட் நிறுவனத்தின் அதிகார பூர்வமான இணைய தளத்தில் இவற்றைக் காணலாம். விண்டோஸ் எக்ஸ்பி ஆப்பரேட்டிங் சிஸ்டத்தில் இயங்கும் ஷார்ட் கட் கீ தொகுப்பினை http://support.microsoft.com/kb1301583 என்ற முகவரியில் உள்ள தளத்தில் காணலாம். எக்ஸ் பி தொகுப்பிற்கான அனைத்து ஷார்ட் கட் கீகளும் இங்கு வகை வாரியாகத் தரப்படுகின்றன. பல உங்களுக்கு ஏற்கனவே தெரிந்திருக்கும். நிறைய ஷார்ட் கட் கீகள் உங்களுக்கு ஆச்சரியத்தை வரவழைக்கும்.


வேர்டில் இல்லாத அயல் குறியீடுகளுக்கான ஷார்ட் கட் கீகளை ஓர் இணைய தளம் தருகிறது. அதன் இணைய முகவரி http://tinyurl.com/2qqtmo அனைத்து புரோகிராம்களுக்கான ஷார்ட் கட் கீகளையும் பெற ஒரு கலங்கரை விளக்கமாக ஒரு இணைய தளம் உள்ளது. அதன் முகவரி www.keyxl.com. உங்களுக்கு எந்த புரோகிராமிற்கு ஷார்ட் கட் கீ தொகுப்புகளின் பட்டியல் வேண்டுமோ அந்த புரோகிராமின் பெயரை இதில் உள்ள கட்டத்தில் டைப் செய்தால் அந்த புரோகிராமிற்கான தளத்திற்கு நீங்கள் அழைத்துச் செல்லப்படுவீர்கள்.


ஷார்ட் கட் கீ தொகுப்பு மூலம் வேடிக்கையான அனுபவம் தருபவை ஈஸ்டர் எக்ஸ் ஆகும். இவற்றைத் தேடித்தான் கண்டுபிடிக்கும் அளவில் எண்ணிக்கையில் பெரியதாக உள்ள தளத்தின் முகவரி : www.eggheaven.com இங்கு சென்றால் நேரம் போவதே தெரியாமல் நீங்கள் இதிலேயே ஆழ்ந்து போய்விடுவீர்கள். அந்த அளவிற்கு ஈஸ்டர் எக்ஸ் குறித்த தகவல்களை இந்த தளம் தருகிறது.


ஷார்ட் கட் கீ தொகுப்புகளுக்குப்பின் நமக்கு அதிகம் உதவி செய்வன மேக்ரோக்களாகும். இந்த மேக்ரோக்கள் எப்படி எதற்காகச் செயல்படுகின்றன என்பதனை http://tinyurl.com/2roen7 என்ற முகவரியில் உள்ள தளத்தில் காணலாம். இது ஒரு மைக்ரோசாப்ட் டுடோரியல் பக்கமாகும். இதில் மேக்ரோக்கள் தெளிவாக விளக்கப்பட்டுள்ளன.

சிஸ்டம் டிப்ஸ்!

பைல் பெயரை முழுவதுமாய்ப் பார்க்க: விண்டோஸ் ஆப்பரேட்டிங் சிஸ்டம் பைல் பெயர்களில் உள்ள இறுதி மூன்றெழுத்துக்கள் கொண்ட பைல் வகைப் பெயரினைக் காட்டாது. அவ்வாறு தான் செட் செய்யப்பட்டுள்ளது. ஆனால் நாம் அதன் ஐகான் மூலம் அது எத்தகைய பைல் வகை, வேர்ட், பேஜ் மேக்கர், எம்பி3, பெயிண்ட், என அறிந்து கொள்ளலாம். இந்த சிறிய சலுகையைப் பயன்படுத்தி சில வைரஸ் பைல்கள் வழக்கமான பைல்களுக்கான ஐகான்களுக்குள் ஒழிந்து வருகின்றன. நாமும் அவை இ.எக்ஸ்.இ. பைல் என அறியாமல் வேர்ட் அல்லது அதைப் போன்ற வழக்கமான பைல் என உடனே கிளிக் செய்துவிடுகிறோம்.



பைலின் துணைப் பெயர் தெரிந்தால் நிச்சயம் அதனைக் கிளிக் செய்து திறக்க மாட்டோம். எனவே பைலின் முழு பெயரும் தெரியும்படி நாம் செட் செய்திடலாம். My Computer சென்று அதில் Tools என்னும் பிரிவில் Folder Options என்பதில் கிளிக் செய்திடவும். பின் கிடைக்கும் விண்டோவில் View டேபில் கிளிக் செய்து என்பதில் உள்ள டிக் அடையாளத்தை எடுத்துவிடவும். OK என்டர் தட்டி அதனை மூடியபின் உங்கள் பைல்களை நீங்கள் அவற்றின் துணைப் பெயர்களுடன் பார்க்க முடியும்.


இன்ஸ்டால் செய்த பின் இ.எக்ஸ்.இ. பைலை என்ன செய்திடலாம்?: நீங்கள் அடிக்கடி சிறிய இலவச புரோகிராம்கள் குறித்து எழுதுகையில் தளங்களில் இருந்து அவற்றை டெஸ்க் டாப்பில் பதிந்து வைத்து பின் இன்ஸ்டால் செய்திடச் சொல்கிறீர்கள். பதிந்த பின் அந்த இ.எக்ஸ்.இ. பைலை என்ன செய்யலாம் என்று சொல்லவில்லையே என கோயமுத்தூர் வாசகி ஒருவர் கேட்டுள்ளார். அவருக்கும் மற்றவர்களுக்குமான குறிப்புகள். நீங்கள் டவுண்லோட் செய்திடும் பைல் (இது இ.எக்ஸ்.இ. அல்லது ஸிப் பைலாக இருக்கலாம்) தான் புரோகிராமின் மூல பைல். இவ்வாறு இறக்கி, இன்ஸ்டால் செய்திடும் புரோகிராம் உங்களுக்கு அதிகம் பயன்படுவதாக வைத்துக் கொள்வோம்.


திடீரென அந்த புரோகிராம் சரியாகச் செயல்படவில்லை என்றால் மீண்டும் புரோகிராமினை ரீ இன்ஸ்டால் செய்திட எண்ணுவோம். மீண்டும் இணைய தளம் சென்று அந்த புரோகிராமை மீண்டும் டவுண்லோட் செய்திட வேண்டும். உங்கள் துரதிருஷ்டம் அந்த புரோகிராம் பைல் நீக்கப்பட்டு கூடுத வசதிகளுடன் கட்டணம் செலுத்திப் பெரும் பைல் இருக்கும். நீங்கள் என்ன செய்வது? எனத் தலையைப் பிய்த்துக் கொள்ள வேண்டாம். எனவே இன்ஸ்டால் செய்தபின் இது போன்ற சாப்ட்வேர் புரோகிராம்களுக்கென ஒரு போல்டர் அமைத்து அதில் சேவ்செய்து வைக்கவும். இயங்கும் புரோகிராம் கெட்டுப் போகையில் இது மீண்டும் உங்களுக்குக் கை கொடுக்கவும்.

படங்களை மொத்தமாக சுழற்ற

நீங்கள் உருவாக்கிய பைல்களை நீங்கள் மட்டுமே பார்க்க முடியும் என்ற நிலைக்கு மாற்ற வேண்டுமா? கம்ப்யூட்டர் பயன்படுத்தும் வேறு யாரும் பார்க்க முடியாதபடி அவற்றை நிறுத்த முடியுமா? முடியும்.

தேவையற்ற புரோகிராம்களை உடனடியாக அறிய: உங்கள் கம்ப்யூட்டர் ஸ்டார்ட் ஆகும்போது எக்கச் சக்க புரோகிராம்களை இயக்கத்திற்குக் கொண்டு வந்து பின்னணியில் இயங்கும் வண்ணம் வைத்திருந்தால் கம்ப்யூட்டர் மெதுவாகத்தான் செயல்படும். எனவே ஸ்டார்ட் ஆகும் நிலையில் இயங்கி நிற்கும் தேவையற்ற புரோகிராம்களை ஸ்டார்ட் அப் போல்டரிலிருந்து எடுக்க வேண்டும்.
இதற்கான ஸ்டார்ட், ஆல் புரோகிராம்ஸ் சென்று அங்கு ஸ்டார்ட் அப் சென்றால் தொடக்கத்தில் இயங்கும் அனைத்து புரோகிராம்களின் பெயர்களும் தெரியும். ஆனால் எந்த புரோகிராம் கட்டாயம் இருக்க வேண்டும்; எவை எல்லாம் இருக்கக் கூடாது என்று உங்களுக்குப் புரியாமல் எதற்கு வம்பு? என்று அப்படியே விட்டுவிடுவீர்கள். இல்லையா? அனைத்திற்கும் கை கொடுக்கும் இன்டர்நெட் இதற்கும் கை கொடுக்கிறது. இன்டர்நெட் இணைப்பு இருக்கையில் www.sysinfo.org/startuplist.php என்ற முகவரியில் உள்ள தளத்திற்குச் செல்லவும். இங்கு எந்தெந்த பைல்களெல்லாம் எப்படிப்பட்டவை? தேவையானவையா என்று நீங்கள் அறிந்து கொள்ளலாம். பின் ஸ்டார்ட் அப்பில் தேவையில்லாதவற்றை எடுத்துவிடலாம். படங்களை மொத்தமாகச் சுழற்ற: டிஜிட்டல் கேமரா அல்லது மெமரி கார்டுகளிலிருந்து போட்டோக்களை கம்ப்யூட்டருக்கு மாற்றுகையில் நெட்டு வாக்கில் எடுத்த படங்கள் படுக்கை வாக்கான நிலையில் தெரியும். இதனை நேராக அமைக்க வேண்டும் என்றால் ஒவ்வொன்றாகத் திறந்து Rotate என்னும் வசதியைப் பயன்படுத்தி அமைக்க வேண்டும். இதற்குப் பதிலாக சுழற்ற வேண்டிய படங்கள் அனைத்தையும் மொத்தமாக சுழற்றி அமைத்திட முடியும். போட்டோக்களை கம்ப்யூட்டருக்கு காப்பி செய்தவுடன் அவை உள்ள போல்டருக்குச் செல்லவும்.

போல்டரைத் திறந்து படங்களுக்கான Thumbnails எனப்படும் சிறிய படங்கள் கிடைக்கும் படி திறந்து கொள்ளவும். இந்த தம்ப் நெய்ல் படங்கள் கிடைக்க வேண்டும் எனில் மெனு பாரில் View வில் கிளிக் செய்து கிடைக்கும் மெனு கட்டத்தில் கூட Thumbnails என்னும் பிரிவில் கிளிக் செய்தால் போட்டோக்களின் சிறிய உருவங்கள் பைல்களின் பெயர்களுக்கு மேலாகத் தெரியும். இப்போது Ctrl கீயை அழுத்திக் கொண்டு எந்த போட்டோக்களை சுழற்ற வேண்டுமோ அதன் மீது ஒவ்வொன்றாக இடது மவுஸ் பட்டனால் கிளிக் செய்திடவும். இப்போது சுழற்ற வேண்டிய போட்டோக்கள் அனைத்தும் செலக்ட் செய்யப்பட்டுவிடும். இனி ஏதாவது ஒரு படத்தின் மீது ரைட் கிளிக் செய்யவும். கிடைக்கும் மெனுவில் Rotate Clockwise என்பதில் கிளிக் செய்தால் விண்டோஸ் உங்களுக்காக இந்த படங்களைச் சுழற்றிக் கொடுக்கும். இந்த வசதி விண்டோஸ் எக்ஸ்பியில் உள்ளது.

டாஸ்க் பாரை மாற்றி அமைக்க: கம்ப்யூட்டர் பயன்படுத்தும் அனைவரும் டாஸ்க் பாரினைக் கீழாக வைத்திருக்க எண்ண மாட்டார்கள். ஒரு சிலர் அதனை வலது அல்லது இடது புறமாக நெட்டுவாக்கில் வைத்திருக்க விரும்பலாம். இதனை எப்படி அமைக்கலாம்? முதலில் டாஸ்க் பார் Lock ஆகியிருக்கிறதா என்று பார்க்கவும். செய்யப்பட்டிருந்தால் அதனை Unlock செய்திட வேண்டும். இதற்கு டாஸ்க் பாரில் காலியாக உள்ள இடத்தில் ரைட் கிளிக் செய்து கிடைக்கும் மெனுவில் Lock the Taskbar என்னுமிடத்தில் உள்ள டிக் அடையாளத்தை எடுத்துவிடவும். இப்போது மவுஸின் இடது பட்டனைக் கொண்டு டாஸ்க் பாரின் ஏதாவது ஒரு இடத்தில் கிளிக் செய்தபடி பட்டனை விடாமல் இழுக்கவும். டாஸ்க் பார் உயர்ந்து வரும். விரும்பும் இடத்தில் அதனை அமைத்து பட்டனை விட்டுவிடவும். பின் டாஸ்க் பாரின் அகலத்தை அட்ஜஸ்ட் செய்திடலாம். நீங்கள் விரும்பும் இடத்தில் விரும்பும் வகையில் அமைந்துவிட்ட பின் மீண்டும் காலியாக உள்ள இடத்தில் ரைட் கிளிக் செய்து டாஸ்க் பாரினை லாக் செய்திடவும்.

வெவ்வேறு பெயர்களில் சேவ் செய்திடுவது நல்லது: பல பிரிவுகள் நிறைந்த ஒரு பெரிய டாகுமெண்ட் அல்லது படம் ஒன்றை எடிட் செய்கையில் சிறிய அளவிலான பல மாற்றங்களை மேற்கொண்டு வருவோம். குறிப்பாக புதிய புரோகிராம் ஒன்றைப் பயன்படுத்துகையில் அதன் பல்வேறு வசதிகளைப் பயன்படுத்தவே திட்டமிடுவோம். சில வேளைகளில் புதியதாக ஏற்படுத்திய மாற்றத்தைக் காட்டிலும் சில மாற்றங்களுக்கு முன்பிருந்த டாகுமெண்ட் அல்லது படமே நன்றாக இருந்தது என எண்ணி அதனைப் பெற எண்ணுவோம்.
ஆனால் புரோகிராம் அவ்வப்போது சேவ் செய்துவிடுவதால் பழைய நிலையில் டாகுமெண்ட் கிடைக்காது. இந்த குழப்பத்தினைப் போக்க டாகுமெண்ட்டில் முக்கிய மாற்றங்களை ஏற்படுத்திய பின் அதனை பைல் பெயருடன் 1,2,3 என எண்கள் கொடுத்து சேவ் செய்திடலாம். பின் எந்நிலையில் உள்ள மாற்றங்களுடன் பைல் வேண்டுமோ அந்த நிலையில் சேவ் செய்த பைலைத் திறந்து பயன்படுத்தலாம்.

இன்ஸ்டால் செய்திருந்தால் இவற்றிலும் மேலே சொன்ன வகை பைல்களைத் திறந்து பயன்படுத்தலாம். ஆனால் அதற்கு ஒரு ப்ளக்–இன் பைல் சேர்க்கப்பட வேண்டும். இந்த ப்ளக் இன் புரோகிராமினை http://www.sun.com/software/star/odf_plugin/index.jsp என்ற முகவரியில் உள்ள தளத்தில் டவுண்லோட் செய்து கொள்ள லாம். இலவசம் தான். ஆனால் இந்த ப்ளக் இன் புரோகிராம் ஆபீஸ் 2007 தொகுப்புடன் இணைந்து செயலாற்றாது. எனக்கே எனக்காய்: நீங்கள் உருவாக்கிய பைல்களை நீங்கள் மட்டுமே பார்க்க முடியும் என்ற நிலைக்கு மாற்ற வேண் டுமா? கம்ப்யூட்டர் பயன்படுத்தும் வேறு யாரும் பார்க்க முடியாதபடி அவற்றை நிறுத்த முடியுமா? முடியும்.
உங்கள் கம்ப்யூட்டரின் ஹார்ட் டிஸ்க் என்.டி. பைல் சிஸ்டத்தைப் (NTFS) பயன்படுத்தினால் இவ்வாறு மாற்றிடலாம். நீங்கள் மட்டுமே திறந்து பார்க்கும்படி மாற்றப்பட வேண்டிய பைலை அல்லது போல்டர் இருக்கும் இடத்தை விண்டோஸ் எக்ஸ்புளோரரில் கண்டறியவும்.
பின் அதன் மீது ரைட் கிளிக் செய்து புராபர்ட்டீஸ் தேர்ந்தெடுக்கவும். கிடைக்கும் விண்டோவில் Sharing என்னும் டேபில் கிளிக் செய்திடவும்.
வரும்மெனுவில் Make this folder private என்பதில் கிளிக் செய்து பின் ஓகே என்டர் தட்டி வெளியே வரவும். இனி அந்த பைல் அல்லது போல்டரை நீங்கள் மட்டுமே அந்த கம்ப்யூட்டரைப் பயன்படுத்துகையில் பார்த்து திறக்க முடியும். மற்றவர்கள் அதே கம்ப்யூட்டரைப் பயன்படுத்துகையில் திறக்க முடியாது.

கம்ப்யூட்டர் பயன்படுத்தும் அனைவரும் டாஸ்க் பாரினைக் கீழாக வைத்திருக்க எண்ண மாட்டார்கள். ஒரு சிலர் அதனை வலது அல்லது இடது புறமாக நெட்டுவாக்கில் வைத்திருக்க விரும்பலாம்.

விசுவல் டிக்ஷ்னரி

15 தலைப்புகளில் ஏறத்தாழ 6000 படங்களுடன் இந்த டிக்ஷனரி உள்ளது. இதுவரை வேறு எந்த டிக்ஷனரியும் இவ்வாறு பொருள் கூறியதில்லை.

டிக்ஷனரிக்குப் பெயர் பெற்ற மெரியம் வெப்ஸ்டர் (MerriamWebster) அண்மையில் ஒருவிசுவல் டிக்ஷனரியை இணையத்தில் வெளியிட்டுள்ளது. அதனை http://visual.merriamwebster.com/ என்ற முகவரியில் காணலாம். அது என்ன விசுவல் டிக்ஷனரி என்கிறீர்களா? சொற்களுக்கு பொருள் தருவது மட்டுமின்றி அது குறித்த படங்கள் காட்டப்படும். இந்த படங்களை வைத்தும் பொருளைத்தேடிக் கண்டறியலாம். இந்த தளத்தின் மெயின் பக்கத்தில் படப் பட்டியல் ஒரு புத்தகத்தின் பொருளடக்கம் போலக் காட்டப்படும். இதில் உள்ள தலைப்பிலிருந்தும் இந்த டிக்ஷனரியைப் பயன்படுத்தலாம். அல்லது இந்த தளத்தின் ஒரு பக்கத்தில் கொடுக்கப்பட்டுள்ள மெனு வழியாகவும் டிக்ஷனரியைப் பயன்படுத்தலாம். 15 தலைப்புகளில் ஏறத்தாழ 6000 படங்களுடன் இந்த டிக்ஷனரி உள்ளது. இதுவரை வேறு எந்த டிக்ஷனரியும் இவ்வாறு பொருள் கூறியதில்லை. வானியியல், பூமி, செடிகளும் தோட்டமும், விலங்குகள் உலகம்,மனிதர்கள், உணவும் சமையலறையும், வீடு, ஆடைகளும் பொருட்களும், கலையும் கட்டடக் கலையும், தொலை தொடர்பு, வாகனங்களும் இயந்திரங்களும், மின் சக்தி, அறிவியியல், சமுதாயம் மற்றும் விளையாட்டுக்கள் எனப் பல தலைப்புகள் உள்ளன.
மெயின் பக்கத்தில் எப்படி ஒரு சொல்லுக்கு அல்லது படத்திற்கு பொருள் கொள்வது என்று எடுத்துக் காட்டு தரப்பட்டுள்ளது. எடுத்துக் காட்டாக ஒரு ஸ்ட்ரா பெரி பழம் தரப்பட்டுள்ளது. இதில் கிளிக் செய்தால் எத்தனை வகை ஸ்ட்ரா பெரி உள்ளது. அதன் பாகங்கள் என்ன என்ன? என்று காட்டப்படுகிறது. இதைத் தேர்ந்தெடுத்தபடியே சமையலறை சென்றால் சமையலில் எந்த உணவிற்கு இது இணையாக இருக்கும் என்று காட்டப்படுகிறது.
இப்படிக் காட்டப்படுகையில் ராஸ்ப் பெரி போன்ற மற்ற பழங்களின் படங்களும் காட்டப்படுகின்றன. அவற்றையும் கிளிக் செய்து தகவல்களைப் பெறலாம். இந்தப் பக்கத்தின் மேலாக இந்த வார விளையாட்டு (Game of the Week) என்று ஒரு பகுதி உள்ளது. எந்த அளவிற்கு உங்களுக்கு சில சொற்கள் குறித்துத் தெரியும் என்பதனை இந்த பகுதியில் அறிந்து கொள்ளலாம். எடுத்துக் காட்டாக நான் ட்ரம்பட் என்பது குறித்து பார்த்தேன். அதன் பல்வேறு பகுதிகளின் பெயர்கள் என்ன என்பது குறித்து சொற்களைத் தெரியப்படுத்த வேண்டியதிருந்தது. தவறாக ஏதாவது சொல்லைத் தந்தால் டிங் என்று ஒரு ஓசை கேட்கிறது. உங்களுக்கு அதன் பகுதிகளுக்கான பெயர்கள் தெரிய வேண்டியதில்லை என்றால் டிக்ஷனரியே ஒரு பட்டியல் தரும். நீங்கள் சரி என்று நினைக்கும் சொல்லை எடுத்து இழுத்துப் போட வேண்டும். அது சரியான சொல் என்றால் ஏற்றுக் கொள்ளும். இல்லை என்றால் ஒலி எழுப்பும்.

பவர் பாய்ண்ட் எழுத்துப் பிழைகளை மறைக்க!

பிழைகளைத் திருத்தி காட்டுவதே நல்லது என்றாலும் சில வேளைகளில் நேரம் இன்மையால் அல்லது உங்களுக்கென அடுத்தவர்கள் தயாரித்துத் தருவதால் பிழைகள் ஏற்பட வாய்ப்பு உண்டு. இதனை எப்படி தவிர்க்கலாம்?

மிக அழகாக பவர்பாய்ண்ட் பிரசன்டேஷன் தொகுப்பு ஒன்றைத் தயார் செய்திருக்கிறீர்கள். அதனைப் பெருமையுடனும் சிரத்தையுடனும் உங்களுடன் பணி புரிபவர்கள் அல்லது மாணவர்களுக்குப் போட்டுக் காட்ட விரும்புகிறீர்கள். எவ்வளவு தான் முயற்சியுடன் ஸ்லைடுகளைத் தயாரித்திருந்தாலும் உங்களையும் அறியாமல் ஆங்கில சொற்களில் சில தவறுகள் இருந்தால் ஸ்லைடுகளைக் காட்டும்போது சொற்களில் சிகப்பு அடிக் கோடுகள் இருந்து உங்கள் மானத்தை வாங்கும்.



பிழைகளைத் திருத்தி காட்டுவதே நல்லது என்றாலும் சில வேளைகளில் நேரம் இன்மையால் அல்லது உங்களுக்கென அடுத்தவர்கள் தயாரித்துத் தருவதால் பிழைகள் ஏற்பட வாய்ப்பு உண்டு. இதனை எப்படி தவிர்க்கலாம்? இந்த எழுத்துப் பிழைகளை மறைத்திட பவர் பாய்ண்ட்டில் வசதி உள்ளது. கீழே குறிப்பிட்டுள்ளபடி செட் செய்திடவும். Tools சென்று கிளிக் செய்து வரும் மெனுவில் Options தேர்ந்தெடுக்கவும்.



பின் கிடைக்கும் விண்டோவில் “Spelling and Style” என்ற டேபில் கிளிக் செய்திடவும். விரியும் மெனுக்கள் அடங்கிய விண்டோவில் “Hide all spelling errors” என்று இருப்பதில் டிக் அடையாளம் ஏற்படுத்தி ஓகே கிளிக் செய்து வெளியேறவும். இனி ஸ்பெல்லிங் தவறுகள் காட்டப்பட மாட்டாது. இருந்தாலும் செல்கின்ற இடங்களில் உள்ள கம்ப்யூட்டர்களில் எல்லாம் இந்த தவறுகளை மறைக்கும் வேலையை மேற்கொள்ள முடியாது. எனவே தவறுகளை முதலிலேயே திருத்திக் கொள்வது தான் நல்லது.


தொடர்ந்து இசை கிடைக்க


பவர்பாய்ண்ட் பிரசன்டேஷன் ஸ்லைட் ஷோவின் போது மிக அருமையாகத் தயாரிக்கப்பட்ட ஸ்லைட் ஒன்றைக் காட்டி விளக்கிக் கொண்டிருக்கிறீர்கள். பின்னணியில் மெல்லிய இசை இசைக்கப்படும் வேண்டும் என்பதற்காக சவுண்ட் பைல் ஒன்றை இயங்குமாறு செய்திருக்கிறீர்கள்.




இந்த சவுண்ட் பைல் நீங்கள் குறிப்பிட்ட விநாடிகள் வரை இயங்கி நின்று விடும். ஆனால் உங்கள் பிரசன்டேஷனைப் பார்ப்பவர்கள் அதிக சந்தேகங்களை எழுப்பி உங்களிடமிருந்து தகவல்களைப் பெற முயற்சிக்கையில் நீங்கள் பேசுவீர்கள். பின்னணி இசை கிடைக்காது. எனவே சவுண்ட் பைல் இயங்குவதை ஒரு லூப்பில் அதாவது நீங்களாக நிறுத்தும் வரை ஒரு வளையத்தில் இயங்கு வண்ணம் அமைக்கலாம். அதற்கு கீழ்க்கண்ட முறையில் செட் செய்திடவும்.


சவுண்ட் பைலை ஒரு ஆப்ஜெக்டாக அமைத்திருக்கையில் ஒரு ஸ்பீக்கர் ஐகான் ஒன்று ஸ்லைடில் தெரியும். இதில் ரைட் கிளிக் செய்திடவும். கிடைக்கும் மெனுவில் Edit Sound Object என்ற பிரிவு தெரியும். இதனைத் தேர்ந்தெடுக்கவும். இதில் உள்ள “Loop until stopped” என்ற பிரிவில் செக் செய்திடவும். பின் ஓகே கிளிக் செய்து மூடவும். இனி அடுத்த ஸ்லைட் செல்லும் வரை, பிரசன்டேஷன் முடியும் வரை அல்லது நீங்களாக நிறுத்தும்வரை இசை தொடர்ந்து ரம்மியமாக ஒலித்துக் கொண்டே இருக்கும்.


பவர்பாய்ண்ட் தரும் பல வியூக்கள்


பவர்பாய்ண்ட் பிரசன்டேஷன் சாப்வேர் நாம் பணியாற்ற பல்வேறு தோற்றங்களில் ஸ்லைடுகளைத் தருகிறது. அவை குறித்து இங்கே காணலாம். இந்த வியூக்களைக் காண View மெனுவில் கிளிக் செய்து கிடைக்கும் வியூ பட்டியலில் உங்களுக்குத் தேவையானதைத் தேர்ந்தெடுத்து பயன்படுத்தலாம்.



Normal: இந்த வியூவைத் தேர்ந்தெடுத்தால் ஸ்லைட், அதன் அவுட்லைன் மற்றும் நோட்ஸ் டெக்ஸ்ட் பாக்ஸ் காட்டப்படும்.



Slide Sorter : அனைத்து ஸ்லைட்களின் சிறிய தோற்றத்தினை இந்த வியூவில் பார்க்கலாம். அதிக ஸ்லைட்கள் உள்ள பிரசன்டேஷன் ஷோவில் இது மிக உதவியாய் இருக்கும். குறிப்பாக ஒரு குறிப்பிட்ட ஸ்லைடைத் தேடிப் பெறுவதில் இந்த வியூ நம் பணியை எளிதாக்கும்.


Notes Page : அப்போது நீங்கள் பார்த்துக் கொண்டிருக்கும் ஸ்லைடின் தோற்றத்தினை சிறிதாகவும் அதற்கான நோட்ஸ் பேஜினைப் பெரிதாகவும் காட்டும். இது ஏறத்தாழ நார்மல் வியூ போலத்தான் செயல்படும். ஆனால் ஷோ அவுட்லைன் கிடைக்காது.


Slide Show : வியூ மெனுவில் இந்த மெனுவினைத் தேர்ந்தெடுத்தால் அதன் மூலம் ஸ்லைட் ஷோவினை இயக்கலாம்.


Black and White : அப்போதைய ஸ்லைடின் கருப்பு வெள்ளைத் தோற்றத்தை பெரிய அளவிலும் வண்ணத் தோற்றத்தை சிறிய விண்டோவிலும் இந்த வியூவில் பார்க்கலாம். பிரசன்டேஷனின் அனைத்து வண்ணங்களையும் நாம் பார்க்க வேண்டாம் என்று எண்ணுகையில் இந்த வியூ உதவும். (குறிப்பு: இவற்றில் சில வியூக்கள் பவர்பாய்ண்ட் 98ல் கிடைக்காது)
வண்ணத்தை நீக்க: உங்களிடம் அழகான வண்ணப் படம் ஒன்று உள்ளது.



ஆனால் அதனை பிளாக் அண்ட் ஒயிட்டில் பிரசண்டேஷன் ஸ்லைடில் ஒட்டினால் நன்றாக இருக்கும் என எண்ணுகிறீர்கள். இதனை மாற்றுவதற்கு பவர்பாய்ண்ட் தொகுப்பு உதவுகிறது. மாற்ற விரும்பும் படத்தை முதலில் ஸ்லைடில் பதியவும். பின் அதன் மீது இருமுறை கிளிக் செய்திடவும். உடன் Picture toolbar கிடைக்கும். இதில் “Image Control” பட்டன் மீது கிளிக் செய்திடவும். பிக்சர் டூல் பாரில் இடதுபுறம் இருந்து இரண்டாவதாக இந்த பட்டனைக் காணலாம். இப்போது கிடைக்கும் மெனுவில் “Grayscale” என்பதனைத் தேர்ந்தெடுத்துப் பின் ஓகே கிளிக் செய்து வெளியேறவும். இந்த இமேஜ் கண்ட்ரோல் மெனுவில் மேலும் பல வண்ணக் கலவைகளுக்கான ஆப்ஷன்ஸ் கிடைக்கும். உங்கள் வசதிக்கேற்றபடி தேர்ந்தெடுத்து இயக்கலாம்.


புல்லட் இல்லாத லிஸ்ட்


பவர்பாய்ண்ட்டில் ஸ்லைட் தயாரிக்கையில் சில வரிகளைப் பட்டியலிடுகையில் புல்லட்கள் தானாக உருவாகும். இவை இல்லாமல் இருப்பதை சிலர் விரும்புவார்கள். அவர்கள் இந்த புல்லட் ஏற்பட்ட பின் பேக் ஸ்பேஸ் அழுத்தி புல்லட்களை நீக்குவார்கள். இருப்பினும் ஒவ்வொரு வரியை அமைக்கையிலும் புல்லட்கள் தாமாக உருவாகும். புல்லட் இல்லாமல் அமைக்க வேண்டும் எனில் பட்டியலில் அடுத்த வரிக்குச் செல்கையில் SHIFT + ENTER தட்ட வேண்டும். அப்படித் தட்டினால் கர்சர் புல்லட் இல்லாமல் அடுத்த வரிக்குச் செல்லும். பின் அடுத்த வரியை டைப் செய்திடலாம். டைப் செய்து முடித்தபின் மீண்டும் SHIFT + ENTER தட்டி அடுத்த வரிக்குச் செல்லலாம். ஆனால் மீண்டும் புல்லட் தேவை என்றால் அடுத்த வரிக்குச் செல்லும் முன் ஜஸ்ட் என்டர் தட்டிச் செல்லுங்கள். புல்லட் மீண்டும் வரத் தொடங்கும்.


பிரிண்ட் பிரிவியூ பெற ஷார்ட் கட் கீ


ஏதேனும் ஒரு டெக்ஸ்ட்டை பிரிண்ட் எடுக்குமுன் அது அச்சில் வரும் தோற்றத்தை பிரிண்ட் பிரிவியூ காட்சியில் பார்த்து விட்டு அச்செடுப்பது நல்லது. மற்றவர்கள் எப்படியோ நான் அப்படித்தான். இதனால் சரியான அச்சுப் படிவம் கிடைக்கும். சரியாக இல்லாமல் அச்செடுத்து தாளையும் மையையும் வீணாக்குவது குறையும். சரி. பிரிண்ட் பிரிவியூ காட்சியைப் பெற என்ன செய்கிறோம்? நீங்கள் எப்படியோ? நான் பைல் மெனு போய் அங்கு உள்ள ஸ்டாண்டர்ட் டூல் பாரில் உள்ள பிரிண்ட் பிரிவியூ பிரிவைக் கிளிக் செய்திடுவேன். அல்லது அதற்கான ஐகானைக் கிளிக் செய்திடுவேன்.

இன்று திடீரென சில கீகளை அழுத்துகையில் ஒரு ஷார்ட் கட்பிரிண்ட் பிரிவியூ கிடைத்தது. இது மவுஸ் இல்லாமல் அல்லது இருந்தும் பயன்படுத்த விருப்பம் இல்லாமல் உள்ளவர்களுக்குப் பயனாய் இருக்கும். அடுத்த முறை நீங்கள் பிரிண்ட் பிரிவியூ பார்க்க முயற்சிக்கையில் கண்ட்ரோல் + எப் 2 கீகளை (Ctrl + F2) அழுத்தவும். பிரிண்ட் பிரிவியூ கிடைக்கும். மீண்டும் பழைய முழுத் திரை கிடைக்க வேண்டும் என்றால் மீண்டும் அதே கீகளை அழுத்தவும். முழுத்திரை கிடைக்கும்.

பவர்பாய்ண்ட் பிரசன்டேஷன் சாப்வேர் நாம் பணியாற்ற பல்வேறு தோற்றங்களில் ஸ்லைடுகளைத் தருகிறது.

எப்போதும் கூகுள் தானா ?

நமக்கு வேண்டிய தகவல்களை இன்டர் நெட்டில் தேட பெரும்பாலானோர் பயன்படுத்துவது கூகுள் சர்ச் இஞ்சின் தான். இவ்வகையில் கூகுள் மட்டுமே இந்த கம்ப்யூட்டர் உலகின் ஒரே ஒரு சர்ச் இஞ்சின் போலத் தோற்றத்தை உருவாக்கி உள்ளது. தேடல் பிரிவில் ஏறத்தாழ 50% பேர் கூகுள் தளத்தையே பயன்படுத்துகின்றனர்.



இத்துடன் யாஹூ மற்றும் எம்.எஸ்.என். ஆகியவற்றையும் சேர்த்தால் 90% வந்துவிடுகிறது. அப்படியானால் வேறு சர்ச் இஞ்சின்கள் உள்ளனவா? என்று உங்கள் மனதில் ஓடும் எண்ணங்கள் தெரிகின்றன.




ஆம், இன்னும் பல சர்ச் இஞ்சின்கள் சிறப்பாகச் செயல்பட்டுக் கொண்டு தான் இருக்கின்றன. அவற்றைப் பற்றி இங்கு காணலாம். அவை எப்படி செயல்படுகின்றன என்பதற்காக ஓரிருமுறை இவற்றைப் பயன்படுத்திப் பாருங்களேன்.



1.www.chacha.com : சிறப்பாகச் செயல் படும் சர்ச் இஞ்சின். தற்போது இது அமெரிக்காவில் மொபைல் போனுக்கும் தேடிய தகவலை அனுப்புவதால் இந்த தளத்திற்குச் சென்றவுடன் மொபைல் போனில் நாம் தேடும் சொற்களைக் கேட்டு தளம் திறக்கப்படும். இதில் looking for chacha classic என்ற இடத்தில் கிளிக் செய்தால் கம்ப்யூட்டரிலேயே முடிவுகள் தருவதற்கான டெக்ஸ்ட் விண்டோ கிடைக்கும். இதில் டெக்ஸ்ட் டைப் செய்தால் கூகுள் தளத்தில் கிடைப்பது போலவே தகவல்கள் கிடைக்கின்றன. இதற்கு எந்த ரெஜிஸ்ட்ரேஷனும் தேவையில்லை.


2. www.stumple.upon.com : இந்த தளம் நாம் கொடுக்கும் தேடல் சொற்களை வைத்து நம்முடைய விருப்பங்களை அறிந்து அதற்கேற்ற வகையில் தளங்களைப் பிரித்து அடுக்கித் தருகிறது. தொடக்கத்திலிருந்து நம் தேடல்களைக் கவனித்து இந்த சேவையைத் தருகிறது. ஐரோப்பிய மொழிகள் பலவற்றில் இது செயல்படுகிறது.


3. www.ask.com : இந்த தளத்தினை நம் நாட்டில் பலர் பயன்படுத்துகின்றனர். இதன் சிறப்பு இது நம்மை வழி நடத்தும் விதம் தான். நம் தேடல் தன்மையைப் புரிந்து கொண்டு தேடல் வழிகளை இன்னும் சுருக்கி தேடும் தளங்களைப் பட்டியலிடும். எடுத்துக் காட்டாக computer tips எனத் தேடப் போகையில் computer tips and tricks எனத் தேடலாமே? என்று வழி காட்டும்.



computer tips and tricks எனத் தேடப்போனால் windows xp tricks அல்லது word tips எனத் தேடலாமா? என்று கேட்கும். மிக மிகப் பயனுள்ள தேடு தளம்.


4.www.kosmix.com : இந்த தளம் தொடக்கத்திலேயே தகவல் துறைகளைப் பிரித்து அதிலிருந்து தேடலை மேற்கொள்ள வழி காட்டுகிறது. மெடிகல் மற்றும் உடல் நலம் சார்ந்த தகவல்களுக்கு அதிக முக்கியத்துவம் அளிக்கிறது. மற்றவற்றையும் தேடித் தருகிறது.


5.www.technocrati.com இந்த தளம் செய்திகளுடன் கூடிய ஒரு தளம். யாஹூ போல செயல்படுகிறது. இதில் தேடல் முடிவுகள் சிறிய பாராக்களாக சில வேளைகளில் சிறிய படங்களுடன் தரப்படுகின்றன. நாம் தேடிய சொற்கள் அதில் எங்கெங்கு உள்ளன என்று ஹை லைட் செய்யப்படுகிறது.


6.www.draze.com : கூகுள் அளவிற்கு தகவல்களை இந்த தளம் அளிக்கிறது. மேலும் மற்ற தளங்களோடு எங்கள் தேடலையும் ஒப்பிட்டுப் பாருங்கள் என்று சவால் விட்டு மற்றதில் தேடுகையில் என்ன என்ன இல்லை என்று பட்டியலிடுகிறது. திறன் கொண்ட சற்று சவாலான தளம் இது.


7.http://www.msdewey.com/ இந்த தளத்தில் தகவல் தேடுவது திரைப்படம் பார்ப்பது போல இருக்கிறது. மிஸ்.ட்யூவி என்ற அழகான இளம் பெண் தேடலின் போது கூடவே இருக்கிறார். இவர் அறிமுகமாவது ஒரு சினிமா போல தரப்படுகிறது.தேடலுக்கான சொல் அமைக்கும் இடத்தில் சொல்லை டைப் செய்யாவிட்டால் ‘ஹலோ இங்கு ஏதாவது டைப் செய்யுங்களேன்’ என்று கதவைத் தட்டி அழைக்கிறார்.



ஒன்றும் டைப் செய்யவில்லை என்றால் எப்போதும் ஒரு புன்முறுவலுடன் நம்மைத் தேடுகிறார். ஒரு மேகஸினை எடுத்துப் படிக்கிறார். போன் செய்கிறார். ஏதேனும் டைப் செய்திருக்கிறோமா என சர்ச் பாக்ஸை எட்டிப் பார்க்கிறார். டைப் செய்து முடித்து தேடச் சொன்னால் ‘இருங்கள் மிஸ் ட்யூவி யோசிக்கிறார்’ என்ற செய்தி கிடைக்கிறது. பின் தேடல் சொல்லுக்கான பட்டியல் ஓடுகிறது. பத்து பத்தாக அல்ல; தொடர்ந்து ஓடுகிறது. நீங்கள் கர்சரைக் கொண்டு சென்று நிறுத்திப் பார்க்கலாம். இதில் ட்யூவியின் பார்வையில் சிறந்த தளங்கள் என அதிலேயே நல்ல தளங்கள் காட்டப்படுகின்றன. தேடலில் இது ஒரு தனி ரகம்.


8. http://searchwithkevin.com : இந்த தளம் இன்னொரு வகையில் வித்தியாசமானது. எங்கள் தளத்தில் தேடுங்கள்; அவ்வப்போது பரிசுகள் உண்டு என்று அழைக்கிறது. தள முகப்பில் தீயுடன் தேடுங்கள் என்று விளம்பரப் படுத்தப்படுகிறது. தேடலுக்கான முடிவுகள் குகூள் தளத்தில் கிடைப்பது போலவே கிடைக்கிறது. மற்றபடி வேறுபாடு எதுவும் இல்லை.


9. www.rollyo.com : இந்த தளம் தகவல்களைக் காட்டும் விதம் வித்தியாசமாக உள்ளது. மேலும் ஒவ்வொருவரும் தங்களுக்கேற்ற வகையில் தேடலை அமைக்கலாம். எந்த தகவல் பிரிவில் உங்கள் தேடல் இருக் குமோ அதனை மட்டும் தேடும் வகையில் செயல் படலாம். எப்போதும் ஒரே மாதிரியாக கூகுள், யாஹூ மற்றும் மைக்ரோசாப்ட் தேடல் தளங்களையே பயன்படுத்திக் கொண் டிராமல் மற்றவற்றையும் பார்த்து பயனடையலாமே.

யாஹூ இந்தியாவின் புதுவித தேடல்


யாஹூ இந்தியா தளத்தின் சர்ச் இஞ்சின் புதிய வகைத் தேடலையும் முடிவு அறிவிக்கும் வழியையும் நடைமுறைப்படுத்தி உள்ளது. Glue Pages Beta என அழைக்கப்படும் இந்த வசதி யாஹூ இந்தியா தளத்தில் (www.yahoo.in) மட்டுமே உள்ளது. ஏதாவது ஒன்றைத் தேடினால் அது சார்ந்த அனைத்து தகவல்கள், படங்கள் மற்றும் வீடியோ காட்சிகள் தொகுக்கப்பட்டு தரப்படுகிறது.


எடுத்துக் காட்டாக “diabetes” என்று தேடினால் HowStuffWorks, Yahoo! Groups, Yahoo! Health, Yahoo! Answers, மற்றும் இது குறித்த blogs ஆகியவற்றிலிருந்து தகவல்கள் எடுக்கப்பட்டு தரப்படுகின்றன. மேலும் தகவல்களுக்கான தளங்களின் முகவரியும் தரப்படுகின்றன. தொடர்ந்து இன்னும் பல வகைகளின் கீழ் தகவல்களைப் பெற்றுத் தரும் வகையில் இந்த வசதி மேம்படுத்தப்படும் என்று அறிவிக்கப் பட்டுள்ளது.


இணைய தளத்திற்கான ஷார்ட் கட்


உங்களுக்குப் பிடித்த இணைய தளங்களுக்கு ஷார்ட் கட் ஐகான் இருந்து அவற்றைக் கிளிக் செய் தால் நேரடியாக நீங்கள் அந்த தளத்திற்குச் சென் றால் எப்படி இருக்கும்? அப்படிச் செய்ய முடியுமா?


முடியும். இன்டர்நெட் எக்ஸ்ப்ளோரர் தொகுப் பில் உங்களுக்குப் பிடித்த இணைய தளத்தைப் பார்க்கையில் தளத்தின் முகவரிக்கு அருகே சிறிய ஆங்கில எழுத்தான “e” இருக்கும் அல்லவா? இப்போது உங்கள் பிரவுசர் விண்டோவைச் சிறிய தாக்கி அதன் பின் அந்த சிறிய “e” எழுத்து உள்ள கட்டத்தை இழுத்து வந்து டெஸ்க்டாப்பில் உள்ள காலியிடத்தில் விட்டு விட்டால் அதுதான் உங்களுக்குப் பிடித்த தளத்தின் ஷார்ட்கட். இந்த ஐகான்களின் மீது கிளிக் செய்தால் பிரவுசர் திறக்கப்பட்டு நீங்கள் தளத்திற்கு அழைத்துச் செல்லப்படுவீர்கள்.

http://www.msdewey.com/ இந்த தளத்தில் தகவல் தேடுவது திரைப்படம் பார்ப்பது போல இருக்கிறது. மிஸ்.ட்யூவி என்ற அழகான இளம் பெண் தேடலின் போது கூடவே இருக்கிறார். இவர் அறிமுகமாவது ஒரு சினிமா போல தரப்படுகிறது. தேடலுக்கான சொல் அமைக்கும் இடத்தில் சொல்லை டைப் செய்யாவிட்டால் ஹலோ இங்கு ஏதாவது டைப் செய்யுங்களேன் என்று கதவைத் தட்டி அழைக்கிறார். ஒன்றும் டைப் செய்யவில்லை என்றால் எப்போதும் ஒரு புன்முறுவலுடன் நம்மைத் தேடுகிறார்.

டெம்ப்ளேட் உருவாக்கி பயன்படுத்தும் வழிகள்

உங்களுக்கு வந்த மின்னஞ்சல் செய்தியின் டெம்ப்ளேட் உங்கள் மனதைக் கவர்கிறதா? அதனை அப்படியே ஸ்வாகா செய்து நீங்களும் பயன்படுத்தலாம்.

டெம்ப்ளேட் என்பது ஆவணத் தின் ஒரு வடிவம் அல்லது ஆவணத்தின் ஒரு பகுதி எனலாம். இந்த வடிவத்தைப் பாதுகாத்து பதித்து வைத்துக் கொண்டால் இந்த வடிவத்திலேயே மேலும் சில ஆவணங்களை உருவாக்கலாம். எனவே டெம்ப்ளேட் என்பது ஆவணத்தின் லே அவுட் எனப்படும் புற வடிவம், எழுத்து வகை, மார்ஜின் மற்றும் அந்த ஆவணத்தின் பிற கூறுகளை உள்ளடக்கிய ஒரு படிவம் ஆகும்.




வேர்ட் ப்ராசசர், டெஸ்க்டாப் பப்ளிஷிங் மற்றும் எச்.டி.எம்.எல். புரோகிராம்களில் இதனை ஸ்டைல் ஷீட் (“style sheets”) எனவும் அழைக்கின்றனர். அவுட்லுக் எக்ஸ்பிரஸ் தொகுப்பில் இதனை ஸ்டேஷனரி (“Stationery”) என்று பெயரிட்டுள்ளனர். இதனை எப்படி அழைத்தாலும் கம்ப்யூட்டரில் நாம் பணியாற்றுவதனை எளிமைப் படுத்தும் ஒரு சாதனம் என்று இதனைக் கூறலாம்.


டெம்ப்ளேட் ஒன்றை எப்படி உருவாக்குவது? அதனை எப்படி பயன்படுத்துவது என்று பார்க்கலாம். எச்.டி.எம்.எல். டெக்ஸ்ட் அல்லது மின்னஞ்சல் கடிதத்திற்கான பார்மட் ஒன்றை உருவாக்கியிருக்கிறீர்கள். சரி. இதனை சேமித்து வைத்திட எண்ணுகிறீர்கள். அவுட்லுக் எக்ஸ்பிரஸ், மற்றும் தண்டர்பேர்ட் ஆகியவற்றில் இதனைப் பதியலாம்.


அவுட்லுக் எக்ஸ்பிரஸ்ஸில் மின்னஞ்சலுக்கான டெம்ப்ளேட்டை உருவாக்க ஸ்டேஷனரி விஸார்டை (Stationery Wizard) பயன்படுத்துங்கள். முதலில் Tools / Options என்ற பிரிவிற்குச் செல்லுங்கள். அங்கே Compos என்ற டேபில் கிளிக் செய்திடுங்கள். இதில் உள்ள “Stationery” ஏரியாவில் “Create New” என்பதில் கிளிக் செய்திடுங்கள்.


இதன் பின் நீங்கள் செய்திட வேண்டிய சில பணிகள் வரிசையாகக் கிடைக்கும். படம் சேர்க்க வேண்டுமா? எழுத்துரு ஒன்றைத் தேர்ந்தெடுக்க வேண்டுமா? மார்ஜின் செட் செய்திட வேண்டுமா? இவ்வளவும் செய்த பின்னர் இந்த ஸ்டேஷனரிக்கு ஒரு பெயர் வழங்குங்கள்.


உங்களுக்கு வந்த மின்னஞ்சல் செய்தியின் டெம்ப்ளேட் உங்கள் மனதைக் கவர்கிறதா? அதனை அப்படியே ஸ்வாகா செய்து நீங்களும் பயன்படுத்தலாம். அந்த செய்தியை முதலில் செலக்ட் செய்திடுங்கள். பின் File / Save as / Stationery. என்ற பிரிவுகளுக்குச் சென்று பதிவு செய்திடுங்கள்.


சரி ஸ்டேஷனரி ஒன்றை உருவாக் கிவிட்டீர்கள். அல்லது பிறத்தியாரிடமிருந்து ஸ்வாகா செய்துவிட்டீர்கள். இதனை எப்படிப் பயன்படுத்தப் போகிறீர்கள்? நீங்கள் அனுப்பும் அனைத்து செய்திகளிலும் இந்த ஸ்டேஷனரி வடிவம் அமைக்கப்பட வேண்டும் என்றால் Tools / Options பிரிவிற்குச் சென்று “Compose” டேபில் கிளிக் செய்திடுக. Stationery என்பதன் கீழே உள்ள Mail பாக்ஸை டிக் செய்திடுக. அதன்பின் Select என்பதனைக் கிளிக் செய்திடவும்.


எல்லா மின்னஞ்சல் செய்திகளுக்கும் இதே டெம்ப்ளேட் வேண்டாம்; ஒரு குறிப்பிட்ட செய்திக்கு மட்டும் போதும் என நீங்கள் முடிவு செய்தால் Message / New Message செல்லவும். பின் உங்களுக்குப் பிடித்தமான ஸ்டேஷனரி ஸ்டைலைத் தேர்ந்தெடுக்கவும். ஆனால் ஒன்றை நீங்கள் உறுதி செய்து கொள்ள; வேண்டும். உங்களுடைய மின்னஞ்சல் செய்தி ரிச் டெக்ஸ்ட் (“Rich Text”) பார்மட்டில் இருக்க வேண்டும். ஒரு செய்தியை எழுத ஏற்கனவே தொடங்கிவிட்டீர்கள்.



இடையில் அதற்கென ஒரு ஸ்டேஷனரியை இணைக்க விரும்புகிறீர்கள். அப்போது Format / Apply Stationery என்பதைத் தேர்ந்தெடுத்து அதன்பின் ஸ்டேஷனரி ஸ்டைல் ஒன்றைத் தேர்ந்தெடுங்கள். தண்டர் பேர்ட் பிரவுசரில் ஸ்டேஷனரி காட்டப்படும் எந்த விண்டோவிலும் அதனை சேவ் செய்திடலாம். அது காம்போசிஷன் விண்டோ வாகவோ அல்லது “Sent” போல்டராகவும் இருக்கலாம். ஏன் இன்பாக்ஸாகவும் இருக்கலாம். அதே பார்மட்டை மீண்டும் பயன்படுத்த விரும்பினால் மறுபடியும் முதலில் இருந்து தொடங்க வேண்டியதில்லை.


நீங்கள் புதிய செய்தியை உருவாக்கியபின், அதற்கான எழுத்துருவை செட் செய்தபின், டெக்ஸ்ட்டின் அளவை அமைத்தபின், டெக்ஸ்ட்டின் வண்ணத்தை முடிவு செய்தபின், பேக்ரவுண்ட் கலரை முடிவு செய்தபின் மின்னஞ்சல் செய்தியினை ஒரு டெம்ப்ளேட்டாக சேவ் செய்திடலாம். இதற்கு அந்த செய்தி காட்டப்படுகையில் பைல் மெனுவைத் ( File menu) திறந்து “Save as” என்ற பிரிவைக் கிளிக் செய்து அதில் “Template” என்பதனைத் தேர்ந்தெடுக்கவும். இது செய்தியின் பார்மட்டினை டெம்ப்ளேட் போல்டரில் சேவ் செய்து வைக்கும்.


ஓ.கே. இப்போது உங்களிடம் ஒரு டெம்ப்ளேட் இருக்கிறது. அதனை நீங்கள் பயன்படுத்த விரும்புகிறீர்கள். இப்போது போல்டர் விண்டோவைப் பாருங்கள். இது உங்கள் செய்தியின் இடது புறமாக இருக்கும். இதில் “Templates” என்று ஒரு போல்டர் இருக்கும். இது Inbox மற்றும் “Drafts” என்பதின் கீழ் இருக்கும்.


ஒவ்வொரு டெம்ப்ளேட்டும் எப்படி இருக்கும் என்பதனை முன்மாதிரியாகப் பார்க்கலாம். இதனை preview pane என்பதில் பார்க்க லாம். preview pane ஐ உங்களால் பார்க்க முடியாவிட்டால் உங்கள் செய்திக் கட்டத்தின் அடிப்பாகத்திற்குச் செல்லவும். அங்கு டபுள் ஆரோடேபை கிளிக் செய் திடவும். இப்போது preview pane கிடைக்கும். இனி நீங்கள் விரும்பும் டெம்ப்ளேட்டை டபுள் கிளிக் செய்திட அது திறக்கப்படும்.


உங்களு டைய புதிய செய்தியை அடித்து அதனை “Drafts” போல்டரில் சேவ் செய்திடுங்கள். அல்லது உடனே அனுப்பி விடுங்கள். இந்த புதிய செய்தி அனுப்பப்பட்ட பின்னர் அந்த டெம்ப்ளேட்டானது தொடர்ந்து டெம்ப்ளேட் போல்டரில் தங்கி இருக்கும். பின் நீங்கள் விரும்புகையில் அதனைப் பயன்படுத்தலாம்.


ஒன்றை நீங்கள் நினைவில் கொள்ள வேண்டும். பேன்சியாக நீங்கள் அனுப்பும் மின்னஞ்சல் எச்.டி.எம்.எல். பார்மட்டில் இருக்கும். எனவே யாராவது அவர்களுக்கு வரும் மின்னஞ்சல் டெக்ஸ்ட் வடிவத்தில் கிடைத்தால் போதும் என தங்களுடைய ஆப்ஷனை செட் செய்திருந்தால் நீங்கள் அமைத்த டெம்ப்ளேட் அவர்களுக்குச் செல்லாது. அதனுடைய கோட் எண் தான் இருக்கும். அது மட்டுமல்ல எச்.டி.எம்.எல். மின்னஞ்சல்களை சில ஸ்பேம் வடிகட்டி சாப்ட்வேர்கள் வடிகட்டிவிடும்.

யாராவது அவர்களுக்கு வரும் மின்னஞ்சல் டெக்ஸ்ட் வடிவத்தில் கிடைத்தால் போதும் என தங்களுடைய ஆப்ஷனை செட் செய்திருந்தால் நீங்கள் அமைத்த டெம்ப்ளேட் அவர்களுக்குச் செல்லாது.

வேர்டில் டேபிளோடு சில நிமிடங்கள்

வேர்டில் உள்ள ஒரு டேபிளை அழிக்க முயற்சிக்கையில் அதில் உள்ள தகவல்கள் அழியும்; டேபிள் அப்படியே இருக்கும்; அல்லது டேபிள் பார்மட்டிங் அழியும்; தகவல்கள் அப்படியே இருக்கும்.

வேர்ட் டெக்ஸ்ட் டாகுமெண்ட்டில் சில தகவல்களைக் கோர்வை யாகவும் வகைப் படுத்தியும் தெரிவிக்க டேபிள்கள் என்னும் அட்டவணைகள் பயன்படுகின்றன. இந்த அட்டவணைகளை எப்படி எல்லாம் கையாளலாம் என்று பார்ப்போம். டாகுமெண்ட்டில் டேபிள் ஒன்றை உருவாக்க சில வழிகள் உள்ளன.




1. Table மெனுவில் Insert என்பதைத் தேர்ந்தெடுத்து பின் கிடைக்கும் துணை மெனுவில் Table என்பதைத் தேர்ந்தெடுக்கலாம். அதன்பின் கிடைக்கும் மெனுக் கட்டத்தில் அந்த டேபிளில் எத்தனை நெட்டு வரிசைகளும் (column) படுக்கை வரிசைகளும் (row) இருக்க வேண்டும் என்பதனைத் தெரியப்படுத்த வேண்டும். இதன் பின் ஓகே கிளிக் செய்திடவும்.


2. Standard டூல் பாரில் Insert Table பட்டனில் கிளிக் செய்து பின் முன்பு குறிப்பிட்டது போல எத்தனை வரிசைகள் என்பதனைக் கொடுத்தால் டேபிள் கிடைக்கும்.


3. Tables and Borders என்ற டூல் பாரில் Draw Table என்ற பட்டனில் கிளிக் செய்தால் கிடைக்கும் கை போன்ற அடையாளத்தை வைத்துக் கொண்டு டேபிளை வரையலாம்.


இன்னொரு வழியும் உள்ளது. வேர்ட் தானாக டேபிளை வரையும் வழி அது. + அடையாளத்தை ஏற்படுத்தி பின் எந்த அளவிற்கு நெட்டு வரிசையின் அகலம் இருக்க வேண்டுமோ அந்த அளவிற்கு ஹைபன் அடையாளத்தை ஏற்படுத்த வேண்டும். இதன் பின் என்டர் அழுத்த வேர்ட் இந்த அடையாளங்களின் அடிப்படையில் டேபிள் ஒன்றை ஏற்படுத்தும். பின் வழக்கம்போல டேபிளின் வரிசைகளை சரிப்படுத்தலாம்.


டேபிளை முற்றிலுமாக அழிக்க: வேர்டில் உள்ள ஒரு டேபிளை அழிக்க முயற்சிக்கையில் அதில் உள்ள தகவல்கள் அழியும்; டேபிள் அப்படியே இருக்கும். அல்லது டேபிள் பார்மட்டிங் அழியும்; தகவல்கள் அப்படியே இருக்கும். இரண்டையும் அழித்திட என்ன செய்திட வேண்டும்? முதலில் டேபிளை செலக்ட் செய்திடுங்கள். இதற்கு Table மெனுவிலிருந்து Select Table கிளிக் செய்திடுங்கள். இந்த டேபிள் மெனுவில் Delete Rows என்பதில் கிளிக் செய்திடவும்.


டேபிளை மட்டும் வைத்துக் கொண்டு தகவல்களைக் காலி செய்திட டேபிளை செலக்ட் செய்து டெலீட் பட்டனை அழுத்தவும்.டேபிளை அழித்து அதன் தகவல்களை டேப்களில் அமைந்த டெக்ஸ்ட்டாக அமைத்துக் கொள்ள டேபிளை செலக்ட் செய்திடுங்கள். பின் டேபிள் மெனுவிலிருந்து Convert Table to Text என்பதில் கிளிக் செய்திடுங்கள். தேவைப்பட்டால் Tabs என்பதைத் தேர்ந்தெடுத்து ஓகே கிளிக் செய்திடவும்.


டெக்ஸ்ட் பாக்ஸில் டேபிளை வைத்திட:
ஒரு டேபிள் எப்போதும் வலது இடது மார்ஜின்களை அடைத்துக் கொண்டு அமையும். டெக்ஸ்ட் எப்போதும் அதனைச் சுற்றி அமையாது. எனவே அதனை ஒரு டெக்ஸ்ட் பாக்ஸில் அமைப்பது தேவையாகிறது. அதற்கு Insert மெனுவிலிருந்து Text Box தேர்ந்தெடுக்கவும். அந்த பக்கத்தில் எங்கு வேண்டுமானாலும் இழுத்து டெக்ஸ்ட் பாக்ஸ் ஒன்றை அமைக்கவும்.



இப்போது கர்சர் டெக்ஸ்ட் பாக்ஸிற்குள் இருக்கும். இனி ஸ்டாண்டர்ட் டூல் பாரில் இன்ஸெர்ட் டேபிள் பட்டனில் கிளிக் செய்திடவும். கிரிட் வழியாகச் சென்று உங்கள் டேபிளில் எத்தனை நெட்டு வரிசை மற்றும் படுக்கை வரிசை என அமைத்திடவும். மவுஸ் பட்டனை ரிலீஸ் செய்தபின் வேர்ட் நீங்கள் கொடுத்த அளவுகளுக்கேற்ப டேபிள் ஒன்றை அமைத்துக் கொள்ளும்.


டேபிளைத் தேர்ந்தெடுக்க: ஒருடேபிளைத் தேர்ந்தெடுக்க கர்சரை டேபிளின் உள்ளே வைத்து பின் Alt கீயை அழுத்திக் கொண்டு numeric keypad ல் 5 என்ற கீயை அழுத்தவும். இவ்வாறு அழுத்தும்போது Num Lock கீ அழுத்தப்பட்டு அணைக்கப்பட்டிருக்க வேண்டும். மவுஸால் டேபிளை செலக்ட் செய்திட விரும்பினால் ஆல்ட் கீயை அழுத்திக் கொண்டு டேபிளில் எங்காவது கர்சரை வைத்து இருமுறை கிளிக் செய்திடவும்.


டேபிளைப் பிரிக்க: ஒரு டேபிளை இரண்டாகப் பிரிக்க எந்த படுக்கை வரிசை புதியதாய் அமைய இருக்கும் டேபிளின் முதல் வரிசையாக இருக்க வேண்டும் என எண்ணுகிறீர்களோ அந்த வரிசையில் முதல் காலத்தில் கர்சரை வைத்து பின் Table மெனுவில் Split Table என்பதில் கிளிக் செய்திடவும்.


டேபிள் செல்களைப் பிரிக்க : Tables and Borders என்ற டூல்பாரில் Draw Table பட்டனை டேபிள் செல்களைப் பிரிக்கப் பயன்படுத் தலாம். தேவை என்றால் என்ற Tables and Borders டூல்பாரினை திரையில் கொண்டு வரவும். இதில் Draw Table பட்டனைக் கிளிக் செய்திடவும். (ஒரு பென்சிலோடு இருக்கும் பட்டன்) எந்த செல் அல்லது செல்களைப் பிரிக்க வேண்டுமோ அந்த செல்களில் இந்த பென்சில் பட்டனை எடுத்துச் சென்று இழுக்கவும். வேர்ட் பார்டர் லைன் ஒன்றை உருவாக்கி செல்களைப் பிரித்து அமைக்கும்.


செல்களில் டேப் பயன்பாடு:


ஒரு செல்லில் இருந்து இன்னொரு செல்லுக்குச் செல்ல கூச்ஞ கீயை அழுத்திச் செல்லலாம். டேப் கீ மட்டும் அழுத்தினால் கர்சர் இடது புறத்திலிருந்து வலது புறமாகச் செல்லும். ஷிப்ட் கீயுடன் டேப் கீயை அழுத்தினால் கர்சர் வலது புறத்திலிருந்து இடது புறமாகச் செல்லும்.


பார்டர் இல்லாத டேபிள்:


ஒவ்வொரு டேபிளிலும் கிரிட் லைன்கள் இருக்கும். இவை திரையில் காட்டப்படும். ஆனால் பிரிண்ட் ஆகாது. பழைய வேர்ட் தொகுப்பில் டேபிளை உருவாக்கு கையில் இந்த பார்டர்கள் தாமாக உருவாகும். இவை கிரிட் லைனை மறைக்கும் கெட்டியான கோடு களாக இருக்கும். இந்த கெட்டியான பார்டர் லைன்களை நீக்க வேண்டும் என விரும்பினால் செட்டிங்ஸ் மாற்ற வேண்டும். டேபிளை செலக்ட் செய்து கொள்ளுங்கள்.



Formatting டூல் பாரில் Borders பட்டனுக்குக் கொண்டு செல்லவும். அங்கு கிடைக்கும் பேலட்டில் No Border பட்டனை செலக்ட் செய்திடவும். இனி கெட்டியான பார்டர் கோடுகள் நீக்கப்பட்டு திரையில் மட்டுமே காட்டப்படும் கிரிட் லைன்கள் காட்டப்படும். இந்த கிரிட் லைன்களையும் மறைக்கலாம். கூச்ஞடூஞு மெனுவிலிருந்து Hide Gridlines என்பதனைத் தேர்ந்தெடுக்க வேண்டியது தான். மீண்டும் அவை வேண்டும் என்றால் Show Gridlines என்பதைத் தேர்ந்தெடுக்க வேண்டும்.


விரும்பிய வகையில் கலரில் பார்டர் அமைக்க:வேர்ட் டேபிளில் விரும்பிய கலரிலும் வகையிலும் பார்டர்களை அமைக்கலாம். Tables and Borders மெனுவினைத் திரையில் பெறவும். இதற்கு View மெனுவிலிருந்து Toolbars என்பதனைத் தேர்ந் தெடுக்கவும். கிடைக்கும் துணை மெனுவில் Tables and Borders என்பதைத் தேர்ந்தெடுத்தால் இந்த மெனு திரைக்கு வரும்.



லைன் ஸ்டைல் என்ற பீல்டில் கிடைக்கும் ட்ராப் டவுண் லிஸ்ட்டில் உங்களுக்குப் பிடித்த பார்டர் Line Style ஐத் தேர்ந்தெடுக்கவும். பார்டருக்கான கலர் தேர்ந்தெடுக்க Border Color என்பதில் கிளிக் செய்திடவும். இனி Draw Table என்ற பட்டனில் கிளிக் செய்திடவும். இப்போது கிடைக்கும் பென்சில் போன்ற கர்சரின் துணை கொண்டு நீங்கள் விரும்பிய பார்டர் லைனை தேர்ந்தெடுத்த வண்ணத்தில் அமைக்கலாம். மேலே கூறிய வழிகளை மீண்டும் மீண்டும் தேர்ந்தெடுத்து டேபிளில் பார்டர்களை அமைக்கலாம்.


செல் பார்டர்களை அழித்து செல்களை இணைக்க:


செல்கள் இரண்டை இணைக்க இடையே உள்ள கோடினை அழிப்பதுவும் ஒரு வழியாகும். இதற்கு Tables and Borders மெனுவினைத் திரையில் பெறவும். இதில் Eraser என்று ஒரு பட்டன் இருக்கும். இதன் மீது மவுஸின் கர்சரைக் கிளிக் செய்து செலக்ட் செய்திடவும். ஒரு அழி ரப்பர் போன்ற படம் கிடைக்கும். இதனை எடுத்துக் கொண்டு இணைக்கப்பட வேண்டிய செல்களின் நடுவே உள்ள கோட்டில் வைத்து அழுத்தினால் கோடு உடனே மறைந்து இரண்டு செல்களும் ஒரு செல்லாகக் காட்சி அளிக்கும்.


குறிப்பிட்ட டேபிள் செல்களை தனியே காட்ட:


டேபிள் செல்களில் சிலவற்றில் நாம் தனித்துக் காட்ட விரும்பும் தகவல்களைத் தந்திருப்போம். இந்த செல்களுக்கு மட்டும் ஷேடிங் கொடுத்து தனியாகக் காட்டலாம். எந்த செல்லிலாவது மவுஸின் கர்சரைக் கொண்டு சென்று ரைட் கிளிக் செய்திடவும். கிடைக்கும் ஷார்ட் கட் மெனுவில் Borders and Shading என்பதனைத் தேர்ந்தெடுக்க வும்.பின் கிடைக்கும் விண்டோவில் என்ற டேபில் கிளிக் செய்திடவும். அடுத்து Fill என்பதில் கிரே ஷேடிங் எத்தனை சதவிகிதம் இருக்க வேண்டும் எனத் தேர்ந்தெடுக்கவும். பின் Apply To என்பதில் கிடைக்கும் மெனுவில் டேபிள் முழுவதுமாகவா அல்லது செல்களில் மட்டுமா என்று கேட்கப்படும். உங்கள் விருப்பத்திற்கேற்ப தேர்ந்தெடுத்து ஓகே கிளிக் செய்தால் அந்த செல் மட்டும் அல்லது டேபிள் முழுவதும் என தேர்ந்தெடுத்தபடி ஷேட் செய்யப்பட்டு காட்டப்படும்.


டேபிளின் நெட்டு வரிசை அகலத்தை மாற்ற:டேபிளில் நெட்டு வரிசையின் அகலத்தை அதிகப்படுத்தவும் குறைக்கவும் செய்யலாம். டேபிளில் ஏதாவது ஒரு செல்லில் கர்சரை வைத்தால் டேபிளின் செல் கோட்டிற்கு நேராக ரூலரில் சிறிய கிரிட் கட்டம் கொண்ட அடையாளம் இருக்கும். இதன் அருகில் கர்சரைக் கொண்டு சென்றால் Move Table Column என்று காட்டப்படும். இதனை இழுத்து செல்லின் அகலத்தை குறைக்கவும் அதிகப்படுத்தவும் செய்திடலாம். இதற்குப் பதிலாக டேபிளில் உள்ள செல் பார்டர் லைனில் கர்சரை வைத்தால் அது இருபுற அம்புக்குறிகள் கொண்ட கர்சராக மாறும்.



இதனையும் இரு வழிகளில் இழுத்து அகலத்தை மாற்றலாம். இதே போல படுக்கை வரிசையின் அகலத்தையும் இடது புறம் உள்ள ரூலரில் உள்ள கோடுகளின் பாரில் கர்சரை வைத்து இழுத்து அதிகப்படுத்தலாம். இவ்வாறு இழுக்கையில் ஆல்ட் கீயை அழுத்தினால் ஒவ்வொரு செல்லுக்கும் இடையே உள்ள நீள அகலம் எவ்வளவு என்று காட்டப்படும். இதனைத் தெரிந்து கொண்டு எல்லாம் ஒரே மாதிரியாகவோ அல்லது தேவைப்படும் அளவிலோ வைக்கலாம்.


டேபிளின் நெட்டு வரிசையில் வரிசை எண்களை அமைக்க:ஒரு டேபிளில் உள்ள நெட்டு வரிசைகளில் வரிசையாக சீரியல் எண்களை 1,2,3 என்று அமைக்கலாம். இதற்கு எந்த நெட்டு வரிசையில் அமைக்க விரும்புகிறீர்களோ அந்த வரிசையின் முதல் செல்லைத் தேர்ந்தெடுக்கவும். அந்த செல்லுக்கு மேலாக பார்டர் அருகே கர்சரைக் கொண்டு செல்லவும். கர்சர் சிறிய கருப்பு அம்புக் குறியாக மாறுகையில் கிளிக் செய்திடவும். இப்போது அந்த செல் வரிசை முழுவதும் தேர்ந்தெடுக்கப்பட்டுவிடும். இப்போது Formatting டூல் பாரினைத் தேர்ந்தெடுத்து அதில் Numbering என்பதில் கிளிக் செய்திடவும். அனைத்து செல்களும் 1,2,3 என எண்களிடப் பட்டிருக்கும்.

வேர்ட் டேபிளில் விரும்பிய கலரிலும் வகையிலும் பார்டர்களை அமைக்கலாம். Tables and Borders மெனுவினைத் திரையில் பெறவும். ஒரு டேபிளில் உள்ள நெட்டு வரிசைகளில் வரிசையாக சீரியல் எண்களை 1,2,3 என்று அமைக்கலாம். இதற்கு எந்த நெட்டு வரிசையில் அமைக்க விரும்புகிறீர்களோ அந்த வரிசையின் முதல் செல்லைத் தேர்ந்தெடுக்கவும்.

நீங்கள் புதிதாக ப்ரவுஸ் செய்கிறீர்களா ?

இன்டர்நெட் வெப்சைட் குறித்த செய்திகள் மற்றும் ஆய்வுகள் குறித்த தகவல்களைத் தருகிறது. குறிப்பாக வெப் 2.0 குறித்த அண்மைக் காலத்திய செய்திகள் ஏராளம்.

பல வாசகர்கள் கம்ப்யூட்டர் குறித்த பல விஷயங்களுக்கான வெப்சைட்டுகளில் முக்கியமான பாதுகாப்பான இணைய தளங்கள் குறித்த தகவல்களைக் கேட்டு எழுதி வருகின்றனர். அவர்களுக்கான குறிப்புகள் இங்கே தரப்படுகின்றன. கம்ப்யூட்டர் மட்டுமின்றி வேறு சில பயனுள்ள பொருள் குறித்தும் தளங்கள் தரப்பட்டுள்ளன.



1. www.downloadsquad.com : இந்த தளம் சாப்ட்வேர் மற்றும் வெப் புரோகிராம்களில் அவ்வப்போது ஏற்படும் மாற்றங்கள் குறித்து இந்த தளத்தில் தகவல்கள் அப்டேட் செய்யப்படும். மிகவும் பயனுள்ள தகவல்களைத் தருவதுடன் வேடிக்கையாகவும் சில சமயம் செய்திகளைத் தரும்.


2. www.gmailtips.com : கூகுள் மெயில்பயன்படுத்துபவர்களுக்கான தகவல் களஞ்சியம். அதிகமான எண்ணிக்கையில் குறிப்புகள்,டிப்ஸ் மற்றும் ட்ரிக்ஸ் தரப்பட்டுள்ளன. இதனை நடத்துபவர் இன்னொரு தளத்தையும் நடத்துகிறார். அதன் முகவரி www.jimsltips.com . இதில் இமெயில் தகவல்களுடன் மொபைல் குறித்த தகவல்கள் மற்றும் டிப்ஸ்கள் உள்ளன.


3. www.thegreenbutton.com : விண்டோஸ் மீடியா சென்டர் எடிஷன்குறித்த அனைத்து தகவல்களுக்கும் இந்த கிரீன் பட்டன் தளம் உதவிடும். லேட்டஸ் அப்டேட் பைல்களைத் தருவதோடு டவுண்லோட் செய்திட சில புரோகிராம்களையும் தருகிறது.



4. www.stopbadware.org : இது பக்கத்துவீட்டு காவல்காரன் போல செயல்படுகிறது. ஏதேனும் மோசமான விளைவுகளைத் தருவதற்கென்றே உருவாக்கப்படும் தளங்கள் குறித்த தகவல்களைத் தருகிறது. இது போன்ற தளங்களால் பாதிக்கப்பட்டவர்களிடமிருந்து வரும் தகவல்களைத் திரட்டி அவற்றின் அடிப்படையில் மோசமான தளங்கள் மற்றும் புரோகிராம்களின் பட்டியலை அளிக்கிறது.

5. www.techcrunch.com : இன்டர்நெட் வெப்சைட் குறித்த செய்திகள் மற்றும் ஆய்வுகள் குறித்த தகவல்களைத் தருகிறது. குறிப்பாக வெப்2.0 குறித்த அண்மைக் காலத்திய செய்திகள் ஏராளம்.


6. www.techdirt.com தொழில் நுட்ப உலகின் தில்லுமுல்லுகள் மற்றும் முக்கிய செய்திகள், ஆய்வு முடிவுகள் ஆகியவை குறித்து சுருக்கமான தகவல்களைத் தருகிறது.



சில வேடிக்கையான துணுக்கு செய்திகளும் உண்டு. நீங்களும் உங்களுக்குத் தெரிந்த செய்திகளையும் தகவல்களையும் அனுப்பலாம்.


7. www.tweakguides.com உங்கள் சிஸ்டத்தை ட்யூன் செய்து அதன் திறனை அதிகப்படுத்த வேண்டுமா? இதுதான் நீங்கள் செல்ல வேண்டிய தளம். விளையாட்டுகள், பிரவுசர்கள், டிரைவர்கள் என அனைத்தையும் இந்த தளம் மூலம் மேம்படுத்தி கம்ப்யூட்டர் இயக்கத்தை புதுப்பிக்கலாம்.


8.www.ilounge.com இதனுடைய பெயர் தெரிவிப்பது போல இது ஐ–பாட் மற்றும் ஐ–ட்யூன் ஆகியன குறித்த தகவல்களைத் தரும் தளம். இந்த இரண்டு குறித்து உங்களுக்கு என்ன உதவி வேண்டுமானாலும் இங்கு கிடைக்கும். எப்படி பயன்படுத்துவது என்ற டுடோரியல் தகவல்கள் மிகவும் பயனுள்ளன. இந்த இரண்டைப் பொறுத்தவரை இந்த தளத்தை ஒரு கடல் எனலாம். இதில் ஐ–பாட் 2.2 வழிகாட்டி இபுக்காக உள்ளது. இதில் 202 பக்க தகவல்கள் ஐ – பாட் குறித்து உள்ளன.


9. www.photonhead. com டிஜிட்டல் கேமரா வாங்கிவிட்டீர்களா? அபெர்ச்சர், ஸ்பீட், ரெட் ஐ எனப் பல விஷயங்கள் உங்களைக் குழப்புகிறதா? உடனே இந்த தளத்திற்குச் செல்லுங்கள். இங்கு குழந்தைக்குச் சொல்லிக் கொடுப்பது போன்ற பல டுடோரியல்கள் உள்ளன. சிமுலேட்டர் முறையில் ஒரு கேமரா ஆன்லைனிலேயே தரப்பட்டு எப்படி இயக்குவது என்பதைச் சொல்லிக் கொடுக்கிறது. ஆனால் கொஞ்சம் பழமையானது போல சில விஷயங்கள் இருக்கின்றன. எனவே அப்படி எண்ணுபவர்கள் www.slrgear.com என்ற தளத்திற்குச் செல்லலாம்.


10. www.crazymeds.org : மனநிலை குறையுடையவர்களுக்கான தளம் இது. இங்கு இவ்வகையில் மருந்து உட்கொள்பவர்கள், சிகிச்சை எடுப்பவர்கள் தங்களது அனுபவத்தினைத் தருகின்றனர். சும்மா தகவலுக்காக இதனைப் பார்க்கலாம்.


11.www.goaskalice.com அமெரிக்க கொலம்பியா பல்கலைக் கழகம் நடத்தும் மெடிக்கல் இணைய தளம். சிலர் கேட்க கூச்சப்படும் கேள்விகளைத் தாங்கள் யாரென்று காட்டிக் கொள்ளாமல் இங்கு கேள்விகளை இடலாம். சரியான முறையான பதில் கிடைக்கும்.


12. www.quotedb.com சிலர் எப்போது பேசினாலும் இது அவர் சொன்னது இவர் சொன்னது என்று பிரபலங்கள் கூறியதைச் சொல்வார்கள். சிலர் பொதுமேடைகளில் பேசச் செல்கையிலும் சில ஆசிரியர்கள் வகுப்புகளில் பாடம் நடத்துகையிலும் அவர்களுக்குச் சில கொட்டேஷன்கள் கட்டாயம் வேண்டியதிருக்கும். அவர்களுக்கான தளம் இது. 60 வகை பொருள்களில் ஏறத்தாழ 4,000 புகழ் பெற்ற கொட்டேஷன்கள் உள்ளன.


13. www.thefreedictionary.com ஆன் லைனில் உள்ள அருமையான டிக்ஷனரி. ஒரு சொல்லுக்குப் பொதுவான பொருள் மட்டுமின்றி, மருத்துவம், சட்டம், கம்ப்யூட்டர், நிதிச் சந்தை தொடர்பான பொருளும் தரப்படும். இவற்றுடன் ஒத்த பொருள் தரும் சொற்கள். எதிர்ப்பதங்கள், பழமொழிகள், வழக்குச் சொற்களும் இந்த தளத்தில் கிடைக்கின்றன. இவற்றுடன் பல உதிரி பிரிவுகளும் இருக்கின்றன. இவற்றில் நியூஸ் அலர்ட், வார்த்தை விளையாட்டு எனப் பிரிவுகளும் உள்ளன.


14. www.webmath.com ஒரு பெயிண்டர் ஒரு அறையை எட்டு மணி நேரத்திலும் இன்னொருவர் 10 மணி நேரத்திலும் வெள்ளை அடித்தால் இருவரும் சேர்ந்து எவ்வளவு நேரத்தில் வெள்ளை அடிப்பார்கள்? என்ன – இதெல்லாம் ஸ்கூலில் முடித்து வந்தாச்சே ! இப்போ எதுக்கு என்கிறீர்களா? இதைப் போன்ற கணக்குகள் மற்றும் அல்ஜிப்ரா, கால்குலஸ் எனப் பல பாடப்பிரிவுகளுக்குத் தீர்வுகளை இந்த தளம் தருகிறது.


15. www.worldwidewords.org ஆங்கிலச் சொற்கள் குறித்து தெரிந்து கொள்ள அருமையான ஓர் தளம். ஒரு சொல்லை எடுத்துக் கொண்டு அதன் பல பரிமாணங்களை இந்த தளம் எடுத்துச் சொல்கிறது.


எடுத்துக் காட்டாக எப்போதாவது ஒரு முறை என்ற பொருளில் “blue moon” என்ற சொல் பயன்படுத்தப்படுகிறது. குறிப்பாக மது அருந்துபவர்கள் பிடிபட்டால் இந்த சொல்லைப் பயன்படுத்துவார்கள். ஆனால் இது மேலும் சில பொருளையும் தரும். ஒரே மாதத்தில் இரண்டு பௌர்ணமி வருவதையும் இந்த சொல் மூலமே குறிக்கலாம். இது போல பல விளக்கங்கள்; பல எடுத்துக் காட்டுகள். உங்கள் மின்னஞ்சல் முகவரியைப் பதிந்து வைத்தால் வாரம் ஒரு முறை அல்லது மாதம் ஒரு முறை சொற்கள் பயன்பாடு குறித்த இமெயில் செய்தி உங்களுக்கு அனுப்பப்படும்.


மேற்குறித்த தளங்கள் அனைத்தும் தேர்ந்தெடுக்கப்பட்ட தளங்களில் சில. இது போல பயனுள்ள தளங்களை வாசகர்கள் காண நேர்ந்தால் அவை குறித்து எங்களுக்குத் தகவல் அனுப்பலாம்.

அமெரிக்க கொலம்பியா பல்கலைக் கழகம் நடத்தும் மெடிக்கல் இணைய தளம். சிலர் கேட்க கூச்சப்படும் கேள்விகளைத் தாங்கள் யாரென்று காட்டிக் கொள்ளாமல் இங்கு கேள்விகளை இடலாம். சரியான முறையான பதில் கிடைக்கும்.

புதிய கம்ப்யூட்டர் வாங்கி இருக்கிறீர்களா ?

புதிய கம்ப்யூட்டருடன் குறைந்த கால அளவில் பயன்படுத்தக் கூடிய ஆண்டி வைரஸ் பேக்கேஜ் ஒன்று தரப்படும். மேக் அபி, சைமாண்டெக் அல்லது லோக்கல் பேக்கேஜ் என எதனையாவது கொடுத்திருப்பார்கள்.

அண்மையில் புதிய கம்ப்யூட்டர் ஒன்றை வாங்கி இருக்கிறீர்களா? அப்படியானால் இந்த குறிப்புகள் உங்களுக்குத்தான். இந்த கம்ப்யூட்டர்கள் எல்லாமே விண்டோஸ் எக்ஸ்பி சர்வீஸ் பேக் 2 இணைத்துத்தான் தரப்படுகின்றன. ஆனால் அதற்குப் பின் வந்த ஆப்பரேட்டிங் சிஸ்டத்திற்கான செக்யூரிட்டி அப்டேட் தொகுப்புகள் எதனையும் இணைத்துத் தரவில்லை.



எனவே பாதுகாப்பினை ஒட்டி கீழ்க்காணும் நடவடிக்கைகளை எடுக்கவும். உங்கள் மோடத்திலிருந்து கம்ப்யூட்டர் இணைப்பை எடுத்துவிடவும். இன்டர்நெட்டில் இணைந்தவாறு கம்ப்யூட்டரை இயக்க வேண்டாம். வழக்கமாக புதிய கம்ப்யூட்டருடன் குறைந்த கால அளவில் பயன்படுத்தக் கூடிய ஆண்டி வைரஸ் பேக்கேஜ் ஒன்று தரப்படும். மேக் அபி, சைமாண்டெக் அல்லது லோக்கல் பேக்கேஜ் என எதனையாவது கொடுத்திருப்பார்கள்.(இது ஆறு மாதம் அல்லது ஓர் ஆண்டு செயல்படும். பின் அதனை நீட்டிக்க நீங்கள் பணம் செலுத்த வேண்டும்.நீங்கள் இதைத்தான் தொடர்ந்து பயன்படுத்த வேண்டும் என்பதில்லை. வேறு எந்த ஆண்டி வைரஸ் புரோகிராம் மீது நம்பிக்கை உள்ளதோ அதனை வாங்கி இன்ஸ்டால் செய்திட தயாராய் வைத்துக் கொள்ளுங்கள்.) இனி பாதுகாப்பு விஷயத்திற்கு வருவோம்.



Start மெனு சென்று Control Panel திறக்கவும். Security Center என்பதில் கிளிக் செய்து திறக்கவும். Firewall, Automatic Updates, மற்றும் Virus Protection ஆகியவை இயங்கும் வகையில் டிக் செய்யப்பட்டு அமைக்கப்பட்டிருக்கிறதா என்று பார்க்கவும். இல்லை என்றால் அவ்வாறு அமைத்திடவும். இப்போது கூட அவசரப்பட்டு இன்டர்நெட்டில் இணைக்க வேண்டாம். இனி சிடி அல்லது டிவிடி டிரைவில் ஒரு காலி சிடி அல்லது டிவிடியை போடவும். பின் உங்கள் சிஸ்டத்தில் ரெகவரி டிஸ்க் உருவாக்கும் புரோகிராமை ஓட விட்டு ஒரு ரெகவரி சிடியைத் தயார் செய்திடவும்.

இவ்வாறு தயாரிக்கப்படும் டிஸ்க் பின் நாளில் சிஸ்டம் கிராஷ் ஆகும் போது அல்லது விண்டோஸ் எக்ஸ்பி சிஸ்டம் பைல்கள் கரப்ட் ஆகும்போது உங்களுக்குக் கை கொடுக்கும். இனி இன்டர்நெட் கேபிள்களை சிஸ்டத்துடன் இணைக்கவும். இதற்காக உங்கள் கம்ப்யூட்டர் இயக்கத்தை நிறுத்தவோ ரீ ஸ்டார்ட் செய்திடவோ தேவையில்லை.



இணைத்தாலே கம்ப்யூட்டர் அதனைப் புரிந்து கொண்டு ஏற்றுக் கொண்டு இன்டர்நெட் நெட்வொர்க்கில் இணைந்து விடும். உடன் விண்டோஸ் சிஸ்டம் தன்னை அப்டேட் செய்திடத் தேவையான பைல்களை மைக்ரோசாப்ட் நிறுவனத்தின் இணைய தளம் சென்று தேடி அப்டேட் செய்திடத் தொடங்கும். அவ்வாறு தொடங்கவில்லை என்றால் ஸ்டார்ட் மெனுவில் விண்டோஸ் அப்டேட் புரோகிராமை நீங்களே இயக்கவும். எப்படியாவது இந்த புரோகிராமினை இயக்கி உங்கள் சிஸ்டத்தில் உள்ள சிஸ்டம் பைல்களுக்கான செக்யூரிட்டி அப்டேட்டட் பைல்களைக் கொண்டு வந்து இணைத்துவிடவும்.

தேடுபொறி

தேடுபொறி அல்லது தேடற்பொறி என்பது ஒர் கணினி நிரல் இணையத்தில் குவிந்து கிடக்கும் தகவல்களில் இருந்தோ கணினியில் இருக்கும் தகவல்களில் இருந்தோ நமக்கு தேவையான தகவலைப்பெற உதவுகின்றது. பொதுவாகப் பாவனையாளர்கள் ஓர் விடயம் சம்பந்தமாக தேடுதலை ஓர் சொல்லைவைத்து தேடுவார்கள். தேடு பொறிகள் சுட்டிகளைப் பயன்படுத்தி விரைவான தேடலை மேற்கொள்ளும். தேடுபொறிகள் என்பது பொதுவாக இணையத் தேடுபொறிகளை அல்லது இணையத் தேடற்பொறிகளையே குறிக்கும்.

வெறுசில தேடுபொறிகள் உள்ளூர் வலையமைப்பை மாத்திரமே தேடும். இணைய தேடு பொறிகள் பல பில்லியன் பக்கங்களில் இருந்து நமக்குத் தேவையன மிகப் பொருத்தமான பக்கங்களைத் தேடித் தரும். வேறுசில தேடற்பொறிகள் செய்திக் குழுக்கள், தகவற்தளங்கள், திறந்த இணையத்தளங்களைப் பட்டியலிடும் DMOZ.org போன்ற இணையத் தளங்களைத் தேடும். மனிதர்களால் எழுதப்பட்ட இணையத் தளங்களைப் பட்டியலிடும் தளங்களைப் போன்றல்லாது தேடு பொறிகள் அல்கோரிதங்களைப் பாவித்துத் தேடல்களை மேற்கொள்ளும். வேறு சில தேடற்பொறிகளோ தமது இடைமுகத்தை வழங்கினாலும் உண்மையில் வேறுசில தேடுபொறிகளே தேடலை மேற்கொள்ளும்.

ஆரம்ப காலத்தில் ASCII முறை வரியுருக்களை கொண்டே தேடு சொற்களை உள்ளிட முடிந்தது. தற்போது ஒருங்குறி எழுத்துக்குறிமுறையை பல தேடுபொறிகளும் ஆதரிப்பதால் ஆங்கிலத்தில் மட்டுமல்லாது உலக மொழிகள் அனைத்திலும் அவ்வம் மொழிப்பக்கங்களை தேடிப்பெறக்கூடியதாகவுள்ளது.

எவ்வாறு தேடு பொறிகள் வேலை செய்கின்றன

இணையத்தில் தவழ்தல்சுட்டியிடுதல்தேடுதல் தேடு பொறிகள் வையக வலையில் அல்லது உலகளாவிய வலைப் பக்கங்களில் இருந்து பெறப்பட்ட பல்வேறு தகவல்களைச் சேமித்தே தேடல்களை மேற்கொள்ளுகின்றன. இவை இணையப் பக்கங்களை தவழ்வதால் (சில சமயங்களில் சிலந்திகள் என்று அழைக்கப் படுகின்றன) குறிப்பிடப் பட்ட பக்கங்களின் ஒவ்வோர் இணைப்பிற்கும் இவை செல்லும். சில சமயங்களில் சில பக்கங்களைத் தவிர்ப்பதற்கு ரோபோக்கள் முடிவு செய்யும். அவை இணையப் பக்கங்களை அலசி ஆராய்ந்து அவை எவ்வாறு சுட்டியிடப் படும் எனத் தீர்மானிக்கப்படும். கூகிள் போன்ற சில தேடுபொறிகள் முழுப்பக்கத்தையோ அல்லது பகுதியையோ சேமித்துக் கொள்ளும்.

தேடல்களை மேற்கொள்ளல்

தேடுபொறிகளில் தேடும்பொழுது ஒருங்குறியில் உள்ள சொற்களை இட்டுத் தேடலாம். யாஹூ! தேடல்களில் தேடல்களைத் தட்டச்சுச் செய்யும் பொழுதே நீங்கள் என்ன விடயத்தைத் தேட முற்படுகின்றீர்கள் என்று ஊகித்து ஆலோசனைகளை வழங்கும் இதே வசதி கூகிளிலும் பரீட்சாத்தகரமாக உள்ளது. ஓர் குறிப்பிட்ட தளத்தைத் தேடவிரும்புகின்றீர்கள் என்றால் தேடுபொறி site:ta.wikipedia.org என்றவாறு உள்ளீடு செய்தால் தமிழ் விக்கிபீடியாவில் உள்ள தேடுபொறி தொடர்பான கட்டுரைகளைத் தேடிக்கொள்ளும்

கூகிள் வரலாறு

கூகுள் ஒரு பிரபல்யமான தேடுபொறியாகும். இதன் வரலாறு இங்கு கட்டுரை மூலமாக உள்ளடக்கப்படுகின்றது.


ஆரம்ப வரலாறு

கூகிள் 1996ம் வருடம் சனவரி மாதம், லாரி பேஜ்(Larry Page) மற்றும் அவரது சக மாணவரான சேர்ஜி பிரின்(Sergey Brin) என்பவரும் தங்கள் கலாநிதிப் பட்டப் படிப்பிற்காக(Ph.D.) கலிபோர்னியாவிலுள்ள ஸ்டான்ஃபோர்ட் பல்கலைக்கழகத்தினால் வழங்கப்பட்ட ஆராய்ச்சிக்கான தலைப்பின் (இணையங்கள் இடையிலான கணித தொடர்பு) முடிவில் தோன்றியதாகும். ஆரம்பத்தில் லாரி பேஜின் ஆராய்ச்சிக்கான விடயமாக மட்டுமே இது இருந்த போதிலும் வெகு விரைவிலேயே சக மாணவரும் நெருங்கிய நண்பருமான சேர்ஜி பிரின் இணைந்து கொண்டார். இவர்கள் இருவரும் தமது ஆய்வை இணைய தேடுபொறிக்கான ஒரு ஆய்வாக முன்னெடுத்தனர். இவர்கள் தாம் சேகரித்த தகவல்களின்படி தேடுபொறியில் தேடப்படும் விடயம் எந்த இணைய பக்கங்களில் உள்ளது என்பதையும் அதன் தொடர்புகளையும் அலசி ஆராய்ந்து தேடுபதிலாக பட்டியலிடுவதே சிறந்த முறை எனவும் முடிவு செய்தனர். இது அப்போது பாவனையில் இருந்த தேடுபொறி தனது தேடும் விடயத்தை எந்த இணையப் பக்கம் அதிகம் கொண்டிருந்ததோ அதன் எண்ணிக்கை வரிசையில் (இறங்கு முகமான வரிசை) பதிலாக (கணினியின் திரையில்) கொடுத்ததை விட, தமது தேடுகருகியானது தேடிய விடையத்தின் பக்கங்களை அலசி தேடுபதிலாக வழங்கும் முறை சிறப்பான தொழில் நுட்பம் என்பதில் நம்பிக்கை கொண்டவர்களாக இருந்தார்கள். இவர்கள் தமது ஆராய்ச்சிக்கு புனைபெயராக பாக்ரப்("BackRub") (பின்னால் தடவு அல்லது வருடு) என்ற பெயரை சூட்டியிருந்ததுடன் இந்த ஆய்வு ஒரு இணையத்தின் பின்புல (backlinks) இணைப்புகளுடன் முக்கிய பங்குவகிப்பதனால் அவ்வாறு அர்த்தத்தில் குறிப்பிடனர். இவர்கள் ஆய்வை மிகவும் ஒத்த விதத்தில் தேடு பதிலாலை கொடுப்பத்ற்கு அந்த காலகட்டத்தில் சிறிய தேடு பொறி ராங்டெக்ஸ்(RankDex) வேலைத் திட்டத்தில் இறங்கியும் இருந்தது குறிப்பிடத் தக்கதாகும்.

தேடப்படும் விடையம் அடங்கிய இணையப் பக்கங்களினால் அதிகம் எந்த ஒரு இணையப் பக்கம் இணைக்கப் படுகின்றதோ அதுவே தேடப்படும் விடயத்தின் தொடர்பான பதில் என தமது ஆராச்சியை நியாயப்படுத்தினர். இந்த ஆராச்சி ஸ்ரான்பேஃர்ட் பல்கலைக்களக பட்டப் படிப்புடன் சம்பந்தமான ஆராச்சி என்பதால் தமது விதிகளை அங்கு பரீட்சித்தும் பார்த்ததோடு கூகிள் தோன்றவும் அடிகோலினர். ஆரம்பத்தில் ஸ்ரான்போர்ட் பல்கலைக்கழகத்தின் இணையப் பக்கங்களை தேடுவதற்காக google.stanford.edu என்ற பெயர் பாவிக்கப்பட்ட போதிலும் பின்னர் கூகிள்.கொம் (google.com) என 1997ம் ஆண்டு செப்ரம்பர் 15ம் நாள் பதிவு செய்யப்பட்டதுடன் 1998 செப்ரம்பர் 15ம் நாள் கூகிள் தனியார் நிறுவனமாகவும் பதியப்பட்டது. 1998 செப்ரம்பர் 7இல் நண்பர் ஒருவரின் கார்த் தரிப்பிட கொட்டகையில் கூகிள் வர்த்தக நோக்குடன் ஆரம்பிக்கப்பட்டது. புதிய நிறுவனத்திற்கு முதலிடுவதில் பலரையும் அணுகி ஒரு வழியாக இறுதியில் 1.1 மில்லியன் டொலர்களை சேர்த்து கொண்டனர்.

மேலும், இவர்கள் ஆரம்பத்தில் மிக தீவிரமாக கூகோல்.கொம் (googol.com)என பெயர் சூட்டுவதில் மிகுந்த ஆர்வமாக இருந்தனர். கூகோல் என்பதன் அர்த்தம் 1 ஐ தொடர்ந்து வரும் 100 பூச்சியங்கள் கொண்ட எண்ணைக் குறிக்கும் பெயராகும். ஆனால், அது சிலிக்கன் பள்ளத்தாக்கு (Silicon Valley) பொறியியலாளர் ஒருவரால் ஏற்கனவே பதிவுசெய்யப்பட்டிருந்ததுடன் அந்தபெயரை அவர் அப்போது விட்டுக் கொடுக்கவும் சம்மதிக்கவில்லை. எனவே, இவர்கள் தமது நிறுவனத்திற்கு தீவிரமாக பெயர் தேடும் போது தவறுதலாக தட்டச்சு செய்தபோது பிறந்ததே "கூகிள்" என்ற புதிய சொல். கார் கொட்டகையில் இருந்து இந்த நிறுவனத்தின் அலுவலகங்கள் 1999ம் மார்ச் மாதம் சிலிக்கன் பள்ளத்தாக்கிற்கு மாற்றலாகின. அங்கு வெவ்வேறு இரு இடங்களில் "கூகிள்" இயங்கிய போதிலும் விரைவான வருவாய்,வளர்ச்சி காரணமாக பெரிய கட்டிட தொகுதிக்கு வாடகை அடிப்படையில் 2003இல் மாற்றலாயிற்று. அன்றிலிருந்து அதே இடத்திலேயே இருப்பதுடன் அக் கட்டிடத் தொகுதி கூகிள்பிளெக்ஸ் (googolplex) எனவும் பெயர் பெற்றது. பின்பு 2006 இல் 319 மில்லியன் டொலர்களை கொடுத்து அந்த கட்டிடத்தொகுதியை கூகிள் கொள்முதல் செய்தும் கொண்டது.

கூகிள் தனது எளிமையான தேடி மூலமாக அடிக்கடி உபயோகிக்கும் இணைய பாவனையாளர்களுடன் புதிது புதிதாகவும் பலரையும் கவரத் தொடங்கியது. தேடுபொறியில் தேடப்படும் சொற்களுடன் தொடர்பான விளம்பரங்களை 2000ம் ஆண்டில் இருந்து கூகிள் சேர்க்கத் தொடங்கியதோடு விளம்பரங்கள் இணைப் பக்கங்களின் அமைப்பை குலைக்காமலும், இணைப் பக்கங்கள் கணனி திரைகளில் விரைவாக தோன்று வதற்காகவும் ஆரம்பத்தில் எழுத்துருக்களில் மட்டும் வடிவமைக்கப் பட்டிருந்தன. தேடுபொறியில் தேடலை ஒத்த விளம்பரங்கள் கேள்வி மூலமாக அல்லது சொடுக்கப்படும் விகிதத்திலும் விற்கப்படுவதுடன் இவற்றின் ஆரம்ப விலை 0.05 டொலராகவும் உள்ளது. இந்த தேடு விடையத்தை ஒத்த விளம்பரத்தினை இணையத் தளங்களில் காண்பிக்கும் நுட்பமானது Goto.com என்ற நிறுவனமே முன்னோடிகளாக இருந்தார்கள். கோட்டு.கொம் என்ற இதன் பெயர் "ஒவேச்சர் சேர்விசஸ்" (Overture Services) ஆகவும் பின்நாளில் யாகூ! இனால் கொள்முதல் செய்யப்பட்டு "யாகூ சேர்ச் மாக்கெற்றிங்" (Yahoo! Search Marketing) ஆயிற்று. கூகிளுடன் போட்டி ஆகி இருந்த பல புதிய நிறுவனங்களும் இணையத்தள சந்தையில் தோற்று விட "கூகிள்" லாபமீட்டுவதுடன் உறுதியாக வெற்றியீட்டி வருகிறது.

ஆரம்பத்தில் "கூகோல்" (googol) என்பது அதன் அர்த்தம் கண்டு விரும்பப் பட்ட போதிலும் எழுத்துப் பிழைகளுடனான "கூகிள்" என்பது மிக பிரபலம் ஆயிற்று. இன்று பெரும்பாலும் ஒவ்வொரு மொழியிலும் அதிகம் பேசப்படும் வினைச் சொல்லாக மாறி விட்ட இதை ஒக்ஸ்ஃபோர்ட் அகராதி 2006இல் சேர்த்ததுடன் அதனை 'கூகிள் தேடுபொறி இணையத்தில் தகவல் பெற பாவிக்கப்படுகின்றது' என அர்த்தப் படுத்தியும் உள்ளது. கூகிள் தேடுபொறி தேடுதலுக்கான பட்டியலிடும் தொழில் நுட்பமானது 2001ம் செப்ரம்பர் 4ம் திகதி காப்புரிமம் செய்யப் பட்டதுடன் ஸ்ரான்ஃபோர்ட் பல்கலைக்கழக அதிகாரபூர்வ கண்டுபிடிப்பாளர் காப்புரிமத்திலும் பட்டியலிடப் பட்டுள்ளது.

கூகிளின் பங்குச் சந்தை வருகை

கூகிள் தேடுபொறி 1998 செப்ரம்பர் 7இல் அமெரிக்காவின் கலிபோர்னியா மாநிலத்தில் நிறுவப்பட்டது. இணைய தேடுதலிலும் இணைய விளம்பரத்திலும் சிறப்பு பங்கு வகிக்கும் கூகிள் 2004ம் ஆகஸ்ட் 19ம் நாளில் இருந்து பொது மக்கள் நிறுவனமாக தன்னை பதிவு செய்துகொண்டது. இந்த நிறுவனத்தில் 15,916 முழுநேர வேலையாட்கள் (2007 செப்டம்பர் 30ம் கணக்கெடுப்பின் படி) பணியாற்றுவதுடன் இதுவே நாஸ்டாக் (NASDAQ) இல் பட்டியலிடப்பட்ட பொது நிறுவனங்களில் பெரியதுமாகும். லாரி பேஜ் , சேர்ஜி பிரின் ஆகியோரினால் சேர்ந்து உருவாக்கப்பட்ட கூகிள் நாஸ்டாக் (NASDAQ) பங்குச்சந்தையில் வந்த 2004ம் ஆகஸ்டு 19 அன்று $1.67 பில்லியன்களுக்கு பங்குகள் விற்பனை ஆகியதுடன் $23 பில்லியன் மேலாக கூகிள் நிறுவனம் மதிப்பாகியிருந்தது. படிப்படியாக தொடரான புதிய பொருட்களின் வடிவமைப்பு, மற்றய நிறுவனங்களை கொள்முதல் செய்வது, பங்குதாரர்கள், ஆரம்பத்தில் இருந்த விளம்பர யுக்தி விஸ்தரிப்பு, இணைய மின்-அஞ்சல் (webmail), இணையவழி வரைபடம்(Google Earth), அலுவலக உற்பத்தி ஆகியவற்றுடன் இணையவழி வீடியோ(video) வையும் இணைத்து கொண்டதன் மூலமாக பன்மடங்கு (4மடங்கிலும் மேலாக) மதிப்பில் கூகிள் தன்னை தற்போது உயர்த்திக் கொண்டுள்ளது. அத்துடன் 2005ம் யூன் மாதம் $52 பில்லியன் சந்தைப் பெறுமதியுடன் $7 பில்லியன் பணத்தினையும் கூகிள் தம் வசம் வைதிருந்தது. இத்தனைக்கும் "பிசாசு மாதிரி இருக்காதீர்" (don't be evil) (இதையே தனது வியாபார அடை மொழியாக கூகிள் பதிவு செய்திருந்தது.), என மற்றயவர்களை ஆரம்பத்தில் இருந்து கூறிவந்த கூகிள் தற்போது தனது நிலைப் பாட்டினை நியாயப்படுத்தி வருகிறது. மேலும், கூகிள் தனது தேடுபொறியின் இலச்சனை (logo) யில் பலவித கண்கவர் யுக்திகளை சிறப்பு நாட்களில் கூகிள் டூடிள்ஸ் (Google Doodles) என வெளியிட்டும் வருவதும் யாருமறிந்ததே.

மூலதனமும் பங்குச் சந்தையும்

முதலாவது முதலீடாக ஒரு இலட்சம் டொலர்களை சன் மைக்கிரோசிஸ்டம்ஸ் (Sun Microsystems) இன் ஸ்தாபகர்களில் ஒருவர் மூலம் மட்டுமே பெற்றனர் என்பதுடன், அப்போது கூகிள் நிறுவனம் தோன்றி இருக்கவுமில்லை. இந்த முதலீட்டின் பின் 6 மாதங்கள் சென்ற நேரத்தில் பல முதலீட்டாளர்கள் முதலிட முன் வந்தும் இருந்தனர். அத்துடன், 2003ம் ஒக்டோபர் மாதத்தில் பங்குச் சந்தையில் கூகிளை எடுத்துச்செல்ல ஆலோசிக்கும் வேளை மைக்கிரோசொஃப்ட் (Microsoft) புகுந்து பங்காளியாக அல்லது தத்து எடுப்பதற்கு எடுத்த முயற்சி கைகூடாமற் போயிற்று. ஜனவரி 2004இல் உலகின் மிகப் பெரிய முதலீட்டு வங்கிகளான மோர்கன் ஸ்ரான்லி (Morgan stanley), கோல்மான் சாச்ஸ் (Goldman Sachs) இனால் பங்குச் சந்தையில் சேர்வதற்கான ஏற்பாடு தொடங்கபட்டது. பங்குச் சந்தையில் முதல்நாள் சேரும் வேளை $4 பில்லியங்களாவது திரட்டப்படும் எனவும் கணக்கிட்டனர்.

இதனிடையே கூகிளானது 2004ம் மேமாதம் இரு பெரிய முதலீட்டளர் வங்கியில் ஒன்றான கோல்மானை வெட்டி விட்டு வேறொரு பிரபல்யமான வங்கியை இணைத்துக் கொண்டு 2004ம் ஆகஸ்டு 19ம் நாள் முதல் முதலாக பங்குச் சந்தைக்கு 19,605,052 பங்குகளுடன் வந்தபோது ஒவ்வொரு பங்கும் $85க்கு விற்கப்பட்டது. முதல் நாள் மொத்தமாக கைமறிய பங்குகள் 22,351,900 என்பதுடன் அன்றைய இறுதி நேர விலை $100.34 ஆக மூடப்பட்டது, இது உத்தேசிக்கப்பட்ட அளவு தொகையை விடவும் மிக குறைவாகவும் இருந்தது. எனினும் அன்று கூகிளின் இரட்டையர்கள் தம்வசம் 271 மிலியன் பங்குகளை வைத்திருந்ததன் மூலமாக $23 பிலியன்கள் மேல் நிறுவனத்தை மதிப்பு ஏற்றியதோடு $1.67 பில்லியன்களை பணமாக திரட்டியும் கொண்டனர். அத்தோடு கூகிளில் பணியாற்றும் பலரையும் அன்று திடீர் கடதாசி டொலர் மில்லியனர்கள் ஆக்கியதும் அல்லாமல் வியாபார எதிரியாக இருக்கக் கூடிய யாகூ! (8.4 மில்லியன் பங்குகளை நட்டஈடாக பெற்றுக் கொள்ள ஒரு பேரத்தில் பங்குச் சந்தையின் 10 நாள் முன் உடன் பட்டன). ஐயும் ஆக்கியிருந்தது. இதன் அபார தொடர் வளர்ச்சியில் 2005ம் யூன் மாதம் கூகிள் நிறுவனம் $52பில்லியன்கள்(பங்குகள் தவிர $7பில்லியன்கள் பணமாக) மேல் மதிப்பானதுடன் இதுவே உலகின் மிகப்பெரிய பெறுமதியுள ஊடகவியல் நிறுவனம் ஆயிற்று. தொடற்சியாக பங்குகள் ஏற்ற இறக்கம் கண்டு 2007ம் ஒக்டோபரில் ஒரு பங்கு $700 ஆக இருந்த கூகிளின் பங்குகள் அமெரிக்கா, லண்டன் பங்குச் சந்தைகளில் பட்டியலிடப் பட்டுள்ளது.

சுவீகரிப்பு, கூட்டுக்கள்

கூகிள் பெப்ரவரி 2003இல் வெப்லொக் (weblog) இன் முன்னோடியும் புளொக்கர்(Blogger) இன் சொந்தக்காரரான பைரா லாப்ஸ் (Pyra Labs)ஐ சொந்தமாக்கிற்று. உலக இணையத் தளத்தின் 84.7 விகிதமான தேடுதல்களை 2004ம் முற் பகுதியில் கூகிள் நிறுவனமானது யாகூ, ஏ.ஓ.எல் (AOL), சி.என்.என் (CNN) ஆகியவற்றுடன் கூட்டுச் சேர்ந்து செய்திருந்தது, பின்பு 2004ம் பெப்ரவரி இல் யாகூ விலகிக் கொண்டு தனது சொந்த தேடுபொறியை தொடங்கிற்று. யாகூ விலகிக் கொண்ட விடயம் கூகிள் நிறுவனம் சந்தித்த ஒரு பெரிய சவாலாக இருந்த போதிலும் ஜீமெயில்( Gmail), ஓர்க்குற்(orkut), மற்றும் புதிய பல யுக்திகள் மூலமாக தன்னை நிலை நிறுத்திக் கொண்டுள்ளது.

அத்துடன் கூகிள் நிறுவனம் தனது நீண்டகால ஆராய்ச்சிக்கான நாசா (NASA) இன் கூட்டு 2005ம் செப்டம்பரிலும், இணையத்திற்கான கூட்டு "ஏ.ஓ.எல்" (AOL)லுடன் டிசம்பர்இலும் உருவாக்கிக் கொண்டது. மேலும், சன்மைக்கிரோ (Sun Microsystems) உடன் தொழில் நுட்ப்பத்தை பகிர்ந்து கொள்வதோடு, கூகிள் நிறுவனம் தனது ஊளியர்களை ஓப்பிண் ஆபிஸ்(OpenOffice.org) நிறுவன வேலைகளிலும் வாடகைக்கு அமர்த்தி உள்ளது. இதனிடையே 2004கும் 2006ம் வருட இறுதிக்கும் உள்ள காலகட்டத்தில் பல மென்பொருள் முன்மாதிரி நிறுவனங்களையும் வானோலி விளம்பர நிறுவனம் டிமார்க்(dMarc)ஐ தம் வசமாக்கிக் கொண்டதுடன் $900 விளம்பர உடன்பாட்டை மைஸ்பேஸ் (MySpace) உடன் செய்தனர். கூடவே, 2006இன் இறுதி காலத்தில் யூ டியூப் (YouTube) என்ற மிகவும் பெயர் பெற்ற இணையத்தள வீடியோ $1.65 பில்லியனிற்கு கூகிளினால் கொள்முதலானது, இத்துடன் விக்கி தொழில் நுட்பத்தை வடிவமைத்த ஜொட்ஸ்பொட் (JotSpot)ம் சொந்தமாக்கப்பட்டது.

இத்துடன் நிற்காமல் 2007ம் ஏப்ரலில் $3.1பில்லியன் கொடுத்து டபள் கிளிக் (DoubleClick)ஐ கொள்முதல் செய்ததோடு 2007ம் யூலை 9இல் பொஸ்டினி (Postini)யும் கொள்முதல் செய்து கொண்டது. இத்தனைக்கும் மத்தியில் தனது பரம எதிரியான மைக்கிரோசொப்ற் (Microsoft) இன் பல திறமை உள்ளவர்களையும் தம்வசம் ஈர்த்ததுடன் அந் நிறுவனம் தொடர்பாக தொடரப்பட்ட வழக்கினை நீதிமன்றம் வெளியே இரகசியமாக 2005 டிசம்பர் 22இல் தீர்த்தும் கொண்டது. கூகிள் நிறுவனம் 2006ல் ".மோபி" (.mobi) எனப்படும் கைத்தொலைபேசி இணைய முகவரி தோற்றத்திற்கு காரண கர்த்தாவாகவும், முதலீடு இட்ட நிறுவனமாகவும் முன்நிலை படுத்தியதோடு ஸீங்கு.மோபி (Zingku.mobi), கூகிள்.மோபி (Google.mobi)இன் சொந்தக் காரருமாகவும் கூகிள் உள்ளது.

நன்கொடை

2004ல் இலாபம் ஈட்டாத "கூகிள்.ஓர்க்" (Google.org) ஐ நிறுவியதோடு ஆரம்ப நிதியாக $1பிலியன் வைப்பு செய்யப்பட்டது. இந் நிறுவனத்தின் முன்நிலை கவனிப்புக்களாக சூழல் வெப்பமாகுதல் தடுத்தல்,உலக சுகாதாரம்,உலக வறுமை ஒழிப்பு என்பன உள்ளடக்கப் பட்டுள்ளது. அத்துடன் இந்த அமைப்பின் முதல் திட்டமாக மின்சாரத்தில் இயங்கும் வகனங்களை வடிவமைக்கும் திட்டம் டாக்டர்.லாரி (Dr.Larry) தலைமையில் தொடங்கப் பட்டுள்ளது.

உங்கள் இணைய தளத்தினைச் சிறப்பாக அமைத்திடும் வழிகள் சில.

தங்கள் செயல்பாடுகளை அறிவிக்க நிறுவனங்கள் மட்டுமே இணைய தளம் உருவாக்கி இன்டர்நெட்டில் பதிப்பது என்ற நிலை மாறி தற்போது தனி நபர்களும் மற்றும் அனைத்து வகையான அமைப்புகளும் இணைய தளங்களை உருவாக்கி வருகின்றன. இணைய தளங்களை உருவாக்குவதற்கென்றே பல வெப் மாஸ்டர்கள் உள்ளனர். ஒரு சிலர் இன்டர்நெட்டில் கிடைக்கும் உதவி தகவல்களைக் கொண்டு தாங்களே தளங்களை உருவாக்கி பதிந்து வருகின்றனர். எப்படி இருந்தாலும் ஓர் இணைய தளம் ஒரு சில வரையறைகளுடன் அமைக்கப்படுவது நல்லது. அவை என்னவென்று இங்கு பார்ப்போம்.

1. முகப்பு பக்க அளவு:

உங்கள் இணைய தளம் பதிக்கப்பட்டு சில வாரங்கள் ஏன் சில மாதங்கள் வரையில் அல்லது ஓராண்டு காலத்தில் உங்கள் தளத்தின் முகப்பு பக்கம் வழியாகத்தான் அனைவரும் நுழைவார்கள். (பொதுவாக இந்த முகப்பு பக்கத்தினை index.htm அல்லது default.htm என்று அழைப்பார்கள்.) எனவே இதனை அமைப்பதில் அதிகக் கவனம் செலுத்த வேண்டும். முகப்பு பக்கம் லோட் ஆக அதிக நேரம் எடுத்துக் கொண்டால் நிச்சயமாக அதனைக் காண விரும்புபவர்கள் எரிச்சல் அடைந்து ஆர்வம் குறைந்து தளத்தைக் காணும் முயற்சியைக் கைவிடுவார்கள். உங்களுடைய தளத்தினைப் பெரும்பாலும் வெளிநாட்டினர்தான் காண விரும்புவார்கள் எனில் இந்த முகப்பு பக்கத்தின் அளவு 90 கேபிக்குள் இருப்பது நல்லது. இதுவே இந்திய மக்கள் தான் காண்பார்கள் என்றால் 50 கேபி என்ற அளவிற்குள் இருப்பது நல்லது. இந்த அளவு எச்.டி.எம்.எல். வழி தகவல், பிளாஷ் மற்றும் அனிமேஷன் ஆகிய அனைத்தும் சேர்ந்திருக்க வேண்டும்.

2. முதல் ஈர்ப்பு:

எந்த பொருளும் மக்களை முதல் பார்வையிலேயே கவர வேண்டும் என்பது பொதுவான ஒரு விஷயமாகும். இன்டர்நெட் தளத்தின் முகப்பு பக்கமும் அப்படித்தான் இருக்க வேண்டும். எனவே உங்களைப் பற்றிய தகவல்கள் நச் என்ற வகையில் மக்களின் கவனத்தை ஈர்க்கும் வகையில் எளிமையாக அதே சமயத்தில் தளத்தின் உள்ளே சென்று பார்க்கும் வகையில் அமைய வேண்டும்.

3. நேரம்:

இப்போது பிளாஷ் தொகுப்பு உபயோகிப்பது சர்வ சாதாரணமாகிவிட்டது. ஆனால் இதனைப் பார்ப்பவர்களிடம் வலுக்கட்டாயமாகத் திணிப்பது நல்லதல்ல. இது அதிக நேரம் எடுக்கும். கட்டாயம் பிளாஷ் காட்சி ஒன்று தேவை என்றால் அதனை பார்வையாளர்கள் வேண்டாம் என்று விரும்பினால் ஒதுக்கும் வசதியும் தரப்பட்டிருக்க வேண்டும். வெறும் டெக்ஸ்ட் மட்டும் கூட அழகாக அமைக்கப்படலாம் என்பதனையும் கவனத்தில் கொள்ள வேண்டும். தளத்தைக் காண வருபவர்களின் எண்ணிக்கையைத் தெரிவிக்கும் வசதி இருப்பது பலரின் கவனத்தை ஈர்க்கும். உங்கள் தளத்திற்கும் பெருமை சேர்க்கும்.

4. தொடர்பு:

நீங்கள் தரும் தகவல்கள் மிகவும் பயனுள்ளதாக இருக்கலாம். அதனைக் காண்பவர்கள் உங்களிடம் சில விளக்கங்கள் வேண்டி உங்களைத் தொடர்பு கொள்ள எண்ணலாம். எனவே எப்படி தொடர்பு கொள்ள வேண்டும் என முகப்பு பக்கத்திலேயே குறிப்பிட வேண்டும். உங்கள் மின்னஞ்சல் முகவரி அளிக்கலாம். அல்லது பார்ப்பவரின் கம்ப்யூட்டரில் உள்ள இமெயில் கிளையண்ட் புரோகிராமை இயக்கி நேரடியாக மின்னஞ்சல் அனுப்பும் வசதியையும் ஏற்படுத்தலாம்.

5. புதுமை

ஆம் அதைத்தான் அனைவரும் விரும்புகின்றனர். அடிக்கடி புதிய தகவல்களைக் கொண்டு உங்கள் இணைய தளத்தை புதுப்பித்துக் கொண்டிருங்கள். அதற்காக அடியோடு அதனை மாற்ற வேண்டியதில்லை. சிறிய மாற்றங்கள் அவ்வப்போது இருப்பது உங்கள் தளத்திற்கு வருபவர்களின் எண்ணிக்கையை கூடுதலாக்கும்.

6. சரக்கு

ஆம் உங்கள் நிறுவனம் அல்லது அமைப்பு அல்லது உங்களின் தனிப்பட்ட தளங்களில் தகவல் சரக்கு நிறைய இருக்க வேண்டும். உங்கள் நிறுவனம் எந்தப் பொருளையேனும் தயாரிப்பதாக இருந்தால் அந்த பொருளைப் பற்றி மட்டுமின்றி உங்கள் நிறுவனம் அதன் நிர்வாகம் மற்றும் கட்டமைப்பு பற்றியும் நிறைய தகவல்களை நீங்கள் தரலாம்.

7. மேம்பாடு

உங்கள் நிறுவனம் போல, உங்கள் அமைப்பு போல இயங்கும் மற்றவற்றின் இணைய தளங்களையும் நீங்கள் அடிக்கடி சென்று பார்த்து அவர்கள் செய்திடும் மாற்றங்கள், மேம்படுத்தும் தகவல்கள் ஆகியவற்றையும் கண்டறிந்து ஆய்வு செய்து உங்கள் தளத்தையும் அதே போல இல்லாமல் அதைவிடச் செறிவாக மேம்படுத்துங்கள்.

8. சோதனை

உங்கள் இணைய தளம் உங்களுக்குப் பிடித்த பிரவுசரில் மட்டும் சரியாக இயங்கக் கூடாது; மற்ற பிரவுசர்களிலும் மிகச் சரியாக இயங்க வேண்டும். அப்போது தான் அனைத்து தரப்பினரையும் உங்களால் கவர முடியும். அத்துடன் பல்வேறு ரெசல்யூசன் அமைப்பிலும் உங்கள் இணைய தளத்தைச் சோதனை செய்து பார்த்திட வேண்டும். வெவ்வேறு ஆப்பரேட்டிங் சிஸ்டத்திலும் இயக்கிப் பார்த்திட வேண்டும்.

9. படங்கள்

நீங்கள் பதித்துள்ள படங்கள் சரியாக இறங்குகின்றனவா, நீங்கள் எதிர்பார்க்கும் தோற்றத்தைத் தருகின்றனவா என்பதை அடிக்கடி நீங்கள் சோதித்து அறிய வேண்டும். வெவ்வேறு வேகத்தில் இயங்கும் இணைய இணைப்புகளில் இந்த படங்கள் எப்படி இறங்கி இயங்குகின்றன என்று சோதித்துப் பார்க்க வேண்டும்.

10. சொல்லும் மொழி

உங்கள் மொழி நடையை ஸ்டைலாக அமைப்பதற்கு முன் அதில் எழுத்து மற்றும் இலக்கணப் பிழை இல்லாமல் இருப்பதனை ஒன்றுக்குப் பல முறை உறுதி செய்து கொள்ளுங்கள். தமிழ் மொழியில் உங்கள் தளத்தில் தகவல்கள் தரப்பட்டால் அந்த எழுத்துருவினை டவுண் லோட் செய்து கொள்ள வசதி செய்து தர வேண்டும். அந்த வசதி உள்ளது என்பதனை ஒரு ஜேபெக் பட பைலாகவோ அல்லது ஆங்கிலத்திலோ அமைக்கலாம்.

11. எழுத்துரு

அனைவருக்கும் தெரிந்த எழுத்துருக்களில் உங்கள் தகவல் தளத்தை அமைப்பது நல்லது. அப்போது தான் பார்ப்பவர்களுக்குத் தாங்கள் பழக்கப்பட்ட தளம் போல உங்கள் தளம் காட்சியளிக்கும்.

12. எளிதான தாவல்

உங்கள் தளத்தின் முகப்பு பக்கத்திலிருந்து தகவல்களுக்காக நேயரை மற்ற தளத்திற்கு இழுப்பது மிக எளிதான ஒன்றாக இருக்க வேண்டும். அவை உடனடியாக இறக்கம் செய்யப்படும் வகையில் தரப்பட வேண்டும். எந்த பக்கத்தில் இருந்தாலும் பிற பக்கங்களுக்குச் செல்வதற்கு எளிதான வழி அமைத்துத் தரப்பட வேண்டும்.

13. விளம்பரம்

உங்கள் இணைய தளம் மூலம் பணம் சம்பாதிப்பதற்காக விளம்பரங்களுக்கு இடம் தருவது தவறில்லை. ஆனால் அவை அளவுக்கு மீறி இடம் பெறக் கூடாது. இரண்டு விளம்பரங்களுக்கு மேல் இருப்பது சகித்துக் கொள்ள முடியாததாக இருக்கும்.

14. பாதுகாப்பு

இணைய தளத்தின் மிக முக்கியமான ஓர் அம்சம் அதன் பாதுகாப்பு. உங்கள் இணைய தளத்தினுள் யாரும் நுழைய முடியாதபடி பாதுகாப்பு வளையங்களை அமைத்து அவற்றை அடிக்கடி மாற்றி மாற்றி அமைத்துவிட வேண்டும்.


உங்கள் இணைய தளப் படங்களை பிறர் திருடாமலிருக்க செய்ய வேண்டியவை

பலரும் தங்களிடம் உள்ள தகவல்கள் மற்றும் அவை சார்ந்த படங்களை இணைத்து இணைய தளங்களை அமைக்கிறார்கள். ஆனால் இந்த தளங்களைப் பார்க்கும் நேயர்கள் இவற்றில் உள்ள படங்களை அப்படியே காப்பி செய்து தங்களுடைய விருப்பப்படிப் பயன்படுத்துகிறார்கள். சிலர் அவற்றை மற்றவர்களுக்கு விற்று விடுகிறார்கள். சிலரோ அவற்றைக் கீழ்த் தரமாகவும் பயன்படுத்துகின்றனர். இந்த திருட்டை எப்படித் தடுப்பது? இது குறித்த சில தகவல்களை இங்கு பார்ப்போம். இணைய தளங்களில் பொருத்தப்பட்டு காட்சியளிக்கிற படங்களை காப்பி செய்ய முடியாதவாறு தடுக்க சில வழிகள் உள்ளன. உங்கள் வழிகளை மீறி படங்களைச் சாதாரண பயனாளர்களால் காப்பி செய்ய முடியாது. ஆனால் கம்ப்யூட்டர் விற்பன்னர்களால் காப்பி செய்ய முடியும்.

ரைட்கிளிக் செய்வதை தடுக்க:

பொதுவாக ஓர் இணைய தளத்தில் உள்ள படத்தால் ஈர்க்கப்பட்டவர் அதை காப்பி செய்ய அதை ரைட்கிளிக் செய்வார். மெனு கிடைக்கும். அதில் Save Image As என்பதைப் போன்ற கட்டளை தெரியும். அதை கிளிக் செய்தால், அந்தப் படம் அவர் கம்ப்யூட்டரில் சேமிக்கப்படும். எனவே ஜாவாஸ்கிரிப்டை பயன்படுத்தி, ரைட்கிளிக் செய்தால் மெனு கிடைக்காதவாறு செய்து விட வேண்டும். மெனு கிடைக்காததால் Save Image As கட்டளையை அவரால் செயல்படுத்த முடியாது. ரைட்கிளிக் செய்யும் பொழுது கிடைக்கிற மெனுவில் வேறு நல்ல பயனுள்ள கட்டளைகளும் உள்ளன. எனவே ரைட்கிளிக்கால் கிடைக்கிற மெனுவைத் தடுத்துவிட்டால், அந்த நல்ல கட்டளைகளை உங்கள் இணைய தளத்துக்கு வருபவர்களால், உங்கள் வெப் தளத்தில் பயன்படுத்த முடியாமல் போய்விடும். எனவே அவர்களுக்கு எரிச்சல் ஏற்படும். மீண்டும் உங்கள் தளத்துக்கு வரமாட்டார்கள்.

வேறு படத்தை காப்பி செய்யும்படி ஏமாற்ற:

ரைட்கிளிக் செயலை ஜாவாஸ்கிரிப்ட் மூலம் தடுக்கக் கூடாது என்பதை ஒப்புக் கொள்வீர்கள் அல்லவா? Rollover என்ற ஜாவாஸ்கிரிப்ட் அம்சத்தை பயன்படுத்த வேண்டும். யாரும் காப்பி செய்யக் கூடாது என நீங்கள் நினைக்கிற படத்தை வெப் பக்கத்தில் காட்டுங்கள். மவுஸை அந்த படத்தின் மேல் கொண்டு சென்றால் வேறு படம் தெரியும்படி, ஜாவாஸ்கிரிப்டில் Rollover கட்டளையில் கூறிவிடுங்கள். எனவே உங்கள் வெப் பக்கத்தை பார்வையிடுபவருக்கு அந்த படம் தெரியும். ஆனால் அதை காப்பி செய்ய மவுஸை அதன் மேல் கொண்டு போனால் அந்த படம் மறைந்து வேறுபடம் காட்சியளிக்கும். எனவே ரைட் கிளிக் மூலம் காப்பி செய்தால் அந்த புதிய படம்தான் அவர் கம்ப்யூட்டரில் காப்பியாகும். எப்போதும் உங்கள் படம்தான் தெரிய வேண்டும் மவுஸைக் கொண்டு போனவுடன் வேறு படம் தெரியக் கூடாது என நினைத்தால் அதற்கும் வழி உள்ளது. Transparent Gif படத்தை உருவாக்கி கொள்ளுங்கள். பிறகு Embedded style sheet மூலம் அந்த Transparent Gif படத்தின் கீழே உங்கள் படத்தை வைத்து விடுங்கள். உங்கள் படத்தின் மேலே கண்ணாடி காகிதம்போல் Transparent Gif வீற்றிருப்பதால் யாருக்கும் எந்த சந்தேகமும் ஏற்படாது. ரைட்கிளிக் செய்து படத்தை காப்பி செய்கிறவர்களுக்கு கண்ணாடி காகிதமான Transparent Gif படமே காப்பியாகும். அதன் கீழேயுள்ள உங்கள் படம் காப்பியாகாது.

படத்தைத் துண்டுகளாக மாற்றி வெப் தளத்தில் போட:

ஒரு படத்தை அப்படியே உங்களது இணையப் பக்கத்தில் வைக்காதீர்கள். அதைப் பல துண்டுகளாகப் பிரித்து அந்த துண்டுகளை வெப் பக்கத்தில் அமைத்திடுங்கள். எனவே உங்கள் படத்தை காப்பி செய்ய விரும்புகிறவர் அந்த துண்டுகளையெல்லாம் காப்பி செய்து பின்பு ஏதாவது இமேஜ் எடிட்டிங் புரோகிராம் கொண்டு அவற்றை ஒட்ட வைக்க வேண்டும். இந்த எரிச்சல் பிடித்த வேலைக்கு பயந்து அந்த துண்டுகளை காப்பி செய்யாமல் விட்டுவிடுவார்கள்.

படத்தினுள் வாட்டர் மார்க்கை நுழைக்க:

படத்தை அப்படியே வெப் பக்கத்தினுள் கொண்டு வரக்கூடாது. அந்த படத்தின் உள்ளே உங்கள் பெயர் அல்லது வேறு ஏதாவது எச்சரிக்கைச் செய்தியை வாட்டர் மார்க்காக நுழைத்து விட வேண்டும். படத்துக்கு இடையூறு இல்லாமல் ஆனால் படத்தை காப்பி செய்பவர்களுக்கு அது பயன்படாதவாறுவாட்டர் மார்க் இருக்க வேண்டும். ஏதாவது இமேஜ் எடிட்டிங் சாப்ட்வேர் கொண்டு வாட்டர் மார்க்கை உருவாக்கலாம். யார் கண்களுக்கும் தெரியாத வாட்டர் மார்க்கை உருவாக்கலாம். இதற்கெனவே சில சாப்ட்வேர்கள் உள்ளன. எடுத்துக்காட்டாக Digimare (www.digimare.com) என்ற சாப்ட்வேர் மூலம் கண்ணிற்கு தெரியாத வாட்டர் மார்க்கை உங்கள் படத்தினுள் உருவாக்கலாம். வாட்டர் மார்க் தெரியாததால் எல்லாரும் உங்கள் படத்தை காப்பி செய்யலாம். ஆனால் அப்படி காப்பி செய்தவர்கள் மீது சட்டப்படி நீங்கள் நடவடிக்கை எடுக்க முடியும்.